24 stundir - 20.06.2008, Blaðsíða 28
28 FÖSTUDAGUR 20. JÚNÍ 2008 24stundir
Eftir Kjartan Þorbjörnsson
veidi@24stundir.is
Hollið sem lauk veiðum í Norðurá
á þriðjudaginn fékk frábæra veiði.
Þegar blaðamaður hringdi í einn
veiðimanninn, Sigurjón Ragnar
ljósmyndara, var hann farinn úr
Borgarfirðinum og kominn í
Blöndu. „Við vorum að landa
fyrsta stóra hængnum hér í
Blöndu. Þetta hafa allt verið stór-
hrygnur hingað til,“ sagði Sigurjón.
„Gunnar Norðdahl tók hann, þetta
var alger kúla. 89 sentimetra langur
og 46 sentimetrar í ummál. Það eru
ótrúlega flottir fiskar í þessari á.“
Aðspurður sagði Sigurjón aðstæð-
ur vera frekar sérstakar, 4 stig hiti
úti en vatnið mun heitara, nær 10
gráðum.
„Annars var Norðurárferðin
eins og á besta tíma sumarsins,“
hélt Sigurjón áfram. „Þetta byrjaði
rólega en svo rigndi á mánudags-
kvöldið og áin óx og litaðist. Að
morgni þjóðhátíðadagsins hófst
svo veislan. Við tókum fjóra á Eyr-
inni. Laugakvörnin og Stokkhyls-
brotið duttu inn og allt voru þetta
grálúsugir laxar. Það var sannköll-
uð þjóðhátíðarstemning á bökkun-
um. Sigurjón segir að í raun hafi
bara verið veitt á sex stangir, tvær
hefðu verið óseldar en samt náði
hollið 32 löxum. „Það besta er
hversu mikið var af tveggja ára
stórfiski. Ég hef ekki séð svona
fiska þarna í þrjú, fjögur ár en núna
náðum við fjölmörgum, allt upp í
93 sentimetra langan hæng. Það er
vonandi eitthvað komið í lag í
sjónum,“ sagði Sigurjón að lokum
og hélt áfram að veiða í Blöndu.
Mikið af tveggja ára stórfiski
Úr Norðurá í Blöndu
Miður júnímánuður hefur
á síðustu árum ekki þótt
vænlegur til stórveiða á
laxi. Stórlaxinn hefur átt
undir högg að sækja og
var nánast undantekning
ef þeim sást bregða fyrir í
borgfirskum ám á síðasta
ári. Veiðimenn eru þó að
upplifa eina bestu vor-
vertíðina í langan tíma.
Stórlaxinn er mættur.
Slappað af við Norðurá
Lautarferð að kvöldi við
Stokkhyl.
Fyrir stuttu kvaddi okkur feng-
sæll og vinsæll veiðimaður, KK,
hinn eini og sanni. Ég kynntist KK
löngu eftir að hann lagði saxófón-
inn frá sér og helgaði sig veiðum
og verslun, ekki síst Litlu flugunni
sem hann stofnaði til að þjóna
veiðimönnum. Margt gott á ég
honum að þakka. KK miðlaði
jafnan til nýrra veiðimanna af
hlýju og skilningi og hjálpaði
mörgum okkar að feta fyrstu
sporin. Fyrir nokkrum árum tók
Þorsteinn Joð viðtal við KK fyrir
flugur.is, og ég veit að þeir félagar
báðir fyrirgefa mér að birta
nokkra vel valda búta úr því við-
tali til minningar um góðan leið-
sögumann. Tónninn í þessu spjalli
er einmitt svo góður, nærvera KK
skín í gegn eins og við þekktum
hann svo margir, og hér má læra
ýmislegt. Gefum skrásetjara, ÞJV,
orðið:
,,KK kynntist einmitt Hlíðar-
vatni í Selvogi löngu áður en
nokkur fór þangað að ráði. Hann
keypti veiðileyfin hjá fremur sér-
stökum manni vestur í bæ.
„Ég þurfti að koma í spariföt-
unum,“ segir KK. „Maður fékk
ekki leyfi ef maður var ekki vel
klæddur. Ég keypti gjarna tvær
stangir og stundum gat ég alls
ekki fengið neinn með mér. Það
breyttist svo fljótlega, nú er slegist
um þetta.“ Hvaða flugur varstu að
setja undir svona snemma vors,
eins og í maí?
„Þegar ég byrjaði fyrst var ég
með venjulegar flugur, eins og
Alexöndru, Teal and black og allt
þetta. Ég var einfaldlega bara með
flugur sem voru einu númeri
stærri en þær sem ég notaði í El-
liðavatni, númer 10 eða 12. Svo
eftir að púpurnar komu til sög-
unnar þá fór veiðin að ganga
miklu betur … Ég notaði hægt
sökkvandi línu eða bara flotlínu,
eftir því hvað ég var að reyna í
það og það skiptið. Svo var auð-
velt að skipta um línu, sem menn
gera reyndar alltof sjaldan.“
Ef þú værir að fara í Hlíðarvatn
í fyrramálið KK, hvað værir þú að
hnýta nákvæmlega núna?
„Ef ég ætti ekki nóg af Peacock
þá myndi ég hnýta eina svoleiðis,
með kúlu, stærð svona 10-12.“
Ég velti því upp við hann, hvort
menn hnýti ekki færri straumflug-
ur til silungsveiða en áður, eftir að
púpurnar komu til sögunnar. „Jú,
það má segja það. Það eru mjög
fáir sem nota straumflugur í
vatnaveiði en ég þekki menn sem
hafa gert það með góðum árangri.
Ég hef einstöku sinnum sett út
Black ghost og fengið á hana en ég
hef ekki stundað að nota straum-
flugur í vötnunum. Þetta eru jú
straumflugur, ég nota þær helst í
straumi.“
Svo nefnir Kristján bestu laxa-
flugurnar sínar, sem óhætt er að
leggja sig eftir að muna: „Black
brahan er eftirlætið mitt,“ segir
hann. „Líka Yellow dog og Garry.“
KK stendur hægt á fætur og sækir
eina af hverri tegund í skúffur sín-
ar. Brahan er hnýtt með mjög
löngu skotti.
Black brahan er grátlega einföld
fluga, KK?
„Það segir þú satt. Hún var
upprunalega með ullarbúk, en
mér finnst hún best með Lúrexi
og rauðum haus. Það eru ekki all-
ir ánægðir með að hafa hana með
rauðum haus en ég vil hafa hana
þannig.“
Og hvaða stærðir myndir þú
nota að vori, eða snemmsumars?
„Ég myndi byrja á númer 8 eða
10. Garry nota ég aldrei nema í
númer 8, það er nú svo skrýtið. Ég
hef hnýtt hana mikið í stærð 10
og selt mikið af henni, en ég nota
ekki þá stærð sjálfur. Það er vita-
skuld alkunna, að margir veiða vel
á þær flugur sem þeir trúa á, þótt
það sé líka augljóst að það séu
flugurnar sem þeir reyna mest.
Þetta vekur upp sígildar spurn-
ingar um sambandið milli flug-
unnar sem maður hefur undir og
trúarinnar á að hún gefi.
Þetta fer eftir svo mörgu sjáðu.
Þumalputtareglan er auðvitað
ljósar flugur í sólskini, dökkar í
þykkviðri. Maður reynir þetta
kannski fyrst og smækkar flug-
urnar eða stækkar eftir því hvað
er að gerast. Það sem mér finnst
alltaf skrýtið er að fara úr flugum
númer 8 í 10-12, og síðan að nota
stórar túpur sem fiskurinn
kannski tekur loksins.“
Þú ert nú þykist ég vita þrjósk-
ur maður í veiði. Þú hættir senni-
lega aldrei eftir þrjú fjögur köst?
Svolítil þögn. ,,Ég er þolinmóð-
ur í veiði skulum við segja.“ Svo
hlær hann góðlega. „Ég hef alltaf
verið svona. Ég er búinn að vera
nokkuð mörg ár í þessu og hef
alltaf jafn gaman af því að koma
að veiðiá. Ef til vill fengust fimm
laxar deginum áður á þrjár stang-
ir, eða einn, skiptir engu máli. Þá
hugsa ég stundum með mér: Já,
það fékkst bara einn í gær. Þá
hlýtur að vera eitthvað eftir. Mað-
ur er óforbetranlegur í þessum
málum.“
Bestu þakkir KK. (Viðtal Þor-
steins Joð í heild er á flugur.is.)
VEIDDU BETUR
KK kveður
Kristján Kristjánsson helgaði sig veiðum og flugum
Stefán Jón
Hafstein
skrifar um veiði.
Nú um Jónsmessuna, þegar nótt-
in er í sumarfríi og dagurinn tek-
inn við öllum sólarhringnum er
tilvalið að skella sér í fallegt veiði-
vatn að kvöldi og veiða fram und-
ir morgun. Það er fátt sem jafnast
á við að standa í spegilsléttu
Þingvallavatni á miðnætti, heyra
bara fuglasöng og skvaldur ann-
arra veiðimanna sem jafnvel
standa í órafjarlægð og kasta
flugunni í hyldýpið. Kuð-
ungableikjan leggst ekki á melt-
una þótt sólin lækki flugið.
Langar
veiðinætur
Sex félagar sem
voru við veiðar í
Hítarvatni á laug-
ardaginn lentu í
fínni veiði. Þeir
veiddu hátt í 30
fiska, bæði bleikj-
ur og urriða. Eitt-
hvað var af stór-
fiskum í veiðinni, 3,5 punda
urriði og 3 punda bleikja
létu blekkjast af makrílnum. Þeir
sem veiddu á flugu náðu líka fisk-
um.
Helgin við
Hítarvatn
Veiðikortið veitir nú aðgang að
32 vatnasvæðum vítt og breitt
um landið fyrir aðeins 5000 kr.
Með veiðikortið í höndunum,
ákveður þú hvar og hvenær þú veiðir!
Frí heimsending þegar verslað er beint á www.veidikortid.is
Landsins
mesta úrval
af laxa- og
silungaflugum
www.frances.is
Frítt flugubox fylgir
LÍFSSTÍLL
lifsstill@24stundir.is a
Þetta byrjaði rólega en svo
rigndi hann á mánudags-
kvöldið og áin óx og litaðist.
veiði