Dagblaðið Vísir - DV - 05.05.2017, Page 32
32 sport Helgarblað 5.–8. maí 2017
PePsi-deildin
byrjar
með
látum
P
epsi-deild karla fór af stað
um síðustu helgi en deildin
gæti orðið afar spennandi
í ár ef mið er tekið af fyrstu
umferðinni. Erfitt er þó að
fella stóra dóma eftir aðeins eina
umferð; KA snéri aftur í efstu deild
í fyrsta sinn frá árinu 2004 og lék sér
að liði Breiðabliks. FH og Valur byrj-
uðu bæði á góðum sigri en KR-ingar
töpuðu á heimavelli gegn Víkingi.
KA-menn sterkir
Eins og fyrr segir vann KA öruggan
3-1 sigur á Breiðabliki í 1. umferð
en liðið kemur til leiks með marga
frábæra leikmenn og gæti strítt
bestu liðum deildarinnar í sum-
ar. Á mánudag heimsækir liðið Ís-
landsmeistara FH í Kaplakrika og
eftir þann leik verður auðveldara að
dæma um styrkleika liðsins.
„Það hefur nú yfirleitt ver-
ið þannig að það er mjög erfitt að
spila á móti nýliðum í 1. umferð
Pepsi-deildarinnar. KA er með mjög
öfluga leikmenn sem hafa mikla
reynslu og ég held að þeir geti kom-
ið á óvart í sumar. Auðvitað var það
frekar óvænt að sigur þeirra á sterku
liði Blika væri svona sannfærandi
en KA geta orðið mjög öflugir í sum-
ar. Þeir eru með Guðmann Þóris-
son, sem er auðvitað algjör kóngur
þarna í hjarta varnarinnar. Hann er
ekki bara frábær leikmaður heldur
er hugarfar hans innan vallar einnig
frábært. Þú getur sagt það sama um
Almar Ormarsson og Steinþór Frey
Þorsteinsson sem eru mjög öfl-
ugir leikmenn, svo var gaman að
sjá hversu sterkur Hallgrímur Mar
Steingrímsson var í þessu liði. All-
ir þessir fjórir leikmenn myndu
styrkja hvert einasta lið í Pepsi-
deildinni, ég er sannfærður um það.
Þetta var mjög góður útisigur og svo
er eitthvað sem segir mér að á Ak-
ureyri muni liðið vera öflugt. Liðið
hefur ekki verið í efstu deild í mörg
ár og því ætti að myndast mjög góð
stemning. Ef KA getur gert heima-
völlinn sinn sterkan gæti liðið strítt
efstu liðum í allt sumar. Það verður
fróðlegt að sjá hvernig KA tekst að
eiga við þriggja manna vörnina sem
FH er að spila með, sóknarmenn
KA eru snöggir og gætu refsað FH
þar,“ sagði Pétur Pétursson, fyrrver-
andi landsliðsmaður í knattspyrnu,
um málið.
Ekki rétt að dæma
Breiðablik strax
Breiðablik stefnir á að verða Ís-
landsmeistari í sumar en mið-
að við frammistöðu liðsins í fyrsta
leik verður það ógjörningur. Pétur
telur þó ekki tímabært að dæma
Blika en margir hafa farið í sleggju-
dóma um liðið eftir 1. umferðina.
„Það kom kannski á óvart hversu
illa Blikar spiluðu í þessum leik en
að sama skapi getur maður sagt að
það er alltaf rosalega erfitt að mæta
nýliðum í 1. umferðinni, við sjáum
þetta nánast á hverju ári og þetta
ætti því ekki að koma á óvart
lengur. Við skulum samt ekki
vera að afskrifa Blika í einu
né neinu eftir bara einn leik,
þarna er mikið magn af flottum
knattspyrnumönnum og Arnar
Grétarsson er að fara inn í sitt
þriðja tímabil með liðið. Menn
skulu alveg róa sig í því að fara
í einhverja sleggjudóma um
liðið. Mér finnst þannig um-
ræða ekki tímabær.“
Það besta sem sést
hefur á Íslandi lengi
Íslandsmeistarar FH byrj-
uðu tímabilið með trukk og
dýfu þegar liðið heimsótti
Skagamenn í 1. umferð. FH
mætir til leiks með nýtt leikk-
erfi í sumar sem býður upp á mik-
inn sóknarleik. „Mér fannst kafli úr
þessum fyrri hálfleik hjá FH með því
besta sem sést hefur á Íslandi í mjög
langan tíma, boltinn gekk rosa-
lega vel á milli manna og Skaginn
var hálf meðvitundarlaus. Mað-
ur hugsaði nú með sér að
þetta gæti alveg eins end-
aði með 7-0 sigri FH.
Allt í einu var staðan
hins vegar 2-1 fyr-
ir Skagamenn og
þá hugsaði mað-
ur á móti að
FH mun líka
fá fullt af
mörkum á
sig í sum-
ar. FH
klárar
hins vegar leikinn
og þeir spiluðu mjög
vel, það vantaði varnar-
menn í lið FH og þeir
verða betri. Þetta 3-4-3
kerfi sem þeir nota í dag er
mjög skemmtilegt og gef-
ur marga möguleika. FH-
ingar eiga mikið hrós skilið
fyrir að þora að spila þetta
kerfi með bara einn mið-
vörð heilan heilsu,“ sagði
Pétur en Steven Lennon
sóknarmaður liðsins stal
senunni í 1. umferð og
skoraði þrennu.
„Mér hefur aldrei
fundist Lennon vera þessi
týpíski framherji sem spil-
ar alveg fremst á vellin-
um, hann gerði það síðustu
sumur en núna fer hann í
meira frjálst hlutverk í þessu
kerfi og getur verið að þvælast
úti um allt. Það hentar honum
vel og hentar FH líka mjög vel
að hafa hann svoleiðis.“
Hvað gera
Reykjavíkurliðin?
Valur byrjaði á sigri í 1. um-
ferð þegar liðið vann Víking
Ólafsvík og liðið er til alls líklegt.
„Mér fannst Valsliðið spila þenn-
an leik frábærlega, þeir þurftu
að hafa þolinmæði í þessum leik
og sýndu þar með ágætis þroska
í leik sínum. Ég er ekki á því að
þeir þurfi einhvern framherja til
að berjast þarna við toppinn í allt
sumar, ég held að Valur muni berj-
ast á fullu um titilinn með FH og
KR. Ég er sannfærður um að þeir
verði þarna, liðið hefur unnið
bikarinn síðustu tvö ár og haldið
kjarnanum í liðinu sínu. Valur er
alltaf að spila betur og betur og ég
sé ekki annað en að þeir verði í bar-
áttunni fram eftir öllu.
Á sama tíma og Valur vann góð-
an sigur tapaði KR frekar óvænt fyr-
ir Víkingi Reykjavík á heimavelli
sínum. „Það er ekki neitt nýtt að KR
tapi fyrsta leik á heimavelli, það hef-
ur oft gerst. Víkingar eru með mjög
fínt lið og eru mjög sterkir í taktík.
Það er ekki neitt vandamál hjá KR
þótt fyrsti leikur tapist. Þetta var
leikur sem bæði lið gátu unnið. Það
var vont fyrir KR að missa Kennie
Chopart út af meiddan og þá var
auðveldara fyrir Víkinga að loka
bara á Óskar Örn Hauksson. Chop-
art tekur athyglina aðeins frá Óskari
og gefur honum svæði. Ég sé ekki
annað en að KR verði í toppbar-
áttu.“ n
Hörður Snævar Jónsson
hoddi@433.is
Næsta umferð í
Pepsi-deild karla
Sunnudagur 7. maí
17.00 Stjarnan - ÍBV (Samsung-völlurinn)
19.15 Víkingur Ólafsvík - KR (Ólafsvíkurv.)
Mánudagur 8. maí
18.00 FH - KA (Kaplakrikavöllur)
19.15 Víkingur R - Grindavík (Víkingsvöllur)
19.15 ÍA - Valur (Norðurálsvöllurinn)
19.15 Fjölnir - Breiðablik (Exta-völlurinn)
n nýliðar Ka komu á óvart n Íslandsmeistarar FH
sýndu góða takta n Pétur Pétursson rýnir í spilin
Fór á
kostum
Steve Lennon
er í fantagóðu formi
um þessar mundir. Hann
skoraði þrjú mörk gegn ÍA í
fyrstu umferðinni um liðna helgi.