Morgunblaðið - 01.05.1979, Blaðsíða 7

MORGUNBLAÐIÐ, ÞRIÐJUDAGUR 1. MAÍ 1979
55
„ Annaðhvort lifir
maður fyrir sjálfan
sig eða peningana”
Elías Guðmundsons fulltrúi er 22
ára Reykvíkingur og býr ásamt
unnustu sinni í lítilli íbúð við
Samtún í Reykjavík. Þau hafa
nýlega fest kaup á íbúðinni en
hyggja á frekari framkvæmdir.
„Ég var ákveðinn í því fyrir
nokkrum árum að fara til Svíþjóðar
og læra fiskeldisfræði. En þar sem
stúdentsprófs var krafist varð ekk-
ert úr því að ég fengi skólavist og
fannst mér ég vera orðinn of gamall
til að setjast á skólabekk aftur til að
afla mér tilskilins prófskírteinis.
Tók ég þá ákvörðun að snúa mér þess
í stað að húsnæðismálunum, en ég og
unnusta mín vorum þá farin að búa í
foreldrahúsum hennar.
Við höfðum ekki lagt mikið til
hliðar, þó tókst okkur að festa kaup
á gamalli íbúð við Samtún. Til
fjármögnunar kaupanna fengum við
lán hjá Húsnæðismálastofnun og
eins komu sparimerkin sér vel. Mér
þótti ætíð blóðugt að vera skikkaður
til að ráðstafa hluta af launum
mínum til sparimerkjakaupa, en
þarna komu þau sér vel. Spari-
merkjaupphæðin dugði fyrir útborg-
uninni. Einnig seldum við bílinn og
vinnum nú bæði úti til að borga
niður eftirstöðvarnar.
Auðvitað er þetta erfitt. Við tók-
um íbúðarkaupin sem algjört for-
gangsverkefni, kaup á búslóð, hús-
gögnum o.fl. bíður síns tíma. Ég hef
reynt að handsmiða það nauðsynleg-
asta og heimilistækin eru flest af
eldri gerðinni, en ánægjan af því að
flytja inn í sitt eigið húsnæði, vera
sinn eigin herra og dytta að og
endurbæta sína eigin eign er vel þess
virði.
Ég lít samt ekki á þessi íbúðar-
kaup sem endatakmark. Ég vona að
fjölskyldan eigi eftir að stækka og þá
Elías Guðmundsson.
verður þörf á stærra húsnæði. En
mér finnst að fyrst verði að hafa
aðstæðurnar í lagi áður en börnin
koma til sögunnar. Við höfum næg
dæmi þess að börnin komi fyrst og
síðan taki við endalaust basl við að
tryggja öryggi fjölskyldunnar í var-
anlegu húsnæði og góðu umhverfi.
Þess vegna er mitt framtíðaráform
að kaupa stærra húsnæði hið fyrsta.
Ég hef kannað möguleikana í
Reykjavík og aðstæðurnar hér eru
þannig, að einu möguleikarnir eru
blokkaríbúðir í Breiðholti og biðlist-
ar langir eftir lóðaúthlutunum.
Breiðholt er staður þar sem ég get
ekki hugsað mér að ala upp barn eða
búa á sjálfur. Við áttum þess kost að
kaupa litla íbúð í blokk í Breiðholti
fyrir sömu upphæð og við gáfum
fyrir gömlu íbúðina okkar, og eign-
ast þar með verðmætari eign pen-
ingalega, a.m.k. auðveldari í endur-
sölu, en annaðhvort lifir maður fyrir
sjálfan sig eða peningana.
Niðurstaðan varð sú, að við ákváð-
um að stíga skrefið til fulls og sótti
ég nú nýverið um byggingarlóð á
Seltjarnarnesi, enda er það sveitar-
félag sem mér finnst bera af öðrum
utan Reykjavíkur. Vonast ég til að
mér takist að fá þar lóð og ætti þá að
vera auðvelt með andvirði gömlu
íbúðarinnar, húsnæðismálaláni og
væntanlega lífeyrissjóðsláni að
byggja varanlegt framtíðarhús-
næði.“
Elías sagði, að hann teldi ungt fólk
almennt leggja sig fram um að
eignast eigið húsnæði, og ekki telja
eftir sér aukna vinnu, en margt
mætti taka til endurskoðunar sem
viðkæmi ungu fólki sérstaklega.
„Ungt fólk hefur oft á tíðum hafið
framtíðarstarf sitt langt innan við
tvítugsaldur og byrjar þá um leið að
greiða í lífeyrissjóði. Lífeyrissjóður
ríkisstarfsmanna a.m.k. hefur þær
reglur, að innan við tvítugsaldur
greiðir þú aðeins inn á biðreikning
og til að verða lánshæfur þarftu að
hafa greitt í sjóðinn í 5 ár og vera
orðinn 25 ára gamall. Ungt fólk
hefur oft stofnað heimili og hafið
byggingarframkvæmdir um og upp
úr 20 ára aldrinum og því geta
þessar fáránlegu reglur komið verst
niður á þeim sem sízt skyldi.
Ég vil að lokum hvetja ungt fólk
til að drífa sig í að eignast eigið
húsnæði áður en fjölskyldustærðin
fyrirbyggir eðlilega þróun þeirra
mála,“ sagði Elías að lokum.
„Það þýðir ekkert að
leggja upp laupana”
VALUR Friðriksson rafvirki og
kona hans Ragna Björk eru frá
Hrísey á Eyjafirði. Þau eru bæði 25
ára að aldri og búa nú f leiguíbúð í
Fossvogi í Reykjavík ásamt þremur
dætrum sfnum.
„Við erum bæði innfæddir Reyk-
víkingar en fluttum til Hríseyjar
haustið 1976 vegna þess að okkur
bauðst þar gott leiguhúsnæði og
okkur var sagt að miklir atvinnu-
möguleikar væru þar,“ sagði Valur
og Ragna bætti við: „Við ætluðum að
reyna að koma undir okkur fótunum
— rífa okkur upp. Við áttum þá tvær
ungar dætur, sem ekki voru komnar
á skólaaldur, og ekkert batt okkur
frá því að freista gæfunnar."
Aðspurður sagði Valur, að gott
hefði verið að búa í Hrísey, en
atvinna hefði verið þar stopul. Hann
hefði fengið vinnu í frystihúsinu og
túr og túr á eina togara staðarins, en
minnsta atvinnu hefði verið að fá í
rafvirkjun, sem hann hefði þó bund-
ið mestar vonir við. „Sl. haust var
atvinnuvandinn orðinn það mikill, að
við urðum að sækja um atvinnu-
leysisbætur í þrjár vikur. Það er ekki
skemmtileg lífsreynsla ungu fólki að
þurfa að þiggja slikar bætur og
ganga um aðgerðarlaus i Guð má
vita hvað langan tíma. Pökkuðum
við þá niður og héldum suður."
í Hrísey bauðst þeim 5 herbergja
íbúð til kaups á góðu verði fyrir
u.þ.b. ári og gátu klofið það fjárhags-
lega að eignast hana. Valur sagði:
„Börnin eru orðin þrjú og við sáum
fram á að ef okkur tækist ekki að
eignast þetta húsnæði í Hrísey þá
gætum við það yfir höfuð ekki og því
síður hér fyrir sunnan. Ibúðin var
ekki það sem má kalla fyrsta flokks,
en við lögðum mikla vinnu í að
endurnýja hana og lagfæra og kost-
aði það okkur álíka mikið og að
kaupa hana.“
Nú stendur íbúðin tóm fyrir norð-
an og þau búa í hér í leiguhúsnæði.
Spurningunni um hvað tæki við
svaraði Valur: „Ég er svo heppinn, að
fyrrverandi atvinnurekendur mínir
hér í Reykjavík hafa tekið mér
opnum örmum og veitt mér næga
atvinnu. Elzta dóttirin er komin í
skóla og okkur hryllir við að þurfa að
flytja á ný. Atvinnuöryggið er
grundvöllur afkomunnar og atvinnu-
leysisbætur duga skammt fyrir
fimm manna fjölskyldu. Við höfum
reynt að selja íbúðina, en ekki tekist.
Húsnæðisleit okkar hér á höfuð-
borgarsvæðinu hefur nú staðið yfir í
marga mánuði og sjáum við ekki
fram á að geta fest í neinu eins og er.
Útborgun í tveggja herberja íbúð í
blokk er u.þ.b. sú upphæð sem við
reiknum með að geta fengið fyrir
Hríseyjaríbúðina, — ef okkur þá
tekst að selja hana. Einnig höfum
við nú þegar nýtt alla lánamögu-
leika. Tveggja herbergja íbúð er líka
engan veginn nógu stór fyrir fimm
manna fjölskyldu. Við eygjum þó von
í frmkvæmdarnefndaríbúðum í
Breiðholti og erum nú að athuga
þann möguleika."
Ragna sagði að lokum: „Við erum
svo heppin að eiga góða að t.d.
útvegaði ættingi minn okkur þessa
íbúð, þannig að við erum ekki á
götunni, og það eru áreiðanlega
margir verr staddir en við. Þó gengið
hafi á ýmsu hjá okkur þá þýðir
ekkert að leggja upp laupana."
SJÁ NÆSTU SÍÐU
Hjónin Valur Friðriksson og Ragna Björk á svölum fbúðarinnar í
Fossvogi.
Verkakvennafélagið
Framsókn
sendir félagskonum sínum og öllum
launþegum landsins beztu árnaöaróskir í
tilefni 1. maí.
Félagskonur takiö þátt í hátíöahöldum
dagsins. Stjórnin.
Sendum félagsmönnum okkar svo og
launþegum öllum, beztu kveöjur og árn-
aðaróskir á baráttudegi verkalýðsins.
Verkamannafélagið Hlíf
ALLSHERJAR-
ATKVÆÐAGREIÐSLA
3. og 4. maí
Atkvæðagreiðsla um samkomulag milli stjórnar og samn-
inganefndar BSRB og fjármálaráðherra f.h. ríkissjóðs, frá
23. mars, veröur fimmtudaginn 3. maí og föstudaginn 4.
maí klukkan 14.00—19.00 báöa dagana.
Sé um frávik frá þessu að ræöa, verða þau auglýst
sérstaklega á hverjum kjörstaö.
Kjörfundir verða á eftirtöldum stööum:
Akranes -
Borgarnes -
Ólafsvík ■
Stykkishólmur ■
Laugar í Dalasýslu -
Patreksfjöröur -
Núpur í Dýrafirði
ísafjöröur ■
Reykjanesskóli,
ísafjarðardjúpi
Hólmavík
Hvammstangi
Blönduósi
Sauöárkrókur
Siglufjörður
Ólafsfjöröur
Dalvík
Akureyri
Laugar, Þingeyjarsýslu
Húsavík
Kópasker
Lundur í Axarfiröi
Raufarhöfn
Þórshöfn
Vopnafjöröur
Egilsstaöir
Seyöisfjöröur
Neskaupstaöur
Eskifjörður
Reyöarfjöröur
Fáskrúðsfjöröur
Breiödalsvík
Djúpivogur
Höfn
Kirkjubæjarkl.
Vík í Mýrdal
Vestmannaeyjar
Hvolsvöllur r
Laugarvatn
Selfoss
Hveragerði
Grindavík
Keflavík
Keflavíkurflugv.
Hafnarfjörður
Garðabær
Mosfellssveit
Bókhlaöan
Barnaskólinn
Skólinn
kjörstaður auglýstur á staönum
Skólinn
Barnaskólinn
Skólinn
Skátaheimilið
Skólinn
Barnaskólinn
Grunnskólinn
Kvennaskólinn
kjörstaöur auglýstur á staðnum
kjörstaður auglýstur á staönum
Gagnfræðaskólinn
Barnaskólinn
Oddeyrarskólinn
Pósthúsiö
Gagnfræöaskólinn
Símstöðin
■ kjörstaöur auglýstur á staönum
kjörstaður auglýstur á staönum
kjörstaður auglýstur á staönum
kjörstaöur auglýstur á staönum
kjörstaöur auglýstur á staönum
kjörstaöur auglýstur á staðnum
kjörstaöur auglýstur á staönum
kjörstaöur auglýstur á staðnum
kjörstaöur auglýstur á staðnum
■ Barnaskólinn
■ Skólinn
■ Barnaskólinn
• Gagnfræðaskólinn
Skólinn
- kjörstaður auglýstur á staðnum
■ Félagsheimiliö viö Heiöarveg
■ kjörstaöur auglýstur á staönum
Barnaskólinn
kjörstaður auglýstur á staönum
■ Barnaskólinn
■ kjörstaöur auglýstur á staönum
- Gagnfræðaskólinn
- Lögreglustöðin
■ Góötemplarahúsiö
- Barnaskólinn
• Barnaskólinn
í Reykjavík, Kópavogi og á Seltjarnarnesi annast hvert
aðildarfélag BSRB um kosninguna og auglýsingu hennar.
Yfirkjörstjórn BSRB