Litli Bergþór - 01.08.2015, Side 6

6 Litli-Bergþór
Húsin í Laugarási
LINDARBREKKA 1942
Saga lóðarinnar sem síðar varð Lindarbrekka, hófst
1942 með því að Jóhann Sæmundsson (f. 09. 05. 1905,
d. 06. 06. 1955), yfirlæknir og félagsmálaráðherra um
nokkurra mánaða skeið, fékk hálfan hektara lands
og byggði sér 29m² sumarhús á brekkubrúninni. Ein
megin ástæða þessa mun hafa verið sú að hann vildi
hafa möguleika á að hafa öruggt skjól í mögulegum
loftárásum á landið.
Eiginkona hans var Sigríður Sæmundsson, fædd
Thorsteinson (f. 1908, d. 08. 04. 1998), dóttir Árna
Thorsteinsonar, tónskálds.
Sigurður Jónasson (f. 19. 08. 1896, d. 28. 10.
1965) keypti húsið 1948. Sigurður var alllengi
forstjóri Tóbaks-einkasölu ríkisins, og var svokallaður
athafnamaður. Hann keypti Geysi af erlendum manni
og gaf íslensku þjóðinni.
Þá keypti hann einnig
Bessastaði og gaf þá
undir aðsetur ríkisstjóra.
Föst búseta á Lind-
arbrekku hófst 1951 með
núverandi eigendum en
þeir eru, Guðmundur
Indriðason (f. 15. 05.
1915) og Jónína Sigríður
Jónsdóttir (Jóna) (f. 06.
02. 1926).
1958 var nafn býlisins
staðfest og um leið var
landið sem það stendur á
stækkað um helming. Guðmundur og Jóna stækkuðu
íbúðarhúsið 1961.
Þau tóku sér ýmislegt fyrir hendur eftir að í Laugarás
var komið, en segja má að allt þar til gróðurhúsið kom
til sögunnar hafi þau bæði tekið þátt í uppbyggingunni
sem var í Skálholti á sjötta áratugnum og fram á
þann sjöunda og Guðmundur starfaði síðan töluvert
við húsbyggingar þegar byggðin í Laugarási tók
vaxtarkipp í kringum 1970.
Höfundur:
Páll M. Skúlason
Lindarbrekka.
Jóhann Sæmundsson. Sigurður Jónasson.
1976 byggðu þau
gróðurhús og notuðu til
þess efni úr gróðurhúsi
sem hafði staðið á
Sigurðarstöðum.
Árið eftir byggðu
þau pökkunarhús eða
vélageymslu og loks
íbúðarhús 1980. Í það
minnsta tveir aðilar
fengu að búa í gamla
húsinu í einhvern tíma
eftir að eigendurnir fluttu
í nýja húsið: Magnús
Skúlason og Sigurlaug