Morgunblaðið - 05.01.1977, Blaðsíða 19

Morgunblaðið - 05.01.1977, Blaðsíða 19
MORGUNBLAÐIÐ, MIÐVIKUDAGUR 5. JANUAR 1977 19 Olafur Arnason sjómaður — Níræður Ólafur Arnason sjómaður, er nú dvelur á Hraf nistu er 90 ára í dag. Hann er fæddur að Stóru Býlu, Innri-Akraneshreppi 5. jan. 1887, sonur hjðnanna Vilborgar Páls- dóttur og Arna Magnússonar frá Efraskarði, er þar bjuggu. Ólafur er næstelztur fimm systkina. Með- an hann var enn barn að aldri slitu foreldrar hans sambúð sinni og var hann siðan á ýmsum stöð- um og varð að vinna fyrir sér allt frá 10 ára aldri. Snemma hneigð- ist hugur Ólafs til sjómennsku og fór hann fyrst á skútu 15 ára gamall en frá 17 ára aldri var sjómennska hans óslitin í um 40 ár. Fyrst var hann á skútum en síðar á togurum og var hann m.a. á togaranum Geir í 23 ár. Árið 1943 hætti Ólafur sjómennsku og stundaði landvinnu eftir það. Var hann lengst hjá Bæjarútgerð Reykjavíkur eða um 19 ára skeið og vann fulla vinnu til áttræðis- aldurs. Arið 1913 kvæntist Ólafur Guð- rúnu Þórarinsdóttur ættaðri úr Borgarfirði, hinni mætustu konu. Þau bjuggu nær allan sinn bú- skap í Reykjavfk. Voru þau hjón barnalaus en ólu upp fósturdótt- ur, Petru Þóru Jónsdóttur, sem gift er Pétri Auðunssyni fram- kvæmdarstjóra í Hafnarfirði. Guðrún lézt fyrir 15 árum. Nú siðustu 9 árin hef ur Ólaf ur dvalið á Hrafnistu og unir þar vel hag sinum. Allt fram á síðasta ár hef- ur hann unnið við áhnýtingu öngla o.fl., sem að sjómennsku lýtur. Ólafur er mjög heilsteyptur maður. Hann hefur alla tið metið mikils þær góðu dyggðir, að vera trúr sjálfum sér og öðrum, vinna vel, vera reglusamur í lífi og starfi, vera sannorður, orðheldinn og orðvar, vera hreinskilinn og einarður, vera góður og traustur vinur vina sinna. Hann er höfð- ingi f lund og fús að rétta hjálpar- hönd og gleðja og vel hefur hann gætt þess að láta ekki sinn hlut eftir liggja f einu eða neinu. Hann hefur ávallt kappkostað að vera fremur veitandi en þiggjandi og farsæld hefur fylgt honum í lífi og starf i. Ólafur hefur verið eftirsóttur til starfa og hafa vinnuveitendur hans kunnað að meta trúmennsku hans og tryggð. Hlaut hann m.a. heiðursskjal fyrir langa og dygga þjónustu á togaranum Geir. Ólaf- ur gekk I Sjómannafélag Reykja- vfkur skömmu eftir að það var stofnað og átti hann lengi sæti i stjórn þess. Vann hann þar sem annarsstaðar heils hugar og þótti vænt um félag sitt. Var vel fyrir hverju því verki séð, sem honum var f alið. Ólafur er barngóður maður og hefur fósturdóttirin og börn hennar fengið að njóta þess í rfk- um mæli og hefur fjölskylda hennar reynst honum vel. Ólafur er enn vel ern. Hann fer daglega út að ganga og lætur þá jafnan ekki veður né færð aftra sér. Hann hefur lesið mikið og gerir enn og er þvf fróður um marga hluti einkum þjóðlega. En nú er sjönin farin nokkuð að bila. Mikið hlustar hann á útvarp og fylgist þvf vel með öllu, sem er að gerast enda þðtt sumt af því sitji ekki eins f minni hans og atburðir fyrri ára. Þótt sjá megi merki þess að Elli kerling hafi heimsótt hinn nfræða öldung, erfiðsvinnu- manninn frá barnsaldri, þá er hann heilsugóður og beinn f baki og annað verður ekki séð en að velli muni hann halda f átökunum við hana enn um sinn. Ég færi Ólafi innilegar hamingjuóskir á nfræðisafmæl- inu. Páll V. Danfelsson. Ólafur verður I dag að heimili dóttur-dðttur sinnar að Hraun- hvammi 8 I Hafnarfirði. Síðbúin afmæliskveðja; Elberg Guðmunds- son Grundarfírði Gamansamur vinur minn varð allt f einu 75 ára þ. 10. des. án þess að maður yrði þess var, enda fannst manni ekki kominn tfmi til, og enginn trumbusláttur sé lúðragjall var samfara þessum timamótum I ævi Elbergs Guð- mundssonar, þótt ærin ástæða væri til. — Ekki má minna vera en að ég óski þér til hamingju. Frá 9 ára aldri hefi ég notið þess meir og minna að eiga sálufé- lag við Elberg eða nær 25 ár. Það var svo sannarlega gaman að vera trúgjarn strákur í fiskvinnu og vinnufélagi Elbergs, því hann sá svo um að þrátt fyrir einhæfa vinnu varð lffið annað og meir en eintómur saltfiskur. Elberg fræddi okkur yngra fólkið um mannlffið, eins og það gekk til í Eyrarsveit hér á árum áður, að vfsu kryddaði hann efnið þannig, að ef til vill hefur sannleiksgildi frásagnanna eitthvað goldið fyrir góðan texta, en það náði eyrum hlustandans. Ef marka má fræði- menn hafa frásagnir Elbergs þó ekki verið meira ýktar en sjálfar íslendingasögurnar, sem teljast óbrotgjarnasti auður okkar Is- lendinga. Elberg og Ása kona hans flutt- ust frá Kvfabryggju 1943 og byggðu sér hús inni i Grundar- firði og eru þvi f hópi frumbyggja þessa kauptuns. Eiga þau snaran þátt í vexti þess og viðgangi. Börn þeirra átta að tölu búa hér öll að einu undanskildu, og eiga það sammerkt með foreldrum sfn- um að vera mikið dugnaðarf ólk. Elberg er nánast ímynd hins raunverulega „Bryggjara" og kemst maður ekki hjá því að álykta, að nú sé hún Kvíabryggja stekkur, þvf hætt er við að hið fjölskrúðuga og sumpart kómiska mannlíf á Kvíabryggju fyrri tfma hafi útþynnst í heldur bragðlitla naglasúpu hjá kokkum meðal- mennskunnar. Þrátt fyrir það að Elberg væri og sé annálaður dugnaðarmaður hefur hann ekki alltaf haft úr of miklu að moða, einkum á meðan hann hafði fyrir stórum barna- hópi að sjá. Þá komu sér vel eigin- leikar hans, sem eru að geta séð tilveruna f broslegu ljósi, brosað öllu drasli mót. Þótt Elberg sé sannur Eyrsveitungur og upp- fræddur af séra Jens á Setbergi, þá segist hann raunar geta rakið ættir sínar til franskra og má mik- ið vera ef hann er mjög f jarskyld- ur sjálfum De Gaulle. Víst er um það, þegar grannt er skoðað, að báðir rúlla þeir skemmtilega á errinu og síst er Elberg verr nefjaður en þessi stórbrotni frakki. En það sem einkum skilur þá að, er að Elberg hefur aldrei sóst eftir mannvirð- ingum, heldur unnið störf sín í kyrrþey með slíkum sóma, að einsdæmi er, enda virtur af vinnuveitanda og vinnufélögum. Hitt ætla ég, að Elberg sé jafn eðlisgreindur og De Gaulle, en miklu skemmtilegri og sennilega að upplagi meiri pólitíkus. Hann lætur sér ekki muna um Framhald á bls 22. ORA MAISKORN LYKKjTJLOK er á dósunum. Þú opnar það með einu handtaki, hitar kornið og berð fram með steikinni öllum til óblandinnar ánægju. Svona auðvelt er það. A ilSKO f 4308 Kornið er: "Golden Sweet Corn" frá Banda- ríkjunum, frábært á bragðið. Trésmíðir — Trésmiðir Kaupaukanámskeið Námskeið í notkun véla, rafmagnshand- verkfæra og yfirborðsmeðferð viðar, hefst í Iðnskólanum, mánudaginn 10. janúar 1 977 og stendur í 3. vikur. Kennsla fer fram mánudaga, þriðjudaga, miðvikudaga, fimmtudaga kl. 17 — 21, og laugardaga kl. 14—18. Þátttaka tilkynnist fyrir 7. janúar til skrif- stofu Trésmiðafélags Reykjavíkur, Hall- veigarstíg 1, sími 27600. Þátttökugjald er kr. 10.000.-. Trésmiðafélag Reykjavíkur, Meistarafélag húsasmiða. Wélagsstart Sjálfctœðtsflokksins Ódýrar utanlandsferðir Li KStí llll verð frá 29.800 5. febrúar (7 nætur). Einstakt tækifæri — Gisting í íbúðum og hótelum — Veljið um dvöl í Lissabon eða Estoril (baðstrandarbær) Vín, vorferð Fyrirhuguð er ferð til Vínar í maí n.k. Nánari upplýsingar koma í byrjun ársins. Nánari upplýsingar: Ferðaskrifstofan Úrval, sími 26900 Skrifstofu Varðar simi 82900 Landsmálafélagið Vörður

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.