Morgunblaðið - 23.03.1978, Blaðsíða 31

MORGUNBLAÐIÐ, FIMMTUDAGUR 23. MARZ 1978
63
Neytendasamtökin 25 ára;
Hyggja á samstarf vid
verdlagsstjóra um eftirlit
í DAG, fimmtudag 23. marz, eru
liöin 25 ár frá því Neytendasamtök-
in hér á landi voru stofnuð. Áttu
forgöngu að því Sveinn Ásgeirsson,
Jónína Guðmundsdóttir og Jóhann
Sæmundsson og var undirbúnings-
nefnd komið á laggirnar og bráða-
birgðastjórn kosin í janúar 1953.
Samtökin voru síðan formlega
stofnuð þann 23. marz 1953 og var
Sveinn Ásgeirsson kjörinn fyrsti
formaður, en alls skipuðu stjórnina
25 manns. Á afmælisárinu eiga nú
sæti í stjórni Reynir Ármannsson
formaður, Jónas Bjarnason vara-
formaður, Rafn Jónsson ritari,
Sigríður Friðriksdóttir gjaldkeri
og meðstjórnendur eru Árni B.
Eiríksson, Gunnlaugur Pálsson,
Guðmundur Einarsson og Steinunn
Jónsdóttir.
Af helztu nýmælum í starfi
samtakanna, sem nú er leitast við að
hrinda í framkvæmd, má nefna
verðlagseftirlit í samvinnu við verð-
lagsstjóra. Eru hafnar viðræður
milli samtakanna og embættis verð-
lagsstjóra um áð hefja samstarf á
þessu sviði. Hafa Neytendasamtökin
boðið fram aðstoð sína er verði t.d.
á þann hátt að sjálfboðaliðar úr
röðum félagsmanna starfi að verð-
lagseftirliti er skipulagt verði af
verðlagsstjóra og samtökunum.
Hugsanlegt er að þessu verði hrund-
ið í framkvæmd síðla sumars eða í
haust. Sögðu forráðamenn Neyt-
endasamtakanna í samtali við Mbl.
að með þessu móti gæfist tækifæri
fyrir félagsmenn að gerast virkari
þátttakendur í starfi samtakanna.
Nefndu þeir að í Danmörku hefði á
s.l. ári verið skipulagt slíkt starf
þegar verðstöðvun stóð þar yfir og
hefðu um 5000 meðlimir Neytenda-
Reynir Ármannsson, formaður
Neytendasamtakanna.
samtakanna í Kaupmannahöfn tekið
þátt í því.
Helztu markmið samtakanna eru
þessi: „Að gæta hagsmuna neytenda
í þjóðfélaginu. Tilgangi sínum hyggj-
ast samtökin ná m.a. með því: Að
vaka yfir því að sjónarmið neytenda
almennt séu virt þegar ákvarðanir
eru teknar eða reglur settar er varða
hagsmuni neytenda. Að reka útgáfu-
og fræðslustarfsemi til aukningar á
verð- og vöruþekkingu neytenda og
til skilningsauka á málum er varða
hagsmuni þeirra. Að veita félags-
mönnum sínum leiðbeiningar og
fyrirgreiðslu ef þeir verða fyrir tjóni
vegna kaupa á vörum og þjónustu."
Neytendasamtökin gerðust í upp-
hafi starfs síns aðili að Alþjóðasam-
bandi neytendafélaga og eru samtök-
in háð lögum þess. Hafa samtökin
gefið út Neytendablaðið, en útgáfa
þess hefur gengið erfiðlega að sögn
forráðamanna samtakanna, þar sem
félagar eru of fáir til að standa undir
útgáfunni og ekki má taka við
auglýsingum í blaðið skv. lögum
Alþjóðasambandsins. Félagsmenn
eru nú rétt rúmlega 3000 en þyrftu
að vera um 10 þúsund sögðu þeir ef
t.d. starfsemin ætti að vera eins
öflug og í Belgíu, þar sem neytenda-
samtök eru óháð ríkisvaldi en njóta
styrkja frá verkalýðshreyfingunni.
Örn Bjarnason á skrifstofu sam-
takanna. en hún er að Baldurs-
götu 12.
Einnig bentu þeir á hve fjárhagur
samtakanna væri erfiður, styrkir
ríkis og borgar næmu nú 1.350
þúsund krónum en ættu að vera yfir
8 milljónir sé borið saman við Noreg
og miðað við tölu félagsmanna.
Um helztu verkefni félagsins
sögðu þeir eftirfarandi:
— Mjög umsvifamikill þáttur í
starfi Neytendasamtakanna er
kvörtunarþjónusta þeirra og að
ýmsu leyti sá mikilvægasti. Berast
skrifstofunni mörg mál til úrlausnar
og leitast skrifstofan við að miðla
málum og ná sáttum svo að báðir
aðilar megi vel við una. í mörgum
tilvikum veita samtökin lögfræðilega
aðstoð ef þurfa þýkir og er trúnaðar-
lögfræðingur í þjónustu þeirra.
Flestar kvartanir berast vegna
rafmagnstækja og vefnaðarvöru, en
einnig vegna húsgagna, gólfteppa og
glerísetningar. Bárust á síðasta ári
403 kvartanir og 750 fyrirspurnir.
Þá gátu þeir Reynir Armannsson
og Örn Bjarnason um helztu -verk-
efni er biðu samtakanna í náinni
framtíð:
Fjölga þarf félagsmönnum og leita
eftir auknum stuðningi hins opin-
bera við lausn verkefna samtakanna.
Skipaðir verði fulltrúar samtakanna
sem víðast úti á landsbyggðinni,
einkum í þéttbýliskjörnum og stofn-
aðar verði matsnefndir og aukið
verði samstarf innflytjenda og
framleiðenda annars vegar og Neyt-
endásamtakanna hins vegar og
stofnaður neytendadómstóll svo sem
tíðkast víða erlendis.
Þá gátu þeir einnig um það að efla
þyrfti neytendafræðslu í skólum, en
í Noregi hefur slík fræðsla verið um
skeið eftir prófanir síðan á árinu
1969. Einnig hyggjast Neytendasam-
tökin fara þess á leit við útvarp að
þættir um neytendamálefni verði
reglulega á dagskrá en hinn 30. marz
n.k. verður þáttur í tilefni afmælis-
ins.
^rðaverzlun í Grímsbæ
Sími 86922.
Vorum aö fá mikiö úrval af smyrnavör-
um. Eigum einnig falleg veggteppi
barnaherbergi.
ÁL-GRÓÐURHÚS
fyrir heimagarða.
Stœröir 8><10 fet, 8x12 fet og 10x12 fet.
autoheat
FOR ACCURATE GREENHOUSE HEATING •
Sjálfvirkir
hitablásarar,
stærðir 2500 og 300 wött.
Ál-sólreitir
blómakassar
stærðir 122x70 cm.
Til afgreiöslu um mánaöamótin.
Kynnisbækur sendar ókeypis.
Pöntun strax, tryggir hús úr fyrstu sendingu.
ÍC S I f f Vesturgötu 2, Sími 2-33-00
l\ll I | | ■ I ■ Reykjavík. Pósthólf 249.
. 'v . ■ |

Sönglög eftir
SIGVALDA KALDALÓNS 03
SELMU KALDALÓNS

Söngkona;
GUÐRÚN TÓMASDÓTTIR
Undirieikur;
ÓLAFUR VIGNIR ALBERTSSON
SELMA KALDALÓNS
A þessan nýju hljómplötu syngurGuðrun Tómasdóttir við undirleik
Olafs Vignirs A Ibertssonar 22 lög eftir þau feðgin Sigi'aldaKaldalóns
og Se/mu Ka/dalóns. I unisögn þessari á baksíðu plötuumslagsins
segir dr. Hallgrimur Helgason m. a.
Tóngáfa er oft arfgeng. Þannig hefir einnig Selma Kaldalóns hlotið ríflegan
föðurarf. En vant er að feta feðraslóð. Mestu máli skiptir hér samfylgd dóttur með
föður. Hann leiðir barn sittog leggur þvi reglur, sem ljúft er að framfylgja í flestum
tilvikum. Selma hefír dálæti á valsins þrískiptu hrynjandi og greiðir náttúrlega úr
stuttum, haglega stefjuðum tónhendingum. Tónskyn hennar er fjölvíst frekar en
fjölbreytið ogjtónminni óskeikult. En þegar allt kemur til alls, þáeru söngræn lög
hennar fyrst og fremst lofsemdtil ástriks föður, þakkargjörð honum til handa fyrir
arftekna eiginleika.
Á þessari hljómplötu birtast nú (1977) þrjú lög (Hrauntöfrar, Sólarlag, Til
næturinnar) eftir Sigvalda Kaldalóns, sem áður hafa ekki heyrzt. Um sex áratuga
skeið hefír þetta vinsæla söngvaskáld þarmeð gefíð þjóð sinni óslitinn straum laga,
sem fyrst báru uppi hljóm „gróandi þjóðlífs“ meðal vormanna íslands, en
íklæddust siðan viðhöfn konsertskrúða og urðu loks ígildi þjóðlags og þjóðsöngs.
Svo víðfaðma ásláttarflöt hefir íslands lag aldrei fyrr eignazt, og svo miklir eru
ómetanlegir verðleikar Sigvalda Kaldalóns.
FÁLKIN N
®