Dagblaðið Vísir - DV - 05.05.2017, Side 34

34 Helgarblað 5.–8. maí 2017lífsstíll
Glæsibæ • www.sportlif.is
PróteinPönnukökur
Próteinís Próteinbúðingur
Það sem flestir milljóna-
mæringar eiga sameiginlegt
Mikill munur á daglegum venjum þeirra sem njóta mikillar velgengni og hinna
Í
rannsókn minni komst ég að því
að þær venjur sem maður temur
sér frá degi til dags geta sagt til um
hversu mikillar velgengni maður
nýtur í lífinu,“ segir Thomas C.
Corley í bókinni Change Your Habits,
Change Your Life sem kom út í fyrra.
Bókin er athyglisverð fyrir margra
hluta sakir en áður en Thomas skrif-
aði hana framkvæmdi hann rann-
sókn á venjum einstaklinga, sem í
daglegu tali geta kallast milljóna-
mæringar, og bar þær saman við
venjur einstaklinga sem lifa í fátækt.
Í ljós kom að munurinn á venjum
þessara tveggja hópa var mikill en í
fyrri hópnum voru einstaklingar sem
höfðu hagnast mikið eftir að hafa
byrjað með tvær hendur tómar ef svo
má segja. Hér gefur að líta yfirlit yfir
þá þætti sem flestir þeirra 177 millj-
ónamæringa sem Thomas rannsak-
aði eiga sameiginlegt. n
Tom Corley Höfundur bókarinnar Change Your Habits, Change Your Life. Mynd Beehaven Media
Þeir lesa mikið
Hinir ríku vilja frekar lesa sér til fróðleiks
en skemmtunar. „Um 88 prósent
þeirra sem ég rannsakaði helga þrjátíu
mínútum eða meira á hverjum degi í
lestur sér til fróðleiks. Flestir lásu ekki
sér til skemmtunar heldur til að viðhalda
og afla sér þekkingar.“ En hvernig bækur
lesa þeir? Thomas komst að því að flest-
ir lesi ævisögur þeirra sem notið hafa
velgengni í lífinu, sjálfshjálparbækur eða
bækur með sagnfræðilegu ívafi.
Þeir vakna snemma
Nærri helmingur þeirra sem Corley rannsakaði höfðu vanið sig á að vakna minnst þremur
klukkustundum áður en vinnudagurinn byrjaði. Þeir sem byrjuðu klukkan níu á morgnana
voru því vaknaðir í síðasta lagi klukkan sex. Corley segir að þetta sé góður vani að því
leytinu til að þá sé viðkomandi betur undir það búinn að nýta daginn til fullnustu. Fólki
finnist það hafa betri stjórn á hlutunum og það kunni alltaf góðri lukku að stýra.
Þeir stunda
líkamsrækt
„Um 76 prósent þeirra sem ég rannsak-
aði stunda líkamsrækt í 30 mínútur á
dag eða meira á degi hverjum,“ segir
Thomas. Þessi líkamsrækt getur til
dæmis verið í formi hlaupa, göngu eða
hjólreiða. „Þolþjálfun er ekki bara góð
fyrir líkamann heldur líka fyrir heilann,“
bendir Thomas á.
Þeir sækja í
annað fólk sem
nýtur velgengni
„Það er stundum sagt að þú njótir jafn
mikillar velgengni og fólkið sem þú
vingast við,“ segir Corley. „Hinir ríku
reyna sífellt að sækja í félagsskap
einstaklinga sem eru jákvæðir, bjartsýn-
ir og hafa skýra sýn á markmið sín. Hann
segir að hinir ríku leggi sig fram um að
viðhalda tengslum við þetta fólk, hringi
reglulega, óski viðkomandi til hamingju
á tímamótum og bjóði fram aðstoð
sína. Að sama skapi og það er mikilvægt
að sækja í fólk sem nýtur velgengni,
segir Corley að jafn mikilvægt sé að
forðast þá neikvæðu.
Þeir hugsa mikið
„Að hugsa er lykillinn að velgengni
þeirra sem rætt var við,“ segir Corley.
Hann segir að hinir efnameiri hafi til-
hneigingu til að eyða minnst 15 mínútum
á degi hverjum í að hugsa. Þeir loka sig
af og velta til dæmis vöngum yfir kom-
andi verkefnum. „Nær allir eyddu tíma á
hverjum einasta degi í að brjóta heilann
um ýmsa hluti,“ segir Corley og bætir við
að hugsanirnar geti verið um allt milli
himins og jarðar; vinnuna, fjármálin,
fjölskylduna, heilsuna, vandamálin og
það sem vel gengur.
Þeir hafa fleiri en
eina tekjulind
„Þeir sem hafa orðið milljónamæringar
upp á eigin spýtur treysta fæstir á eina
tekjulind. Hér virðist þrír vera töfratalan.
Um 65 prósent þeirra sem ég ræddi við
höfðu að lágmarki þrjár tekjulindir áður
en þeir eignuðust sína fyrstu milljón
(dollara),“ segir Corley og nefnir að sem
dæmi hafi einstaklingar leigutekjur af
fasteignum sem þeir hafa fjárfest í,
tekjur af fjárfestingum á hlutabréfum
og af rekstri fyrirtækja sinna.
Þeir elta eigin
markmið
Hinir efnameiri eru helteknir af því
að elta markmið sín. „Ef þú eltir eigin
drauma og markmið þá skaparðu þér
þína eigin hamingju til lengri tíma,“ segir
hann og bætir við að of margir séu upp-
teknir af því að elta drauma einhverra
annarra, til dæmis foreldra sinna. Þeir
sem hafa skapað sér sína eigin gæfu
gera þetta ekki að eins miklu leyti og
aðrir heldur setja eigin markmið á blað
og einbeita sér að því að ná þeim.
Þeir ræða reglulega við
reyndari einstaklinga
Corley segir að þeir efnameiri leggi áherslu á að vera í góðum
samskiptum við lærifeður sína eða leiðbeinendur. „Góðir lærifeður
geta skipt sköpum. Þeir geta ráðlagt þér hvað þú átt að gera og
hvað þú átt ekki að gera í vissum kringumstæðum. Þeir geta deilt
með þér eigin reynslu sem þeir hafa aflað sér á sínum ferli.“
Þeir fylgja
ekki hjörðinni
„Það er í mannlegu eðli að vilja falla
í hópinn, verða hluti af hjörðinni. Við
gerum nánast hvað sem er til að forðast
að falla ekki úr hópnum,“ segir Corley en
bendir jafnframt á að hræðslan við að
þora að gera eitthvað öðruvísi geri að
verkum að flestir þurfi að strita til að ná
endum saman. Corley segir að þeir sem
njóti mikillar velgengni búi til eigin hjörð
og dragi svo aðra með sér í hjörðina.