Litli Bergþór - 01.08.2015, Page 4

Þar gefst unga fólkinu okkar tækifæri til að koma hugmyndum sínum og skoðunum á framfæri til
sveitarstjórnar og þannig hafa áhrif á samfélag okkar. Ég er viss um að í okkar sveitarfélagi eru
ungmenni sem hafa skoðun á því hvert þau vilja sjá sveitarfélagið sitt stefna og hvað mætti betur fara.
Í ráðinu verða fimm ungmenni á aldrinum 14-25 ára og verður nánara fyrirkomulag kynnt þegar nær
dregur.
Ég hvet því ungmenni til að kynna sér málið og eins til að gefa kost á sér, því þetta getur verið
spennandi, gefandi og góð leið til að tengjast öðrum ungmennum á svæðinu.
Að lokum vil ég nefna sveitarhátíðina Tvær úr Tungunum sem haldin var í Aratungu þann 15. ágúst.
Ungmennafélag Biskupstungna tók þar virkan þátt ásamt öðrum félögum og einstaklingum í sveitinni
og var hátíðin glæsileg.
Með ósk um gott sumar og haust,
Smári Þorsteinsson formaður Umf. Bisk.
4 Litli-Bergþór
Formannspistill
Í æskulýðslögum nr. 70/2007 er kveðið á um að sveitarfélög skuli
hlutast til um að stofna ungmennaráð og eru þau hugsuð til að vera
sveitarstjórnum til rágjafar um málefni ungs fólks í viðkomandi
sveitarfélagi og til að kynna lýðræðisleg vinnubrögð fyrir ungu
fólki.
Í haust stendur til að stofna Ungmennaráð Bláskógabyggðar.