Morgunblaðið - 26.03.1969, Blaðsíða 5
MORGUNBLAÐIÐ, MIÐVIKUDAGUR 26. MARZ 1989
5
Framleiðsla fiskikassa úr plasti
undirbúin á Þingeyri
Stutt samtal við Jónas Ólafsson, frkvstj.
UNDANFARIÐ hefur verið
unnið að undirbúningi plast-
verksmiðju á Þingeyri. Er
áformað að framleiða í henni
fiskikassa úr plasti í fiski-
skip, bæði til flutnings síld-
ar af fjarlægum miðum og
öðrum fiski. Það er Jónas
Ólafsson, framkvæmdastjóri
á Þingeyri, sem haft hefur
forgöngu um þetta. En áform-
að er að stofna hlutafélag á
Þingeyri um þennan rekstur.
Hugmynd Þingeyringa er að
fá samtök fiskiðnaðarins til
samvinnu um þetta fyrirtæki.
Hefur þegar verið rætt við
þá aðila og undirtektir þeirra
verið jákvæðar, þótt endan-
leg ákvörðun hafi ekki verið
tekin. Morgunblaðið átti stutt
samtal við Jónas Ólafsson um
þetta mál í gær. Sagðist hon-
um m.a. frá á þessa leið:
A'ð undirbúningi þessa máls
hefur verið unnið í samráði við
IðnaðarmálaStofnunina, Lagði
hún okkur til verkfræðing, sem
annazt hefur tæknilegar athug-
anir. Það sem fyrir okkur vakir
er fyrst og fremst að framleidd-
ir verði hér innanlands fiskikass-
ar úr plasti, sem aðrar fiskveiði-
þjóðir eru þegar teknar að nota
í rikum mæli. Það er alveg aug-
ljóst að íslendingar verða á allra
næstu árum að taka upp slíkt
kassakerfi, ef þeir eiga áð geta
staðist samkeppni um vörugæði
á erlendum mörkuðum. Það er
einnig stórkostlegt hagsmuna-
mál fyrir þjóðina að síld verði
flutt að landi í kössum, svo að
hún verði söltunarhæf og nothæf
til vinnslu í niðurlagningar-
verksmiðjum, eins og t.d. niður-
lagningarverksmiðju Norður-
stjörnunnar í Hafnarfir’ði. Enn-
fremur má benda á, hversu þýð-
ingarmikið þetta er fyrir fryst-
ingu beitusíldar.
EKKI MIKIL
FJARFESTING
Athuganir hafa leitt í ljós að
auðvelt er að framleiða þessa
kassa hér á landi með tiltölulega
ltíilli fjárfestingu. Ef við hins
vegar þyrftum að flytja þessa
kassa inn frá útlöndum, þá
mundi það kosta mikla gjald-
eyriseyðslu, sennilega sem næmi
hundruðum milljóna króna. Það
virðist því tvímælalaust vera
þjóðhagslega hyggilegt að hefja
framlei'ðslu á slíkum fiskiköss-
um hér á landi.
— Hvað mundi t.d. hundrað
tonna fiskiskip þurfa marga
fiskikassa?
Það er reiknað með að 250
tonna skip þurfi á að halda um
1500 kössum. 100 tonna skip
mundi því þurfa um 800 kassa.
— Hvað áætlið þið að hver
kassi muni kosta?
Jónas Ólafsiíon
— Áætlað er að kassinn muni
kosta tæpar 500 krónur.
8 MILLJ. KRÓNA
STOFNKOSTNAÐUR
— Hvað gerir þú ráð fyrir að
nau'ðsynlegar vélar, ásamt hús-
næði vegna verksmiðjunnar
kosti?
— Stofnkostnaður fyrirtækis-
ins er áætlaður um 8 milljónir
króna. 1 þeirri upphæð er fólg-
inn kostnaður vegna vélakaupa
cirka 2,5—3 millj. kr. Húsnæði
er fyrir hendi á staðnum.
— Hve margir er líklegt að fái
atvinnu við fyrirtækið?
— Ef reiknað er með 8 stunda
dagvinnu er gert ráð fyrir að 4—
5 menn fái atvinnu við fyrirtæk-
ið. Ef hins vegar væri unnið á
vöktum allan sólarhringinn gætu
24—25 manns haft atvinnu við
það.
— Hvernig er áformað að afla
fjár til fyrirtækisins?
— í fyrsta lagi er áformað að
safna hlutafé.
Hins vegar hefur þegar fyrir
nokkru verið sótt um lán til At-
vinnumálanefndar ríkisins, At-
vinnujöfnunarsjóðs, Iðnlánasjóðs
og Fiskimálasjóðs um nauðsyn-
leg lán til þess að hrinda fyrir-
tækinu í framkvæmd.
— Hafið þið Þingeyringar und
irbúið stofnun þessa fyrirtækis
lengi?
— Já, segja má að við höfum
unnið að undirbúningi þess allt
frá miðju sl. ári. Þingeyringa
skortir ný atvinnufyrirtæki. Hins
vegar mega þau ekki vera mjög
vinnuaflsfrek, þannig að ekki
verði tekið vinnuafl frá fiskiðn-
aðinum og öðrum atvinnurekstri
á staðnum. Okkur datt þess
vegna í hug að freista þess að
koma á stofn slíkri verksmiðju,
þar sem auðsýnt er að óhjá-
kvæmilega verður að hefja fram-
leiðslu á fiskikössum innanlands
alveg á næstunni. Tilgangurinn
með því er tvíþættur. í fyrsta
lagi að spara erlendan gjaldeyri
og í öðru lagi að tryggja betri
meðferð á því hráefni, sem ís-
lenzkir sjómenn afla og unnið
er úr í fiskiðjufyrirtækjum okk-
ar.
500 ÞÚSUND KASSAR
*— Hver er heildarþörf fiski-
skipaflotans fyrir þessa kassa?
— Lágmarkið fyrstu 2—3 árin
fyrir fiskiskipaflotann og hrað-
frystihúsin er talið vera um 500
þúsund kassar.
— Þetta nýja fyrirtæki mundi
hafa verulega þýðingu fyrir af-
komuna á Þingeyri?
— Já, ég tel að það hafi mikia
þýðingu. Þetta mundi bæði skapa
nokkra atvinnu í byggðarlaginu
og ennfremur mundi það renna
nýjum stoðum undir hag sveitar-
félagsins. En því meira sem ég
hefi athugað þetta mál, því aug-
Ijósari verður mér nauðsyn þess
að framkvæmd þess verði vel
skipulögð frá upphafi. Þess
vegna leggjum við áherzlu á að
hafa góða samvinnu við samtök
sjávarútvegs og fiskiðnaðar, sem
hér eiga mestra hagsmuna að
gæta, segir Jónas Ólafsson að
lokum.
BRIDGE
SVEIT AKEIPPNI Reykjavíkur-
mótsins í bridge er nýlega lokið
og bar sveit Stefáns J. Guðjohn-
sen sigur úr býtum. Auk Stefáns
eru í sveitinni Hallur Símonar-
son, Simon Símonarson, Þorgeir
Sigurðsson, Eggert Benónýsson
og Þórir Sigurðsson. Þetta er í
þriðja sinn sem sveit Stefáns
hlýtur Reykjavíkurmeistaratitil-
inn, en auk þess hefur sveitin oft
orðið íslandsmeistari.
í meistaraflokki kepptu 8 sveit
ir og varð röð sveitanna þessi:
1. sveit Stefáns J. Guðjohnsens
B.R. 116 stig.
2. sveit Benedikts Jóhannsson-
ar, B.R., 100 stig.
3. sveit Hjalta Elíassonar, B.R.,
95 stig.
4. sveit Dagbjartar Grímsison-
ar B.R., 68 stig.
5. sveit Harðar Blöndal B.R.,
62 stig.
6. sveit Zóphaníusar Benedikts
sonar T.B.K., 37 stig.
7. sveit Halldórs Magnússonar
B.D.B., 28 stig.
8. Sveit Jóns Stefánssonar B.R.,
28 stig.
2 neðstu sveitirnar flytjast nið-
ur í 1. flokk.
Framhald á bls. 23
/.o.G.r. -
St. Verðandi nr. 9, fundur í
kvöld kl. 830. í Templarahöll-
inni, Eiríksgötu 5. Dagskrá 1.
Innsetning embættismanna. 2.
Ólokin störf. 3. Hagnefnd. Kahi
eftir fundinn. — Æ.t.
Vélstjórafélag íslands
heldur aðalfund þriðjudaginn 1. apríl kl. 8.30 í húsi Slysa-
varnafélags Islands.
Fundarefni: Venjuleg aðalfundarstörf.
STJÓRNIN.
Bústaðasókn
Aðalfundur Bústaðasóknar verður naldinn að lokinni guð-
þjónustu í Réttarholtsskóla sunnudaginn 30. marz kl. 2 e.h.
SÓKNARNEFNDIN.
HÁRÞURRKAN
FALLEGRI*FLJÓTARI
# 700W hlfaelemenf, stlglaus hltastilllng
0—80°C og ,/turbo" loftdreifarinn veita
þægilegri og fljótari þurrkun • Hljóftlát
og truflar hvorki útvarp né sjónvarp •
FyrirferÖarlftil I geymslu, því hjálminn má
leggja saman • Mefi klemmu til festingar
á herbergishuró, skáphurð e&a hillu •
Einnig fóst borftstativ eða gólfstativ, sem
leggja má saman • Vönduð og formfögur
— og þér getift valift um tvær fallegar
litasamstæfiur, bláleita (turkis) efia gulleita
(beige). • Ábyrgft og traust þjónusta.
FERMIItlGARGJÖF!
FYRSTA
FLOKKS
FRÁ....
SlMI 24420
FÖNIX
SUÐURG. 10 - RVÍK
Mest setda píputóbak íAmeríku,
framteitt af Camet verksmiðjunum
Skátaskemmtunin miðvikudag í Sigtúni
Miðasala á miðvikudag í Sigtúni kl. 2