Morgunblaðið - 30.01.1980, Síða 23
MORGUNBLAÐIÐ. MIÐVIKUDAGUR 30. JANÚAR 1980
23
„Paradísareyjan66
Líkt og allar landsins ár
leið til sjávar þreyta,
svo skal fólksins hugur hár
hafnar sömu leita.
Höfnin sú er sómi vor.
Sögufoldin bjarta.
Lifi vilji, vit og þor,
vaxi trú hvers hjarta.
Þannig sungu þeir og ortu,
sem lögðu grunn þeirrar hag-
sældar, sem íslendingar njóta
nú. Þá var foringinn nefndur
sómiíslands, sverð þess og
skjöldur, þrátt fyrir allt, sem
andstæðingar og ofstækistungur
kunnu upp að finna.
Sómi, sæmd, heiður heiðríkja
var takmark hans og sú höfn,
sem haldið skyldi að takmark
þeirrar ferðar, sem mörkuð var
fyrir heilli öld og hafði þá verið
lengi undirbúin.
Sverðið var ekki skerpt né
unnið í vopnabúrum veraldar,
heldur skjómi sannleikans skær
og hreinn, tákn hinnar andlegu
spektar, framsýni, víðsýnis og
frelsis.
Skjöldurinn vernd og skjól
fyrirhyggju, fórnarlundar og
drengskapar, sem aldrei hopa af
hólmi réttlætis og miskunnar og
gerir æðstu kröfur á eigin hönd.
Kann að bíða, semja og hugsa.
Hefur hugrekki til framkvæmda,
vit til að velja og hafna.
Árangur þessarar stefnu þjóð-
arfleysins hefur vart komið
skýrar í ljós á vísindalegan hátt,
sem virtur er æðst í viðskiptum
hins skólaða fólks nútímans en í
ályktun vísindastofnana vestan
hafs, sem Dr. Þór Jakobsson
segir frá í dagblaðinu Tímanum
nú um áramótin.
Þessar stofnanir, sem virðast
sammála í aðalatriðum eru:
Canadian Peace Research
Institute. Það er Kanadiska
Friðarrannsóknarstofnunin í
Toronto og Center og Interna-
tional Studies eða Miðstöð Al-
þjóðaathugana við Princeton-
háskólann í Bandaríkjunum.
En þarna virðist sérstaklega
athugað allt það í atferli, að-
stöðu og framkvæmdum þjóða,
sem gæti orðið til eflingar friði
og farsældar mannkyns alls.
Þar eru aðalvandamálin, svo
sem.
Öryggi, fátækt, hungur, of-
fjölgun, kúgun, mengun og fleira
tekin til athugunar. Ennfremur
verzlun og viðskipti þjóðanna,
auðlindir þeirra ræktun og
framleiðsla.
Sá maður, sem þarna hefur
forystu heitir Norman Alcock og
er eðlisfræðingur, þekktastur
fyrir áratuga starfsemi á orsök-
um deilna og styrjalda þjóða í
milli. Hér er ekki rúm til
málalenginga. Og því bezt að
segja fagnaðartíðindin sem
fyrst, sem þessar rannsóknir
hans og ályktanir vísindanna
boða.
Þegar athuguð höfðu verið 58
lönd eða réttara sagt þjóðir, og
samanburður gerður á frelsi og
jafnrétti og 60 málaþættir rann-
sakaðir í hverju landi, kom í ljós,
að ísland stóð hæst.
„Islendingar dæmdir heims-
meistarar í manngæzku," svo
orðrétt sé rakið það, sem þarna
er sagt.
Sem sagt okkar litla þjóð á
eyju í Atlantshafi er fyrirmynd-
in, sem litið sé til, þegar móta
skal framtíð friðar og farsældar
í veröldinni.
En manngæzku þjóðar dæma
þessir vísindamenn í þjóðfélags-
fræðum eftir því, hve mikil
virðing er borin fyrir frelsi og
jafnrétti einstaklingsins i sam-
félaginu.
Er unnt að njóta meiri sóma
og heiðurs meðal þjóðanna? Er-
um við ekki sett á sama bekk
meðal þjóða í dag og þær
smáþjóðir og borgríki, sem í
fornöld urðu þær stjörnur, sem
enn lýsa á alþjóðabrautum t.d.
Aþena, Sparta og Róm, þótt á
öðru sviði sé?
En þær stjörnur hröpuðu af
himni samfélagsins, þegar þær
gleymdu sóma sínum og urðu
ekki annað en svipur hjá sjón.
Grein Dr. Þórs heitir Para-
dísareyjan Island. Og um svipað
leyti í upphafi síðast liðins árs,
geisluðu önnur ummæli manns,
sem var kunnur samanburði
þjóða á öðru sviði, einmitt í
Evrópuráðinu. Hann sagði um
þann samanburð, sem laut þar
og þá að afkomu, framleiðslu og
atvinnuhag:
„Þar er Island eins og skínandi
stjarna."
Ættum við nú að gleyma höfn
sæmdarinnar í græðgi og öfund
nokkurra vanþroska barna í
bekknum, þar sem dúxinn er sem
blikandi stjarna á samfélags-
himni heims?
Alþingismenn allra flokka,
sameinizt um heiður og heillir
Paradísareyjarinnar ísland,
hinnar skínadi stjörnu meðal
þjóða heimsins.
Enginn vandi og engin virkt er
stærri né meiri. Gleymið öllum
flokkskrít. Sjáið og finnið hið
bezta innan sjóndeildahrings
hvers flokks. Sameinið það. Allt
annað má bíða. Allir flokkar
geta orðið til góðs sé stefnt til
heiðurshafnar.
„Lifi vilji, vit og þor,
vaxi trú hvers hjarta."
Reykjavík, 12. jan. 1980.
Árelíus Níelsson.
Félag ráðgjafarfræðinga um fram-
kvæmdir við flugstöð í Keflavík:
í höndum íslendinga
eða alþjóðlegt útboð?
Félag ráðgjafarverkfræðinga
hefur sent frá sér greinargerð
vegna hönnunar flugstöðvar-
byggingar í Keflavík og sam-
þykkti félagið á fundi sínum
nýlega ályktun þar sem íslensk
stjórnvöld eru átalin fyrir að
hafa sniðgengið íslenska ráð-
gjafa við undirbúning byggingar
stöðvarinnar.
I ályktun Félags ráðgjafarverk-
fræðinga segir m.a.: „Fundurinn
skorar á íslensk stjórnvöld að láta
endurskoða hönnunarforsendur
flugstöðvar og ráða til þess
íslenska ráðgjafa, sem telja verð-
ur, að þekki betur íslenskar að-
stæður í þessu máli en hinir
erlendu. Fundurinn lítur á flug-
stöðina sem íslenskt mannvirki,
sem hanna beri af íslendingum og
vinna af íslenskum verktökum og
skorar því á stjórnvöld að sjá til
þess að svo verði. Fullyrða má, að
með þessum hætti verði íslenskir
hagsmunir betur tryggðir en ef
erlendir ráðgjafar hanna verkið
fyrir alþjóðlegan verktakamarkað.
Fundurinn hafnar alfarið, að til-
kallaðir verði erlendir ráðgjafar
til að stjórna hönnun flúgstöðvar-
innar."
Þá nefnir stjórn félagsins
nokkrar spurningar í greinargerð
sinni og telur æskilegt að um
málið verði fjallað meira á opin-
berum vettvangi:
„1. Er hér alfarið um íslenska
framkvæmd að ræða ? (30%
hönnunar er lokið án þess að
framlag til slíks finnist á fjárlög-
um).
2. Hverjar eru hönnunarfor-
sendur ? Er t.d. miðað við, að
flugstöðin anni aðeins þörfum
fámenns eyríkis eða miðast hún
einnig við þarfir skammdrægra
farþegaflugvéla annarra þjóða,
sem hugsanlega þurfa aðstöðu til
millilendinga á ruiðju Atlantshafi
og þá í hve ríkum mæli ?
3. Er gert ráð fyrir að fram-
kvæmdir verði í höndum íslenskra
verktaka eða er stefnt að alþjóð-
legu útboði ?
4. Er flugstöðinni skipt í bygg-
ingaráfanga í samræmi við hugs-
anlega fjármögnunargetu ríkis-
sjóðs eða ráða önnur sjónarmið
þar ferðinni og þá hver ?“
Þá kemur fram í greinargerð
Félags ráðgjafarverkfræðinga að
stjórnarmenn félagsins hafa í
samvinnu við framámenn í Arki-
tektafélagi íslands átt viðræður
við byggingarnefnd flugstöðvar-
innar og utanríkisráðherra um
þessi mál þar sem grein var gerð
fyrir afstöðu félaganna til þeirra.
„Engu að síður virðist full ástæða
til að taká þau upp á opinberum
vettvangi í og með vegna annarra
hliðstæðra mála, sem kunna að
koma upp í framtíðinni."
Líf að færast í atvinnu-
lífið á Neskaupstað
Sleskaup.stað. 28. janúar 1980.
LOÐNULÖNDUN hófst hér á
laugardagskvöldið, er Júpiter
kom hingað með 1300 tonn af
loðnu til vinnslu. Á sunnudags-
morgun kom Guðmundur síðan
með fullfermi og leggur peninga-
lyktina nú um fjörðinn.
Þá hafa litlu bátarnir róið á línu
að undanförnu og aflað ágætlega.
Er það nánast einsdæmi að róið sé
á þessum árstíma hér í Norðfirði,
en bátarnir háfa sótt aflann mjög
stutt, eða rétt út fyrir Norðfjarð-
arhorn.
Atvinnulíf er því allt að bragg-
ast hér og fólk er þegar orðið
léttara í bragði, og er nú bara
beðið eftir meiri loðnu. Fyrr hafði
verið hér deyfð yfir öllu og
bæjarlífið nánast eins og í dróma.
— Ásgeir.
AUGLÝSINGASTOFA
MYNDAMÓTA
Adalst.æti 6 simi 25810
Skrifstofuvélar h.f. kynna vélar og tækni á sviði
skrifstofuvéla á sérstakri sýningu að Hótel Loft-
leiðum, Kristalssal, dagana 29., 30. og 31. janúar
1980, kl. 13 til 18 alla dagana.
Sýndar verða vélar, tæki og tæknibúnaður, m.a.:
Omic reiknivélar, IBM ritvélar, Selex Ijósritunarvélar,
Richmac búðarkassar, Citizen hljóðritar, NCR mikrolesarar,
Stromberg stimpilklukkur, Roneo frímerkjavélar, Gakken-
og Banda myndvarpar, ABC ritvélar, U-Bix Ijósritarar,
Omron búðarkassar, Simplex stimpilklukkur, Apeco Ijós-
ritunarvélar og m.fl.
Veríð velkomin!
%
SKRIFSTOFUVELAR H.F.
%
+ ^ ^
Hverfisgötu 33
Simi 20560 - Pósthólf 377