Kópavogsblaðið - 01.12.2007, Blaðsíða 21

Forseti Alþingis, Sturla Böðv-
arsson, opnaði Skólaþing,
kennsluver Alþingis fyrir efstu
bekki grunnskóla, 23. nóvem-
ber sl. Fyrstu “þingmenn” Skóla-
þings voru nemendur í 9. bekk
Lindaskóla.
Á Skólaþingi fara nemendur í
hlutverkaleik og fylgja í stórum
dráttum reglum um starfshætti
Alþingis. Öllum grunnskólum í
landinu verður sent bréf til kynn-
ingar á starfsemi Skólaþings.
Skólaþing er til húsa í Austur-
stræti 8-10 í rúmlega 300 fermetra
húsnæði. Miðað er við að einn
bekkur komi í Skólaþing í einu
og heimsóknin taki um tvær og
hálfa klukkustund. Á þeim tíma
fá nemendur tækfæri til að setja
sig í spor þingmanna með því að
leiða ákveðin mál sem fyrir þá eru
lögð til lykta á þingflokksfundum,
nefndafundum og þingfundum.
Jafnframt munu nemendur heyra
rök álitsgjafa. Þannig er ætlunin
að veita innsýn í sambandið milli
atburða í samfélaginu, skoðana-
myndunar, pólitískra ákvarðana
og starfa Alþingis og sýna áhrif
almennings, sérfræðinga, fjöl-
miðla og hagsmunaaðila á lög-
gjafarstarf. Nemendur komast að
niðurstöðu með því að hlusta og
meta rök og álit annarra, tjá eigin
skoðun, taka afstöðu og ná mála-
miðlun.
Með kennsluverinu er komið
til móts við áhuga skóla á því að
koma með nemendur í vettvangs-
ferðir á Alþingi en á síðasta ári
heimsóttu hátt í 3000 grunnskóla-
nemar þingið. Skólaþinginu er
þannig ætlað að auka fjölbreytni
í fræðslu um Alþingi og er skólum
boðið að nýta þennan möguleika
en jafnframt verða hefðbundn-
ar skoðunarferðir áfram í boði.
Hjá efri bekkjum grunnskóla eru
heimsóknirnar gjarnan í tengsl-
um við kennslu í lífsleikni og
þjóðfélagsfræði en í aðalnámskrá
grunnskóla eru m.a. sett fram þau
markmið fyrir kennslu í þessum
greinum að miða skuli að því að
auka skilning nemenda á reglum
samfélagsins og hvar þær eru sett-
ar. Fyrsta kennsluver þjóðþings af
þessu tagi var opnað árið 2003 við
danska þingið og síðan hafa verið
sett upp sams konar kennsluver
við norska og sænska þingið.
21KópavogsblaðiðDESEMBER 2007
BORG
6591159
FRÍTT
VERÐMAT!
TOPP ÞJÓNUSTA
6599606
www.remaxeignir.com
Alla morgna er
opið frá 8:00 til 13:00
fyrir göngufólk

Fimmtudagar 10:00 til 12:00,
Ýmsir leikir í Fifunni
Krokket Boccia
Eldri borgarar -
hreyfing í Fífunni
Nemendur Lindaskóla fyrstu “þingmenn” Skólaþings
Forseti Alþingis, Sturla Böðvarsson, opnar Skólaþing. Nemendur Lindaskóla við skjái, sem er hluti “þingstarfanna.”
Börn í kór Digranesskóla sungu fyrir þá sem komu á laufabrauðsdag í skólanum fyrir skömmu.