Dagblaðið Vísir - DV - 05.05.2017, Blaðsíða 52

STYTTIST
Í VEISLUNA
EUROVISION 2017
Elín fyllist mikilli gleði ár hvert þegar Eurovision-keppnir fara í gang víðs vegar um Evrópu,
enda mikill Eurovision-aðdáandi
og fer ekki leynt með áhuga sinn á
keppninni. Spennan magnast allt
þar til dagur lokakeppninnar fer
fram. Hér spáir Elín í framlögin í ár
og líklega sigurvegara.**
Pólitíkin er alltaf fyrir hendi
Það hefur sjaldan verið meiri spenna
eða meiri pólitík í aðdraganda
Eurovision en nú í ár. Í fyrra var það
hin glæsilega Jamala frá Úkraínu sem
bar sigur úr býtum með laginu 1944
sem fjallar auðvitað um brottflutn-
ing Rússa á Töturum frá Krímskaga
undir lok síðari heimsstyrjaldar.
Það bjuggust raunar fáir við því að
Jamala myndi sigra því í aðdraganda
keppninnar höfðu augu flestra
Eurovision-spámanna og veðbanka
beinst að rússneska „vélmenninu“
Sergey Lazarev. Hann mætti með
þrusuflottan Eurovision-slagara, full-
komna raddbeitingu og flutning, allar
tæknibrellurnar. Það mun seint líða
áhorfendum úr minni þegar sviðið fór
á hlið og Sergey fór að snúast í hringi
í loftinu. Þetta voru sjónhverfingar á
einhverju nýju stigi sem höfðu ekki
sést áður í Eurovision. Það var því
áfall fyrir Rússa að tapa og hvað þá
að tapa fyrir hinu mjög svo pólitíska
framlagi Úkraínu.
Evrópa sameinast um að hafa gaman
Sagan hefur þó kennt okkur að
þegar kemur loksins að keppninni
og undanriðlarnir hefjast, hvað
þá þegar lokakvöldið hefst,
þá sameinast Evrópa
nokkurn veginn öll í því
að hafa gaman. Þetta
er nú einu sinni þegar
öllu er á botninn hvolft
svo strangheiðarlegt
stuð! Þetta er algjör
veisla. Langflestir
finna sér partí,
meira að segja
mestu sófakartöfl-
ur klæða sig í buxur
og fara út meðal fólks.
Gestgjafar Eurovision-
partía um alla Evrópu láta
verkin tala í snakk- og
nammiganginum í mat-
vöruversluninni og það
er gósentíð hjá pítsu- og
hamborgarasölumönnum.
Það er stemning og gleði
í loftinu. Og svo loks-
ins, loksins koma orðin
sem við höfum öll beðið
eftir: „GOOD EVENING
EUROPE.“
Framlögin í ár og líklegir
sigurvegarar
Nú er ég búin að kynna mér
ágætlega framlög keppninnar í ár
og það er ýmislegt mjög gómsætt á
boðstólum.
Miðað við fyrstu spár þá er í raun
lagt upp með að sigurinn sé nánast
í hendi hjá ítalska sjarmatröllinu
Francesco Gabbani. Hann flytur
lagið Occidentalis Karma en titill
lagsins íslenskast nokkurn veginn
sem Vestrænt karma. Þó að lagið sé
í grunninn bara brjálæðislega „næs“
popplag þá er það líka heimspeki-
legur heilabrjótur. Lagið er eins
konar háðsdeila á það hvernig
Vesturlandabúar hafa tekið upp
einhverja skrítna útgáfu af aust-
urlenskri speki. Francesco hefur
í viðtölum bent sem dæmi á að
Vesturlandabúar stundi jóga til að
auka núvitund en geti þó ekki farið
í tímann ef þeir eru ekki í dálítið töff
og viðeigandi jógaklæðnaði. Textinn
er blanda af þessari ádeilu og
tilvísunum til Nakta apans
eftir Desmond Morris
sem fjallar um þróun
mannsins og apa og
samanburð á þess-
um dýrategundum.
Sögur herma að
Desmond Morris
sé sjálfur að-
dáandi lagsins
og sérstaklega
textans sem
honum á að þykja
sérlega fágaður og
hann á að hafa sent
Francesco vini sínum
áritað eintak af bók-
inni Nakta
apan-
um. Þetta er líklega rannsókn-
arefni fyrir lengra komna og
forfallna Eurovision-aðdáendur
en líklega munu flestir láta sér
nægja að heyra þetta frábæra
lag og dilla sér með laufléttum
dansi sem fylgir með, saminn
af Francesco sjálfum. Síðan á
auðvitað ekki eftir að skemma
fyrir ef að górillan sem var með
Francesco á sviðinu á Ítalíu og í
myndbandinu fylgir honum á sviðið
í Kænugarði.
En þrátt fyrir að Francesco
sé verulega sigurstranglegur eru
nokkur lönd sem gætu veitt honum
harða keppni og hver veit nema
eitthvert þeirra komi að óvart og
„steli“ sigrinum.
Búlgarska laginu, Beautiful
Mess, er einnig spáð góðu gengi
og er í öðru sæti hjá veðbönkum.
Þetta er falleg, frekar róleg popp-
ballaða um ungan mann sem
hefur engu að tapa, en er
með ósnertanlega ást.
Allt gott og blessað
en ég held persónu-
lega að Francesco
þurfi ekki að hafa
miklar áhyggjur af
þessu framlagi nema
auðvitað öll „rússa-
atkvæðin“ renni til
Búlgaríu.
Ef ég væri
Francesco þá væri
ég frekar að stressa
mig á hinni
djúprödd-
uðu Blanche frá Belgíu og sjóðheita
Svíanum Robin Bengtsson. Elli
Delvaux betur þekkt sem Blanche
mætir með lagið City Lights sem
er dálítið sérstakt lag og það er
erfitt að finna heppilegan saman-
burð. Það er óhætt að segja að á
Eurovision-mælikvarða er þetta
svona frekar töff framlag. Það leyn-
ist ágætis taktur þarna fyrir aftan
djúpa rödd Blanche og það er vel
hægt að dansa við þetta. Hættan
er sú að Blanche er frekar líflaus
flytjandi. Til þess að hún geti unnið
Francesco þarf annað tveggja
að gerast: Blanche þarf
að finna einhvern vísi
að sjarma og spönki
eða Belgar þurfa að
lyfta grettistaki
og búa til
sjónrænt
listaverk til að vinna upp á móti
lágu orkustigi Blanche.
Í tilviki Robin Bentsson vantar
hins vegar ekki neina orku. Þar er
hátt orkustig. Mjög hátt og nóg
af testósteróni. Karlkyns módel/
dansarar sameinast í hlaupabrettar-
útínu sem þeir framkvæma án þess
að það komi hrukka á jakkafötin.
Þeir eru bara tilbúnir, ætla að vinna
Eurovision og svo bara beina leið á
kontórinn að skrifa undir pappíra og
græja alla dílana. Þetta er sannar-
lega eitthvað. Dálítið vélrænt og á
köflum hræðileg klisja. Því verður þó
ekki neitað að lagið, með þessum
ofur hallærislega texta „I can't go on
when you look this freakin' beauti-
ful“ er brjálæðislega grípandi og ég
er ósjálfrátt búin að gera ok-merki
með fingrunum nokkrum sinnum
á síðustu vikum (langt umfram
meðaltal).
Þetta eru lögin sem hefur
verið talað mjög mikið um síð-
ustu vikur en það eru mörg önnur
frábær lög. Ég er til dæmis mjög
hrifin af Áströlum, Danmörku,
Ungverjalandi, Serbíu, Portúgal,
Aserbaídsjan og Makedóníu
svo nokkur séu nefnd. Síðan
ætla ég bara að gangast við
því að fíla líka Tékkland
þótt mér finnist ólíklegt
að það séu fleiri sem hafi
kjark til að viðurkenna slíkt
hið sama.
Núna styttist óðum í að veislan
hefjist. Það er því ekki seinna
vænna en fara að hlusta á lögin,
móta sér skoðun og vera vel undir-
búin þegar veðbankarnir á heimil-
inu, í skólanum eða vinnustaðnum
opna. Gleðilega Eurovision-hátíð!
Elín (28) spáir í Eurovision:
EKKI APALEGT
Þrátt fyrir apagang á
sviði þá þykir Ítalía
vera með sigurstrang-
legasta framlagið í ár.
BORGARBRAGUR
Borgarljósin skína skært
hjá Belgum í ár, en lagið er
talið eitt af þeim bestu í ár.
GOTT MOTTÓ Yfirskrift keppn-
innar í ár er Fögnum fjölbreytninni.
SIGRAR SÆNSKA SJARMATRÖLLIÐ?
Svíar eru ein sigursælasta þjóð keppninnar og tefla
jafnan fram sigurstranglegum lögum, Robin er engin
undantekning frá þeirri reglu.
KEMST BÚLGARÍA ÁFRAM?
Búlgaría hefur sjaldnast komist áfram
úr undankeppninni, en hinn 17 ára gamli
Kristian gæti breytt því í ár.