Morgunblaðið - 17.09.1978, Blaðsíða 13

MORGUNBLAÐIÐ, SUNNUDAGUR 17. SEPTEMBER 1978
45
„Að skemmta skrattanum“ nefnist einn þátturinn sem sýndur
verður á brúðuleikhúshátíð í Svíþjóð ok hér má sjá brúðurnar úr
þeim þætti.
Islenzkar brúðuleik-
sýningar í Svíþjóð
í BYRJUN næsta mánaðar
verður haldin brúðuleikhúshátíð
í Södertálje í Svíþjóð og var
íslenzku brúðuleikhúsfólki boðin
þátttaka þar. Verða tvær ís-
lenzkar leiksýningar á hátíð-
f inni, önnur á vegum Islenzka
brúðuleikhússins og hin á veg-
um Leikbrúðulands.
Islenzka brúðuleikhúsið sýnir
þátt eftir Helgu Hjörvar sem
nefnist „Að skemmta skrattan-
um“ og er hún leikstjóri sýning-
arinnar, en brúðunum stjórna
Helga Steffensen og Hallveig
Thorlacius. Leikbrúðuland sýnir
2 leikþætti, ævintýrið um Ein-
eygu, Tvíeygu og Þríeygu og
„Litlu Gunnu og litla Jón“ eftir
kvæði Davíðs Stefánssonar.
Helga Steffensen og Hallveig
Thorlacius stjórna brúðunum,
en þær hafa einnig búið þær til.
Leikstjóri er Hólmfríður Páls-
dóttir. Nordisk Kulturfond
veitti styrk til þessarar farar.
Kirkjugarður í Gufunesi
fluttur og endurvígður
ENDURVÍGÐUR hefur verið
gamall kirkjugaður í landi
Aburðarverksmiðjunnar í Gufu-
nesi, en hann var fluttur til vegna
byggingarframkvæmda verk-
smiðjunnar fyrir 10 árum og var í
gær lögð síðasta hönd á verkið og
endurvigði biskup íslands hr.
Sigurbjörn Einarsson garðinn.
Þetta er í fyrsta sinn sem
kirkjugarður er fluttur, þ.e. jarð-
neskar leifar þeirra sem jarðsettir
voru á þessum stað ásamt mold-
inni, að því er Hjálmar Finnsson
framkv.stj. Aburðarverksmiðjunn-
ar tjáði Mbl. Við athöfnina flutti
Hjálmar ræðu, sr. Birgir Ásgeirs-
son sóknarprestur í Lágafells-
prestakalli sagði nokkur orð og
biskup íslands og kirkjukór Lága-
fellssóknar söng.
Hjálmar Finnsson rakti í ræðu
sinni að aðdragandinn að flutningi
kirkjugarðsins hefði verið sá að
þegar hefjast átti handa um
byggingarframkvæmdir Áburðar-
verksmiðjunnar hefði verið ljóst
að á landssvæði verksmiðjunnar
væri forn kirkjugarður allt frá því
á 13. öld. Við jarðvinnu árið 1956
komu í ljós leifar frá hinum gamla
garði og voru framkvæmdir þá
stöðvaðar og þáverandi þjóðminja-
vörður dr. Kristján Eldjárn athug-
aði vegsummerki og síðan hr.
Sigurbjörn Einarsson biskup,
Hörður Bjarnason húsameistari
ríkisins og Aðalsteinn Steindórs-
son umsjónarmaður kirkjugarða.
„Kirkjuyfirvöld samþykktu síð-
ar að garðurinn yrði fluttur og
hófst það verk í ágúst 1968 undir
stjórn Jónasar Magnússonar og
Aðalsteins Steindórssonar. Flutt-
ar voru moldir 750 greftraðra, 749
jarðsettir í hinum nýja garði, en
bein Páls Jónssonar sýslumanns d.
1819 tók þjóðminjavörður í sína
I vörzlu ásamt silfurskildi áletruð-
um sem í kistu hans var.
Hinn forni kirkjugarður var
40x38 metrar að stærð. Þegar
framangreindum moldum hafði
verið raðað í hinn nýja garð var öll
kirkjugarðsmoldin sem áður um-
lauk hina greftruðu í gamla
garðinum, flutt í hinn nýja garð og
geymir hann enn sem fyrr þau sem
þar hvíla.“
Hjálmar Finnsson lét þess
einnig getið að 1970 hefði nýi
garðurinn verið hlaðinn, gengið
hefði verið frá minnismerki og
hafi framkvæmdum lokið á liðnu
vori með gróðursetningu íslenzkr-
ar bjarkar.
Leikfélagið Baldur sýn
ir Skjaldhamra aftur
LEIKFÉLAGIÐ Baldur í Bíldudal
er að hefja að nýju sýningar á
leikriti Jónasar Árnasonar,
Skjaldhömrum, en leikritið var
sýnt alls 13 sinnum á liðnum vetri
undir stjórn Kristínar Önnu Þór-
arinsdóttur.
Aðsókn að verkinu var góð og sló
hún bæði met hvað snertir fjölda
sýninga og aðsókn, en farið var
m.a. til Akureyrar og sýnt þar
fyrir fullu húsi að því er segir í
frétt frá leikfélaginu.
I vikunni verður einnig sýning á
Bíldudal þar sem gestir verða allir
ellilífeyrisþegar staðarins og um
næstu helgi verður leikritið sýnt á
Isafirði á laugardag og í Bolungar-
vík á sunnudag og er gert ráð fyrir
að bæði verði um kvöld- og
dagsýningar að ræða.
i Iðno i kvölal
kl. 20.30J
sviðinu með honum — birtist þar á Jl M- f®*
ýmsum aldri — og auk þess koma fleiri
við sögu, fólk, sem snert hefur líf þeirra á
einhvern hátt. Hvað hefur gerzt? Hvers er hér vant?
Hvað er framundan? Viö slíkar spurningar glímir lesandinn
hvort sem hann finnur lausn eða ekki. Víst er að sjaldan veldur
ef tveir deila og öll búum við í glerhúsi, en glerhús alkóhólistans er ef til vin urothættara en önnur. Þessi
hefur jafnvel gleymt nafni dóttur sinnar. En kannski dóttirin komist samt til Sólarlandsins. En þangaö fer
hann aldrei og ekki heldur konan hans, því að þar munu þau bara kasta frá sér skuggum.
Almenna bókafélagið
Austurstræti 18. sími 19707,
Skemmuvegi 36, sími 73055.
á allt húsið

A/klæðning er fáanleg í mörgum fallegum litum sem eru inn-
brenndir og þarf aldrei að mála.
A/klæðning er seltuvarin og hrindir frá sér óhreinindum.
Fáanlegir eru ýmsir fylgihlutir með A/klæðningu sem hefur þurft að
sérsmíða fyrir aðrar klæðningar, auk þess er hún þykkari og þolir
því betur hnjask. A/klæðning hefur sannað yfirburði sína,
og reynst vel í íslenskri veðráttu.
Leitið nánari upplýsinga og kynnist möguleikum A/klæðningar.
Sendið teikningar og við munum reikna út efnisþörf og gera verð-
tilboð yður að kostnaðarlausu.
INNKAUP HE
ÆGISGÖTU 7, REYKJAVÍK - SÍMI 22000 - PÓSTHÓLF 1012.
TELEX 2025 - SÖLUSTJÓRI: HEIMASÍMI 71400.