Morgunblaðið - 28.11.1975, Blaðsíða 11

MORGUNBLAÐIÐ, FÖSTUDAGUR 28. NÓVEMBER 1975
11
Jarðhitadeild háskóla
SÞ staðsett á íslandi?
Tillaga þess efnis boðuð af fastafulltrúa íslands
Islendingar hafa áhuga á að
gegna forustuhlutverki á tveimur
sviðum í hinum nýstofnaða há-
skóla Sameinuðu þjóðanna. Það
kom fram í ræðu, sem Ingvi
Ingvason, fastafulltrúi tslands,
hélt í annarri nefnd allsherjar-
þings S.Þ. í umræðum um háskóla
S.Þ., sem tekinn er til starfa i
Tokyo. Sagði hann að tslendingar
væru að undirbúa sig til að bjóða
fram samvinnu íslands annars
vegar á sviði haf- og fiskirann-
sókna og hins vegar um nýtingu
og rannsóknir á jarðhita, en há-
skóli S.Þ., sem hefur aðalstöðvar í
Tokyo, mun hafa deildir f hinum
ýmsu löndum. Sagði Ingvi, að
hann vonaðist til að geta lagt
fram tillögu um jarðhitadeild á
íslandi fyrir næsta fund háskóla-
ráðs S.Þ., sem halda á í janúar
næstkomandi.
Undirbúningur er í fullum
gangi að hugsanlegri jarðhita-
deild á íslandi hjá raunvísinda-
stofnun, þar sem háskóladeild
S.Þ. mundi fá inni í fyrstu, og
búist við að tillogur tslendinga
um það verði tilbúnar innan mán-
aðar.
Hugsanleg haffræðideild á Is-
landi hefur líka verið í athugun
hjá Hafrannsóknastofnuninni og
Rannsóknastofnun fiskiðnaðarins
og sjávarútvegsráðuneytið lýst
áhuga sínum, en sendinefndinni
hér hefur ekki verið falið að taka
neina ákveðna afstöðu, sem
reyndist slæmt í umræðunum í
gær. Gríski fulltrúinn, sem talaði
á undan Ingva, gat í sinni ræðu
tilkynnt að gríska stjórnin legði
til að háskóli S.Þ. stofnaði rann-
sóknarmiðstöð í Grikklandi í haf-
fræði og fiskifræði, sem hefði það
hlutverk að stunda rannsóknir I
almennri haffræði, verndun fisk-
stofna og lifandi auðlinda hafsins
og sjávarmengun. Sagði hann að í
Grikklandi væru margar rann-
sóknarstofnanir, sem gætu veitt
deild S.Þ. vinnuaðstöðu. Er ekki
gott að segja hvort við erum þar
að missa af tækifærinu til að hafa
forustu á sviði fiski- og haffræði
við háskóla Sameinuðu þjóðanna.
En Ingvi lagði áherzlu á það I
ræðu sinni í gær, að íslendingar
teldu að hagnýt notkun lifandi
auðlinda hafsins væri gifurlega
mikilvæg heimi með vaxandi
mannfjölda og aukinn næringar-
skort. Þetta væri spurning um
það að mannkynið lifi af. Sagði
hann að snúast ætti skipulega
gegn vandanum um allan heim og
því væru íslendingar nú að undir-
búa áætlun um samvinnu við S.Þ.
háskóla á þessu sviði, þar sem við
ættum svo mikið í húfi og gætum
boðið fram mikla sérfræðiþekk-
ingu.
Þá sneri Ingvi sér að áformum
um jarðhitadeild á íslandi og
sagði að þar teldu tslendingar sig
geta orðið að miklu gagni í svo
mikilvægu máli, sem rannsóknir
og hagnýting jarðhita er, en Is-
lendingar hafa áður á þessu ári
lagt áherzlu á í auðlindanefndinni
á fundi í Tokyo að S.Þ. háskólinn
taki jarðhita- og sólarorku sem
forgangsverkefni. Var það sam-
þykkt þar og í efnahags- og félags-
málaráði S.Þ. Sagði Ingvi, að víða
um heim væri jarðhiti, sem biði
nýtingar, en miklar rannsóknir
ættu eftir að fara þar fram og það
væri bjargföst trú okkar að þarna
væru miklir möguleikar á tiltölu-
lega ódýrri orku fyrir mörg lönd.
Hann skýrði síðan í hve ríkum
mæli tslendingar hefðu þegar
nýtt og væru að undirbúa nýtingu
á jarðhita. Við hefðum mikinn
fjölda sérfræðinga með hagnýta
reynslu við rannsóknir og nýtingu
á slíkri orku. „Stjórnvöld í mínu
landi eru nú af fullum krafti að
undirbúa tillögu um samvinnu
við háskóla S.Þ. um að setja upp
deild á Islandi til að fást við rann-
sóknir og þjálfun fólks á sviði
jarðhitaorku,“ sagði hann. Og
boðaði ákveðna tillögu um það.
Á fundinum voru íslendingar
meðflutningsmenn að tillögu um
háskóla S.Þ. sem m.a. lagði
áherzlu á að háskólinn tæki sem
fyrst af fullum krafti upp sam-
vinnu við stofnanir, sem áhuga
hefðu og getu, og einnig að með-
limaþjóðir Sameinuðu þjóðanna
legðu meira til af frjáisum fram-
lögum til háskólans bæði í sérstök
verkefni og til að koma upp neti
háskóladeilda um allan heim. Nýr
rektor S.Þ. háskólans, James
Hester, var á fundinum og skýrði
frá því að f aðalstöðvunum í
Tokyo, væri 30 manna starfslið og
margar þjóðir hefðu lagt fram fé.
Búið er að leggja línur að for-
gangsflokkum verkefna, sem
snúa að 3 sviðum, hungrinu í
heiminum og mannfjölgunar-
vandanum, að dreifingu auðlinda
og að félagslegri þróun. Lýsti full-
trúi stuðningi sínum við það.
Sagði rektor, að öll áherzla yrði
lögð á hagnýtar rannsóknir og
þjálfun í verkefnum, sem brýnust
væru fyrir heiminn. Þar yrðu
ekki stúdentar við nám í stúd-
entagörðum, heldur menn í þjálf-
un á vissum sviðum. Þetta yrði
hagnýtur háskóli en akademísk-
ur, með fullri virðingu fyrir slíku.
NÝR viðskiptasamningur var gerður á milli Islands og Kúbu 24. nóvember
s.l. I samningum skuldbinda bæði löndin sig til að veita innflutningi
hvors annars beztu kjör samkvæmt ákvæðum GATT-sáttmálans. Allar
greiðslur milli landanna skulu fara fram i skiptanlegum gjaldmiðli. Þá
fylgja samningnum tveir listar yfir vörur, sem hvor aðili hefur sérstaklega
hug á að selja hinum.
Fyrir 1960 var árlega seldur fullverkaður saltfiskur til Kúbu, en keypt
þaðan i staðinn sykur, vindlar og romm. Auk þessara vörutegunda verða
athugaðir möguleikar á að selja Kúbu kisilgúr, ál og aðrar iðnaðarvörur.
Hafa slik viðskipti verið athuguð af viðskiptanefnd frá Kúbu, sem dvalið
hefur hér undanfarna daga, en engir sölusamningar hafa verið gerðir.
Einar Ágústsson, utanrikisráðherra. og Oscar E. Alcalde, sendiherra
Kúbu á Islandi, undirrituðu viðskiptasamninginn.
fyr/ti áfanqi
Penninn er fluttur af Laugavegi 178. Nokkur hundruö
metrum ofar í borginni, viö HALLARMÚLA, hefur Penninn
opnað stóra og rúmgóöa verzlun.
Meö tímanum kemur Penninn í Hallarmúla til meö aö
veröa ein glæsilegasta ritfangaverzlun landsins — meö
sérþjónustu viö hina ýmsu viðskiptahópa sína.
Til þess aö auðvelda þjónustuna, og kynna hinar
margvíslegu nýjungar í pappírs- og ritföngum, mun
Penninn skipta hinu nýja húsnæöi viö Hallarmúla í
sérstakar einingar, sem nefnast horn. Þaö kemur til
dæmis til meö aö vera sérstakt horn fyrir teiknistofuvörur,
annaö fyrir skólavörur, hiö þriöja fyrir skrifstofuvörur,
o.s.frv.
í FYRSTA ÁFANGA OPNAR:
Skrifstofuhorn
Töskuhorn
Smávöruhorn
Skólahorn
Leikjahorn
Gjafahorn
Heimiiishorn
Jólamarkaður
SfÐAR VERÐUR
í FLEIRI HORN AÐ LÍTA:
T ækjahorn
Teiknivöruhorn
Húsgagnahorn
Kjarahorn
Nýjungahorn
Hallarmúla 2 — fyrir horniö á Hótel Esju!