Morgunblaðið - 20.10.1978, Blaðsíða 10

MORGUNBLAÐIÐ, FÖSTUDAGUR 20. OKTÓBER 1978
10
r
Skilningur á eðli vá-
trugginga hefur aukizt
r, ætt við Sigurð Jónsson
á 60 ára afmæli Sjóvá
SJ4LFSTÆÐISBARÁTTA íslands var háð
mörgum vígstöðvum. Verzlunarfrelsið var
mikill áfangi á sinni tíð, og í kjölfar þess sigldu
margvíslegar efnahagslegar framfarir og
uppbygging. Smátt og smátt fluttust verzlun og
viðskipti inn í landið, útgerð þilbáta, vélskipa og
togara hófst og Eimskipafélag íslands h.f. var
stofnað. Nokkru síðar, eða hinn 20. október
1918, var svo Sjóvátryggingarfélag Jslands h.f.
stofnað og hóf rekstur 15. janúar 1919.
Stiklað á stóru
Sjóvátryggingarfélagið er
elzta vátryggingarhlutafélag
hér á landi. Að stofnun þess
stóðu 24 mikilsmetnir ein-
staklingar flestir úr Reykja-
vík, og brautryðjendur hver á
sínu sviði, auk fyrirtækja eins
og togarahlutafélagsins
Alliance, Kveldúlfs h.f. og
Sambands ísl. samvinnufé
laga.
Fyrsti stjórnarformaður
var Ludvig Kaaber banka-
stjóri Landsbanka Islands, en
aðrir í stjórn voru þeir Sveinn
Björnsson yfirdómslögmaður
og síðar forseti Islands, sem
var annar formaður félags-
stjórnar 1924—26, Jes Zimsen
ræðismaður og útgerðarmaður,
sem var þriðji formaður
félagsstjórnar til 3. janúar
1938, Hallgrímur Kristinsson
framkvæmdastjóri SÍS og
Halldór Kr. Þorsteinsson
skipstjóri og útgerðarmaður,
sem var fjórði stjórnarfor-
maðurinn frá 1938—1964.
Eftir það tók Sveinn Bene-
diktsson framkvæmdastjóri
við stjórnarformennsku, en
ásamt honum sitja nú eftir-
taldir menn í stjórn félagsins:
Ágúst Fjeldsted hrl., Björn
Hallgrímsson frkvstj., Ingvar
Vilhjálmsson forstj. og Teitur
Finnbogason fulltrúi.
Fyrsti framkvæmdastjóri
Sjóvátryggingarfélagsins var
Axel V. Tulinius yfirdómslög-
maður, en hann hafði um
nokkurt skeið rekið hér um-
boðsskrifstofu fyrir sjó-,
bruna- og líftryggingar. Eft-
irmaður hans var Brynjólfur
Stefánsson 1933—57, síðan
Stefán G. Björnsson til 1971.
Þá voru ráðnir framkvæmda-
stjórar þeir Sigurður Jónsson,
sem enn gegnir því starfi og
Axel Kaaber til 1976. _
Rekur alhliða
vátryggingarstarfsemi
Eins og heiti félagsins ber
með sér var fyrsta markmið
þess að taka að sér sjóvá-
tryggingar, bæði skipa- og
farmtryggingar, og er það
enn mjög ríkur þáttur í
rekstri þess. En smátt og
smátt færði það út kvíarnar,
eftir því sem skilyrði og
ástæður leyfðu, og rekur nú
alhliða vátryggingarstarf-
semi. í mjög veigamiklum
þáttum vátryggingarmála
hefur Sjóvátryggingarfélagið
verið brautryðjandi gegnum
tíðina og unnið sér traust
viðskiptavina sinna.
Um nokkurt skeið voru
líftryggingar verulegur þátt-
ur í starfsemi félagsins, en
eftir setningu laga um vá-
tryggingarstarfsemi var
óheimilt að stunda líftrygg-
ingar ásamt almennri vá-
tryggingarstarfsemi og var
þá stofnað dótturfélag, Líf-
tryggingarfélag Sjóvá h.f.,
sem tók við þeim þætti í
starfsemi félagsins frá árs-
byrjun 1976.
Iðgjöldin
prír milljarðar
Hjá Sjóvátryggingarfélag-
inu starfa nú rúmlega 60
manns auk umboðsmanna um
allt land. Á þessu ári fara
iðgjöldin yfir 3 milljarða
króna, en á s.l. ári voru þau
rúmir 2 milljarðar króna og
skiptust svo:
Frumtryggingar:
Brunatryggingar o.fl. kr. 230
millj.
Sjó- og farmtryggingar kr.
485 millj.
Ökutækjatryggingar kr. 429
millj.
Frjálsar ábyrgðartr. kr. 75
millj.
Slysatryggingar kr. 114 millj.
Frumtr. alls kr. 1.333 millj.
Sigurður Jónsson
kvæmdastjóri
fram-
Innl. endurtryggingar kr. 214
millj.
Erl. enduUryggingar kr. 603
millj.
Iðgjaldatekjur alls kr. 2.150
millj.
Verðbólgan skapar
erfiðleika
Sigurður Jónsson fram-
kvæmdastjóri svaraði svo
spurningu minni um það,
hvernig rekstrargrundvöllur
vátryggingarfélaga væri um
þessar mundir:
— Það er afskaplega erfitt
að reka vátryggingarstarf-
semi og annan atvinnurekstur
undir þessum kringumstæð-
um, þegar verðbólgan er um
50% á ári. Erlendir trygg-
ingarmenn bera sig illa undan
6—8% verðbólgu og skilja
ekki, hvernig unnt sé að reka
vátryggingarstarfsemi við
þessi skilyrði.
Þetta má skýra með því að
taka dæmi af bifreiðatrygg-
ingum. Það hefur verið tap á
þeim um langt árabil nema
1976. Það var tap í fyrra og er
fyrirsjáanlegt nú, vegna þess
að við höfum ekki fengið þá
hækkun á iðgjöldum sem
nauðsynleg var. Þar við bæt-
ist, að verðbólgan hefur verið
meiri en reiknað var með.
I þessu sambandi er líka
vert að benda á, að stundum
koma tjón alls ekki til út-
borgunar fyrren löngu eftir
að þau verða og miðast þá
uppgjörið við verðlag á þeim
tíma en ekki tjóndegi. Þetta á
einkum við um meiriháttar
slys, þar sem læknisfræðilegt
mat á örorku hefur beðið að
verulegu leyti þar til séð
verður, hvern bata hinn slas-
aði fær. Á sama hátt verður
verðbólgan að meini í skipa-
og bílaviðgerðum, sem orðnar
eru mun dýrari í árslok en
þær voru meira en ári fyrr,
þegar ákvörðun um iðgjald
var tekin.
Umferðarslysum
fjölgar ískyggilega
Sigurður Jónsson gat þess
að til þess að geta raunveru-
lega staðið undir tjónakostn-
aði, þurfi að verðtryggja
tjónasjóði og sagði:
— Við höfum reynt að gera
það í auknum mæli undanfar-
in ár. Vegna verðbólgunnar
hafa bifreiða- og fiskiskipa-
tryggingar verið okkur erfið-
astar undanfarin ár og á
þessu ári hafa mörg stór tjón
orðið í báðum þessum grein-
um. Umferðarslysum hefur
fjölgað ískyggilega og meðal-
tjón af þeim sökum hækkað
gífurlega. Það er því
veruleg ástæða til þess að
brýna fyrir mönnum að sýna
fulla aðgát í umferðinni og
fara ekki gáleysislega. Ég
hef fyrir framan mig uppgjör
vegna mjög alvarlegs slyss,
sem var að vísu óhappatilvilj-
un, en eigi að síður komið til
SLYSATRY&GINOAR .
8RWNA- OG fARMTPYGOINGAR
MUMíUSTSYOQNOA* ^A*»»SWYG<SINOAA
WmBm
Úr skrifstofum Sjóvá frá vinstrii Halldór Teitsson fulltrúi, Guðni Þ. Guómundsson fulltrúi, sem er elzti
starfsmaður félagsins, hefur unnið þar í 47 ár og með öilum framkvæmdastjórum þess, Valur
Jóhannsson sölumaður og Guðmundur Sæmundsson sölumaður.
af leikaraskap. Menn verða að
hafa það hugfast, að það
getur verið skammt milli lífs
og dauða, milli örorku og
heilbrigði, þegar bifreiðar
eða vinnutæki eru annars
vegar.
Það verður aldrei nógsam-
lega brýnt fyrir fólki, að
höfuðregla umferðalaganna
er að hver vegfarandi skuli
sýna öðrum vegfarendum til-
litssemi.
Fjárhagsgrundvöllur-
inn er traustur
Ég spurði Sigurð, hvað
hann vildi segja um opinber
afskipti af vátryggingarfélög-
unum.
— Það var til mikilla bóta,
þegar lög um vátryggingar-
starfsemi voru sett og Trygg-
ingareftirlitið stofnað.
Hins vegar hafa afskipti
hins opinbera í sambandi við
iðgjaldagreiðslur oftast verið
mjög neikvæð og á ég þar
sérstaklega við ökutækja-
tryggingarnar. Það hefnir sín
óhjákvæmilega síðar, þgar
Iðgjöldin eru ákveðin of lág
til lengdar.
— En hver er afstaða al-
mennings til vátryggingar-
starfseminnar?
— Skilningur almennings
á eðli vátrygginga hefur
aukizt, sérstaklega á þetta við
um slysatryggingar og heim-
ilistryggingar. Við hækkum
vátryggingafjárhæðina að
vísu í samræmi við breytta
vísitölu, en sú hækkun dugir
að sjálfsögðu ekki, ef um
verðmætaaukningu er að
ræða. Og í því efni fylgist fólk
ekki nógu vel með og gætir
þess ekki að hækka vátrygg-
ingarupphæðina í samræmi
við stærra innbú og aukin
verðmæti. Það er ástæða til
að hvetja fólk til að sýna
meiri árvekni að þessu leyti.
— Hvað viltu segja um
framtíð Sjóvátryggingar-
félagsins á þessum tímamót-
um?
— Sjóvátryggingarfélagið
á mjög mikla framtíð fyrir
sér, þótt verðbólgan og ríkj-
andi öngþveiti í efnahagsmál-
um geri allan heilbrigðan
rekstur erfiðan. Viðskiptin
hafa aukizt og fjárhagsgrund-
völlurinn er traustur. Þannig
hefur góð afkoma á bruna-
tryggingum og ýmsum öðrum
greinum hjálpað til og vegið á
móti tapinu af bifreiða- og
fiskiskipatryggingunum. Og
þótt nokkur rekstrarhalli hafi
orðið á hinni reglulegu vá-
tryggingarstarfsemi, hefur
það verið borið uppi af
fjármagnstekjum þannig að
rekstrarafkoman í heild var
jákvæð á s.l. ári.
Lán Sjóvátryggingarfélags-
ins er og hefur verið það, að
hafa góða og trausta við-
skiptamenn, sem hafa verið
því tryggir í gegnum tíðina og
ég vil nota þetta tækifæri til
þess að færa þeim sérstakar
þakkir fyrir samskiptin á
liðnum árum.
Halldór Blöndal.