Morgunblaðið - 23.04.1959, Page 10

10
MORGUlSBLAÐIÐ
Fimmtudagur 25. apríl 1959

^J^venjyjó&in oc^ heimiíiÉ
Þessi kjóll er samkvæmt nýj-
ustu tízku. Slíkan kjól er auð-
| velt að aauma, og mörgum
gömlum flíkum er auðvelt að
breyta í svona kjól, t.d. poka-
kjólunum frá fyrra ári.
ÞETTA heyrist ekki svo sjaldan
sagt um stúlkur, sem reyna að
vera vel klæddar. Við getum víst
flestar fallizt 4 að bak við orðin
felst svolítill öfundarvottur, og
þá helzt frá þeim sem ekki hafa
ráð á eða smekk til að klæða sig
fallega og smekklega.
Nú á tímum er varla hægt að
opna blað eða tímarit án þess að
þar blasi við alls kyns góð ráð
varðandi útlitið — hárið, and-
litið eða klæðnaðinn. Og hver
vill ekki líta vel út? Það er þægi-
leg tilfinning og ákaflega upp-
örfandi að vita sig vel klæddan.
Þið skulið samt ekki ímynda
ykkur að í því efni skipti aura-
ráðin ein máli. Nei, vöruþekking,
nasasjón af tízkunni og síðast en
ekki sízt skapfesta eru fullt eins
þýðingarmikil atriði. Það þýðir
t.d. ekki að fara út til að kaupa
góða götuskó og koma heim með
snotran, lítinn hatt? Þá er öll
fjárhagsáætlunin farin út um þúf
ur.
Á þessu vori ætti að vera auð-
velt að klæða sig smekklega.
Nýja tízkan fylgir línum líkam-
ans og er svo fjölbreytileg, að
auðvelt er að finna einmitt það
sem fer hverri einstakri vel. Létt
ar dragtir og ermalausir, sport-
legir kjólar með breiðum beltum
eru í tízku handa ungu og vel
vöxnu stúlkunum, kvenlegir
kjólar með víðum pilsum og stór-
um krögum handa þeim róman-
tísku, og fyrir þær sem fullorðn-
ari eru og varkárari í fatavali eru
dragtir með síðum jökkum og
sígildu sniði og fjölmargt armað.
Það er okkur sjálfum að kenna
ef við getum ekki fundið eitt-
hvað við okkar hæfi og samt
fylgt tízkunni. í þetta sinn hafa
frönsku tízkufrömuðirnir skapað
tízku sem öllum hentar. En
gleymið samt ekki að leggja vel
| niður fyrir ykkur hvernig fata-
kaupum skuli hagað áður en þið
byrjið að kaupa sumarfötin. Það
veitir ekki af að láta skynsemina
ráða og hvika ekki frá góðum á-
setningi. Konur eiga að hafa á-
huga fyrir klæðnaði sínum. Það
er ódýrara þegar til lengdar læt-
ur og árangurinn verður marg-
falt sinnum betri.
Grár ullarkjóll frá Patou. Belt-
ið er úr sama efni og kjóllinn.
Björg Andrésdóttir
Páll Pálsson, Þúfum
40 óra hjoskaparaimæli
ÞANN 24. þ.m. eiga hin þekktu
merkis hjón, Páll Pálsson, hrepp-
stjóri og oddviti í Þúfum, í Reykj
arfjarðarhreppi og kona hans,
Björg Andrésdóttir 40 ára hjú-
skaparafmæli. Þótt ævistarf
þeirra sé orðið bæði mikið og
margþætt halda þau starfsþreki
sínu með ágætum og búa yfir lífs
gleði, atorku og þeirri bjartsýni,
sem hefir verið trúfastur föru-
nautur þeirra frá fyrstu tíð.
Störf þeirra hjóna, búsýsla öll
og heimilishættir, frá því fyrst
þau hófu búskap í Vatnsfirði og
síðar í Þúfum, hafa verið með
þeim myndarbrag og ráðdeild er
bezt verður á kosið. Hjá þeim
báðum fór saman hagsýni og at-
Barnagœzluklúbbur
ÞAÐ hefur löngum verið erfitt
fyrir ungar mæður að fá barn-
fóstrur til þess að líta eftir börn-
unum kvöld og kvöld, þegar þær
þurfa að bregða sér frá. Sú var
að minnsta kosti raunin um frú
Bruce F. Spilman, sem býr í einu
úthverfi borgarinnar Dallas í
Texasfylki í Bandaríkjunum. Hún
þurfti að hringja í hvorki meira
né minna en 30 staði, áður en hún
fann stúlku, sem gat liðsinnt
henni.
Þetta varð til þess, að hún á-
I-I
Tm lt
Nýjar dragtir frá þekktum tízkuhusum i Paris.
kvað að hafa samband við aðrar
ungar konur í nágrenninu, sem
áttu smábörn, og ráðgast við þær
um, hvað hægt væri að taka til
bragðs til þess að ráða bót á þessu
vandamáli. Árangurinn af þeirri
málaleitan varð sá, að viku seinna
stofnuðu tíu ungar mæður með
sér svonefndan barnagæzlu-
klúbb, og skuldbinda meðlimirn-
ir sig til þess að skiptast á um
að líta eftir börnum hinna eftir
vissum reglum.
Samkvæmt starfsreglum klúbbs
ins er enginn meðlimanna skyld-
ur til að „sitja yfir“, þegar illa
stendur á hjá honum, en alls eiga
konurnar yfirleitt að verja 20
klst. á mánuði til þessara starfa.
Oft er það svo, að barnagæzlan
þarf ekki að tefja viðkomar.di við
heimilisstörfin eða önnur, því að
degi til er komið með börnin á
heimili þéss, sem skal gæta
þeirra. Meðlimir slíks klúbbs geta
flestir verið 25, og verða þeir
allir að búa í sama borgarhverfi.
Ef tveir mánuðir líða án þess að
einhver meðlimanna geti annazt
barnagæzlu eða ef hann þarf ekki
á aðstoð annarra klúbbkvenna
að halda nema þrjár klst. á mán-
uði, er hann beðinn að víkja fyr-
ir annarri ungri móður, sem þarf
meira á slíkri aðstoð að halda.
Barnagæzluklúbbur þessi varð
svo vinsæll, að nú er búið að
stofna fimm svipaða klúbba í
borginni, og bíður fjöldi kvenna
upptöku í þá.
r
Iþróttaneínd
f LöGBIRTINGl, sem út kom í
sl. viku, er skýrt frá skipan
íþróttanefndar, en það er mennta
málaráðherra sem skipar nefnd
þessa. Þannig er nefndin skipuð,
að Guðjón Einarsson fulltrúi, er
lormaður, Gísli Ólafisson for-
stjóri skipaður samkvæmt til-
nefningu fþróttasambands ís-
lands og Daníel Ágústínusson,
bæjarstjóri, sem skipaður er
samkv. tilnefningu Ungmenna-
fél. fslands. Varamenn nefndar-
manna eru: Kristján L. Gestsson
forstjóri varaformaður, Stefán
Runólfsson rafvirkjam. og Skúli
Þorsteinsson kennari. Nefnd þessi
er skipuð til 2. marz 1962.
orka starfsgleði og skyldurækni,
enda mótuðust allir heimilis-
hættir þeirra af þessum fornu
dyggðum, sem lengst af hafa ver-
ið hornsteinar íslenzks þjóðlífs
og menningar. Heimili þeirra
hefir ávallt borið háttbprýði og
reglusemi húsbændanna fagurt
vitni. —
Páll í Þúfum hefir um langt
skeið verið forvígismaður og full-
trúi hrepps síns og héraðs í flest-
um opinberum málum. Hafa því
leiðir margra legið að Þúfum,
bæði fyrr og síðar, til þess að
leita ráða og leiðbeininga í hin-
um ólíkustu málum. En hið mynd
arlega og risnumikla heimili
þeirra hjóna laðaði einnig gesti
og aðkomumenn að garði. Ar-
inn húsfreyjunnar var ávallt
hlýr, — hann var sem opinn
faðmur, þar sem allir mættu alúð,
risnu og hvers konar fyrir-
greiðslu, bæði í orði og athöfn.
Það hefir hvílt mikil hamingja
yfir störfum þeirra Þúfna hjón-
anna, Páls og Bjargar. Blessunar-
rík hönd hefir breiðzt yfir lífs-
feril þeirra og verksvið. Þau hafa
eignazt fjölda tryggra vina og
hafa notið trausts og virðingar
samferðamannanna, sem hafa
kynnst störfum þeirra og fögrum
heimilisháttum.
Þau hjónin eiga 2 börn á lífi:
Pál, hreppstjóra á Borg á Snæ-
fellsnesi, kvæntan Ingu Ásgríms-
dóttur og Ásthildi, gifta Ásgeiri
Svanbergssyni. — Hjá hinum
mikilhæfu Þúfna hjónum hefir
auk þess ávallt dvalið mikill
fjöldi barna, — bæði nákomin
og vandalaus og hafa sum þeirra
alist þar upp frá bersku til full-
orðinsaldurs.
Vér vinir þeirra, fjær og nær,
færum þessum merku hjónum,
kærar þakkir fyrir vináttu
þeirra, drengskap og tryggð og
sendum þeim á þessum tímamót-
um innilegar hamingjuóskir og
árnum þeim, heimili þeirra og
ástvinum allrar blessunar um ó-
komin ár.
Þ. J.
Námskeið
í Jiu Jitsu
ÞRIÐJUDAGINN 21. apríl, hófst
námskeið í Jiu Jitsu á vegum
Glímufélagsins Ármanns. Er
það haldið í íþróttahúsi Jóns Þor
steinssonar Lindargötu 7, og
verða æfingar á þriðjudögum og
fimmtudögum kl. 7—8 s.d. allt
til 1. júní. Kennari verður jap-
aninn Matsoka Sawamura.
Á námskeiði þessu mun hann
aðallega kenna og sýna JiuJitsu
sem sjálfsvörn, en Jiu Jitsu og
Judo eru svo margbrotnar glímur
að ekki er hægt að taka fyrir á
svona námskeiði nema lítið af
því, sem þar kemur fyrir.
Allir ungir jafnt og gamlir
geta tekið þátt í þessu nám-
skeiði og ekki síður kvenfólk en
karlmenn geta lært hina mjúku
sjálfsvarnarlist Jiu Jitsu, því að
hún byggist ekki á kröftum og
er ekki nein slagsmál.
Skrifstofa Ármanns verður
opin frá kl. 6.30 á þriðjudögum
og fimmtudögum og þurfa vænt-
anlegir þátttakendur að mæta
þar og láta skrá sig.
,,Hún hefur ekki áhuga
á öðru en fötum"