Morgunblaðið - 06.10.1976, Blaðsíða 10

10
MORGUNBLAÐIÐ, MIÐVIKUDAGUR 6. OKTÓBER 1976
Nást sex háhyrningar
lifandi á land í haust?
MIKILL áhugi er nú á
háhyrningaveiðum hér við land,
og fulltrúar sædýrasafna I Frakk-
landi og Hollandi eru staddir hér
á landi I þessu skyni. Frakkinn
hefur verið hér tvö sfðustu haust
og hefur hann leyfi til að veiða
tvo háhyrninga og Hollendingur-
inn er hér I samstarfi við Sædýra-
safnið og hefur hann leyfi til að
veiða fjóra háhyrninga. Sigurvon
SH mun verða við háhyrnings-
veiðarnar á vegum Frakkans og á
að halda til veiða á næstu dögum.
Guðrún GK er hins vegar fyrir
Hollendinginn og Sædýrasafnið
og er báturinn þegar farinn til
veiða.
Á laugardag fékk hringnóta-
báturinn Hamravík frá Keflavík
tvo háhyrninga í nót. öðrum var
sleppt strax en hinum við Vest-
mannaeyjar, eftir að hafa verið
um borð í bátnum í marga
klukkutíma. Skipstjóri bátsins
bauð bæði Frakkanum og Hol-
lendingnum háhyrninginn en
hvorugur vildi gripinn, þar sem
hann var aðeins 2.80 metrar að
lengd og því kálfur, sem gæti enn
verið á spena, en mjög erfitt er að
fóðra þá. Helzt þurfa háhyrningar
sem veiddir eru að vera 3.50—5
metrar að lengd.
Háhyrningurinn sem tekinn var
um borð í Hamravík var mjög
gæfur og eftir að skipverjarnir
slepptu honum frá borði sást
hann synda í austurátt.
Elías Jónsson fréttaritari
Morgunblaðsins á Höfn í Horna-
firði sagði í samtali við Morgun-
blaðið í gær, að Frakkinn væri
þar búinn að byggja sérstaka
girðingu í höfninni til að geyma
háhyrninga í er þeir kæmu að
landi. Frakkinn væri hér á vegum
Marineland í Lyon, en sú stofnun
ætti söfn víða um Frakkland og er
að byggja nýtt sædýrasafn um
þessar mundir I París. Stofnunin
borgar allan kostnað við veiðina
hér og er með tilbúna flugvél til
að sækja háhyrning til Islands ef
tekst að ná dýri.
Sigurvon SH sem mun vera með
Frakkann á slóðum háhyrning-
anna er væntanleg til Hafnar f
dag og ennfremur veiðiútbúnaður
Frakkans sem er mun fullkomn-
ari en sá útbúnaður er hefur ver-
ið notaður undanfarin tvö haust.
Hollendingurinn er hér á landi
í samvinnu við Sædýrasafnið I
Hafnarfirði. Hafa þessir aðilar
leyfi til að veiða fjögur dýr. Jón
Kr. Gunnarsson forstöðumaður
safnsins sagði þegar Mbl. ræddi
við hann, að ekki væri ráð fyrir
því gert að háhyrningur yrði í
sædýrasafninu nema stuttan
tíma, síðan yrði hann eða þeir
fluttir út. Ef tækist að veiða dýr,
myndi sædýrasafnið fá nokkra
þóknun fyrir og yrði sú upphæð
notuð til að bæta aðstöðuna í safn-
inu.
Safnið sem Hollendingurinn
kemur frá heitir Dolfinaquarium,
og er stórt hvalasafn. Þangað á
fyrsti háhyrningurinn sem Hol-
lendingurinn veiðir að fara, en ef
fleiri veiðast fara þeir til
Bandarikjanna en þar eru mörg
söfn sem vilja kaupa íslenzkan
háhyrning.
Guðrún GK hélt til háhyrninga-
veiða á vegum Hollendingsins og
sædýrasafnsins í gær. Um borð í
bátnum eru sérstaklega smíðaðar
grindur til að geyma háhyrning-
inn í og einnig mjög stór sérsmíð-
aður gúmmíbátur, sem má geyma
háhyrning í. Þá er froskmaður
um borð. Fyrir háhyrning á góð-
um aldri eru boðnar háar fjár-
hæðir, enda draga þeir að sér
þúsundir manna á þeim fáu stöð-
um, þar sem þeir eru til sýnis í
heiminum og leika alls konar
kúnstir fyrir það.
Frá opnun félagsmálastofnunarinnar í Kópavogi.
Ný félagsmálamið-
stöð opnuð í Kópavogi
UM HELGINA var tekin I notkun
I Kópavogi ný félagsmálamiðstöð
sem ætluð er til tómstundastarfs I
bænum og ekki sfzt fyrir aidraða
borgara til að koma saman og
nýta sfnar tómstundir á ýmsan
hátt. Félagsmálamiðstöðin er til
húsa að Hamraborg 1 og er rými
þess um 400 fermetrar.
Milt haust
vestra
Stykkishóimi 3. okt.
HAUSTIÐ hefir verið milt það
sem af er og lítið sem ekkert um
næturfrost, hálfsmánaðarkafli
fyrst í september var þurr og hlýr
en síðan hafa skipst á skin og
skúrir. Berjaspretta var talsverð
og var það óspart notað, bæði af
mönnum og skepnum.
Heimtur á fé hafa verið góðar
eftir því sem ég best veit, slátrun
hafin og búin að standa I nokkra
daga. Sömu aðilar og fyrr standa
hér fyrir slátruninni og mun
meiru verða slátrað i haust en i
fyrrahaust. — fréttaritari.
Kristján Guðmundsson, for-
stöðumaður Félagsmálastofnunar
Kópavogs, sagði í samtali við
Morgunblaðið í gær, að húsakynn-
in yrðu notuð til ákveðinna tóm-
stundáþátta. Góður íþróttasalur
væri í húsinu, siðan væri vinnuað-
staða sem nota mætti á margvís-
legan hátt og ennfrerríur afþrey-
ingar- og skemmtistarfsemi.
— 1 vetur ætlum við að vera
með reglubundið starf í félags-
málamiðstöðinni fyrir aldrað fólk,
þar gæti fólkið spilað og bókaút-
lán yrðu þar einnig. Þá yrði bók-
band fyrir alla aldurshópa kennt
og myndlistaklúbbur yrði með
starfsemi I húsinu, sagði Kristján.
Þá sagði hann, að félagasamtök-
um yrðu boðin afnot af húsinu, til
að halda þar fundi, taflæfingar
o.fl. og íþróttasalurinn yrði notað-
ur í tengslum við skóla og félög.
Ljósmynd RAX.
A myndinni eru talið frá vinstri Karsten Andersen, aðalhljómsveitarstjóri, Guðbjörg Jónsdóttir
núverandi framkvæmdastj. og Þorsteinn Hannesson, tónlistarstj.
Bjartar horfur á starfi
Sinfóníuhljómsveitarinnar
SINFÓNÍUHLJÓMSVEIT Islands
byrjar sitt 27. starfsár með tónleikum
í Háskólabíói, fimmtudaginn 7. okt.
Ýmsar breytingar hafa orðið á starfi
hljómsveitarinnar og skipan. Stjórn
Sinfónfuhljómsveitarinnar hefur
ráðið Sigurð Björnsson, óperu-
söngvara framkvæmdastjóra sveitar-
innar frá næstu áramótum, en þangað
til veitir Guðbjörg Jónsdóttir henni
forstöðu en hún hefur starfað mikið
með hljómsveitinni.
I formála dagskrár Sinfóníu-
hljómsveitarinnar getur
Andrés Björnsson, útvarps-
stjóri þeirra erfiðleika, sem
hljomsveitin hefur átt við að
stríða og þá sérstaklega á
siðastl. ári og eru þeir einkum
fjárhagslegs eðlis. Telur hann
að nú sé að mestu leyti búið að
sigrast á þeim, sér í lagi þar
sem menntamálaráðherra
hefur skipað nefnd til að semja
henni frumvarp til laga. For-
maður nefndar þessarar er
Birgir Thorlacius, ráðuneytis-
stjóri, og ásamt honum starfa I
nefndinni Ölafur' B. Thors,
Andrés Björnsson o.fl. Eru
stjórnendur Sinfóniuhljóm-
sveitarinnar bjartsýnir á fram-
tíð hennar, sem stendur nú
traustari fótum en áður.
Að sögn Þorsteins Hannes-
sonar tónlistarstjóra gætir
meiri grósku í tónsköpun á
fslandi en áður, til dæmis að
flest íslensk tónskáld skrifi nú
fyrir hljómsveitir. A þessu ári
verða leikin verk eftir þrjátíu
og þrjú tónskáld, þar af fimm
íslenzk. Eins og undanfarin ár
mun Sinfónfuhljómsveitin
sinna margvíslegum verkefn-
um á starfsárinu. Karsten
Andersen er aðalhljómsveitar-
stjori og listrænn leiðbeinandi
4. árið í röð en aðstoðarhljóm-
sveitarstjóri er Páll P. Pflsson.
Karsten Andersen er stjórn-
andi á fyrstu tónleikunum 7.
okt., en einsöngvari verður ein
fremsta söngkona Spánar i dag,
Esther Casas, sem kölluð er
spánski næturgalinn. Casas
starfar nú með Rinaróperunni.
Sú nýbreytni er ráðgerð að
tónleikarnir á fimmtudaginn
verða endurfluttir I nýju
íþróttahöllinni á Akranesi 8.
okt. með alveg sama sniði og
þeir fyrri. Tónlistarfélagið sér
um allan undirbúning á þeim
tónleikum. Övíst er hvort fleiri
tónleikar verða endurteknir I
vetur, það veltur á færð og
húsnæði.
Af þeim sextán hljómleikum
sem verða í vetur mun Karsten
Andersen stjórna sex, Páll P.
Pálsson þrem og þrír hljóm-
sveitarstjórar koma sem ekki
hgfa komið við sögu sveitar-
innar áður. Þeir eru Gunnar
Staern, stjórnandi Óperunnar í
Gautaborg, bandaríska tón-
skáldið Samuel Jones, sem
stjónar verki eftir sjálfan sig,
og Hubert Soudant frá
Hollandi.
Af þeim þrjátiu og þrem tón-
skáldum, sem tekin verða fyrir
í vetur, eru átján þeirra
tuttugustu aldar tónskáld. Þó
verður lögð viss áherzla á
Beethoven, en nú er liðin hálf
önnur öld frá dauða hans.
Fimmtiu og níu hljómlistar-
menn eru fastráðnir við
Sinfóníuna i vetur og eru
fimmtán þeirra erlendir. Fleiri
islenzkir einleikarar munu
spila með hljómsveitinni en
áður. Hafliði Hallgrímsson,
sellóleikari, flytur frumsamið
verk 2. des. og er það sérstak-
lega samið fyrir þá tónleika.
Hann starfar þess stundina í
Edinborg. Gisli Magnússon og
Halldór Haraldsson flytja
konsert fyrir tvö pianó eftir
Bartók í janúar. Vladimir
Ashkenazy stjórnar tónleikum
13. jan., en þar verður einleik-
ari Boris Belkin. Gestur á loka-
tónleikum Sinfóníunnar í maí
verður brezki tenórsöngvarinn
Peter Pears, sem er orðinn eins
konar lifandi goðsögn i tón-
listarheiminum að sögn sér-
fróðra manna.
Fyrir utan þá sextán
tónleika, sem eru á dagskránni
í vetur, verða nokkrir aukatón-
leikar, þ.á m. utan Reykjavikur,
fjölskyldu- og barnatónleikar,
skólatónleikar og hljóðritanir
fyrir útvarp.
• Eins og Andrés Björnsson
segir í formála sinum að dag-
skrá hljómsveitarinnar, er hún
orðin allstór stofnun á islenzk-
an mælikvaröa, sem þarf ekki
eingöngu á opinberum
stuðningi að halda, heldur og
skilningi almennings til að geta
valdið þvi veigamikla hlut-
verki, sem hún hefur að gegna
við islenzkt menningarlif nú og
framvegis.
62 þúsund farþegar um
KeflavíkurflugvöD í sepL
NÆRRI 11 þúsund fleiri farþeg-
ar fóru um Keflavfkurflugvöll í
septembermánuði sl. en I sama
mánuði I fyrra. Gjaldskyldar
lendingar flugvéla á flugvellin-
um voru alls 347 ( mánuðinum og
frá Islandi fóru 13.732 farþegar,
til landsins kom 15.591 farþegi en
viðkomu hér höfðu 33.114 farþeg-
ar eða samtals 62.537 farþegar.
í fyrra fóru 12.854 farþegar frá
landinu, til landsins komu 14.560
farþegar en viðkomu hér hafði
24.191 farþegi eða samtals 51.605
farþegar.
Sé litið á vöruflutninga þá fóru
74.429 kg frá landinu en til lands-
ins komu 175.525 kg, 269.160 kg
fóru áfram frá landinu, þannig að
samtals námu vöruflutningar um
flugvöllinn 519.114 kg.
Póstflutningar voru hins vegar
þannig, að frá landinu fóru 22.762
kg en til landsins komu 43.272 kg
og áfram frá landinu 256 kg eða
samtals 66.290 kg.