Þjóðlíf - 01.11.1986, Blaðsíða 34

Ljósmynd: Þorvarður Arnason
FATNAÐUR
Gagnlegur þáttur,
enspennandi
Vegna eindreginna óska margra lesenda ÞJÓÐLÍFS höfum við
ákveðið að taka upp fastan þátt í tímaritinu, sem við nefnum því
einfalda nafni FATNAÐUR. Hér verður ekki á ferðinni glans-
tísku-auglýsingaþáttur. Ætlunin er, að fræða lesendur á gagn-
legan hátt um fatnað, hvort sem um er að ræða buxur, pils, skó,
kápur, frakka, peysur, — á konur, börn og karlmenn. Hér
verður tekið fyrir efni á borð við það hvernig breyta megi
gömlum flíkum, hvernig setja má saman fatnað þannig að vel
fari, hvernig hentugt sé að gera við fatnað, hvernig „stórt“ fólk
getur klætt af sér stærðina o.s.frv. Markmiðið er, að lesendur fái
sem mest sjálfir út úr lestrinum, fái hugmyndir og gagnlegar
ábendingar sem komi þeim að góðum notum í daglegu lífí.
ÞJÓÐLÍF hefur fengið til liðs við
sig þjóðkunnan hönnuð á þessu sviði.
Það er Sigrún Guðmundsdóttir, sem
hefur getið sér gott orð fyrir bækur
sínar Fötfyrir alla, sem Mál og menn-
ing gaf út 1984, og bókina Föt fyrir
börn, sem sama forlag hefur nýverið
gefið út.
Sigrún er handavinnu- og mynd-
menntakennari og hefur m.a. kennt
við Fjölbrautaskólann í Breiðholti
undanfarin sjö ár. Sigrún hannaði
leikbúningana fyrir sýningu M.R.-
inga í tengslum við afmæli skólans,
en sú leiksýning var sýnd fyrir nokkru
í sjónvarpinu. Á síðasta ári vann hún
að sérstöku verkefni fyrir verslunina
Epal með gardínuefni frá Kvadrat og
Marimekko og einnig með Gefjunar-
áklœði, en efni þessi notaði Sigrún í
fatnað. Afrakstur þessarar vinnu var
svo sýndur á Hótel Borg á samsýn-
ingu með Evu Vilhelmsdóttur frá
versluninni Skryddu.
Sigrún segir, að hún muni hafa
þáttinn FATNAÐUR fyrst og fremst
gagnlegan. „En ég vil líka hafa hann
svolítið spennandi," segir hún. „Það
er alls ekki dýrt að vera skemmtilega
klæddur — peningar og fegurð er
hreint ekki það sama. Það er hægt að
gera ótrúlega mikið fyrir lítið fé. Mér
finnst, að fólk eigi fyrst og fremst að
vera persónulega klætt og sjálfstætt,
ekki láta teyma sig eftir tískunni í
þessum efnum, eins og allt of mikið
er um nú. Og ég mun gera það sem
ég get til þess að aðstoða lesendur
ÞJÓÐLÍFS."
Þess skal að lokum getið, að öllum
ábendingum og hugmyndum um efni
mun verða góðfúslega tekið. Skrifið
til: Félagsútgáfan h.f, c/o Sigrún
Guðmundsdóttir, Pósthólf 1752, 121
Reykjavík.
Sigrún Guðmundsdóttir. Höfund-
ur tveggja bóka um fatnað og
saumaskap og nú fastur dálkahöf-
undur í ÞJÓÐLÍFI.
34 ÞJÓÐLÍF