Þjóðmál - 01.03.2013, Síða 30

Þjóðmál voR 2013 29
Eiður S . Guðnason / Einar Benediktsson
Hinn þögli Kínaher
Áfáum árum hafa völd og áhrif kín-verska stórveldisins aukist og eflst um
víða veröld meira en flestir hafa sennilega
gert sér grein fyrir . Hér á okkar slóðum fara
umsvif Kínverja vaxandi — Kínverjar huga
að námuvinnslu og gerð hafna og flugvalla
á Grænlandi og hafa gert tilraun til stór-
felldra landakaupa á Íslandi . Tengsl þessa
stórveldis við Bessastaði og embætti forseta
Íslands virðast ótrúlega náin .
Þegar horft er til þróunar undanfarinna
ára má ekki gleyma því að í aldaraðir var
Kína eitt voldugasta ríki veraldarinnar .
Þaðan komu ótrúlega margar þeirra upp-
finninga sem við njótum góðs af enn
þann dag í dag . Síðan upplifðu Kínverj-
ar niður lægingartímabil, þegar stórveldi
heims ins höfðu þá undir hælnum . Kín-
verska þjóðin er langminnug og þetta er
ekki gleymt . Tuttugasta öldin færði þeim
lýðveldis stofnun 1911 sem fljótlega fór
þó út um þúfur . Fyrri hluti aldarinnar var
tíma bil átaka . Stríðsherrar réðu ríkjum,
sam felld innanlandsátök, innrás Japana og
grimmdar verk í Mansjúríu og svo stofn-
un hins kommúníska Kína 1949 . Undir
mistækri mannhatursstjórn þoldu Kín-
verjar hungursneyð (1958 til 1961 — talið
að allt að 45 milljónir hafi soltið í hel),
menningarbyltingu, þar sem allt að 30
milljónir manna kunna að hafa látið lífið,
og fleiri hörmungar uns Deng Xiaoping
beitti sér fyrir opnun og breytingum sem á
endanum hafa leitt til þess að Kína er nú
hinn raunverulegi alþjóðabanki og mesta
viðskiptaveldi veraldar .
Sé það stefna kínverskra stjórnvalda að
ná heimsyfirráðum blasir það annars vegar
við að á fáum árum hafa völd og áhrif Kína
í veröldinni aukist í risaskrefum og hins
vegar að skort hefur aðra sýn en tölfræði og
talnaraðir á þessa furðulegu þróun .
Nýlega réðust tveir blaðamenn, þeir
Cardenal og Araújo, sem sem um árabil
hafa starfað í Kína, í að kynna sér umsvif
Kínverja og áhrif um víða veröld . Eftir
250 þúsund kílómetra ferðalög í lofti og
á landi um tuttugu og fimm lönd liggur
nú fyrir mögnuð frásögn þeirra í bókinni
China´s Silent Army — Þögli Kínaherinn .1
Athyglisvert er hve víða þeir komu að
lokuðum dyrum í upplýsingaleit sinni og
hve ógagnsætt kínverska kerfið er .
Það voru Ólympíuleikarnir í Bejing sem segja má að hafi verið stökkpallurinn
fyrir hina gjörbreyttu ásýnd Kínverja í ver-
1 Juan Pablo Cardenal og Heriberto Araújo: China´s Silent
Army: the Pioneers, Traders, Fixers and Workers Who Are
Remaking the World in Beijing´s Image, Penguin, 2012 .