Morgunblaðið - 07.11.1978, Side 41

MORGUNBLAÐIÐ, ÞRIÐJUDAGUR 7. NÓVEMBER 1978
21
Frábær
árangur í
lyftingum
• Islenska unglingalandsliðið í
lyftingum kom verulega á óvart á
Norðurlandamótinu í Danmörku,
sem fram fór um síðustu helgi.
Alls hlaut íslenska liðið 6 verð-
laun, 2 gull í 100 kg flokknum og
yfirþungavigt, 3 silfur, í 60, 75 og
82.5 kg flokknum og loks eitt
brons.
Þorvaldur B. Rögnvaldsson KR
vann bronsverðlaun í 60 kg
flokknum, hann lyfti samtals 170
kg, snaraði 75 og jafnhattaði 95
kg-
Þorsteinn Leifsson KR nældi
sér í silfrið í 75 kg flokknum.
Hann lyfti samtals 225 kg,
snaraði 115 kg og jafnhattaði 110
kg-
Guðgeir Jónsson Ármanni lyfti
samtals 280 kg í 82,5 kg flokkin-
um. Hann snaraði 120 kg og
jafnhattaði 160 kg. Þessi árangur
nægði til silfurs.
Gullverðlaun vann Birgir Þór
Borgþórsson í 90 kg flokkinum,
snaraði hann 130 kg, jafnhattáði
167.5 kg og hafði hann nokkra
yfirburði í þessum flokki.
Óskar Kárason vann silfur-
verðlaun í 100 kg flokkinum, lyfti
samtals 275 kg. Hann jafnhattaði
155 og snaraði 120 kg.
Loks vann Ágúst Kárason gull í
yfirþungavigt. Ágúst snaraði 130
kg og jafnhattaði 170 kg, saman-
lagt 300 kg.
Islendingar urðu í 3. sæti í
stigakeppninni og er það í fyrsta
skipti sem landinn nær slíkum
árangri. Islendingar hlutu 75
stig, en Svíar voru í fyrsta sæti
með 94 stig. Finnar komu næstir
með 86 stig. Norðmenn voru í
fjórða sæti með 68 stig, en Danir
voru linastir með 65 stig.
SVO virðist sem eitthvað sé í
veginum með að félagaskipti
Einars Magnússonar gangi
snurðulaust fyrir sig. Samkvæmt
heimildum frá HSÍ hefur borist
bréf frá vestur-þýska handknatt-
leikssambandinu þar sem þeir
segjast ekki geta samþykkt
félagaskipti Einars yfir í Víking.
Engin skýring er gefin á þessu
í bréfinu og hefur HSÍ nú sent út
bréf og spurst fyrir um ástæðurn-
ar. Málin munu því væntanleg
skýrast á næstunni. En á meðan
getur Einar ekki leikið með félagi
sínu. Víkingi. — þr.
Óskar
til Texas
Frjálsíþróttakappinn góð-
kunni. Óskar Jakobsson, mun
halda út til Bandarikjanna í
lok nóvembermánaðar og
kanna tvö af bestu tilboðum
sem hann hefur fengið frá
bandarískum háskólum. Eins
og Mbl. hefur skýrt frá höfðu
Óskari borist nokkur mjög góð
tilboð um skóiavist og um leið
alla þá aðstoð sem skólarnir
veita íþróttamönnum í sam-
bandi við þjálfun og keppni.
Óskar sagði í viðtali viö Mbl.
að hann myndi halda utan 30.
nóv. og fara þá til Austin í
Texas en háskólinn þar hefur
gert honum mjög gott tilboð. —
Eg fer utan á vegum skólans,
þeir greiða allan kostnað, uppi-
hald og ferðir.
— Reyndar hefur háskólinn í
E1 Paso líka gert mér freistandi
tilboð sem ég mun kanna í
leiðinni. Mér sýnist að athuguðu
máli að þessir tveir skólar séu
með hagstæðustu tilboðin.
Ef mér líst nægilega vel á mig
mun ég fara utan til náms og
æfinga í byrjun janúar og dvelja
fram á sumar, en koma síðan
heim og taka hér heima þátt í
frjálsíþróttamótum sumarsins
og keppa með landsliðinu. —
Björn Pálsson lögfræðingur
hefur verið mér mjög innan
handar við að komast í gott
samband við háskóla í Banda-
rikjunum og er ég honum
þakklátur, hann mun væntan-
lega einnig aðstoða mig við að
ganga frá samningum við þann
skóla sem ég kem til með að
velja, lítist mér nægilega vel á
allar aðstæður, sagði Óskar. —
ÞR.
Feyenoord
gegn KA
Feyenoord mun næsta sumar
leika vináttuleik við KA norður á
Akureyri. Svo segir í blaðinu
Degi á Akureyri sl. fimmtudag.
I blaðinu segir frá því, að
Gunnar Sigurðsson, formaður
knattspyrnusambands Akraness
hafi verið á ferð á Akureyri fyrir
skömmu og hafi þá ákvörðun um
leikinn verið tekin, en í samningi
Péturs Péturssonar við Feyenoord
er kveðið svo á, að Feyenoord skuli
leika með 3 leiki næsta sumar
íslenskum aðilum að kostnaðar-
lausu. Hinir leikirnir verða, sam-
kvæmt Degi, við lið ÍA og við
landsliðið. Segir Dagur, að líklega
muni hollensku leikmennirnir
koma til Akureyrar á föstudags-
morgni, fara þá í skoðunarferð til
Mývatns og leika síðan gegn KA
um kvöldið. — gg.
Varaformanni KKÍ
hótað málsókn
UNDANFARNAR vikur hefur
bandarískur umboðsmaður,
Robert Starr að nafni, dvalist her
á landi. Hann hefur haft milli-
göngu um komu nokkurra er-
lendra leikmanna hingað.
Þó ýmsir forsvarsmenn félaga
og aðrir sem vinna að málefnum
körfuknattleiks hafi haft sam-
band við stjórnarmenn sam-
bandsins og talið „sölustarfsemi"
hans óheppilega hefur stjórnin
látið hana óátalda.
Nú hafa hins vegar gerst þeir
atburðir að stjórn KKÍ telur rétt
að vekja opinberlega athygli á
atferli þessa manns.
Um miðja viku 21.—28. október
s.i. komst varaformaður sam-
bandsins, Páll Júlíusson, að því
að samningar stóðu milli Starr og
UMF. Skallagríms um ráðningu
bandarísks þjálfara og leik-
manns. Þar sem ákvæði í reglu-
gerð um körfuknattleiksmót
segja að veita skuli erlendum
leikmanni keppnisleyfi ef til-
kynning hafi borist fyrir 15.
október, sá Páll ástæðu til að
hringja til forsvarsmanna UMFS
og vekja athygli þeirra á þessu
ákvæði.
M.a. vegna afskipta Páls af
þessu máli hefur Starr leitað til
lögmanns og fengið hann til að
hóta Páli málsókn svo sem fram
kemur í meðfylgjandi ljósriti af
bréfi lögmannsins.
Stjórn KKÍ lítur svo á að með
áðurnefndri hótun sé Robert
Starr í raun að veitast að forystu
sambandsins.
Á fundi 1. nóvember s.l. sam-
þykkti stjórnin að KKÍ tæki fulia
ábyrgð á gerðum varaformanns í
nefndu máli.
Ennfremur hefur stjórnin
ákveðið að gangast fyrir að settar
verði ákveðnar reglur um starf-
semi umboðsmanna hérlendis.
Frétt frá K.K.Í.
Skúli hlaut silfrið á
HMíkraftalyftingum
Var nálægt Því að setja heimsmet í réttstöðulyftu
• Kraftakarlinn og lyftingakapp-
inn Skúli Óskarsson gerði það ekki
endasleppt á heimsmeistaramót-
inu í kraftlyftingum sem fram fór
í Turku í Finnlandi um síðustu
helgi. Skúli keppti í 75 kg flokki og
tókst honum að næla sér í
silfurverðlaunin í keppninni eftir
harða baráttu við Peter Fiore frá
Bretlandi. Ekki munaði nema 10
kg að Skúla tækist að tryggja sér
heimsmeistaratitilinn í sínum
flokki. Þá var Skúli nálægt því að
setja nýtt heimsmet í réttstöðu-
lyftu. Lyfti hann 297,5 kg í sjálfri
keppninni en reyndi næst við 300,5
kg en heimsmetið er 300 kg. Skúli
lyfti þyngdinni, tveir dómarar
dæmdu lyftuna ógilda en sá þriðji
gilda. Minnstu munaði því að
Skúla tækist að setja heimsmet.
Skúli tók forystu í keppninni í
fyrstu greininni sem var hné-
beygja, þar lyfti hann 295 kg,
næsta grein var bekkpressa og þar
tókst Skúla ekki vel upp því að
hann lyfti minna en flestir í hans
flokki eða 130 kg. Hins vegar tók
hann vel á í réttstöðulyftunni og
það kom honum á verðlaunapall-
inn.
Óskar Sigurpálsson keppti einn-
ig á mótinu og var hann í flokki
110 kg á þyngd. Óskar lenti í
fimmta til sjötta sæti ásamt Alan
Marshall frá Ástralíu en báðir
lyftu 800 kg.
Sigurvegari í yfirþungavigt varð
Bandaríkjamaðurinn Latty
Pacifico, lyfti hvorki meira né
minna en 912,5 kg (342,5 — 215 —
340).
Urslit í 75 kg flokknum urðu
þessi: (Fyrst samanlagður árang-
ur, þá hnébeygja, síðan bakk-
pressa og loks réttstöðulyfta).
Potor Fioro. Brotlandi
732.5 (287.5 - TCO - 255)
Skúli óskarsson íslandi
722.5 (295 - 130 - 297.5)
3. J. Nyssooonon. Finnlandi
720 (275 - 175 - 270) - br.
• Skúli óskarsson lyftingakappi leggur sig allan fram. Það gerði
hann svo sannarlega í Turku í Finnlandi um síðustu helgi er hann
hlaut silfurverðiaunin í 75 kg flokki á HM í kraftlyftingum.