Morgunblaðið - 20.09.1978, Blaðsíða 31

MORGUNBLAÐIÐ, MIÐVIKUDAGUR 20. SEPTEMBER 1978
31
• Frá vinstrii Hannes, Sólveig, Jóhanna og Páll. Þorbjörnvar
þegar horfinn af landi brott áleiðis til ftalíu. (Ljósm. - gg.)
ísiandsmeistararnir
famir til Ítalíu
GOLFSAMBAND Ítalíu og Fiat-verksmiðjurnar efna á næstunni
til einhvcrs stærsta golfmóts sem fram hefur farið í Evrópu í ár.
Það fcr fram á frægum golfvelli að nafni I Roveri í Torino. Þeir,
sem að þessu móti standa, bjóða minnst 5 keppendum frá löndum
í öllum heimshornum, m.a. Islandi. Það eru meistarar hvers lands
sem boðnir eru, bæði í karla- og kvennaflokki, auk þess er einnig
boðið þeim er urðu í öðru sæti. Allan kostnað við ferðalög og
uppihald keppenda greiðir FIAT. en íslcndingar hafa þekkst
boðið og í ga'rmorgun héldu til Ítalíu þeir Ilannes Eyvindsson og
Þorbjörn Kærbo og þær Jóhanna Ingólfsdóttir og Sólveig
Þorsteinsdóttir. Auk þeirra er með í förinni Páll Ásgeir
Tryggvason. formaður Golfsambands íslands. Mótið sjálft hefst
þann 22. þessa mánaðar, en á undan eru tveir æfingadagar.
Leikinn verður 54 holu höggleikur. Mótið stendur í þrjá daga.
Óvíst hvort
Einar leikur
með í vetur
vegna meiðsla
Handknattleiksmaðurinn
góðkunni Einar Magnússon
er nú alkominn til landsins.
Eins og kunnugt er hefur
Einar dvalið í Vest-
ur-Þýskalandi og leikið þar
handknattleik við góðan
orðstír. Var það ætlun
Einars að dvelja í vetur
ytra og leika þar, en vegna
þrálátra meiðsla varð hann
að hætta við þá fyrirætlun
sína og er nú kominn heim.
í viðtali við Mbl. sagði
Einar, að alsendis væri
óvíst hvort hann gæti leikið
með sínum gömlu félögum í
Víkingi í vetur. Hann væri
mjög slæmur í hné og er nú
í læknisrannsókn. Sagði
Einar að fljótlega fengi
hann úr því skorið hvort
hann léki í vetur eða ekki.

s4Ll
En ljóst væri að hann yrði
ekki með fyrir áramót.
Einar mun starfa hér heima
við eigið fyrirtæki, Vestur-
verk HF.
ÞR.
Erfitt verkefni bíður
íslenzka liðsinsí kvöld
□ -
Frá Sigtryggi Sigtryggssyni, blm. Mbl. í Nijmegen í Hollandi
n-
ISLENSKA landsliðið, sem mætir því hollenska hér i Nijmegen á miðvikudagskvöld var tilkynnt á blaðamannafundi
hjá landsliðsnefnd KSI í dag. Þrjár breytingar hafa verið gerðar á liðinu frá því í leiknum gegn Pólverjum, Þorsteinn
Bjarnason, Ásgeir Sigurvinsson og Ingi Björn Albertsson koma inn í stað Árna Stefánssonar, Harðar Hilmarssonar
og Gísla Torfasonar. Þeir Árni og Hörður eru ekki valdir í liðið að þessu sinni, en Gísli er í fríi á Spáni og gaf ekki
kost á sér. \
Það er erfitt verkefni sem bíður
íslenska liðsins í þessum leik, því
að hollenska landsliðið er, eins og
allir vita, eitt það sterkasta í
heiminum. Nú ríður á að allir
standi sig, ekki síst hinn ungi
landsliðsmarkvörður úr Keflavík,
Þorsteinn Bjarnason. Hann hefur
minnstu leikreynslu íslensku
landsliðsmannanna, hefur aðeins
leikið eipn landsleik áður og hefur
aldrei leikið undir fljóðljósum, en
við þær aðstæður verður leikið í
Nijmegen. Augu manna munu því
beinast að Þorsteini og honum
fylgja bestu óskir í leikinn.
„Við teflum fram í leiknum þeim
11 leikmönnum sem við teljum að
við höfum haft völ á,“ sögðu Jouri
Ilichev landsliðsþjálfari og Árni
Þorgrímsson landsliðsnefndar-
maður á blaðamannafundinum í
dag. Á fundinum kom fram, að
Jouri hyggst láta Jóhannes Eð-
vatdsson leika aðeins aftar en
aftasta vörn liðsins, sem eins
konar svíper eins og það er kallað
á knattspyrnumáli. Asamt honum
verður Jón Pétursso'n miðvörður
og Janus Guðlaugsson og Árni
Sveinsson verða bakverðir. Tengi-
liðir verða Atli Eðvaldsson vinstra
megin, Guðmundur Þorbjörnsson
á miðjunni og Karl Þórðarson
hægra megin. í sókninni verða
þeir Ingi Björn og Pétur Péturs-
son, en Ásgeir mun leika aðeins
fyrir aftan þá. Á þessum þremur
síðastnefndu leikmönnum mun
sóknarleikur íslenska liðsins
b.Vggjast og auðvitað ríður mikið á
að Ásgeir standi sig, því að þegar
hann er í stuði, er hann alger
jafnoki hollensku knattspyrnu-
snillinganna sem liðið leikur gegn.
Það kom enn fremur fram, að
landsliðsnefndin hafði í huga að
láta Dýra Guðmundsson leika, en
féll síðan frá því. Hins vegar er
meiningin að setja Dýra inn á ef
ske kynni að styrkja þyrfti vörn-
ina er liði á leikinn. Landsliðs-
nefndin var að því spurð hvers
vegna hún hefði aðeins valið 15
leikmenn til fararinnar í stað 16
eins og leyfilegt er. Þeir Jouri og
Árni svöruðu því til, að þeir hefðu
í liðinu menn sem gætu að þeirra
mati leikið allar stöður á vellinum
og því ekki þörf á sextánda
leikmanni. I leik sem þessum hefði
það mesta þýðingu að hafa menn í
flestar stöður, fjöldi þeirra skipti
ekki máli. Þegar Jouri var spurður
um möguleika íslands í leiknum,
kvað hann erfitt að svara því. —
Holland verður mjög erfiður and-
stæðingur, það vitum við vel, því
miður hef ég aðeins séð þá leika
einu sinni. Ég hafði ekki tækifæri
til að fylgjast með þeim fyrir
þennan leik, hollenski þjálfarinn
stendur að því leyti betur að vigi
en ég, að hann sá íslenska liðið
leika 2 landsleiki fyrir skömmu,
þ.e.a.s. gegn Bandaríkjunum og
Póllandi. En ég er bjartsýnn,
strákarnir hafa lagt sig mikið
fram á æfingum þó að ýmsir
þeirra hafi verið þreyttir eftir
ferðalög og ég veit að þeir munu
allir gera sitt besta í þessum
erfiða leik.
Hollenska liðið hefur einnig
Sigtryggur Sigtryggsson blm. Mbl. ræddi við nokkra af ísl. leikmönnunum í
Hollandi í gær um atvinnumennsku í knattspyrnu erlendis og fara viðtölin hér á
eftir.
Pétur Péturssoni
— Ég hef mikinn áhuga á að
komast í atvinnumennsku, það
hefur hins vcgar ekkert verið
gert enn og verður varla fyrr en
að leiknum heima gegn Köln er
lokið. Verði fariö út í að semja
við einhverja, mun George Kirby
hjálpa mér við samningsgerðina.
Jón Péturssoni
— Það er ákveðið að ég verði
eitt ár enn í Svfþjóð og sömuleiðis
Árni Stefánsson. Við verðum
báðir áfram hjá Jönköping. Hins
vegar er ég síðan ákvcðinn í að
koma heim. Ég kann að mörgu í
lcyti vel við mig í Svíþjóð, en
maður er svo lítið heima við með
fjölskyldunni, að maður þreytist
á þessu.
Jóhannes Eðvaldssoni
Ég er búinn að gera nýjan
samning við Celtic til eins árs en
síðan vil ég komast burt frá
félaginu og , reyna fyrir mér
annars staðar. Þetta hefur verið
ágætt hjá okkur það sem af er
keppnistímabilinu og ég hef
hingað til leikið alla leikina. Mér
hefur þó ekki tckist að skora.
enda leikið í öftustu vörninni.
Það hefur haft mikil og góð áhrif
á Celtic að Billy McNiel cr tekinn
við stöðu framkvæmdastjóra í
stað Jock Stein, sagði Jóhannes
að lokum.
Janus Guðlaugssoni
-Ég var að skoða mig um hjá
Tony Knapp hjá Vikingi í Stav-
angri og leist vel á. Ég hef
mikinn hug á að leika erlendis
næstu árin. annaö hvort hjá
Knapp eða þá annars staðar.“
sagði Janus um atvinnumennsku-
horfur sfnar. í sama streng tók
Karl Þóröarson, þó að ekki hafi
hann Stavangur f huga.
- SS
verið valið og eru í því ekki færri
en 9 leikmenn sem léku meira eða
minna í Argentínu í sumar og á
varamannabekknum situr Jan
Peters, sem talið var að myndi
leysa Johan Cruyff af hólmi í
hollenska liðinu. Leikurinn í kvöld
hefst klukkan 20 að hollenskum
tíma, eða klukkan 18 að íslenskum
og verður leikið undir fljóðljósum.
Liðinsem
leika í kvöld
Frá SigtryKifi SigtryKgs-syni, blm. Mbl.
í Nijmegen í Holíandi
O--------------------------------D
LIÐIN sem leika í kvöld hafa nú
verið endanlega valin. það ís-
lenska lítur þannig út> Þorsteinn
Bjarnason IBK. Janus Guðlaugs-
son FH. Árni Sveinsson IA.
Jóhannes Eðvaldsson Celtic, Jón
Pétursson Jiinköping. Ásgeir
Sigurvinsson Standard, Atli Eð-
valdsson Val. Karl Þórðarson ÍA.
Guðmundur Þorbjörnsson Val.
Pétur Pétursson ÍA og Ingi Bjiirn
Albertsson Val. Varamenni Árni
Stefánsson Jönköping; Dýri Guð-
mundsson Val, ólafur Júlíusson
ÍBK og Sigurður Björgvinsson
IBK. Lið Hollands verður þannig
skipaði Schrievers Ajax. Poortv-
liet PSV Eindhoven, Brandts
PSV. Krol Ajax. Wildschut
Tvente, Jansen Feyenoord. Willy
Van Der Kerkhov PSV. Ilaan
Anderlecht. La Ling Ajax. Nann-
inga Roda JC. og Rensenbrink
Anderlecht. Varamenn erui Does-
burg Sparta. Van Kray PSV,
Peters AZ 67 Alkmaar. De Koster
Roda JC og Dusbaba Anderlecht.
Annar blökku-
maður í körfunni?
HÉR á landi er nú staddur
umboðsmaður Curtis Carters
og John Hudsons. fyrrverandi
og núverandi leikmanna KR í
körfunni. sem báðir eru
blökkumenn. Það hefur
heyrst, að maður þessi hafi í
hyggju að halda nýstárlegt
þjálfaranámskeið hérlendis á
næstunni. Með umboðsmann-
inum í íörum er annar blökku-
maður. tröll að vexti, sem er
aðstoðarmaður hans. Það hef-
ur einnig heyrst, að sá hafi
jafnvel í hyggju að leita sér
vinnu hérlendis sem körfu-
boltaspilari. eftir að áður-
nefndu námskeiði lýkur og
umbcMVsmaðurinn hverfur af
landi brott.
— gg-
48 með ellefu
rétta I 4. leikviku
í 4. LEIKVIKU komu fram 11
réttir í 8 röðum og vinningur
fyrir hverja röð kr. 78.000.- en
með 11 rétta voru 48 raðir og
fyrir hverja röð koma kr.
5.500.-. Talsvert var um óvænt
úrsiit, enda 5 útisigrar liða,
sem á laugardag unnu sína
fyrstu sigra að heiman. Fram
að síðasta laugardegi voru það
aðeins Liverpool, Aston Villa
og Coventry, sem höfðu sigrað á
útivelli á þessu leiktímabili.
Fram kom einn kerfisseðill
með 2 röðum með 11 réttum, og
6 röðum með 10 réttum, vegna
þess að tvítryggður ieikur var
rangur, og vinningurinn fyrir
seðilinn því kr. 189.000.-.
Golfkeppni í Eyjum
GOLFKLÚBBUR Vestmanna-
eyja gengst fyrir opnu golf-
móti dagana 23.-24. sept.,
Helkaopin. 36 holu keppni
með og án íorgjafar. Keppnin
hefst báða dagana kl. 10.
Gaukaði lyfseðli
að Ricky Bruch
SÆNSKI kraftajötunninn
Ricky Bruch skýrði nýverið frá
því, að læknir nokkur hefði í
sumar óumlæðið látið sig hafa
lyfseðil fyrir tveimur hormóna-
lyfjum, en alþjóðasambönd
íþróttamanna leggja þvert
bann við notkun þeirra við
æfingar og keppnir.
„Taktu þetta. Þú hefur enn
eina viku til að ná lágmörkun-
um fyrir Evrópumeistaramót-
ið,“ sagði læknirinn þegar hann
afhenti Bruch iyfseðilinn í hófi
að lokinni árlegri landskeppni
Finna og Svia í frjálsíþróttum,
að því er haft er eftir Ricky
Bruch. Lyfseðillinn var fyrir
efnunum Rektandron og Testo-
viron-Depot, en bæði tiiheyra
lyfin þeim flokki lyfja sem
nefndur er Anabolic Steroides.
Bruch segist áður hafa notað
slík lyf til að auka afreksgetu
sína, en hafi steinhætt neyzlu
þeirra fyrir tveimur árum.
Hann segist hafa orðið svo
hne.vkslaður vegna uppátækis
læknisins að hann skýrði blöð-
um frá því svo og sænska
frjálsíþróttasamhandinu sem
nú kannar málið.