Kópavogsblaðið - 01.12.2007, Blaðsíða 17

17KópavogsblaðiðDESEMBER 2007
Í haust fór af stað tilraunaverk-
efni í Kópavogsskóla um aukin
völd foreldraráðsins. 20. nóvem-
ber sl. skrifaði foreldraráð Kóp-
vaogsskóla undir samstarfssamn-
ing við nokkur fyrirtæki. Að
undanförnu hefur Foreldraráð
Kópavogsskóla unnið að því að
fá aðila á atvinnumarkaði, svo-
nefnda bakhjarla, til samstarfs
um tiltekna þætti skólastarfsins.
Á næstu tveimur árum vill for-
eldraráðið í samráði við skóla-
stjóra og sbr. sérstakan samning
við Kópavogsbæ og skv. niður-
stöðum gæðakannana leggja sér-
staka rækt við list- og verkgrein-
ar í upphafi skólagöngu nem-
enda og koma þannig til móts
við fjölgreindarkenningar How-
ards Gardners, samfara einstak-
lingsmiðaðri kennslu og aukinni
fjölbreytni náms svo að nemend-
ur verði betur undir það búnir
að takast á við nám í kjarnagrein-
um á síðari námsstigum og velja
sér nám við sitt hæfi. Sex bak-
hjarlar gengu til liðs við skólann
um að ná þessum markmiðum,
hver með sínum hætti.
Kópavogsskóli tók til starfa á
Digraneshálsinum 12. janúar
1949, ári eftir að Kópavogur varð
sérstakt sveitarfélag. Skólahúsið
varð brátt miðstöð sveitar- og
félagsmála og því má segja að
saga Kópavogsskóla sé samofin
sögu sveitarfélagsins fyrstu ára-
tugina. Í Kópavogsskóla hefur
löngum verið rekið metnaðarfullt
skólastarf sem athygli hefur vakið
bæði innanlands sem utan. Allt
frá árinu 1990 hefur verið rekið
umfangsmikið þróunarstarf í Kópa-
vogsskóla sem sérstaka athygli
hefur vakið. Öll þessi þróunar-
verkefni hafa átt það sammerkt
að stuðla að sjálfstæði skóla,
fjárhagslegu og faglegu, og gefa
foreldrum, nemendum og starfs-
mönnum möguleika til þátttöku
í kerfisbundinni ákvörðunartöku
um málefni skólans. Á þessum
árum hefur Kópavogsskóli fengið
styrk úr Þróunarsjóði grunnskóla
oftar en aðrir skólar og verið til-
nefndur til fjölda viðurkenninga.
Árið 1995 hlaut Kópavogsskóli
viðurkenningu regnhlífarsamtak-
anna Öryggi barna fyrir öryggis-
mál, árið 2000 Foreldraverðlaun-
in fyrir heildrænt stjórnkerfi og
vorið 2006 Hvatningarverðlaun
Skólanefndar Kópavogs fyrir öfl-
ugt foreldrastarf og kerfisbundna
þátttöku foreldra í stjórn skólans.
Þá hefur árangur skólans á sam-
ræmdum prófum jafnan vakið
athygli. Á yfirstandandi ári var
starfsemi foreldraráðs skólans til-
nefnd til Foreldraverðlaunanna.
Hinn 10. febrúar 2006 undirrit-
aði Foreldraráð Kópavogsskóla og
skólastjóri sérstakan samning við
Kópavogsbæ um aukið hlutverk
foreldraráðsins sem m.a. gerir ráð
fyrir aðkomu ráðsins að ráðningu
skólastjóra. Ennfremur heimilar
samningur þessi foreldraráðinu
að leita til sérstakra bakhjarla
í atvinnulífinu til styrktar þeim
áherslum sem það kýs að leggja í
skólastarfinu í góðri samvinnu við
skólastjóra hverju sinni.
Þessir bakhjarlar Kópavogs-
skóla eru Hreint ehf., Landsvirkj-
un, Milestone, OLÍS hf., Samskip
hf. og Toyota hf.
Jón Ólafur Halldórsson, formað-
ur foreldraráðsins var spurður af
hverju foreldraráðið hefur sóst
eftir auknum áhrifum um stjórn
skólans.
“Fljótlega var sest á fundi með
skólastjórnendum þ.e. einu sinni
í mánuði, og hafa þeir fundir hald-
ist óslitið síðan. Á þessum fund-
um eru rædd öll mál sem snerta
skólann, s.s. rekstur hans. Eitt af
því fyrsta sem við töldum veru-
lega ábótavant, var að skólastjórn-
edur höfðu ekki tök á fjármunum
skólans nema að mjög litlu leyti
og vissu í raun ekki hvernig rekst-
urinn gekk. Því varð það eitt af
fyrstu verkefnum okkar að semja
við bæinn um fjárhagslegt sjálf-
stæði skólans til að fá betri nýt-
ingu á það fjármagn sem veitt er
til skólastarfsins. Þetta var árið
1997 og nokkrum árum síðar var
þessu fyrirkomulagi komið á við
alla skóla í Kópavogi . Síðan þá
hefur skólinn haft möguleika á að
nýta fjármagn til ýmissa verkefna
með ráðdeild og sparsemi af fram-
lagi bæjarins til rekstursins. Við
að ná þessum áfanga töldum við
einsýnt að við sem foreldrar ætt-
um möguleika á frekari samstarfi
við bæjaryfirvöld um rekstur skól-
ans á ýmsum vettvangi og höfum
við m.a. innleitt í samstarfi við
skólastjórnendur skólans gæða-
kerfi sem styðst við siðferðileg
reikniskil og tryggir aðkomu allra
hagsmunaaðila við skólann við öll
meiri háttar mál. Ennfremur er
þetta kerfi viðurkennt sem verk-
færi við sjálfsmat skólans sem er
bundið í lög. Að okkar mati er
það skylda allra foreldra að láta
sig skólamál varða og beita sér
fyrir bættum árangri, aðbúnaði
og nýjungum í skólastarfinu. Það
gerist fyrst og fremst með beinni
þátttöku foreldra á öllum sviðum
skólans.”
- Um hvað snúast þessir sam-
starfssamningarnir sem fyrirtækin
sex skrifuðu undir við foreldrafé-
lagið?
“Samningarnir við fyrirtækin
snúast um stuðning þeirra við
skólastarfið næstu þrjú árin. Þeim
fjármunum verður varið í skil-
greint verkefni sem snýr að því
að auka vægi verk- og listgreina
við skólann samfara einstakling-
smiðuðu námi. Þetta verkefni
tekur mið af fyrstu fjórum skóla-
stigunum þ.e. 1. - 4. bekk, og er
byggt á kenningum Howard Gar-
dner um fjölgreindir nemenda.
Við höfum lesið það út úr gæða-
könnunum okkar við skólann
undanfarin ár, að óskir foreldra,
nemenda og kennara hafa verið í
þessa átt þar sem að hefðbundið
nám grunnskóla í dag tekur meira
mið af nemendum sem hafa góða
rökhugsun og málþroska en sinn-
ir minna öðrum hæfileikum og
greind eintaklinga. Þar má nefna
tónlist, samskipti, rúmskynjun,
listir o.fl. sem skipta sköpum þeg-
ar til lengri tíma er litið og tryggir
betur réttan undirbúning til frek-
ar náms fyrir alla nemendur.
Skólinn fær með þessum samn-
ingum fjármagn til að ýta þessu
verkefni af stað, undirbúa nám-
skrá og einnig fáum við svigrúm
til að samþætta þessa breytingu
skólastarfinu að öðru leyti.
Fyrirtækin hafa í sjálfu sér ekki
beinan hag af þessu samstarfi en
að þau eru að sýna kjark og frum-
kvæði gagnvart grunnskólastarfi.
Það er vel þekkt að fyrirtæki
styrkja íþróttir og listir sem sómi
er af en þetta er í fyrsta sinn svo
við teljum að fyrirtæki taki beinan
þátt í grunnskólastarfi.
Ég tel það hlutverk allra for-
eldra að láta sig menntun barna
sinna sig varða. Við höfum séð
að með vinnu og áhuga er hægt
að hafa áhrif á gang mála og að
skólinn sé samstarfsverkefni
foreldra, kennara og stjórnmála-
manna og með því að vinna náið
saman verði náð hámarksárangri í
menntun nemenda og í rekstri við-
komandi stofnanna. Hvort þessi
leið sé sú besta verður reynslan
að skera úr um,” segir Jón Ólafur
Halldórsson.
Bakhjarlar skólastarfs Kópavogs-
skóla staðfesta viljayfirlýsingu
Við undirritun. Kristjana Þórey Guðmundsdóttir frá Landsvirkjun,
Ásbjörn Gíslason, Samskip hf., Karl Wernersson, Milestone; Magnús
Kristinsson, Toyota; Guðmundur Jónsson frá Hreint ehf. og Einar
Benediktsson, OLÍS. Aftan við standa stjórnarmenn í foreldrafélaginu
og skólastjórnendur Kópavogsskóla.
Alhliða snyrting
fyrir konur og karla
Hamraborg 10 • 200 Kópavogur • sími 554-4414
Tryggvagata 28 • 101 Reykjavík • sími 552-5005
www.snyrtistofa.is
Erum með tilboðsverð
á píanóum í tilefni af
opnun nýrrar verslunar,
mikið úrval. Jólatilboð
Rángárseli 6. gengt Seljakirkju Breiðholti
Reykjanesbraut
Skógarsel
Breiðholtsbraut
Kaupi
hljómplötur
(LP) rokk, jazz og íslenskt.
Annað kemur til greina.
Ingvar sími: 699 3014
& 534 9648.
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Alhliða snyrting
fyrir konur og karla

Gjafa rt í snyrtingu
notaleg jólagjöf