Morgunblaðið - 20.09.1978, Blaðsíða 15
MORGUNBLAÐIÐ, MIÐVIKUDAGUR 20. SEPTEMBER 1978
15
Erlend fréttaskýring
Varnarmálaráðherra Egyptalands Mohammed Abdel El-Gamassy sést hér á miðri mynd jútskýra
áætlanir um brottflutning ísraela frá Sinai. Meö honum á myndinni er Mohamed Sharawi
trúmálaráðherra til vinstri og Eissa Shahin aðstoðarutanríkísráðherra.
Mörg Ijón eru
ennþá í veginum
Samkomulag ísraelsmanna og
Egypta í Camp David markar
upphaf þróunar í friöarátt en
þaö sýnir að mörg vandamál
,eru enn óleyst og þau hefur
ekki tekizt aö leysa á undan-
förnum þrjátíu árum. Sam-
komulagið sýnir aö samnings-
aðilar hafa neyðzt til aö slá á
frest endanlegum ákvöröun-
um í þeirri von aö sá tími
friðsamlegra samningaumleit-
ana sem nú fer í hönd megi
vísa veginn til heildarlausnar.
Alvarlegustu vandamálin sem
viö er aö glíma eru vestur-
bakki Jórdanárinnar og
Gaza-svæöið. Mikiö er komiö
undir því hvort Jórdaníumenn
veröi fáanlegir til aö taka þátt í
viöræöunum því aö gert er ráö
fyrir því aö þeir taki þátt í
gæzlustörfum á herteknum
svæöum og fái aö lokum
takmörkuö yfirráö yfir þeim.
Hussein konungur hefur enn
ekki fallizt á aö taka þátt í
viðræöunum þótt bandarískir
embættismenn búist viö aö
hann geri þaö.
Þátttaka Palestínumanna er
ennþá erfiðari viöureignar.
Frelsissamtök Palestínu (PLO)
hafa fordæmt samkomulagið
sem skuldbindur ísraelsmenn
ekki til aö flytja allt herliö sitt
burtu frá herteknum svæöum,
jafnvel ekki aö loknu fyrirhug-
uöu fimm ára aölögunartíma-
bili. Sýnt er aö OLO muni
berjast meö öllum ráöum
gegn friöarumleitununum og
flestar ríkisstjórnir í Araba-
heiminum viöurkenna samtök-
in sem eina hinn sanna fulltrúa
Palestínumanna.
Bandarískir embættismenn
segja um samkomulagið að
íbúarnir á vesturbakkanum
eöa Gaza-svæöinu muni taka
Að fundinum
í Camp David
loknum
þátt í stjórnmálaþróuninni, þar
á meöal félagar PLO. En flestir
félagar PLO búa utan þessara'
tveggja umdeildu svæöa,
margir þeirra í flóttamanna-
búöum og bækistöðvum
skæruliöa í Líbanon. Sam-
kvæmt samkomulaginu veröur
aö fá samþykki ísraelsmanna
viö hvers konar ráöstöfunum
sem veröa ráögeröar um
búsetu Araba á vesturbakkan-
um og í Gaza þannig aö
ólíklegt er að félagar PLO fái
aö snúa aftur, jafnvel þótt þeir
vilji taka þátt í þróuninni.
ísraelsmenn geta ekki gleymt
því aö þaö er markmiö PLO
aö leggja niður ríki Gyöinga.
I samkomulaginu í Camþ David
er heldur ekki minnzt á þaö
hvaö verða á um þau hundruö
þúsunda Palestínumanna sem
búa í flóttamannabúðum og á
byggöir ísraelsmanna á her-
teknum svæöum.
Þegar samningaviöræðurnar
hefjast fá samningamennirnír
fimm ár til þess að kljást viö
þau fjölmörgu vandamál sem
enn eru óleyst. Hér er meöal
annars um aö ræöa endanleg
landamæri ísraels og hvort
ísraelsmenn fái aö hafa áfram
herlið á vesturbakkanum og
Gaza-svæöinu. Bandarískir
embættismenn líta svo á aö
ísraelsmenn hafi samþykkt aö
taka þátt í þróun sem leiði til
algers brottflutnings. En Begin
forsætisráöherra sagöi á
mánudagskvöld aö ísraels-
menn hefðu ekki skuldbundið
sig til aö flytja á brott allt
herliö sitt, jafnvel ekki aö liönu
fimm ára tímabilinu.
Á fundinum í Camp David
miöaöi ekkert áfram í hinni
tilfinningaþrungnu deilu um
Jerúsalem, hina heilögu borg
Gyöinga, Araba og kristinna
manna. Carter forseti ákvaö
aö lokum aö taka viö bréfum
frá Sadat og Begin þar sem
þeir endurtaka afstööu sína í
meginatriöum.
Auöveldara reyndist aö ná
samkomulagi um gerö friðar-
samnings Egypta og ísraels-
manna og um aö ísraelsmenn
skili Egyptum Sinai. Hins
vegar hefur enn ekki náöst
samkomulag um byggöir ísra-
elsmanna á Sinai. Sadat vill fá
ísraelsmenn til aö flytja þær
burtu. Atkvæöagreiösla sem
fram fer í ísraelska þinginu,
Knesset, um samkomulagiö
veröur fyrsta hindrunin í þeirri
friðarþróun sem hafin er.
Alltaf hækkar
tala látinna
Teheran. 19. sept. Reuter.
BJÖRGUNARMENN sem
leita að slösuðum og látn-
um í rústum bæjarins Tab-
as hafa fundið enn fleiri lík
og nálgast tala dáinna um
sautján þúsund manns. í
dag fórst Hercules-björg-
unarvél með níu manns um
borð er hún var að koma
inn til lendingar á Teheran
flugvelli að sækja vistir og
hjúkrunargögn. Fjórir
menn um borð komust lífs
af.
I fréttum frá Iran segir að enda
þótt ekki sé ljóst hversu margir
hafi látizt og kannski komi öll kurl
aldrei til grafar sé af öllu sýnt að
þetta séu mestu mannskaðar í
jarðskjálftum í íran fyrr og síðar.
Fram til þessa höfðu flestir látizt
1968 eða 13 þúsund er skjálftar
urðu í KhorassanhéraðiU
Ólýsanlegar hörmungar eru hjá
þeim sem eftir lifa í Tabas og
næstu bæjum og þorpum. Björgun-
arsveitir eiga ekki sjö dagana sæla
heldur og verða menn að hafa
grímur fyrir vitum sér svo sterk og
megn er rötnunar- og óþrifalyktin
á slysstöðum. Unnið er baki
brotnu enda hætt við að farsóttir
brjótist út á hverri stundu.
Iranskeisari hefur fyrirskipað
húsnæðismálaráðherra sínum að
hefja þegar undirbúning að því að
endurskipuleggja Tabas.
Arafat hót-
ar öllu illu
YASSER Arafat leiðtogi Palest-
ínuskæruliða forda'mdi í dag
samkomulag ísraelsmanna og
Egypta á Camp David fundunum
og hótaði hann að láta til skarar
skríða gegn hagsmunum líanda-
ríkjanna í Miðausturlöndum.
Arafat hét því einnig að halda
áfram skæruhernaði gegn Israel.
Arafat sagði að samkomulagið
í Camp David væri óþverri og af
því lyktaði af launráðum. Hann
sagði ennfremur að Carter forseti
skyldi ,.fá borgað" fyrir frum-
kvæði sitt í málinu. „Carter
verður svarað með tveimur högg-
um fyrir hvert það högg sem
hann greiðir okkur."
Ennfremur skýrði hið hálf
opinbera blað í Kairó, Al-Ahram,
frá því í dag að ísraelsmenn og
Egyptar hæfu innan skamms
viðræður í þeim tilgangi að ljúka
drögum að friðarsáttmálanum
eins og um var talað. Blaðið sagði
að viðræður allra aðila um vestur-
bakka Jórdan og Gaza hæfust um
svipað leyti, eða eftir um tvær til
þrjár vikur.
Fálldin
missir
fyigi
TIIORBJÖRN Fálldin, forsætis-
ráðherra Svíþjóðar, og Miðflokk-
ur hans eru enn á undanhaldi að
því er segir í skoðanakönnun
SIFO-stofnunarinnar sænsku. Nú
er ár þangað til kosningar eiga
að fara fram í Svíþjóð og
niðurstöður benda til, að Fálldin
hafi tapað fjórðungi þess fylgis,
sem flokkurinn fékk við kosning-
arnar 1976.
Fylgi jafnaðarmannaflokksins
yrði í kosningum nú um 48,5
prósent ög er það svipað og í
síðustu skoðanakönnun. Jafnaðar-
mannaflokkurinn myndi sem sé fá
ótvíræðan þingmeirihluta. Mið-
flokkurinn fengi 17,5 prósent og er
það einu prósenti minna en í
skoðanakönnun í júní. Þjóðar-
flokkurinn fengi 10,5 prósent og
hefur einnig misst fylgi síðan í
júní, en þriðji stjórnarflokkurinn,
Hófsami flokkurinn, sem áður var
Hægri flokkurinn, hefur bætt ögn
við sig og hefur samkvæmt þessu
16,5 prósent. Ef kosningar færu
fram nú og niðurstöður reyndust
réttar myndu kommúnistar ná 4
prósentum og fá því fulltrúa
kjörinn.
Al-Ahram segir að Sadat hafi
ákveðið að ganga ekki frá' sam-
komulagi í Camp David um
Jerúsalem og sjálfsákvörðunarrétt
Palestínumanna vegna fjarveru
Palestínumanna frá fundunum í
Camp David. Það varð að sam-
komulagi að Palestínumenn
skyldu taka þátt í viðræðunum um
þessi atriði og segir Al-Ahram að
það sé í fyrsta sinn í sögunni sem
Israelar viðurkenni rétt Palestínu-
manna. Þetta hefur ekki verið
staðfest.
Rússi við SÞ
fær hæli í USA
Sameinuðu þjóðunum
19. sept. — AP. Reuter.
SOVÉZKUR starfsmaður sendi-
nefndar sinnar hjá SÞ hefur
fengið umbeðiö hæli í Bandaríkj-
unum að því er talsmaður fyrir
bandarísku sendinefndinni skýrði
frá í dag. Maðurinn heitir Imans
Lesinskis. Hann er tæplega
fimmtugur að aldri og hefur unnið
við þýðingar og túlkunarstörf.
Eiturský grand-
aði þremur
Gonúa. 19. septomber. AP
ÞRÍR menn létu lífið eftir að
eiturský myndaðist vegna
mannlegra mistaka í sútunar-
verksmiðju í Genúa í morgun.
Að minnsta kosti 40 manns
voru fluttir í sjúkrahús til
rannsóknar eftir slysið og
óttast er um líðan fjögurra
þeirra. Skýið dreifðist yfir
borgina og greip mikill ótti
um sig meðal borgarbúa.
Eiturskýið myndaðist þegar
vörubílstjóri sturtaði 25 tonn-
um af krómsúlfati í þró sem í
var natríumvetnissúlfíð, en við
það fóru efnahvörf af stað.