Þjóðmál - 01.03.2013, Síða 7

6 Þjóðmál voR 2013
degi fólust í markvissri viðleitni til að
innleiða skattastefnu þar sem vegið var
að fyrirtækjum og stjórnendum þeirra . Í
inngangi stefnuyfirlýsingarinnar sagði:
Í nýafstöðnum kosningum veitti meiri-
hluti kjósenda jafnaðarmönnum og félags-
hyggjufólki skýrt umboð til að halda áfram og
leiða til öndvegis ný gildi jöfnuðar, félagslegs
réttlætis, samhjálpar, sjálfbærrar þróunar,
kvenfrelsis, siðbótar og lýðræðis . Ný ríkisstjórn
starfar með þessi gildi að leiðarljósi í því skyni
að skapa norrænt velferðarsamfélag á Íslandi,
þar sem almannahagsmunir eru teknir fram
yfir sérhagsmuni .
Menn þurfa ekki að vera hámenntaðir
í stjórnmálafræði til að átta sig á að þessi
texti snýst um að koma hér á sósíalísku
samfélagi þar sem slegið er á framtak og
frum kvæði í nafni „félagslegs réttlætis“ . Al-
manna hagsmunum er stefnt gegn sér hags-
munum, en stjórnarherrarnir líta til dæmis
á útgerðarmenn sem helstu fulltrúa sérhags-
muna í landinu . Aðför skyldi gerð að þeim
í nafni almannahagsmuna og hefur hún
staðið allt kjörtímabilið .
Fyrir landsfund Sjálfstæðisflokksins í
nóvember 2011 lagði stjórn SA lykkju á
leið sína og samþykkti með 10 atkvæðum
gegn 6 en tveir stjórnarmanna sátu hjá:
„Samtök atvinnulífsins leggjast gegn því að
aðildarumsókn að Evrópusambandinu verði
dregin til baka og aðildarviðræðum slitið .
Samtökin telja að leiða eigi viðræðurnar
til lykta . Samningurinn yrði síðan lagður
fyrir þjóðina til samþykktar eða synjunar
í þjóðaratkvæðagreiðslu .“ Með þessu vildi
stjórnin koma sér í mjúkinn hjá ríkis-
stjórninni en storka þeim sem sóttu lands-
fund sjálfstæðismanna . Tillaga um að halda
ESB-viðræðunum áfram hlaut ekki sam-
þykki landsfundarfólks sem vildi að gert
yrði hlé á viðræðunum .
Stjórn SA samþykkti einnig í nóvember
2011 ályktun þar sem mótmælt var nýjum
og síhækkandi sköttum sem einungis voru
taldir til þess fallnir að draga úr þrótti
atvinnulífsins, fresta fjárfestingum og koma
í veg fyrir framkvæmdir .
Aðilar vinnumarkaðarins unnu með
ríkisstjórninni undir merkjum stöðug-
leikasáttmálans þar til upp úr sauð .
Fimmtudaginn 13 . desember 2012 birti ASÍ
heilsíðuauglýsingu í Fréttablaðinu þar sem
bent var á atriði sem ASÍ taldi ríkisstjórnina
hafa lofað í tengslum við gerð kjarasamning
vorið 2011, en ekki efnt . ASÍ taldi með
öðrum orðum að ríkisstjórnin hefði ekki
staðið við stöðugleikasáttmálann .
Upphlaup varð á stjórnarheimilinu vegna
auglýsingar ASÍ og oddvitar ríkis stjórn ar-
innar létu stór orð falla í garð sambandsins og
þó einkum um Gylfa Arnbjörnsson for seta
þess . Hittust þeir í umræðuþáttum í ríkis-
út varpinu Gylfi og Steingrímur J . Sig fús son
at vinnuvegaráðherra . Var ráð herr ann hinn
versti og sakaði forseta ASÍ um að móðga
sig . Stjórnmálasambandi ríkis stjórnar inn-
ar og ASÍ var slitið í beinni útsend ingu og
lauk þar með þjóðarsamstöðu um stöð ug-
leika vegna svika ríkisstjórnarinnar, að mati
ASÍ og móðgunargirni Steingríms J .
III .
Ístefnuyfirlýsingunni frá 10 . maí 2009 segir að forsætisráðherra
muni „láta vinna yfirlit um stöðu og
þróun á lykilstærðum í samfélags- og
efnahagsmálum til að skilgreina nánar
þann vanda sem við er að glíma og
framtíðarvalkosti, s .s . í ríkisfjármálum,
gjaldmiðilsmálum, atvinnulífi, húsnæðis-
málum, jafnréttismálum, byggðamálum,
löggæslumálum auk annarra mikilvægra
samfélagsmála“ . Til verksins verði m .a .
kvaddar fagstofnanir og sérfræðingar úr
háskóla- og rannsóknasamfélaginu . Slíkt