Morgunblaðið - 25.09.1970, Blaðsíða 21

MORGUNBLAÐIÐ, FOSTUDAGUR 25. SEPT. 1970
21
við algeng sveitastörf, fara með
orf og hrífu, binda hey og bera
á tún, smala heimalönd og heið-
ar, svo nokkuð sé nefnt.
Þegar Guðni nálgaðist tvitugs
aldurinn stóð hann þegar flest-
um sveitungum sínum á sporði
í glímu. Þeir bræður Jón Pálmi
og Guðni stofnuðu Málfundafél.
Svinvetninga 1907. Þó mælsku
listin væri þar efst á blaði, var
íþróttunum aldrei gleymt, sízt
glímunni. Guðni hlaut sín
fyrstu verðlaun fyrir glímu, á
íþróttamóti, er háldið var á
Blönduósi þann 17. júní 1911, á
aldarafmæli Jóns Sigurðssonar.
Næst fékk Guðni verðlaun fyrir
glímu, og fleiri íþróttir á Sauð-
árkróki, árið 1912. Og næstu ár-
in var þátttaka Guðna í íþrótta-
mótum nær óslitin sigurför.
Verðlaunagripirnir bera um
þetta ljósast vitni. Iþróttirnar
juku þor og þrótt. Hvorttveggja
dýrmætir fjársjóðir í harðri lífs
baráttu. Sigrarnir svöluðu metn
aði, sem hver dugandi æsku-
maður ber í brjósti. En fram-
inn sá fyllti ekki pyngjuna og
því varð að leita annarra við-
íangsefna. 1 þá keppni var
Guðni reiðubúinn. Og ekki var
lengi hikað við áformið.
í fyrstu lotu lærði Guðni bók
band hjá Sigfúsi í Forsæludal,
ér var meístari í þeirri iðn.
Næstu árin var Guðni í Stóra-
dal, við heyskap á sumrin, en
bókband á veturna. En þegar
stofan var of þröng, rúmaði ekki
æskufjörið, þá hljóp ungi mað-
urinn á fjöll og skaut rjúpur,
þrammaði svo með stórar kipp-
ur á bakinu, út á Blönduós.(25
km.) og seldi rjúpurnar fyrir 25
aura stk. Þolraunin var ungum
manni meira virði en peningarn
ir. Við bókbandið var ekki stað-
ar numið. Árið 1914 fór Guðni
til Sauðárkróks og dvaldi þar
nær tvö ár við nám og úrsmíð-
ar hjá Michelsen úrsmiði. Það
nám fannst Guðna aðeins lítill
forsmekkur þeirrar iðnar.
Áfram skildi haldið á þeirri
braut, er þá var mörkuð. Mal-
pokinn var Xéttur en viljinn
þrunginn orku, það skipti sköp-
um. Snarlega var búizt til ferð-
ar, og skildi næsti áfangastaður
verða Kaupmannahöfn. Iðnin
skyldi þar lærð meira og betur
en kostur var á hérlendis.
Guðni dvaldi við nám í Höfn
árin 1917—‘18, og vann jafn-
framt fyrir dvalarkostnaði
Vann sér traust og álit 'meistara
sinna. Slikt var og um viðskipta
vinina, er hann stofnsetti sitt eig
ið verkstæði og verzlun í Höfn
árið 1919, er hann svo rak til
ársins 1922, þá hann fluttist
hingað heim. Til marks um hve
Guðni naut. mikils trausts, þar
úti, er skyndiför hans heim til ís
lands, árið 1920. Sú ferð var
gerð með söluvarning, fyrir
þekkt vöruhús í Kaupmanna-
höfn. Guðni fór umhverfis land
ið, kom á flestar hafnir, og
kynntist mörgum. Er hann kom
aftur til Hafnar færði hann um-
bjóðendum sínum digran sjóð,
röskar 40 þúsund danskar krón
ur, er þá voru miklir peningar.
„Römm er sú taug, er rekka
dregur föðurtúna til.“ Eftir vel
heppnað nám, og nokkra stað-
góða þekkingu á viðskiptamál-
um, leysti Guðni landfestar við
„Sundin bláu“, og sigldi hrað-
byr heim að Fróni. Og þetta var
árið 1922, þegar meiri fjármála
kreppa þrengdi að öllum við-
skiptum á landi hér, en dæmi
eru til á vorri öld. Þótti ýms-
um glöggskyggnum mönnum lít
il fyrirhyggja, að stofna til
nýrra viðskipta á slíkum tímum.
En Guðna hefur aldrei skort
orku, eða áræði. Hann hafði og
tryggt sér mjög hagstæð við-
skiptasambönd, hjá þekktum
verzlunarfyrirtækjum í Kaup-
mannahöfn, og víðar, sem höfðu
eingöngu vandaðan varning úr
Og skartgripi, á boðstólum. Það
gerði gæfumuninn, þvi þrátt fyr
ir „kreppuna", voru margir, er
girntust góða gripi, og gátu
borgað þá.
Næstu árin eftir heimkomuna,
verzlaði Guðni í Aðalstræti 6,
hér i borg. Brátt þótti honum
þröngt um sig þar, og flutti
verkstæði og verzlun í Austur-
stræti eitt. Þá var Austurstræti
mesta umferðargata bæjarins.
Þar voru bankarnir, hótel og
mörg vegleg verzlunarhús, þar
var „Rúnturinn". Þar reikuðu
um, þeir fáu viðskiptajöfrar, er
þá voru til í bænum, glæsilegar
frúr þeirra og dætur. Allt
þetta fólk kunni að meta dýra
skartgripi, og neitaði sér ekki
um þá. Og Guðni A. Jónsson úr-
smiður dró að sér viðskipti
þessa fólks eins og segull járn.
Enda var kaupmaðurinn sjálfur
aðlaðandi, glæsilegt viðmót og
gneistandi fjör, heillar hvern
mann. Verzlunin blómgaðist,
einnig vinátta margra mætra
manna hér í bæ, og reyndar víð-
ar. Menn fundu fljótt, að Guðni
var ekki aðeins traustur í við-
skiptalífinu, heldur og það sem
mest er um vert: drengur góður
og trölltryggur vinum sínum.
Þessa er gott að njóta þegar
kvölda tekur.
Guðni Jónsson hefur oft lagt
land undir fót, svo sem sagt er
á táknrænu máli. Hann hefur
farið um flest fegurstu lönd Ev-
rópu, og hresst hugann við töfr-
andi fegurð landslags og gróð-
urs. Heim hefur hann komið, þá
jafnan með góðvöru í verzlun-
ina. Starfinu var aldrei gleymt.
Landinu okkar ann hann, og
elskar bernskuhagana sem barn
móður.
Guðni hefur lengi tekið þátt
í félagsmálum hér í bænum. 1
Oddfellowreglunni hefur hann
starfað, á fimmta áratug, og er
heiðursfélagi reglunnar.
Kvæntur er Guðni A. Jónsson
úrsmiður Ólafíu Jóhannesdótt-
ur frá Svínavatni í Húnaþingi.
Ólafía er kennari að menntun,
greind og glæsileg kona. Þau
hjónin eiga þrjár dætur. Allar
eru þær systur vel gefnar sem
þær eiga ætt til. Elzt er Anna,
gift Páli Stefánssyni, fulltrúa
Sjálfstæðisfl. Næst að aldri er
Sunna, gift Jóni Björnssyni,
byggingafræðingi. Þau eru bú-
sett í Gautaborg. Yngst er Jó-
hanna gift Birni Ólafssyni
pípulagningam. hér í borg.
„Hver er sinnar gæfu smið
ur“. Gamalt spakmæli, er birtir
djúpstæða þekkingu á lögmál-
um lífsins. Mörgum tekst, með
Guðs hjálp, að sækja á djúpmið,
verja lífsfley sitt áföllum, gegn-
um brimrót og boða, og færa
fleyið heilt til hafnar í fögru
aftanskini. Slíkur gæfumaður er
Guðni Jónsson. Þótt hann fylli
nú áttunda áratuginn, er hann,
að bjartsýni og viljastyrk sem
fimmtugur væri. Vonum við: ætt
ingjar hans, vinir og venzla-
menn, að hann þurfi ekki að
nausta skip sitt næsta áratug-
inn, eða tugina. Snekkjan er
enn fullbúin, rá og reiða, með
segl við hún, æfðar hendur fara
með stjórnvölinn, svo hún renn
ur ljúft í aftanblænum.
Húsið Öldugata 11, er þriggja
hæða, auk kjallara, með þremur
stórum ibúðum. Þetta hús
byggði Guðni árið 1929, á mesta
krepputímabili þessarar aldar.
Þrekvirki á slikum tímum, þvi
enginn skal ætla, að byggingar
kostnaðurinn hafi verið sóttur
í handraðann hjá Guðna. En
áræði og dugnaður var hans
f ramkvæmdas j óður.
Það er hressandi að koma til
þeirra hjóna, Guðna og Ólafíu
á Öldugötunni. Þar er opið hús,
öllum er að garði ber tekið opn
um örmum. Hlaðið borð, með
vistir og hvers konar veitingar,
bera vitni um rausn og risnu
húsbændanna, er gestirnir róma
að verðleikum. Mörgum finnst
þó „ábætirinn" hvað beztur, —
fræðaspjall, fyndni og græsku-
laus gamanmál- Guðni er glaður
maður á góðri stund og lætur
þá stundum kviðlinga fljúga.
Hagmælskan er ættararfur
þeirra systkina.
Ekki er Guðni Jónsson skóla-
genginn maður, aðeins naut
hann skamman tíma nokkurrar
leiðsögu menntaðra manna.
Lærði hann að rita tungu feðr-
anna rétt og skýrri hönd. Jafn-
framt nam hann nytsömustu at-
riði stærðfræðinnar. Guðni er
vel heima í fornbókmenntum vor
um, og metur það bezta í fagur-
fræði og fræðimálum síðari tíma.
Dönsk tunga leikur honum létt
á vörum, og þýzka og enska eru
einnig tiltæk tungumál í við-
skiptalífinu. Þannig er sjálfs-
menntunin mörgum manni nota
drjúg og þroskandi.
Litli dóttursonurinn á Öldu-
götu 11, vitnar ljúft um hjarta-
hlýju afa síns og ömmu.
Mér kemur oft í hug, þegar ég
mæti mági mínum á götu, hlaup-
andi við fót, og það nú síðustu
daga, að hollt mundi ungum
mönnum, að taka hann sér til
fyrirmyndar um það, sem og
fleiri lífshætti.
Við hjónin þökkum bróður
og mági fyrir hugljúfar sam-
verustundir og fölskvalausa
tryggð. Við biðjum þess, að
hann megi enn lengi lifa og
starfa við gullinn bjarma ævi-
kvölds. Fjölskyldu áttræðs öld-
ungs árnum við allra heilla.
Stgr. Davíðsson.
Sendisveinn
Piltur eða stúlka óskast til léttra sendi-
ferða hálfan eða allan daginn.
ÓLAFUR GÍSLASON & CO. H.F.,
Ingólfsstræti 1 A — Sími 18370.
Taunus 17 M Stafion
Fallegur Taunus 17 M station árgerð 1967 til sýnis og sölu
í dag og á morgun.
SÝNINGARSALUR
SVEINN EGILSSON H/F.,
Laugavegi 105.
í Háskólabíói miðvikudaginn 30. sept. kl. 21.00.
Náttúra, Ævintýri, Óðmenn, Gaddavír ’70,
Fi-fi og Fó-fó, Ásgerður Flosadóttir, Janis Carol,
Einar Vilberg og fleiri.
Ríó tríó kynnir og skemmtir.
Hverjum miða fylgir happdrættisnúmer og verður
dregið um verðlaunin um kvöldið, ferð til Mallorca
með Ferðaklúbb unga fólksins á vegum Sunnu.
Forsala aðgöngumiða er hafin í Háskólabíói klukkan
4—9. Verð miða 350,00 krónur.
Ekkert sérstakt aldurstakmark.
Táningablaðið Jónína.