Þjóðmál - 01.03.2013, Qupperneq 55

54 Þjóðmál voR 2013
Kristjánssonar, bankastjóra Landsbankans,
og Helga S . Guðmundssonar, formanns
bankaráðs . Í bréfinu var „ólögmætum
aðgerðum“ bankans mótmælt harðlega .
Lagatúlkun bankans í bréfi tveimur dögum
áður var hafnað og „háttsemi LÍ“ sögð
fela í sér m .a . brot á reglum Kauphallar
Íslands, lögum um verðbréfaviðskipti
og lögum um viðskiptabanka . Vísað var
til þess að skýrt hefði verið tekið fram í
samkomulagi við bankann í júlí að báðir
„aðilar samkomulagsins geti hvenær sem
er „sagt upp þjónustu bankans“ . Skorað
var á Landsbankann að láta söluna ganga
til baka . Yrði málið þá látið niður falla
„eftirmálalaust“ . Einnig var áréttaður vilji til
að halda áfram viðræðum um kaup og sölu
á hlutabréfum í VÍS . Frestur Landsbankans
til að bregðast við tilboðinu var til kl . 14:00
daginn eftir, sem var mánudagurinn 26 .
ágúst . Ef kröfum yrði ekki mætt myndu
S-hóps-menn leita réttar síns, meðal annars
með kyrrsetningu seldu hlutana í VÍS með
lögbanni og ósk um að Kauphöll Íslands
og Fjármálaeftirlitið gripi til „viðeigandi
ráðstafana og viðurlaga eftir atvikum“ .35
Samskipti Landsbankans og S-hópsins
voru hér komin í hnút . Allt benti til þess að í
hönd færu nú deilur fyrir eftirlitsstofnunum
og jafnvel dómstólum . Til að varpa frekara
ljósi á samskipti beggja aðila er rétt að
vitna til draga að bréfi S-hópsins til
Kauphallar Íslands og Fjármálaeftirlitsins
dags . 28 . ágúst sem Kristinn Hallgrímsson
hrl . ritaði . Þar kemur fram nákvæm
útskýring á því sem gerst hafði . Var m .a .
greint frá samkomulaginu frá 12 . júlí,
afturköllun söluumboðs Landsbankans að
morgni 23 . ágúst og einnig að fyrir lægi
staðfesting Gunnars Viðar, forstöðumanns
lögfræðideildar bankans, á því „að salan
35 Bréf . Afrit af bréfi Kristins Hallgrímssonar f .h .
Eignarhaldsfélagsins Andvöku, Eignarhaldsfélagsins
Samvinnutrygginga, Kers hf . og Samvinnulífeyrissjóðsins
til Landsbanka Íslands, dagsett 25 . ágúst 2002 .
hafi farið fram eftir móttöku afturköllunar“
umboðsins umdeilda . Vísað var til þess að
óskað hefði verið eftir að hinu selda hlutafé
S-hópsins í Landsbankanum yrði skilað en
við þeirri kröfu hefði ekki verið brugðist,
enda hefði þáverandi lögmaður bankans
ítrekað í bréfi til S-hópsins að heimild hefði
verið fyrir sölunni . Þrátt fyrir sáttaumleitanir
dagana 26 . og 27 . ágúst hefði engin sátt
náðst milli deiluaðila . Af þessum orsökum
óskaði S-hópurinn þess að Kauphöllin og
Fjármálaeftirlitið tækju afstöðu, annars vegar
til þess hvort vinnubrögð Landsbankans
gætu „talist eðlileg“ og hins vegar til þess
hvort leiðrétta mætti hlutafjársöluna þar
sem hún hefði ekki stuðst við „lögmætar
heimildir“ að mati hópsins . Að lokum sagði
í bréfinu:
Jafnframt er þess krafist, ef niðurstaða mót-
takenda þessa bréfs verður sú að Landsbanki
Íslands hf . hafi brotið gegn reglum Kaup-
hallar Íslands hf . og/eða regl um um verð bréfa-
viðskipti og við skipta banka, þá verði bank inn
og/eða starfs menn hans látnir sæta ábyrgð að
lög um .36
Efni þessa bréfs, sem ekki var sent, sýnir
glöggt spennuna sem hafði myndast . Þó var
vilji til að leysa málin og ná sátt . Þegar líklegt
þótti að málinu yrði skotið til eftirlits stofn-
ana vegna ásakana um ólögmæta hluta bréfa-
sölu tóku menn innan Landsbankans málið
til frekari skoðunar . Halldór J . Kristjáns-
son segir að vissulega hafi skiptar skoðanir
verið uppi um hvor aðilinn hefði rétt inn
sín megin varðandi sölu á hlutabréfum
S-hópsins í VÍS . Tilkynningin um að málið
yrði kært hafi vissulega komið hreyfingu á
málið og ýtt við Landsbankamönnum að
36 Bréf . Drög að bréfi Kristins Hallgrímssonar f .h .
Eignarhaldsfélagsins Andvöku, Eignarhaldsfélagsins
Samvinnutrygginga, Kers hf . og Samvinnulífeyrissjóðsins
til Kauphallar Íslands hf . (Þórðar Friðjónssonar, forstjóra)
og Fjármálaeftirlitsins (Páls Gunnars Pálssonar, forstjóra),
dags . 28 . ágúst 2002 .