Morgunblaðið - 12.08.1976, Blaðsíða 11

MORGUNBLAÐIÐ. FIMMTUDAGUR 12. AGUST 1976
11
Sveinn Tryggvason 60 ára
Sveinn Tryggvason fram-
kvæmdastjóri Framleiósluráðs
landbúnaðarins er sextugur í dag.
Náið samstarf okkar Sveins byrj-
aði haustið 1959 og stóð óslitið um
12 ára skeið. Minni hluta stjórn
Alþýðuflokksins fór með völd í
landinu mestan hluta árs_ 1959.
Deila reis um haustið milli ríkis-
stjórnarinnar og bændasamtak-
anna um búvöruverð og fram-
kvæmd framleiðsluráðslaganna.
Ölafur Thors myndaði ríkisstjórn
í nóvember 1959 og kom það í hlut
þeirrar stjórnar að jafna deilu-
atriðin. Bændasamtökin, Fram-
leiðsluráð landbúnaðarins og sex-
mannanefndin voru aðilar að mál-
inu. Sveinn Tryggvason var fram-
kvæmdastjóri Framleiðsluráðs og
vann af alkunnum dugnaði með
sexmannanefnd. Hafði hann
sterka aðstöðu og mikil áhrif á
gang mála. Samkomulag náðist
um breytingu á lögum um fram-
leiðsluráð og verðlagningu bú-
vara. VeigameSta breytingin var
ákvörðun um að greiða útflutn-
ingsuppbætur á búvörur í því
skyni að tryggja bændum fullt
verð fyrir alla framleiðsluna. Út-
flutningsuppbæturnar máttu
nema árlega allt að 10% af
heildarverðmæti landbúnaðar-
framleiðslunnar. Lög um út-
flutningsuppbætur komu til
framkvæmda frá ársbyrjun 1960
og hafa verið í gildi síðan. Sveinn
Tryggvason átti stóran þátt í því
að heilladrjúgt samkomulag náð-
ist á þeim tíma um einn mikilvæg-
asta þátt landbúnaðarmálanna.
Lög um sexmannanefnd voru
fyrst sett 1943, en lög um Fram-
leiðsluráð landbúnaðarins 1947.
Sveinn Tryggvason var frá byrj-
un ráðinn framkvæmdastjóri
Framleiðsluráðsins. Voru allir,
sem hlut áttu að máli, sammála
um að ráða Svein til starfsins.
Reynslan hefur sýnt, að sú ráð-
stöfun var farsæl.
Sveinn er fæddur í Reykjavik,
sonur hjónanna Sveinsínu Sveins-
dóttur og Tryggva Benóníssonar
vélstjóra. Sveinn var einn vetur í
gagnfræðaskóla og annan vetur í
iðnskóla. Hann hafði ekki langa
skólagöngu að baki, þegar hann
fór úr foreldrahúsum. Eigi að síð-
ur hafði hann gott veganesti að
heiman, sem hefur dugað honum
vel. í foreldrahúsum fékk Sveinn
hvatningu til góðra verka og heil-
ræði mörg, sem hann skyldi ávallt
muna. Sveinn vann um tíma á
Hvanneyri og kynntist þar
Halldóri Vilhjálmssyni skóla-
stjóra. Halldór var áhugamaður
um öli framfaramál. Hann hafði
uppörvandi og góð áhrif á unga
menn. Hvatti hann Svein til þess
að fara til Noregs til þess að nema
mjólkurfræði. Á þeim tíma var
mjólkuriðnaður hér á landi kom-
inn á skemmra stig en nú er og
innlenda menn vantaði til þess að
vinna í þeirri iðngrein. Sveinn
lauk námi við Statens Mejreskole
í Þrándheimi 1937. Kom hann þá
heim og varð mjólkurstöðvar-
stjóri í Reykjavík um eins árs
skeið. Eftir það tók Sveinn að sér
forstöðu mjólkurbús Hafnar-
fjarðar og gegndi því starfi í fjög-

FASTEIGNASALA, AÐALSTRÆTI 9
SÍMAR 28233 - 28733
ATHUGIÐ ’
Höfum kaupanda að
4ra herbergja íbúð
(eða stærri) á Reykja-
víkursvæðinu. Æski-
legt að bílskúr fylgi.
Útborgun 6,5 millj.
kr.
Gisli Baldur
Garðarsson,
lögfræðingur.
ur ár. Ráðunautur Búnaðarfélags
tslands var hann frá 1942—’47 og
gegndi jafnframt forstöðu í
Mjólkursamlagi Skagfirðinga
1944—’45. Ymsum fleiri trúnaðar-
störfum hefur Sveinn gegnt í
þágu landbúnaðarins. Hann hefur
ritað fjölda greina um mjólkur-
iðnað og um verðlags- og afurða-
sölumál landbúnaðarins. Hann
hefur verið ritstjóri Árbókar
landbúnaðarins frá 1964.
Það sem hér hefur verið drepið
á sýnir enga heildarmynd af um-
fangsmiklum og margþættum
störfum Sveins, þar sem aðeins er
hér stiklað á nokkrum atriðum.
Þau störf, sem Sveinn hefir gegnt
og hefir enn á hendi eru
ábyrgðarmikil og vandasöm.
Framkvæmdastjóri Framleiðslu-
ráðs landbúnaðarins annast
undirbúning á niðurgreiðslum á
búvörum. Hann beitir sér fyrir
því að mjólkurbúin vinni úr
mjólkinni samkvæmt markaðs-
þörfum innanlands og hvað hag-
kvæmast er að selja á erlendan
markað, þegar um útflutning
mjólkuráfurða er að ræða. Fram-
kvæmdastjóri framleiðsluráðs
vinnur að útreikningum ásamt
Hagstofu íslands vegna útflutn-
ingsbóta á búvörum. Hann er til
ráðuneytis og gefur nauðsynlegar
upplýsingar áður en verðlag bú-
vöru er ákveðið. Allt er þetta
vandasamt og ábyrgðarmikið. Það
er mikils virði, að allir þeir sem
til málanna þekkja, treysta því
fullkomlega, að vel og samvizku-
samlega hafi verið unnið, þegar
tillögur og greinargerðir koma frá
Sveini. Hann hefir haft í heiðri
heilræðin, sem hann fékk í föður-
garði á unga aldri. Orð Kolskeggs
hefur hann einnig tileinkað sér.
„Hvárki skal ek á þessu níðast ok
á engu öðru, þvi er mér er til
trúat.”
Framkvæmd laga um Fram-
leiðsluráð landbúnaðarins um
verðlagningu og sölu búvara hefir
stundum valdið nokkrum ágrein-
ingi. Sexmannanefnd hefir ekki
alltaf orðið sammála um verðlagn-
ingu búvöru, þótt það hafi oftast
farið þannig. Fulltrúar neytenda
og bænda í nefndinni hafa leitazt
við að vinna af skilningi og rétt-
sýni. Nauðsynlegt er að gagn-
kvæmt traust sé fyrir hendi, þeg-
ar gera skal út um viðkvæm hags-
munamál. Upplýsingar og út-
reikningar Sveins hafa jafnað
deilur og vakið traust manna á
þvi, að niðurstöður væru réttlát-
ar.
Giftur er Sveinn ágætri konu,
Gerði Sigríði Þórarinsdóttur
kaupmanns í Reykjavik. Eiga þau
Framhald á bls. 16
V.