Morgunblaðið - 30.01.1980, Blaðsíða 5

MORGUNBLAÐIÐ, MIÐVIKUDAGUR 30. JANÚAR 1980
5
'HaO
Frá fundi Hvatar, Ragnhildur Helgadóttir í ræðustól. Fundargestir þiggja kaffi í fundarhléi.
Askorun frá Hvöt:
Sendið ekki
íslenska íþrótta-
menn til Moskvu
Á FUNDI Sjálfstæðiskvennafé-
lagsins Hvatar á mánudag
flutti Ragnhildur Ilelgadóttir
yfirgripsmikla framsöguræðu
um stöðu Sjálfstæðisflokksins
og horfur í stjórnmálum. Urðu
miklar umræður að lokinni
ræðu Ragnhildar.
Eftir stutt kaffihlé var um-
ræðum haldið áfram og þá rædd
og samþykkt svohljóðandi áskor-
un frá stjórn Hvatar til forráða-
manna íslenzkra íþróttamála:
„Innrás Sovétmanna í Afgh-
anistan er fordæmd um allan
heim.
Sömuleiðis ofsóknir sovéskra
yfirvalda á hendur vísinda-
manninum Andrei Sakarov.
Alþjóða Ólympíunefndin hef-
ur samþykkt að Ólympíuleikarnir
skulu vera óháðir stjórnmálum.
Stjórnvöld aðildarlandanna
hafa hinsvegar ekki staðið að
þeirri samþykkt og geta því virt
hana að vettugi.
Árið 1936 voru Ólympíuleik-
arnir misnotaðir í pólitískum
tilgangi. Látum ekki söguna end-
urtaka sig árið 1980.
Almennur fundur í Hvöt, fé-
lagi sjálfstæðiskvenna í
Reykjavík, haldinn þar, mánu-
daginn 28. janúar 1980, skorar á
forráðamenn íþróttamála hér á
landi að senda ekki íslenska
íþróttamenn til þátttöku á vænt-
anlegum Ólympíuleikum í
Moskvu 1980 og mótmæla með
því innrás Sovétmanna í Afgh-
anistan og ofsóknum sovéskra
yfirvalda á hendur andófs-
mönnum — nú síðast Andrei
Sakarov.
Grafíkmyndir IX-
Gruppen til útlána
SUMARIÐ 1978 sýndu 9 sænskir
grafíklistamenn. sem kalla sig
IX-GRUPPEN, verk sín í sýn-
ingarsölum Norræna hússins.
Þessi hópur hefur haldið fjölda
sýninga víðs vegar.
Hópurinn kom hingað til
Islands í tilefni sýningarinnar
hér. Nú hefur hópurinn gefið út
grafíkmöppu, sem þeir kalla
Island IX 1978, og þar á hver
listamannanna eitt grafískt blað
frá íslandi. Hópurinn hefur gefið
Norræna húsinu þessa möppu, og
ætlunin er að myndirnar fari til
útlána í listlánadeild bókasafns-
ins, en fyrst verða þær til sýnis í
bókasafninu, þar sem hægt verður
að skoða þær frá og með 30.
janúar.
Þeir listamenn, sem fylla IX-
GRUPPEN heita: Gösta Gierow,
Karl Erik Hággblad, Bengt Land-
in, Lars Lindeberg, Göran Nilsson,
Alf Olsson, Philip von Schantz,
Nils G. Stenquist og Per Gunnar
Thelander.
Sænski rithöfundurinn Per Olof
Sundman skrifar formála með
möppunni, sem kemur út í 150
eintökum.
Könnun Umferðarráðs:
UNGLINGAPEYSUR FRÁ KR. 2.900.-, HERRASKYRTUR FRÁ KR. 2.500.-,-
GALLABUXUR FRÁ KR. 4.900-, ÚLPUR M/LOOKANTI FRÁ KR. 6.900-,
KVENBLÚSSUR FRÁ KR. 3.900-.
OPIÐ í DAG 1—6. FIMMTUDAG 1—6 OG FÖSTUDAG 1—10.
Mest fækkun umferð-
arslysa í Hafnarfirði
í ÁRSBYRJUN 1979 ákváðu
umferðarnefndir 5 stærstu
kaupstaðanna að koma á „sam-
keppni til fækkunar umfcrð-
arslysum“. Tilgangur þeirra
var að auka áhuga fólks fyrir
ba'ttri umferð og reyna m.a. á
þann hátt að koma í veg fyrir
slys.
Fyrstu 3 ársfjórðungana 1979
fækkaði umferðarslysum í þess-
um kaupstöðum um 97 miðað við
sömu mánuði ársins 1978.
Á síðasta fjórðungi ársins
seig hins vegar á ógæfuhliðina
en þá urðu umferðarslys 202
fleiri en þrjá síðustu mánuði
ársins 1978.
Þetta varð til þess að á árinu
1979 fjölgaði umferðarslysum
(þ.m.t. slysum þar sem aðeins
var um eignatjón að ræða) um
105 í stærstu kaupstöðunum eða
um 2,3%
Ef gerður er samanburður á
slysafjölda 3ja síðustu ára, kem-
ur í ljós að á árinu 1977 urðu
þau 4144, árið 1978 4465 og s.l. ár
4570. Fjölgun milli áranna 1977
og 78 er 321 slys eða 7,7%, en
fjölgun frá 1978—79 er 105 eða
2,3%
1979
slys alls
Reykjavík 2931
Hafnarfjörður
Kópavogur
Akureyri
Keflavík
Þegar litið er á einstaka
mánuði og árstíðir kemur í ljós
að á árinu 1979 fjölgaði slysum
verulega á vetrarmánuðum og
bendir það til þess að vegfarend-
ur hafi ekki tekið nægilegt tillit
til breyttra akstursskilyrða.
Á árinu 1979 er áætlað að
bifreiðafloli landsmanna hafi
aukist milli 5—6% . Hins vegar
má ætla að virkum vegfarend-
um hafi fjölgað álíka mikið og
sem nemur aukningu slysa, eða
um 2%
Nauðsynlegt er að allir taki
höndum saman í þeirri viðleitni
að koma í veg fyrir slys með
öllum tiltækum ráðum. En í
þessari „samkeppni til fækkun-
ar umferðarslysum“ í 5 stærstu
kaupstöðunum varð útkoman
hlutfallslega best í Hafnarfirði.
Umferðarráð óskar umferðaryf-
irvöldum í Hafnarfirði og öðrum
Hafnfirðingum til hamingju
með þennan árangur og óskar
þeim og öðrum landsmönnum
enn bættrar umferðar.
En samkvæmt bráðabirgða-
skýrslu Umferðarráðs um um-
ferðarslys á árinu 1979 koma
eftirfarandi tölur fram:
fjölgun 130 4,6%
fækkun 34 6,9%
fækkun 19 4,3%
fjölgun 30 8,8%
fækkun 2 0,5%
fjölg. samt. 105
1978
slys alls
2801
459 493
419 438
369 339
392 394
samt. 4570 4465
Austurstræti 10