Dagblaðið Vísir - DV - 05.05.2017, Page 48

Helgarblað 5.–8. maí 2017
32. tölublað 107. árgangur Leiðbeinandi verð 785 kr. dv.is/frettaskot askrift@dv.is Sími 512 7000
Halelúja,
Herbert!
Herbert
í Jerúsalem
n Stórsöngvararnir Herbert Guð-
mundsson og Páll Rósinkranz eru
staddir í Jerúsalem þessa dagana
ásamt fríðu föruneyti. Hópurinn
er lúsiðinn við að skoða hin fjöl-
mörgu menningarlegu stórvirki
borgarinnar heilögu. Herbert
fann þó stund aflögu til þess að
bregða sér inn í skartgripaversl-
un eina og skoða hvort ekki væri
hægt að gera góð kaup. Í versl-
uninni var innlend popptónlist
á fóninum en skömmu síðar var
hans þekktasta lag, „Can´t Walk
Away“, farið að óma um búðina.
Samkvæmt heimildum DV
var búðareigandinn stór-
hrifinn og má leiða að því
líkum að hann hafi gefið
íslenska vini sínum
„sérstakt verð“.
Kostulegt samtal
á Alþingi
n Gunnar Hrafn Jónsson, þing-
maður Pírata, átti skemmtilegt
samtal við starfsmann Alþing-
is á dögunum. „Svona samtal
sem maður gengur frá og hugs-
ar með sér að það ætti að vera
skrifað niður einhvers staðar“,
eins og hann orðaði það á Face-
book-síðu sinni þar sem hann
birti útskrift af samtalinu:
„-Heyrðu, þú ert í tölvu-
deildinni, ég er í veseni með Q
(kú). Hafði verið frekar laus og
týndist svo bara, ég er búinn að
leita af mér allan grun í tösk-
unni. -Ha? -Eða, sko, mig vantar
bókstafinn kú, ekki
skepnuna. Hann
datt af fartölv-
unni. Ekki áttu
svoleiðis á lager?
-Jújú, það er held-
ur minna mál en
hitt, ég redda því.
Q4U.“
Þ
að kom enginn annar til
greina í hlutverkið. Heiðar
er frábær leikari,“ segir leik-
stjórinn Óskar Þór Axels-
son í samtali við DV. Í vikunni var
myndin „Ég man þig“ í leikstjórn
Óskars Þórs frumsýnd fyrir fullu húsi
í Háskólabíói. Myndin er byggð á
hrollvekjandi samnefndri skáldsögu
Yrsu Sigurðardóttur. Í veigamiklu
atriði í lok myndarinnar má greina
fjárfestinn og hagfræðinginn Heið-
ar Guðjónsson í hlutverki lögreglu-
manns og var blaðamaður forvitinn
að vita hvernig það kom til.
„Heiðar skilur einfaldlega út á
hvað þetta gengur. Hann ofleikur
aldrei og er bara eðlilegur í fasi fyrir
framan myndavélina. Ef taka þarf at-
riðið upp aftur þá framkvæmir hann
það möglunarlaust aftur og á ná-
kvæmlega eins hátt,“ segir Óskar Þór.
Hann og Heiðar eru skólafé-
lagar úr Verslunarskóla Íslands og
voru báðir í námi á sama tíma í New
York. „Við erum góðir vinir og ég fékk
Heiðar alltaf til þess að leika í skóla-
verkefnunum mínum. Eitt sinn tók
hann að sér hlutverk bankaræn-
ingja, með nælonsokk yfir andlitinu,
og fór gjörsamlega á kostum,“ segir
Óskar Þór og hlær. Í nýju myndinni
er Heiðar réttum megin við lögin en
kvikmyndahlutverk hans hefðu get-
að verið fleiri. „Hann var í litlu hlut-
verki í myndinni „Svartur á leik“ sem
ég leikstýrði. Þar var hann einnig
mjög góður en að lokum fannst mér
atriðið ekki passa í myndina og því
var atriði Heiðars klippt út úr lokaút-
gáfunni,“ segir Óskar Þór.
Að hans sögn voru það þó ekki að-
eins leiklistarhæfileikar Heiðars sem
tryggðu honum hlutverkið. „Hann er
mikill útivistarmaður og því vissi ég að
hann væri meira en til í að heimsækja
tökustað myndarinnar á Hesteyri. Síð-
an er hann bara afar samvinnuþýður,
hann er fyrsti maður á vettvang ef að
færa þarf til ljós eða færa tökubúnað
milli staða,“ segir Óskar Þór.
Hann var í skýjunum með við-
tökurnar á frumsýningu myndar-
innar. „Þetta var í fyrsta skipti sem
ég sýndi öðrum myndina og það er
auðvitað alltaf stressandi. Ég var hins
vegar snortinn yfir viðbrögðum áhorf-
enda. Sérstaklega var ánægjulegt að
hitta Yrsu og heyra að hún var ánægð,“
segir Óskar Þór. n bjornth@dv.is
„Heiðar er frábær leikari“
Fjárfestirinn í hlutverki lögregluþjóns í myndinni Ég man þig
Ég man þig Heiðar er betur þekktur sem fjárfestir og hagfræðingur en að sögn Óskar Þórs
Axelssonar, leikstjóra „Ég man þig“, ætti hann hiklaust að leika meira. samsett mynd dv