Morgunblaðið - 29.05.1965, Blaðsíða 21
Laugardagur 29. maí 1965
MORGUNBLAÐIÐ
21
SAMBAND UNGRA SJÁLFSTÆÐISMANNA
ÆSKAN OG FRAMTÍÐIN
RITSTJÓRAR: GUNNAR GUNNARSSON, JÓN E. RAGNARSSON
OG RAGNAR KJARTANSSON
Frá 4. þingi Æskulýðssambandsins:
„Æskulýðsstarfsemi nútímans ekki rekin, sem skyldi
ef eingöngu á að trey sta á sjálfboðastarf"
4. ÞING Æskulýðssambands Is-
lands var háð í Tjarnarbúð 1. —
2. maí sl. Þingið sátu 3 fulltrúar
frá hverju aðildarsambandi, sem
eru 11 talsins auk tveggja fyrr-
verandi formanna þeirra Magnús
ar Óskarssonar og Ólafs Egilsson-
ar og fulltrúa Æ.S.t. í framkvjstj.
WAY, Inga B. Ársælssonar, en
þeir voru gestir þingsins. Þing-
forseti var einróma kjörin Helga
Kristinsdóttir (BÍF), sem nýver-
ið hefur látið af störfum í stjórn
Æ.S.Í. eftir langt og gott starf.
Vara-þingforseti var Gísli B.
Björnsson (ÆF) og þingritarar
þeir Elías S. Jónsson (S.U.F.) og
Sigurður Hermundarson (S.U.J.)
Fyrri dag þingsins voru skýrslur
tveggja undanfarinna stjórna
skýrðar og ræddar auk þess, sem
skipað var í nefndir. Nefndir
störfuðu síðan að loknum þing-
störfum á laugardag og á sunnu-
dagsmorgun, en þinginu var fram
haldið kl. 3 á sunnudag og stóð
fram til kvöids og voru þá álits-
gerðir nefnda lagðar fram rædd-
ar og samþykktar.
Hér á eftir fara helztu atriðin
úr samþykktum þessa 4. þings
Æskulýðssambandsins.
ÁLIT ALLSHERJAR-
NEFNDAR
Þingið lýsir ánægju sinni og
samþykki með þá starfshætti,
sem stjórn samtakanna hefur upp
tekið með að setja sérstakar
starfsnefndir til athugunar og
undirbúnings aðgerða í barátt-
unni gegn hungri og fyrir mann-
réttindamálum.
1. HGH.
Þingið telur, að álit undir-
búningsnefndar HGH, sem
stjórn og fulltrúaráð hefur
samþykkt, sé eðlilegur
rammi þeirrar starfsemi, sem
fyrirhuguð er á þessu sviði.
2. Mannréttindamál.
, Þingið þakkar þær velheppn-
uðu aðgerðir sem hrundið
hefur verið í framkvæmd á
vegum ÆSÍ og væntir þess
að áfram verði haldið á sömu
braut,
Þing Æskulýðssambands Is-
lands skorar á aðildasamböndin
og félagsmenn þeirra að fylkja
sér saman til framgangs „Her-
ferðinni gegn hungri“ og öðrum
þeim sameiginlegu baráttuverk-
efnum, sem samtökin kunna að
beita sér fyrir.
ÁLIT FJÁRHAGSNEFNDAR
Hin öra þjóðfélagslega þróun
síðari ára hefur skapað æskulýð
landsins síaukin vandamál, er
gerir þörfina á skipulagðri æsku-
lýðsstarfsemi enn brýnni en áð-
ur.
Það er álit þingslns, að bezt
verði unnið að lausn vandamála
æskulýðsins með því að efla sem
bezt starfsemi hinna frjálsu æsku
lýðssamtaka og heildarsamtök
þeirra, Æskulýðssamband ís-
lands.
Æskulýðssamband íslands hef-
ur nú starfað í 7 . ár og á þeim
tíma hefur sambandiö öðlazt
mikla reynslu í' æskulýðsstarf-
semi hér á landi.
Sýnt er að æskulýðsstarfsemi
nú á tímum verður ekki rekin
sem skyldi, ef eingöngu á að
treysta á sjálfboðaliðastarf, held-
ur verður að þjálfa æskulýðs-
leiðtoga, er síðan geti sint æsku-
lýðsmálum sem aðalstarfi við
hlið hinna áhugasömu sjálfboða-
liða. Því miður hafa fjárhags-
örðugleikar hindrað, að tekizt
hafi sem skyldi að rækja höfuð-
verkefni samtakanna og engar
líkur til að breytingar verði þar
á, nema fjárhagur þeirra batni
mjög.
Fjárhagsnefnd fagnar skipun
fjármálanefndar á sl. starfsári og
væntir mikils af störfum henn-
ar, enda er örugg lausn fjárhags-
örðugleikanna grundvallar skil-
yrði þess, að Æskulýðssamband
íslands geti sinnt hinu veiga-
mikla hlutverki sínu á sviði
æskulýðsmála.
Til þess að Æskulýðssambandi
íslands verði fært að inna af
hendi þau verkefni, sem því er
ætlað samkvæmt lögum sínum,
telur þingið brýna nauðsyn að
sambandið fái til afnota fast
skrifstofuhúsnæði og geti ráðið
fastan starfsmann til að hrinda í
framkvæmd hinum mörgu aðkall
andi verkefnum.
Þingið þakkar Alþingi, ríkis-
stjórn og Reykjavíkurborg stuðn-
ing á undanförnum árum, en
skorar jafnframt á þessa aðila
að auka enn fjárframlög til
Æskulýðssambands íslands og
gera því þannig kleift að rækja
hlutverk sitt.
Jafnframt bendir þingið stjórn
sambandsins á að leita einnig eft-
ir fjárstuðningi annarra að;la til
sérstakra verkefna.
ÁLIT FÉLAGSMÁLANEFNDAR
4. þing ÆSÍ haldið í Reykjavík
1. og 2. maí 1965 minnir á nauð-
syn þess, að samtökunum takist
að gegna hlutverki sínu með efl-
ingu samstarfs og kynningar ís-
lenzkra æskulýðssambanda, sem
og við æskulýðssamtök annarra
þjóða.
Þingið ályktar, að ÆSÍ þurfi
enn að efla starfsemi sína á inn-
lendum vettvangi, einkum hvað
snertir hagnýta upplýsingastarf-
semi og þjónustu við aðildarsam-
böndin:
1. Ráðinn verði framkvæmda-
stjóri og skrifstofa opnuð sem
allra fyrst, með sérstakri hlið-
sjón af sívaxandi starfsemi sam-
takanna og aðkallandi verkefn-
um.
2. a) Haldin verði a.m.k. ein
stór ráðstefna á ári hverju. Mæl-
ir þingið eindregið með áliti
starfsnefndar um ráðstefnu sem
fjalli um húsnæðismál ungs fólks.
b) Haldnar verði ráðstefnur
forystumanna aðildarsambanda
ÆSÍ þar sem m.a. verði unnið að
því að efna til persónukynningar
og umræðna um starf og hlut-
verk ÆSÍ.
c) Haldið verði áfram athug-
unum á því, á hvern hátt ÆSÍ
geti haft frumkvæði að þjálfun
væntanlegra forystumanna æsku
lýðssambanda landsins ,m.a. með
námskeiðum og ráðstefnum.
3. a) Fréttabréf samtakanna
komi áfram út, en jafnframt
verði unnið skipulega að út-
breiðslu þess, ekki aðeins til að-
ildarsambanda ÆSÍ heldur einn-
ig til þeirra opinberu aðila, sem
með æskulýðsmál fara.
b) Áfram verði unnið að út-
gáfu kynningarbæklings um að-
ildarsambönd ÆSÍ.
c) Þar sem útgáfustarfsemi
hinna einstöku æskulýðssam-
banda á við mikla örðugleika að
etja, felur þingið stjórn ÆSÍ að
kanna möguleika á útgáfu sam-
eiginlegs málgagns ungs fólks.
4. Þingið fagnar þeirri þróun
sem orðið hefur að undanförnu
um skipanir starfsnefnda á hin-
um ýmsu vérsviðum sem ÆSÍ
vinnur að. Leggur þingið áherzlu
á að áfram verði unnið á þess-
ari braut.
5. Þingið telur að efla beri
menningarlega vakningu á hverri
mynd, og hafa ætíð hliðsjón af
hinu þjóðlega gildi, sem af starf-
seminni getur skapazt. Þingið
telur æskilegt, að komið verði á
árlegum æskulýðsdegi til hátíða-
halds, örvunar, áróðurs og til
kynningar á samstarfi íslenzks
æskulýðs. Ennfremur minnir
þingið á, að störf í þágu íslenzkr-
ar æsku eru til einskis gagns, ef
æskulýðurinn fær ekki að alast
upp í heilbrigðu umhverfi.
6. Samskipti við erlend æsku-
lýðssamtök verði efld, og bendir
þingið á mikilvægi setu fulltrúa
ÆSÍ í fulltrúaráði WAY.
7. Þingið leggur áherzlu á, að
þeir aðilar, sem fara utan á veg-
um ÆSÍ skili skýrslum, sem síð-
an verði sendar öllum aðildar-
samböndum. Geti þær þannig
komið að beinu gagni í uppbygg-
ingu æskulýðsmála hér á landi,
ásamt öðrum gögnum, sem ÆSÍ
tekst að afla.
4. þing Æskulýðssambands fs-
lands, haldið í Reykjavík, 1. og
2. maí 1965, lýsir ánægju sinni
með, að í undirbúningi sé heild-
arlöggjöf um æskulýðsmál. Legg-
ur þingið áherzlu á að málinu
verði að hraða, og væntir þess að
nefnd sú, sem skipuð hefur
verið til að fjalla um málið,
skili áliti sínu sem fyrst og taki
fullt tillit til reynslu og þekk-
ingar ÆSÍ á sviði félagsmála.
4. þing Æskulýðssambands ís-
lands haldið í Reykjavík 1. og
2. maí 1965, lýsir hryggð sinni
yfir því, að eitt af stærstu æsku-
lýðssamtökum landsins, Banda-
lag íslenzkra skáta, skuli enn
ekki hafa séð sér fært að gerast
aðili að ÆSÍ. Telur þingið það
til mikils tjóns fyrir samstöðu
hinna frjálsu æskulýðssamtaka
landsins, að ekki hafa náðst full
eining meðal allra þeirra aðila,
sem að æskulýðsmálum vinna,
um aðild að ÆSÍ, og lýsir þeirri
skoðun sinni, að aðild B.Í.S. að
ÆSÍ myndi tvímælalaust verða
mjög æskileg og til mikils gagns
bæði fyrir B.Í.S. og að önnur
æskulýðssamtök, sem að ÆSÍ
standa. Vill þingið minna á í
því sambandi, að Alþjóðaskrif-
stofa drengjaskáta (Boy Scouts
World Bureau) hefur jafnan haft
mjög vinsamlegt samstarf við
WAY sem ÆSÍ er aðili að, og
sent áheyrnarfulltrúa til þinga
WAY. Skorar þingið á BÍS að
taka fyrri afstöðu sína íþessumáli
til endurskoðunar, og felur stjórn
ÆSÍ að undirbúa málið með við-
ræðum við stjóm BÍS og eftir
öðrum þeim leiðum sem þurfa
þykir.
ÁLIT LAGANEFNDAR
4. þing Æskulýðssambands ís-
lands ályktar að fela stjórn sam-
bandsins að skipa milliþinga-
nefnd þriggja manna til endur-
skoðunar á lögum ÆSÍ. Nefndin
skal hafa lokið störfum 15. marz *
1966, en stjórnin skal síðan koma
breytingartillögunum á framfæri
við aðildarsamböndin.
Þingið telur, að nefndin skuli
leggja áherzlu á eftirtalin meg-
inatriði:
Hannes Þ. Sigurðsson, nýkjörinn form. Æskulýðssambandsins.
„Bctur má
— ef duga skal“
VANDAMÁL æskufólks eru tíðrædd hér á landi sem og
annars staðar. Án nokkurs vafa má finna verulegt samhengi
á milli tilveru þessara títtnefndu vandamála og þeirrar
hvimleiðu staðreyndar að æskulýðsstarfsemin hefur ekki
fengið svigrúm til að aðlaga sig breyttum tímum og skipu-
leggja sig í nógu miklum mæli meðal æskunnar sjálfrar. —
Þótt víða sjáist nokkur tilþrif í æskulýðsstarfi, fer þó oft-
ast meira fyrir því í orði en á borði .Hér er fjárskorturinn
vafalaust hvað þyngstur á metaskálum — æskulýðsstarf-
semi, eins fjölþætt og viðamikil og nútíminn krefst,
kallar á gífurlega vinnu — vinnu, sem ekki er hægt að
krefjast eingöngu af áhugamönnum — þar þarf meira að
koma til ef verulegt gagn á að hljótast af.
Þessara vandamála verður mjög vart í starfi heildarsam-
taka æskunnar, Æ.S.Í. og á nýafstöðnu þingi samtakanna er
mikilvægi úrlausnar á þessu sviði réttilega undirstrikuð
(sjá annars staðar á síðunni). Skýrt hefur verið frá að heild-
arlöggjöf um æskulýðsmál sé nú í undirbúningi í fram-
haldi af því vænta heildarsamtök unga fólksins, sem vilja
vel en geta takmarkað vegna lítilla efna, að Alþingi geri
sér ljóst að stóraukinn fjárhagslegur stuðningur við æsku-
lýðsstarfsemina í landinu, er fjarri lagi fé, sem kastað er á
glæ, heldur skynsamleg leið til að „fjárfestsa" í framtíðinni.
Væri vel ef Alþingi og stjórnarvöld sýndu eins mikinn stór-
hug í garð æskulýðsstarfseminnar eins og borgaryfirvöld
Reykjavíkur sýna með öflugri starfsemi Æskulýðsráðs borg-
arinnar. R.KJ.
3
IIIIHIIIIINIIIIIIIIMIIIIIIIIIIHIIIIIIIIIHIIIIIHIIIIIIIIIIIIIIIIIIIIIHIUUIIII'IIIHIIIilllllllllllUIIIIIHIIIIIIIIIIIliaiiiitiiiMMi
IIIIIIIIIIIIIMIilllillllllllllllllllllllllNllllllflllllllllllftlllM lllllllllllllllllllltlfllllllllllfllllllllllllllHlf 11111111111111111111111111111111111*1