Morgunblaðið - 11.07.1979, Síða 18

18
MORGUNBLAÐIÐ, MIÐVIKUDAGUR 11. JÚLÍ1979
MORGUNBLAÐIÐ, MIÐVIKUDAGUR 11. JÚLÍ 1979
19
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Rítstjórnarfulltrúi Þorbjörn Guömundsson.
Fréttastjóri Björn Jóhannsson.
Auglýsingastjóri Baldvin Jónsson
Ritstjórn og skrifstofur Aðalstræti 6, sími 10100.
Auglýsingar Aðalstræti 6, sími 22480.
Afgreiösla Sími 83033
Áskriftargjald 3500.00 kr. á mánuöi innanlands.
í lausasölu 180 kr. eintakiö.
N iðurskur dur
er eina leiðin
Olíuhækkunin þýöir stórfellda kjaraskerðingu fyrir
þjóðina alla. Við getum í raun lítið gert til að milda þá
kjaraskerðingu í bráð. Ríkisstjórnin hafði ekki manndóm í
sér til að taka upp viðræður við Rússa strax í vetur til þess
að fá fram breytingar á samningum okkar um olíukaup, sem
hefðu getað leitt til verulega minni hækkana á olíu. Nú
hljótum við að binda miklar vonir við störf hinnar nýju
olíunefndar, sem ríkisstjórnin skipaði að tillögu Geirs
Hallgrímssonar. Það sem að okkur snýr þessa dagana er
hins vegar það, að ríkisstjórnin hefur lofað að halda
óbreyttu verði á gasolíu. Það þýðir í raun, að stjórnin hefur
ákveðið að greiða niður olíuverðið til fiskiskipanna.
Jafnframt má búast við enn einni hækkun á benzíni en
benzínverðið er fyrir löngu orðið óhóflega hátt ekki sízt
vegna mikillar skattlagningar á því. Hvernig á að mæta
benzínhækkunum og niðurgreiðslum á olíu?
Ríkisstjórnin sýnir engin merki þess, aö hún hyggist
minnka skattheimtu af benzíni. Um leið og það er lagt til í
því skyni að hækkanir á benzínverði verði ekki úr öllu hófi
er að sjálfsögðu spurt: hvernig á að mæta því tekjutapi hjá
ríkisjóði, sem nú þegar er á heljarþröm að sögn fjármála-
ráðherra? Ríkisstjórnin hefur rætt skattahækkanir til þess
að greiða niður olíuverðið til fiskiskipanna en hún hefur
enga ákvörðun tekið um slíka skattahækkun vegna þess að
hún þorir ekki að taka þá ákvörðun á þessu stigi.
Kjaraskerðing getur orðið með ýmsu móti. Hún getur
orðið með skattahækkunum, verðhækkunum, launalækkun-
um o.sv.frv. En kjaraskerðing getur líka komið fram í minni
þjónustu hins opinbera við almenning en áður. Efnahagsmál
okkar íslendinga eru nú komin á það stig, að óhjákvæmilegt
er að framkvæma þá kjaraskerðingu, sem þjóðin augsýni-
lega verður að taka á sig, með því að draga saman seglin í
ríkisbúskapnum, draga úr þjónustu, í stuttu máli: skera
útgjöld hins opinbera mjög verulega niður, bæði ríkis og
sveitarfélaga. Við getum sagt sem svo: olíuhækkunin veldur
svo mikilli útgjaldaaukningu hjá hverri fjölskyldu í landinu
að nauðsynlegt er að draga úr öðrum útgjöldum fjölskyld-
unnar til þess að hún geti staðið undir þessum nýju
útgjöldum. Þau útgjöld, sem við nú viljum draga úr, eru hin
sameiginlegu útgjöld, það þjónustubákn, sem við höfum
byggt upp með skattgreiðslum. Nú höfum við ekki lengur
efni á því og þess vegna viljum við draga saman seglin.
Við verðum að skera útgjöld hins opinbera mjög verulega
niður. Það er eina skynsamlega svarið við olíuhækkuninni.
Að venju verður spurt: hvað viljið þið spara? Ætlið þið að
spara á skólamálum, tryggingamálum og heilbrigðismálum?
Svarið er já. Það er hægt að spara á öllum þessum sviðum
án þess að dregið sé úr þeirri þjónustu, sem nauðsynlegust
er. Það er löngu orðið tímabært að taka tryggingakerfið upp
til endurskoðunar með það fyrir augum að nýta betur það
fjármagn, sem til þess fer. Betri nýting fjármagnsins getur
þýtt, að hægt sé að spara í tryggingakerfinu verulega
fjármuni án þess að draga úr þjónustu við þá, sem
raunverulega þurfa hennar með. Heilbrigðiskerfið er orðið
mikið bákn. Það er líka orðið tímabært- að taka það til
rækilegrar endurskoðunar og engin spurning um, að slík
endurskoðun getur leitt til sparnaðar án þess að dregið sé úr
þjónustu við sjúka.
Skólakerfið hefur þanizt út á undanförnum árum og er
orðið gífurlegt bákn. Menntamálaráðherra hefur sýnt, að
það er hægt að spara í skólakerfinu. Reynsla hans sýnir
einnig, að mótmæli koma upp frá þeim, sem telja sig eiga
hagsmuna að gæta. Það verður aldrei sparað án þess að
mótmælaraddir heyrist. Við höfum hins vegar ekki efni á
því að hefjast ekki handa um mjög verulegan niðurskurð á
útgjöldum hins opinbera. Þetta er sú leið, sem ríkisstjórnin
á að fara. Framkvæma óhjákvæmilega kjaraskerðingu með
niðurskurði á opinberum útgjöldum og þar með samdrætti í
þjónustu. Þetta er eina kjaraskerðingin, sem þjóðin getur
sætt sig við eins og nú er komið. Það er fráleitt að ætla sér
að hækka skatta enn frá því, sem nú er. Raunar þarf að
lækka skatta verulega og skera niður útgjöld einnig af þeim
sökum.
Sameignarsamningur um nýja Landsvirkjun:
Ríkissjóður tekur á sig 8-9 milljarða
tflaðkwnaív^fcrirrafinagnshaEÍdflin
SAMNINGANEFNDIR Akureyrarbæjar, Reykjavíkur-
borgar og ríkisins hafa náð samkomulagi um sameignar-
samning vegna útvíkkunar á starfssviði og eignaraðild
Landsvirkjunar. Þetta kom fram á fundi sem Hjörleifur
Guttormsson iðnaðarráðherra hélt af þessu tilefni í gær. Á
fundinum voru auk hans þeir Helgi Bergs bæjarstjóri á
Akureyri, Egill Skúli Ingibergsson borgarstjóri í Reykja-
vík, Knútur Otterstedt, Tryggvi Sigurbjarnarson, Magnús
Torfi Ólafsson og Páll Flygenring.
Á fundinum kom einnig fram að nefndirnar hafa samið
frumvarp til nýrra laga um Landsvirkjun, en í samkomu-
lagsyfirlýsingu nefndanna er sagt að þær seú sammála um
að leggja það til við umbjóðendur sína, að sameignarsamn-
ingurinn verði staðfestur, með fyrirvara um að frumvarp
til nýrra laga um Landsvirkjun verði samþykkt af
Alþingi.
Frá blaðamannafundinum sem haldinn var til kynningar á sameignarsamningi og frumvarpi til laga um nýja
Landsvirkjun. Frá vinstri: Egill Skúli Ingibergsson borgarstjóri, Helgi Bergs bæjarstjóri, Tryggvi
Sigurbjarnarson, Hjörleifur Guttormsson iðnaðarráðherra, Magnús Torfi ólafsson, Knútur Otterstedt og
Páll Flygenring. I-jósm. Mbl. Kristinn.
Útvíkkun á verk-
sviði og eignaraðild
Landsvirkjunar
Samninganefndirnar voru skip-
aðar af bæjarráði Akureyrar,
borgarráði Reykjavíkur og iðnað-
arráðherra í mars-mánuði síðast-
liðnum. Hlutverk þeirra var að
ræða stofnun landsfyrirtækis til
að annast meginraforkufram-
leiðslu og raforkuflutning með
útvíkkun á verksviði og eignarað-
ild Landsvirkjunar. í yfirlýsingu
samninganefndanna leggja þær
fyrir umbjóðendur sína að þeir
staðfesti sameignarsamninginn
sem nefndirnar hafa samið fyrir
hina nýju Landsvirkjun. En
grundvöllur þess samnings er að
því er fram kom á fundinum í gær
að Laxárvirkjun sameinist núver-
andi Landsvirkjun og að hið nýja
fyrirtæki, sem áfram heiti Lands-
virkjun, yfirtaki byggðalínurnar. í
samræmi við þær breytingar sem
sameignarsamningurinn hefur í
för með sér hafa nefndirnar samið
drög að frumvarpi til nýrra laga
um Landsvirkjun. Frumvarpið
verður lagt fyrir næsta Alþingi, að
sögn Hjörleifs Guttormssonar
iðnaðarráðherra, og mun hinn nýi
sameignarsamningur taka gildi
við lögfestingu þess. En samning-
urinn var í gær kynntur í ríkis-
stjórninni og borgarráði Reykja-
víkur. Borgarstjórn Reykjavíkur
og bæjarstjórn Akureyrar munu
síðan taka hann til umræðu og
afgreiðslu að loknu sumarhléi sem
nú stendur yfir.
Rafmagnsverð
hækki ekki
vegna yfirtökunnar
Hjörleifur Guttormsson sagði á
fundinum í gær að stofnun þessa
fyrirtækis ætti að geta auðveldað
landsmönnum að takast á við brýn
verkefni við að nýta orkulindirnar
með hag allrar þjóðarinnar fyrir
augum. Tekið væri tillit til óska
aðila sem koma til með að vera
aðilar að fyrirtækinu til þess að
tryggja samstöðu um þetta mál. I
því sambandi væri það mjög
þýðingarmikið að ríkisvaldið tæki
á sig skuldbindingar til þess að
ekki þyrfti að koma til sérstakra
hækkana á rafmagni á núverandi
markaðssvæði Landsvirkjunar.
Gætu þessar skuldbindingar num-
ið 8—9 milljörðum. í því sambandi
sagði Hjörleifur að hin nýja
Landsvirkjun tæki við öllum eign-
um og skuldum Laxárvirkjunar,
en byggðalínurnar yrðu yfirteknar
gegn útgáfu skuldabréfs að fjár-
hæð jafnvirði 5,6 milljarða króna í
erlendri mynt miðað við geng-
isskráningu um síðustu áramót.
En ríkið skuldbindur sig til að
taka á sig áhvílandi skuldir
byggðalína að upphæð 8,6 millj-
arðar. Sú upphæð væri miðuð við
það að heildsöluverð á raforku til
almenningsveitna þyrfti ekki að
hækka vegna yfirtökunnar. Orku-
veitusvæði Landsvirkjunar yrði
framvegis landið allt og að því er
heildsölu rafmagns snerti eftir því
sem orkuver og aðalorkuveitur
fyrirtækisins ná til. Orkuver sem
nú starfa í eigu annarra aðila,
halda þó réttindum sínum.
Arðgreiðslur
til eigenda
Tryggvi Sigurbjarnarson sagði
á fundinum að áhrif þessarar
breytingar á rafmagnsverð til
neytandans væri málefni dreifi-
veitnanna. En frágengið væri að
ekki þyrfti að koma til hækkunar
vegna þessa á rafmagnsverðið en
landsmönnum öllum yrðu sköpuð
skilyrði til sama verðs. Egill Skúli
Ingibergsson bætti því við að það
hefði einmitt verið eitt af þeim
atriðum sem Reykvíkingarnir
lögðu hvað mesta áherslu á, að
sameining þessi hefði ekki áhrif á
kostnað hins almenna borgara.
Annað slíkt atriði hafi verið
arðgreiðslurnar, en í 12. gr. sam-
eignarsamningsins er gert ráð
fyrir því að Landsvirkjun greiði
eigendum sínum arð af sérstökum
höfuðstólsframlögum, sem þeir
hafa lagt fram til Landsvirkjunar
og Laxárvirkjunar. Framlögin
skuli framreikna til verðlags
hvers tíma. Fyrst í stað skuli miða
við byggingarvísitölu fram til
fyrsta júní 1979, en eftir það skal
miða við lánskjaravísitölu Seðla-
bankans og ákveður stjórn Lands-
virkjunar arðgreiðsluna sem
hundraðshluta þeirrar upphæðar.
Skal arðgreiðslan ákveðin með
hliðsjón af afkomu fyrirtækisins.
Egill Skúli sagði að Reykvíking-
arnir hefðu einnig lagt á það
áherslu að aukinn meirihluta
þurfi í stjórn fyrirtækisins um
ýmis stórmál eins og til dæmis um
ákvörðun nýrra virkjana, leigu
eða kaup eldri virkjana og eru.
ákvæði
ufn þetta í 8. grein frumvarpsins
til laga um nýja Landsvirkjun.
Stjórn hinnár nýju Landsvirkjun-
ar verður skipuð níu aðilum sem
kjörnir verða til fimm ára í senn.
Akureyrarbær kýs einn mann í
stjórnina, Reykjavík þrjá, Alþingi
fjóra og níunda stjórnarmanninn
tilnefna eignaraðilar sameiginlega
og skal hann vera formaður. Ef
ekki næst um hann samkomulag
er gert ráð fyrir að hann verði
tilnefndur af Hæstarétti.
Við sameininguna verður Akur-
eyrarbær eigandi að 7,6% í hinni
nýju Landsvirkjun, Reykjavíkur-
borg eigandi að 42,4% og ríkis-
sjóður að 50%. En eignaraðild
ríkisins og Reykjavíkurborgar að
Landsvirkjun er nú sá að Reykja-
víkurborg á helming til móts við
ríkið.
Orkuöflun betri og
tryggari fyrir
Reykjavíkurborg
Egill Skúli Ingibergsson borgar-
stjóri var að því spurður á blaða-
mannafundinum hvað Reykjavík-
urborg ynni með þátttöku í hinu
nýja fyrirtæki. Egill Skúli sagði
að við samtengingu landsins sem
heildar væri talið að tæknilega
yrði orkuöflun fyrir borgina betri
og tryggari. Ekki mætti gleyma
þeirri hagkvæmni sem fengist af
því að hægt væri að haga upp-
byggingunni með tilliti til meiri
stærðar. Nauðsynlegt væri vegna
þeirra tíma sem í hönd fara, með
tilheyrandi olíuverðshækkunum
að menn sameinuðust um lausn.
þessa vanda sem við blasti í
orkumálum.
Tryggvi Sigurbjarnarson sagði
og í þessu sambandi að mark-
aðssvæði núverandi Landsvirkj-
unar væri suðvesturlandið eitt, en
með stofnun þessa fyrirtækis
myndi starfssviðið ná til landsins
alls. Það fæli í sér heimild til
orkunýtingar á öllu því svæði og
fyrirtækið myndi fá það hlutverk
að annast megin raforkuvinnslu
og þá einnig til minni fyrirtækja
eins og Orkubús Vestfjarða.
Viðunandi öryggi
varðandi raforku
Þess má geta að í sameignar-
samningnum er gert ráð fyrir því
að Landsvirkjun taki að sér að
ljúka, fyrir reikning ríkissjóðs,
framkvæmdum þeim við Vestur-
línu og Norðurlínu sem ákveðnar
hafa verið á árinu 1980. Hjörleifur
Guttormsson sagði á fundinum í
gær að kostnaðaráætlanir vegna
þeirrar framkvæmdar næmu á
milli 3 og 4 milljörðum króna.
Þá er í samningnum gert ráð
fyrir því að þegar rekstur Kröflu-
virkjunar verður kominn á traust-
an grundvöll verði Landsvirkjun
heimilt að semja um yfirtöku
virkjunarinnar á þeim forsendum
að hún sé þá ekki fjárhagslega
óhagkvæmari kostur til raforku-
öflunar en aðrir kostir sem völ er
á að mati stjórnar Landsvirkjun-
ar. í frumvarpinu um Landsvirkj-
un er tekið fram varðandi
starfssvið hennar að hún sjái til
þess að tryggja viðunandi öryggi.
Það er, ávallt verði tiltæk nægileg
raforka til þess að anna þörfum
viðskiptaaðila hennar. Hjörleifur
Guttormsson sagði í því sambandi
að verðlagi á rafmagni yrði hagað
þannig að Landsvirkjun gæti stað-
ið við þessar skuldbindingar.
Gert er ráð fyrir því að sett
verði á fót sérstök svæðisskrif-
stofa á Akureyri er hafi umsjón
með starfsemi fyrirtækisins norð-
anlands og austan. En höfuðstöðv-
ar hinnar nýju Landsvirkjunar
verði í Reykjavík. Samkvæmt
frumvarpinu er gert ráð fyrir því
að verði það samþykkt taki lögin
gildi fyrsta janúar 1980. Um leið
öðlist sameignarsamningurinn
gildi, verði hann samþykktur af
borgarstjórn Reykjavíkur og bæj-
arstjórn Akureyrar.
Hvert verður f ramhald k jördæmamálsins eftir
að valkostir st jórnarskrárnefndar liggja fyrir?
Dr. Gunnar Thoroddsen. alþingismaður og formaður stjórnarskrárnefndar, sagði í viðtali við Morgunblaðið á föstudag í síðustu viku, að valkostir um
kjördæmamálið yrðu lagðir fyrir þingflokkana í haust með upplýsingum, útreikningi og rökstuðningi. Einnig að greinargerðir um önnur atriði
stjórnarskrárinnar yrðu jafnframt lagðar fyrir þingflokkana. Af viðtalinu er ljóst að störf nefndarinnar eru komin á nokkurn rekspöl og því var leitað til
forvígismanna stjórnmálaflokkanna og þeir spurðir að því hvernig þeir teldu að vinna bæri að kosningaréttar- og kjördæmabreytingum, eftir að valkostir
stjórnarskrárnefndarinnar hafa verið íagðir fyrir þingflokkana. Hvert framhald þeir teldu að þetta mál fengi. Fara svör þeirra hér á eftir.
Fridrik Olaf s-
syni bodid til
Sovétríkjanna
„Kosið verði um
stjórnarskrár-
breytingar
ínœstu
kosningum ”
— segir Sighvatur
Björgvinsson
„VALKOSTIR stjórnarskrár-
nefndarinnar liggja nú ekki fyrir
ennþá. En okkar fulltrúar í
nefndinni munu leggja fram sér-
staka hugmynd um breytingar á
stjórnarskránni í tengslum við
kjördæmaskipun sem væntanlega
verður einn þessara valkosta.
Breytingarhugmyndir okkar
verða þó einnig um önnur atriði
en þetta kjörgengis- og kosninga-
réttarmál eitt.
Um framhaldið er það að segja,
að mér er ekki kunnugt hve langt
stjórnarskrárnefndin er komin í
öðrum störfum sínum. Eðlilegt
finnst manni þó að lagt verði kapp
á að stjórnarskrárnefndin ljúki
störfum á því tímabili sem hún
fékk til ráðstöfunar.
Þegar hún hefur skilað af sér
taka þingflokkarnir ákvörðun um
það hvort breytingartillögur
nefndarinnar á stjórnarskránni
verða lagðar strax fyrir þingið eða
hvort beðið verður með það þang-
að tii á síðasta þingi kjörtímabils-
ins.
Ég held að það hljóti að verða
stefnt að því af öllum stjórnmála-
flokkum að næst þegar gengið
verður til kosninga verði jafn-
framt kosið um breytingar á
stjórnarskránni."
Sighvatur Björgvinsson
„Æskilegtað
sem víðtœkust
samstaða náist”
— segir Geir
Hallgrimsson
„Ég tel vel á því fara og raunar
brýna nauðsyn bera til þess að
stjórnarskrárnefndin leggi fyrir
þingflokkana valkosti varðandi
kjördæmaskipan og kosningalög.
Við sjálfstæðismenn höfum þegar
gert ráðstafanir til þess að leggja
Geir Hallgrímsson
fram okkar tillögur og taka þátt
í slíkum umræðum.
Við skipuðum sérstaka nefnd til
þess ásamt fulltrúum okkar í
stjórnarskrárnefnd að fjalla um
málið í sumar og haust. Það er
auðvitað æskilegt að sem víðtæk-
ust samstaða náist milli stjórn-
málaflokkanna um lausn þessara
mála, hvernig jafna skuli kosn-
ingarréttinn og styrkja tengsl
milli kjósenda og umboðsmanna
þeirra á Alþingi. Það er ekki of
mikill tími til stefnu að ætla sér
að hefja umræður innan stjórn-
málaflokkanna og þeirra á milli
þegar í haust. Nauðsynlegt kann
Lúðvík Jósepsson
að reynast að fastmótaðar tillögur
liggi fyrir og afstaða se tekin til
þeirra strax að loknu jólaleyfi
alþingismanna á næsta þingi“.
„Eðlilegtað
breytingar
verði á kosn-
ingalögunum á
kjörtímabilinu ”
—segir Lúðvík
Jósepsson
„ÉG tel að þegar valkostir
stjórnarskrárncfndar liggja
fyrir beri að stefna fulltrúum
stjórnmálaflokkanna saman til
þess að ræða þá og einnig aðra þá
möguleika sem menn kunna að
aðhyllast í þessum efnum.
Þannig er helst hægt að ná
samstöðu stjórnmálaflokkanna
um breytingu, en þeir eru raunar
skuldbundnir til að ná samkomu-
Steingrímur Hermannsson
lagi vegna fyrri samþykkta sinna í
þessu efni. Þessu var lýst yfir og
kosin sérstök stjórnarskrárnefnd
til aö vinna að þessum málum og
skyldu tillögur hennar liggja fyrir
innan tveggja ára. Eftir að val-
kostir þessarar nefndar liggja
fyrir verða því stjórnmálaflokk-
arnir að tilnefna sína fulltrúa til
ýtarlegri viðræðna um það hvar
hægt verður að ná samkomulagi
þeirra á milli.
Ég tel eðlilegt að breytingar
verði gerðar á kosningalögunum á
þessu kjörtímabili, það er fyrir
næstu kosningar.
Þá tel ég einnig nauðsynlegt að
samkomulag takist á sem breið-
ustum grundvelli um þetta fyrir
næstu kosningar.“
„Það berað rœða
þetta opinskátt
ogsem víðast”
— segir Stein grím ur
Hermannsson
„MÉR þótti það skynsamlegt sem
kom fram í viðtali Morgunblaðs-
ins við dr. Gunnar Thoroddsen um
þau vinnubrögð sem stjórnar-
skrárnefndin viðhefur. Ég held að
það sé ágætt að fá þessi mál til
meðferðar sem fyrst. Við fram-
sóknarmenn unnum að þessum
málum fyrir einu til tveimur árum
síðan og höfðum nefnd starfandi á
þessu sviði. Ég geri ráð fyrir því
að við munum taka þetta til
vandlegrar meðferðar í samráði
við okkar fulltrúa í stjórnarskrár-
nefndinni strax og þessir valkostir
liggja fyrir. Það ber að ræða þetta
opinskátt og sem víðast.“
„ÉG reikna fastlega með
því að hitta ýmsa forystu-
menn Sovétrfkjanna í
skákmálum og að mörg
mál beri þá á góma, þar á
meðal vafalaust ásakanir í
garð sovézka skáksam-
bandsins um tilraunir til
að útiloka Korchnoi frá
skákmótum,“ sagði Frið-
rik Ólafsson forseti Fide í
samtali við Mbl. í gær, en á
laugardag halda hann og
kona hans, Auður Júlíus-
dóttir, til Sovétríkjanna í
boði íþróttamálaráðs
Sovétríkjanna til að vera
viðstödd sovézku leikana,
sem haldnir eru fjórða
hvert ár og þá jafnan á
undan Olympíuleikunum,
en næstu Olympíuleikar
verða haldnir í Moskvu að
ári.
Friðrik er nýkominn heim úr
ferð til Suðausturasíu, þar sem
hann tók meðal annars þátt í
skákmóti á Filipseyjum, sem
kunnugt er af fréttum. „Þetta var
mjög árangursrík ferð,“ sagði
Friðrik í samtalinu við Mbl. „Auk
þess sem mér gafst tækifæri til að
sýna vilja minn í verki með því að
tefla á móti, sem haldið var til að
gefa skákmönnum tækifæri til að
afla sér skákstiga, þá hitti ég á
Filipseyjum ýmsa forráðamenn
skáksambanda í Suðausturasíu og
á heimleiðinni kom ég við í Hong
Kong, Singapore, Kuala Lumpur
og Bankok.
Evrópa hefur verið þungamiðja
skáklífsins, en mikið starf er nú
unnið til eflingar skákinni utan
Evrópu. í þessari ferð minni til
Suðausturasíu varð ég var við
mikinn áhuga manna á að efla
skákina, skáklíf er að vísu mis-
jafnlega gróskumikið, en þetta er
allt á uppleið. Og ég tel að Fide
eigi að styðja þetta starf eftir
mætti, reka nokkurs konar
byggðastefnu í skákmálum, svo að
ég noti líkingu, sem okkur íslend-
ingum er kunn“.
A heimleið frá Sovétríkjunum
kemur Friðrik við í Finnlandi, þar
sem þing bréfskákmanna verður
haldið og einnig verður hann við
byrjun heimsmeistaramóts ungl-
inga í skák í Skien í Noregi, þar
sem Margeir Pétursson verður
meðal þátttakenda.
Síðari hluta ágústmánaðar
verður svo Fide-þing haldið í
Manila og að því loknu mun
Friðrik Ólafsson heimsækja
skáksambönd í Suður-Ameríku og
þá meðal annars vera viðstaddur
setningu millisvæðamótsins í
Brasilíu.