Morgunblaðið - 01.12.1974, Page 21

MORGUNBLAÐIÐ, SUNNUDAGUR 1. DESEMBER 1974
21
75ára:
Sigríður Jóna
Þorbergsdóttir
Sigríður Jóna Þorbergsdóttir
frá Aðalvik verður 75 ára á morg-
un 2. des. I tilefni af þessum
merka degi vil ég færa henni
árnaðaróskir og þakkir fyrir alla
þá hlýju og góðvild, sem hún ætíð
hefur sýnt mér.
Ég hefði ekki trúað því að
óreyndu að hægt væri að eignast
slíka tengdamóður, sem mér
hlotnaðist. Alltaf reiðubúin að
rétta hjálparhönd, alltaf létt í
lund og aldrei með aðfinnslur eða
afskiptasemi.
Lífið hefur ekki alltaf verið
dans á rósum hjá Sigríði, en hún
lét ekki bugast heldur styrktist
við hverjaraun.
Sigríður Jóna Þorbergsdóttir
fæddist 2. des. 1899 í Miðvik i
Aðalvík. Foreldrar hennar voru
Þorbergur Jónsson og Oddný
Finnbogadóttir og ólst hún upp í
stórum systkinahópi í heima-
húsum. Þegar, 16 ára gömul fór
hún i húsmæðraskólann á Isafirði
og tveimur árum seinna giftist
hún sveitunga sínum Ólafi Helga
Hjálmarssyni og bjuggu þau
saman í farsælu hjónabandi þar
til á síðastliðnu sumri að Ólafur
lést eftir þunga legu. Þau hjónin
eignuðust 9 börn og eru 6 þeirra á
lífi. Oftast hefur verið mann-
margt á heimili Sigriðar enda gott
þangað að koma og öllum mætt
þessi viðmótsþýða góðvild. Ekki
hefur Sigriður alltaf búið í jafn-
góðum húsakynnum og nú, en
hvar sem hún bjó, var ætíð „fínt“
hjá henni. I dag sunnudag tekur
hún á móti gestum á heimili sínu
að Goðheimum 14, Reykjavík.
K.L.
Kammertónleikar
KAMMERMUSlKKLUBBURINN
bauð upp á ágæta tónleika á
sunnudagskvöldió í Bústaða-
kirkju. Agæti tónleikanna var
fyrst og fremst flutningnum að
þakka, þar eð sjálft verkefnavalið
var ekki sérlega forvitnilegt.
Fluttir voru fagottkvartett eftir
Danzi, flautukvartett eftir
Mozart, strengjakvartett eftir
Hayden og klarínettkvintett eftir
Weber. Þetta voru allt nærri því
samtímamenn, og gátu áheyrend-
ur með eigin eyrum sannprófað
— ef frekari sannanna er yfirleitt
þörf — að dómur sögunnar, sem
hefur dæmt tvo þessara höfunda
sem höfunda dægursmíða, og
hina tvo sem höfunda kemmer-
verka, er gildi hafa haft út fyrir
takmarkað æviskeið, hefur verið
réttur. Við slikt hefur lítilfjörleg-
ur blaðadómari upp á Islandi árið
1974 engu að bæta.
Guðný Guðmundsdóttir leiddi
þarna nýstofnaðan strengjakvart-
ett, en hann skipa að auki þær
Hlíf Sigurjónsdóttir, Stephanie
Riekman og Deborah Davis. Leik-
ur þeirra vakti verðskuldaða
hrifningu, og er vonandi, að
kvartettinn dafni hér sem bezt og
jRoröunI'lnhií>
margfaldar
markað vðar
Tðnllst
eftir ÞORKEL
SIGURBJÖRNSSON
láti sem oftast til sín heyra. Það
var töluverð snerpa í leiknum,
nokkuð gott jafnvægi hljóðfær-
anna, og „smitandi" leikgleði. Það
var einmitt þessi innilega og til-
gerðarlausa leikgleði, sem ein-
kenndi þessa tónleika I heild.
Manuela Wiesler er enginn
hversdagslegur flautuleikari, og
snilld hennar bar uppi D-dúr
flautukvartett Mozarts. Þrátt fyr-
ir yfirlýsingar Mozarts um andúð
hans á flautunni, þá eru flautu-
kvartettar hans einhverjar skær-
ustu perlur tónbókmenntanna.
Weber dáði hins vegar klarínett-
ið, og skrifaði margar þakklátar
ströfur fyrir það hljóðfæri, stróf-
ur, sem liggja vel, hljóma vel og
sýna, aðaðdáun hans fylgdi næm-
ur skilningur á hlóðfærinu, Samt
er alltaf eitthvert tómahljóð.
Sigurður Snorrason lék aðdáan-
lega klarínetthlutverkið í D-dúr
kvintettinum.
Það eru meiri vandræðin, að
enginn snillingur skuli hafatekið
fagottið ástfóstri. Danzi var sam-
vizkusamur maður, en aldrei
frumlegur. I fagottkvartettinum
op. 40 fær vitanlega enginn að
„brilléra" — úr því að hann gat
það ekki sjálfur — ekki einu sinni
fagottið. Hafsteinn Guðmundsson
átti auðvelt með að ná öllu því úr
sínu hlutverki, sem það bauð upp
á, og lagði þar að auki fram mik-
inn sannfæringarkraft frá eigin
brjósti — eða kannski þing.
Strengjaleikarnir skiptu dálitið
með sér verkum, og auk þeirra,
sem þegar hafa verið nefndir,
léku þau Ásdís Þorsteinsdóttir
(fiðla) ogBrian Carlie (víola).
Nauðungaruppboð
sem auglýst var í 57., 58. og 60 tölublaði Lögbirtingablaðsins 1 974 á
Kópavogsbraut 83, eignarhluta Ólafs R. Jónssonar, fer fram á eigninni
sjálfri föstudaginn 6. desember 1 974 kl. 1 2.
Bæjarfógetinn i Kópavogi.
:lr*.
n
Yfirhjúkrunarkona
Staða yfirhjúkrunarkonu við Svæfingadeild Borgarspitalans er laus til
umsóknar.
Staðan veitist frá 1. janúar 1 975.
Upplýsingar um stöðuna eru veittar frá skrifstofu forstöðukonu Borgar-
spitalans.
Umsóknir, ásamt upplýsingum um nám og fyrri störf sendist Heil-
brigðismálaráði Reykjavikurborgar fyrir 10. des. n.k.
Reykjavik, 29. nóvember 1974.
Heilbrigðismálaráð Reykjavikurborgar.
RADI
NETTE
Stórglæsileg stereosamstæða
SM 40 cassettu með
2TK18 S hátölurum
Útvarpstæki með langbylgju, miSbylgju og FH bylgju. HI-FI
stereo magnari 2 X 20 Wött Sinus (2 X 35 wött mússik)
Cassettutæki fyrir bæSi venjulegar casettur og Chrom-
cassettur. Al-sjálfvirk upptaka. Innstunga fyrir Mono eSa
Stereo hljóonema, 4 hátalara og plötuspilara með magnetlskri
hljóðdós.
Verð á tækinu kr. 85.365.00 með sölusk. Árs ábyrgS
Verð á hátölurum kr. 12.395. pr. st.
Greiðsluskilmálar
Hljómdeild
^Akureyri
HyóMvem
Simi (96)11626 V^Gterárgötu 32 Akureyn
EINAR FARESTVEIT S, CO. HF.
B ERGSTAO ASTRÆTI 10A
Lóubuð — Nýtt
Úrval af fallegum barnagöllum, úlpum og kápum.
Skiðabuxur barna, telpukjólar, úrvalsfallegir. Drengjaföt og frakkar.
Dömupeysur, buxur og blússur.
Lóubúð, Bankastræti 14,
2. hæð, sími 13640.