Fréttablaðið - 21.06.2007, Blaðsíða 64

Kl. 14.00
Guðmundur Thoroddsen heldur
sína fyrstu einkasýningu í 101
gallery á Hverfisgötu. Á sýning-
unni eru málverk listamannsins
sem gefið hefur sýningunni yfir-
skriftina Rjómaísland. Sýning-
in er opin þriðjudaga til laugar-
daga milli 14 og 17 og stendur
til 19. júlí.
Jómfrúarjass í sól og skjóli
Það er gróska í Hafnar-
húsinu. Daníel Björnsson
myndlistarmaður opnar
sýninguna Reitur í húsa-
kynnum Listasafns Reykja-
víkur í dag.
Innsetningin „Reitur“ er unnin inn
í D-sal Hafnarhússins. Þar hefur að
undanförnu staðið yfir sýningarröð
ungra myndlistarmanna. Með henni
vill safnið vekja athygli á efnilegu
listafólki sem ekki hefur áður hald-
ið einkasýningar í stærri söfnum
landins. Listamennirnir vinna allir
ný verk fyrir D-sal hússins en sýn-
ingunum verður fylgt eftir með út-
gáfu sýningarskrár í lok ársins.
Daníel er fjórði þátttakandinn
í því framtaki Listasafns Reykja-
víkur sem mælst hefur vel fyrir
hjá gestum. Daníel lauk BA-námi í
myndlist við Listaháskóla Íslands
árið 2002 og hefur síðan verið virk-
ur í sýningahaldi á Íslandi og er-
lendis. Hann hefur á undanförnum
árum tekið þátt í öflugu starfi ungra
myndlistarmanna í Reykjavík og
var meðal annars annars sýninga-
stjóri samsýningarinnar Pakkhús
postulanna sem sett var upp í Hafn-
arhúsinu síðasta haust. Hann er því
öllum hnútum kunnugur í húsinu
og segir ánægjulegt að snúa þang-
að aftur. Hann fagnar ennfrem-
ur framtaki safnsins að veita ungu
myndlistarfólki þetta tækifæri.
„Sýningin er unnin upp úr fundn-
um hlutum,“ útskýrir Daníel og
segir yfirskriftina „Reitur“ til
dæmis vísa til garðræktar. Reit-
urinn er annars unninn úr ljósi og
hráum efniviði. Á sýningunni vinn-
ur Daníel með algengar táknmynd-
ir en þar er meðal annars að finna
gamlar ljósmyndir og trékenndan
skúlptúr sem gengur upp úr miðju
rýmisins. Önnur myndin er af póst-
korti af Hljómskálagarðinum ásamt
handteiknaðri flugvél en hin er af
garðyrkjustörfum tveggja manna í
örlitlum skrúðgarði á Eyrarbakka
í kringum 1940 en þess má geta að
störfum sínum sinna þeir í nágrenni
við ekta íslenskan kartöflugarð.
Daníel segir sýninguna meðal
annars skírskota til gróskunnar og
sköpunarkraftsins en tréð stóra
hefur einnig verið sagt vísa til
skilningstrésins og Asks Yggdras-
ils. Sýningarstjóri er Ólöf. K. Sig-
urðardóttir.
Sýningin verður opnuð kl. 17 í
dag.
Kári Þormar, organisti Áskirkju í
Reykjavík, kemur fram á hádeg-
istónleikum tónleikaraðarinnar
Alþjóðlegt orgelsumar í dag. Tón-
leikarnir, sem hefjast kl. 12 og
standa í hálftíma, eru skipulagð-
ir í samvinnu við Félag íslenskra
orgelleikara.
Fyrst á efnisskránni er Chac-
onne eftir franska baroktónskáld-
ið Louis Couperin og á eftir koma
þrjú verk í anda norður-þýska
orgelskólans, sem Dietrich Buxt-
ehude lagði að mestu grunninn að.
Tónleikunum lýkur svo með Kóral
nr. 3 eftir César Franck, einn
þriggja kórala sem hann skrifaði
árið sem hann lést.
Áður en Kári Þormar hélt
til framhaldsnáms í orgelleik
og kirkjutónlist í Düsseldorf í
Þýskalandi var hann fyrsti nem-
andinn sem lauk orgelnámi hér
heima með tónleikum á hið glæsi-
lega Klaisorgel í Hallgrímskirkju.
Kennari hans hérna var Hörður
Áskelsson, organisti Hallgríms-
kirkju. Að námi loknu var Kári
organisti Kópavogskirkju, Frí-
kirkjunnar í Reykjavík en frá
2001 hefur hann verið organisti
Áskirkju og stjórnað Kirkjukór
Áskirkju.
Kári hefur bæði haldið tónleika
hér heima og erlendis, auk þess
sem hann hefur komið fram með
Mótettukór Hallgrímskirkju bæði
á tónleikum og í sjónvarpi.
Endurnýjar kynnin af Klais
Skáldsaga Jóns Kalmans Stefáns-
sonar, Sumarljós, og svo kemur
nóttin, hefur verið seld til danska
forlagsins, Batzer og Co. Samninga-
umleitanir forlagsins Bjarts við
Dani hafa staðið um nokkra hríð en
forlagið, sem sérhæfir sig í fram-
úrskarandi þýddum bókmennt-
um, varð loks fyrir valinu. Forlagið
gefur meðal annars út Nóbelsverð-
launahafann Imré Kertez og Per
Petterson, en Bjartur mun á haust-
mánuðum gefa út bók hans Ut og
stjæle hester.
Jón Kalman hlaut íslensku bók-
menntaverðlaunin árið 2005 fyrir
Sumarljósin, sem brátt munu skína
í Danmörku, og nýverið komu út í
kilju skáldsögur hans þrjár sem oft
ganga undir nafninu sveitatrílógían
og hafa verið að gera allt vitlaust í
Þýskalandi á undanförnum árum,
Skurðir í rigningu, Sumarið bakvið
brekkuna og Birtan á fjöllunum.
Sumarljós seld