Jökull - 01.12.1958, Page 27

Með þessu var brotið blað í ferðamennsku
íslendinga um öræfi og hájökla landsins.
Sumarið 1953 fór Guðmundur fyrstu ferð
sína á Vatnajökul vestan frá, upp Tungnár-
jökul til Grímsvatna og þaðan í Kverkfjöll og
á Bárðarbungu i bakaleið. Níu menn voru í
þeirri för, fararstjórar Árni Kjartansson og Sig-
urður Þórarinsson.
Síðan hafa verið gerðir á vori hverju leið-
angrar á Vatnajökul bæði til gagns og skemmt-
unar, og hefur um þá verið hin fyllsta sam-
vinna milli Jöklarannsóknafélagsins og Guð-
mundar. Haustferðir hafa verið farnar til Gríms-
vatna 1957 og 1958. Haustið 1955 fór Guð-
mundur einnig víða um Vatnajökul til jress að
setja upp landmælingamerki, og vorið eftir fór
hann aðra landmælingaferð á sömu slóðir.
Öll árin frá 1954 hefur þannig staðið á ferð-
um, að Guðmundur Jónasson hefur átt afmælis-
dag sinn, 11. júní, tippi á Vatnajökli. Vorið
1954 var þess minnzt með notalegu samsæti í
Tjaldskarði á Öræfajökli og 1955 var stórveizla
á Pálsfjalli sjálfu í Vatnajökli.
Og nú, þegar þetta er ritað, nálægt 50 ára
afmælisdegi Guðmundar, er hann enn staddur
á Vatnajökli í annarri hópferð af þremur. Um
60 manns taka þátt í þessum þremur liópferð-
um og liefur aldrei slíkur mannfjöldi sótt til
Vatnajökuls í einum og sama mánuði.
Samskipti félags vors og Guðmundar Jónas-
sonar eru orðin alllöng og margþætt. Ég minn-
ist þeirra með mikilli ánægju, og hið sama þori
ég að mæla fyrir munn annarra samferðamanna.
Guðmundur Jónasson hefur flesta þá kosti,
sem góðan ferðamann mega prýða.
Ivappsamur er hann og óragur, án fress að
vera fífldjarfur. Hann er flestum ratvísari. Sjón
hefur hann skarpa með afbrigðum, og óglögg
má sú bílslóð vera, að Guðmundur Jónasson
geti ekki fylgt henni.
Forsjálni Guðmundar á ferðalögum er með
eindæmum. Á langri leið verður ekki umflúið,
að eitthvað bili í bíl eða öðrum fargögnum.
En oftast dregur þá G. J. varahlut upp úr pússi
sínum eða hann tekur lóðbolta og gerir við,
því smiður er hann ágætur.
Meðan flest stórvötn voru óbrúuð og hestur-
inn var eina farartækið, þótti það mikið lofs-
yrði að vera góður vatnamaður og kunna að
velja vöð. Nú þarf sjaklan að velja hestum vöð,
en hitt er orðið engu síður vandaverk, að velja
bílum vöð yfir stórvötnin í óbyggðum landsins.
í því hefur Guðmundur reynzt stórsnjall, og
kemur Jjar allt til í senn, þekking hans á
straumvötnum, áræði og ósérhlífni. Hann fer
aldrei yfir Tungná í fyrstu ferð á vorin án
þess að vaða hana fyrst og kanna dýpi og botn-
lag. Þeir einir, sem séð hafa Tungná í vorflóði,
geta fyllilega skilið, hvað hér er um að ræða.
Nú, þegar Guðmundur Jónasson hefur runn-
ið hálfrar aldar skeið á lífsleið sinni, færi ég
honum beztu þakkir f. h. Jöklarannsóknafélags
íslands fyrir mikið og ósérhlífið starf í þágu
þess. Sjálfur vil ég þakka honum fararheill hans
og trygga vináttu.
Óska ég svo Guðmundi og fjölskyldu hans
heilla og liamingju á ókomnum árum.
Jón Eyþórsson.
Flatarmál nokkurra íslenzkra jökla
samkvæmt herforingjaráðskortunum.
Area of ihe Biggest Glaciers in Iceland
acc. to the Geodatic Institute Maps.
Að tilmælum Menntamálaráðs voru fyrir
nokkrum árum gerðar nákvæmar flatarmæling-
ar á íslenzkum jöklum eins og þeir eru upp-
mældir á herforingjaráðskortunum. Það skal
tekið fram, að þótt flatarmælingin sem slík sé
nákvæm er ekki þar með gefið, að flatarmál
jöklanna sé rétt. Meðal annars stafar þetta af
því, að mæling sumra jöklanna, svo sem Vatna-
jökuls, nær yfir áratugi, þannig að kortin sýna
alls ekki stærð jökulsins í heild eins og hún er
eitthvert ákveðið ár. Hér er birt flatarmál
stærstu jöklanna samkvæmt ofangreindum mæl-
ingum.
Vatnajökull ......... 8538 km2
(Þar af jökulvana svæði 63 km2).
Langjökull............. 1022 km2
Hofsjökull ............. 996 —
Mýrdalsjökull .......... 701 —
Drangajökull ............ 199 —
Eyjafjallajökull ....... 107 —
Tungnafellsjökull ... 50 —
Þórisjökull ............. 33 —
Þrándarjökull ........... 27 —
Tindfjallajökull ........ 27 —
Eiríksjökull ............ 23 —
Snæfellsjökull ........... 22 —
Torfajökull .......... 21 S.Þ.
25