Morgunblaðið - 18.05.1978, Qupperneq 31

MORGUNBLAÐIÐ, FIMMTUDAGUR, 18. MAÍ 1978
63
„Arðsemi fjárfestingar í iðn-
aði þyrfti að vera miklu meiri.
ef hann á að laða til sfn
nauðsynlest frumkvæði og fjár-
magn til að standa undir
hættum lífskjörum þjóðarinnar
eins og viðurkennt er. að hann
hafi gert s.l. áratug os verði í
vaxandi mæli að gera í framtíð-
inni." sagði Haukur Eggerts-
son forstjóri fyrirtækisins
Plastprents h.f.. þegar
Morgunblaðið ræddi við hann
og son hans. Eggert. á dögun-
um. en fyrir skömmu varð
Plastprent 20 ára. En þrátt
fyrir að þeir feðgar segi. „að
íslenzk stjórnvöld hafi þvælst
fyrir eðlilegri uppbyggingu
íslenzks iðnaðar." hefur vöxtur
Plastprents verið ævintýralega
ör. ef miðað er við íslenzk
fyrirtæki.
Þegar Plastprent hóf starf-
semi sína fyrir 20 árum, var það
til húsa í 50 fermetra bílskúr.
Nú er fyrirtækið í 2250 fermetra
húsnæði að Höfðabakka 9 í
Reykjavík. í upphafi var tækja-
kosturinn aðeins ein sambyggð
prent- og pokavél.’ Nú eru
vélarnar 20 talsins, auk ýmissa
Haukur Eggertsson t.v. og Eggert Hauksson fyrir framan stærstu vélina í húsakynnum Plastprents.
„Höfum ekki áhuga á að
flytja út á meðan við höf-
um ekki undan innanlands”
— segja Haukur Eggertsson og Eggert Hauksson í Plastprenti h.f.
hjálpartækja. I upphafi voru
starfsmenn tveir, en nú er
starfsliðið 50 manns, sem vinn-
ur margt á vöktum. Unnið er
ýmist á tví- eöa þrískiptum
vöktum, og í hluta fyrirtækisins
er ávallt unnið allan sólarhring-
inn. Sem dæmi um vöxt fyrir-
tækisins má nefna, að fram-
leiðslan jókst um 45% árið 1976
og 70%. árið 1977. Heildarvelta
fyrirtækisins í fyrra var rúm-
lega 400 milljónir króna.
Plastprent hefur flutt starf-
semi sína þrisvar. Húsnæðið
stækkaði jafnt og þétt í 900
fermetra til ársins 1970, en
langstærsta stökkið var tekið
árið 1975, er það flutti í 2000
fermetra húsnæði á Höfða-
bakka, sem nú hefur verið
stækkað i 2250 fermetra, eins og
áður sagði. Þrátt fyrir þetta
mikla húsnæði er það þegar
orðið of lítið.
Morgunblaðið spurði þá Hauk
og Eggert um ástæðuna fyrir
velgengni fyrirtækisins á liðn-
um árum:
í fyrsta lagi hefur það skipt
miklu, að eigendur Plastprents
höfðu lokið sinni „einkafjárfest-
ingu“, þegar þeir stofnuðu fyrir-
tækið. Fyrir bragðið hefur
tekist að nýta allan rekstrar-
kostnað eingöngu til að byggja
upp fyrirtækið.
Oft teflt djarft
í öðru lagi hefur oft verið teflt
djarft og á tæpasta vaö við kaup
á vélum, val á nýjum fram-
leiðslutegundum og mat á mark-
aðsaðstæðum. Þá fara heppni og
árangur saman. Vitaskuld hefur
ýmislegt mistekist en hitt er
fleira, sem hefur heppnast þeim
mun betur.
I þriðja lagi höfum við oftast
verið í leiguhúsnæði og því
getað gripið markaðstækifærin
fyrr og betur en ef við hefðum
jafnframt bundið fé í stein-
steypu.
Við erum síður en svo á
móti því að eignast eigið hús-
næði, en alltaf verður að velja
og hafna. Við erum í plastiðnaði
en ekki byggingarbransanum og
viljum halda okkur við plastið á
meðan aðrir vilja byggja yfir
okkur.
í fjórða lagi má ekki gleyma,
að við erum með harðsnúið
starfsfólk, sém þekkir markaði
og möguleika fyrirtækisins og
hefur átt ómældan þátt í að gera
fyrirtækið að því, sem það er nú.
Síðast en ekki sízt eigum við
góðan og stóran hóp viðskipta-
vina, sem sýnir okkur velvilja og
þolinmæði og tekur öllum nýj-
ungum okkar opnum örmum.“
prentsal Plastprents eru nú 4 vélar.
í þessari vél eru mynzturmót á plastpokana búin til.
Hráefni sett í eina slönguvélina.
Aðeins 2.4%
veltunnar í
húsnæðiskostnað
Eigendur Plastprents hafa
sem sagt valið aðra stefnu en
flestir aðrir atvinnurekendur á
yfirstandandi verðbólgutímum,
þegar viturlegast er talið að
fjárfesta í steinsteypu. Þessi
ákvörðun hefur reynzt fyrirtæk-
inu gæfurík, því í leiguhúsnæði
hefur starfsemin þanizt út og
framleiðslan vaxið risaskrefum,
sem engin leið hefði verið að
taka, ef þurft hefði að bera
þunga skuldabagga vegna hús-
næðis. Þess má og geta, að
húsaleigan er nú um 2,4% af
heildarveltunni, og geta menn
séð í hendi sér, hvort húsnæðis-
kostnaður af nýju eigin húsnæði
væri ekki nokkru hærri á tímum
hárra vaxta og verðbólgu, segja
Haukur og Eggert.
Vélakostur Plastprents hefur
margfaldast s.l. 3 ár. í upphafi
var aðeins ein prent- og pokavél,
sem vann úr plastslöngum, sem
fyrirtækið keypti að. Nú á
Plastprent þrjár fullkomnar
vélar, sem framleiða plastslöng-
ur, sem eru frá 7 sentimetrum
á breidd upp í 4 metra. Slöng-
urnar eru framleiddar úr inn-
fluttu hráefni og vélarnar ganga
allan sólarhringinn. Nú hefur
þessi vélakostur verið aukinn,
þannig að framleiðslugetan
eykst um 35% .
Fyrsta slöngu-
vélin 1975
„Það var árið 1975, sem við
keyptum slönguvélarnar, en
áður fluttum við slöngurnar inn
og eins keyptum við slöngu frá
Reykjalundi, sem viö gerum
re.vndar enn,“ segir Haukur. í
prentsal f.vrirtækisins eru 4
vélar. Þar stendur enn fyrsta vél
f.vrirtækisins, önnur sem keypt
var fyrir 16 árum, en fyrir
þremur árum var keypt mjög
fullkomin og hraðvirk prentvél.
I fyrstu var hún aðeins í notkun
þriðja hvern dag að jafnaði, en
notkunin jókst mjög ört. Síðasta
árið hefur hún verið í gangi
allan sólarhringinn og í septem-
ber s.l. var keypt önnur slík vél
og er hún einnig í fullri notkun.
Ur prentsalnum fer efnið í
pokagerðarsalinn, en þangað fer
einnig beint það efni, sem ekki
er prentað á. Þar eru 9 vélar í
gangi, flestar yngri en 5 ára.
Þarna taka hinar ýmsu umbúðir
á sig endanlega mynd, stórir
sorpsekkir og áburðarsekkir,
umbúðapokar, fiskumbúðir o.fl.
Plastiðnaður-
inn að mestu
óverndaður
Þeir Haukur og Eggert sögðu
að plastiðnaðurinn væri að
mestu óverndaður og stæði því
í beinni samkeppni við erlend
stórfyrirtæki. Vitaskuld væri
það erfitt, þegar tillit væri tekið
til þeirrar aðstöðu, sem iðnaði
væri búin í íslenzku atvinnulífi,
einkum hvað varðar skatta- og
lánamál, og hún borin saman
við aðstæður erlendra sam-
keppnisaðila.
„Annars er það svo,“ segir
Haukur, „að við eigum í mestu
erfiðleikunum með að byggja
upp okkar fyrirtæki, svo vel sé,
fyrst og fremst vegna tolla sem
lagðir eru á tækjabúnað til
okkar. Reyndar voru aðflutn-
ingsgjöld að mestu felld niður
fyrir einu ári, en tekin upp á ný
í ár. Sem dæmi má nefna, að
okkur er nauðsyn að byggja upp
efnisflutningakerfi innan fyrir-
tækisins, en tollar á þeim
tækjum, sem við þurfum til
þess, eru frá 84—94%.. Má
nefna, að vörul.vftari, sem kost-
ar margar milljónir og við
þurfum að nota, tvöfaldast
næstum í verði, þegar búið er að
borga aðflutningsgjöldin. Sömu
sögu er að segja af öðrum
tækjum, sem þarf til að bæta
framleiðsluna, og með því að
taka ný og fullkomin tæki í
notkun, getum við einnig fækk-
að fólki og hækkað launin.“
Hagstæðari
tilboð en
frá erlendum
keppinautum
Engu að síður hefur Plast-
prent h.f. reynst mjög sam-
keppnisfært og hefur oftast
tekist að gera hagstæðari tilboð
en erlendir keppinautar í mörg
stór verkefni. Má þar til nefna
áburðarsekki, sorpsekki og fisk-
umbúðir, sem eru geysilega stór
verkefni og mjög eftirsótt af
erlendum keppinautum. Fisk-
umbúðirnar eru að mestu notað-
ar af Sölumiðstöð hraðfrysti-
húsanna og Sambandinu, en
Framhald á bls. 53.