Morgunblaðið - 30.01.1980, Blaðsíða 12
12
MORGUNBLAÐIÐ, MIÐVIKUDAGUR 30. JANÚAR 1980
Hjúkrunarheimili aldraðra í Kópavogi:
Fyrsta sérhannaða heimili
sinnar tegundar á landinu
Hér mur Hjúkrunarheimilið risa. Fyrirhugað er að byggringin taki
2 ár.
EINS og skýrt var frá í Mbl. í gær
tók Ragnheiður Guðbrandsdóttir,
elsti íbúi Kópavogs, s.I. laugardag
fyrstu skóflustunguna að bygg-
ingu Hjúkrunarheimilis aldraðra
í Kópavogi. Ragnheiður er 101
árs að aldri.
í aprílmánuði 1978 komu full-
trúar frá 10 félagasamtokum í
Kópavogí saman til þess að ræða
á hvern hátt mætti hrinda af stað
byggingu Hjúkrunarheimilis
fyrir aldraða í Kópavogi. Að
lokinni undirbúningsvinnu var
sófnunarbaukum dreift inn á
hvert heimili í bænum. Um leið
var hafist handa við teiknivinnu
og annan undirbúning bygg-
ingarinnar.
Magnús H. Magnússon heil-
brigðismálaráðherra í ræðu-
stól.
Endanlegar teikningar Hjúkrun-
arheimilisins hafa nú verið sam-
þykktar. Byggingin verður 1410 fm
að stærð með um 400 fm kjallara. I
hjúkrunarheimilinu verður rúm
fyrir 38 vistmenn. Munu þeir
dveljast í 10 eins manns herbergj-
um og 14 tveggja manna herbergj-
um. Öll herbergin eru með baðher-
bergi að undanteknum þremur
tveggja manna hefbergjum sem
ætluð eru þungt höldnum sjúkling-
um.
Húsinu er skipt í tvær deildir,
annars vegar fyrir þungt haldna
sjúklinga, hins vegar fyrir þá sem
hressari eru. Fyrir þá verður ýmis
aðstaða til endurhæfingar s.s.
setustofa og fleira.
Sameiginlegur matsalur er
miðsvæðis í húsinu og þar verður
jafnframt aðstaða starfsfólks. Öll
aukarými s.s. línherbergi, geymsl-
ur o.fl. eru í húsinu norðanverðu og
næst Hafnarfjarðarvegi. Er þetta
m.a. gert til að draga úr umferð-
arhávaða í herbergjum vistmanna
og sama tilgangi þjónar stein-
steyptur útveggur meðfram Kópa-
vogsbraut og Hafnarfjarðarvegi.
Fyrirhugað er að byggja blóma-
skála við húsið sunnanvert þar
sem vistmenn geta átt friðsælar
stundir við blómarækt og jafnvel
boðið gestum upp á kaffisopa í því
umhverfi. Arkitekt Hjúkrunar-
heimilisins er Hilmar Þór Björns-
son.
Fyrirtækið Hlaðbær sér um að
grafa grunninn og er áætlað að því
verki verði lokið 20. mars. Húsið
verður síðan reist á síðari hluta
þessa árs og byggingaframkvæmd-
um og frágangi að fullu lokið árið
1981.
Eins og áður kom fram hefur
söfnunarbaukum verið dreift í
hvert hús í Kópavogi, auk þess
leggja þau félög sem að bygging-
unni standa fé til framkvæmd-
anna. Þá hefur Gísli Sigurbjörns-
son forstjóri Elli- og hjúkrunar-
heimilisins Grundar gefið 5 millj-
ónir, Byggingaverslun Kópavogs
gaf 1.500 þúsund, Halldóra Þórðar-
dóttir og Guðmundur Þórðarson
200 þúsund og Stefnir Helgason og
Sjöfn á Akureyri gáfu í samvinnu
við erlendan framleiðanda stóran
hluta af rafbúnaði heimilisins.
Hjúkrunarheimili aldraðra í
Kópavogi er fyrsta sérhannaða
heimili sinnar tegundar á Islandi.
Margir sérfróðustu menn hér á
landi hafa lagt hönd á plóginn við
undirbúning og skipulagningu og
mynduðu þeir m.a. starfshóp sem
vann í sjálfboðaliðavinnu sem
ráðgefandi aðili fyrir arkitektinn.
Níu félagasamtök standa að bygg-
ingunni en byggingarstjórn Hjúkr-
unarheimilis Kópavogs skipa: Ás-
geir Jóhannesson formaður, Guð-
steinn Þengilsson, Hildur Hálfdán-
ardóttir, Páll Bjarnason og Soffía
Eygló Jónsdóttir.
Er Ragnheiður Guðbrandsdóttir haíði tekið fyrstu skóflustunguna
var kaffisamsæti í Hamraborg. Tóku þar ýmsir til máls, þ.á m.
Magnús H. Magnússon heilbrigðismálaráðherra og Kjartan
Jóhannsson ráðherra og þingmaður Reyknesinga.
Verzlunarráð Islands:
Margt má betur fara í
rekstri Pósts og síma
Niðurstöður sérstakrar könnunar á vegum ráðsins kynntar
NEFND á vegum Verzlunarráðs
íslands hefur gert víðtæka könn-
un á starfsemi Pósts og síma og
skilað ítarlegri skýrslu með til-
lögum, sem nefndin vill benda
sérstaklega á og telur vera til
úrbóta. Meginverksvið nefndar-
innar var í fyrsta lagi að gera
áætlun um bætta og ódýrari
þjónustu og í öðru lagi að kanna
þjónustu og kostnað með saman-
burði við önnur lönd. Nefndin
hafði í störfum sínum samráð við
Neytendasamtök og einnig
starfsmenn Pósts og síma.
Hjalti Geir Kristjánsson, for-
maður Verzlunarráðsins, sagði á
fréttamannafundi í gær, þegar
niðurstöður nefndarinnar voru
kynntar, að framkvæmdastjórn
Verzlunarráðsins hefði á fundi
sínum 18. júní s.l. ákveðið að skipa
nefndina til þessara athugana.
Hann sagði ástæðuna þá, að at-
vinnulífinu væri það mikið hags-
munamál, að þjónusta og gjald-
skrá Pósts og síma sé sem hag-
kvæmust, því notkun póst- og
símaþjónustunnar væri snar þátt-
ur í rekstri þeirra. Eins og kunn-
ugt er, er Póstur og sími rekinn
algerlega í umsjá ríkisins og hefur
hann einkarétt á þeirri starfsemi,
sem stofnunin rekur. Hjalti benti
á, að í allri tillögugerðinni hefði
verið leitazt við, að úrbætur þjón-
uðu hag notenda og íþyngdi ekki
rekstri Pósts og síma.
Pétur J. Eiríksson, sem var
formaður nefndarinnar, gerði
grein fyrir störfum hennar og
niðurstöðum. Nefndin tekur ein-
dregið undir þá hugmynd póst- og
símamálastjóra að söluskattur
verði felldur niður af umframsím-
tölum. Með því fengist tvennt
áorkað: Söluskattur af símtölum
við útlönd er nú 4%. Með tilkomu
sjálfvirkra símtala gæti farið svo
að fullur söluskattur, 22%, yrði
innheimtur af þeim, sem nefndin
telur óverjandi. Þetta vandamál
yrði ekki til staðar, ef söluskattur
er ekki af umframsímtölum. í öðru
lagi yrði símakostnaður milli
gjaldsvæða jafnaður að nokkru
leyti.
Nefndin bendir sérstaklega á
það ákvæði í núgildandi gjaldskrá,
að hvers konar verzlunar- og
atvinnufyrirtækjum er gert að
greiða 30% hærra fastagjald en
almennum notendum. Þetta eru
leifar frá tímum handvirkra
símstöðva og nefndin telur því
nauðsyn að þetta ákvæði verði fellt
niður.
Framboð og fjölbreytni sím-
tækja var sérstakt umfjöllunar-
efni og talið að því hefði verið
mjög ábótavant. Guðmundur 01-
afsson verkfræðingur hefur verið
nefndinni til ráðuneytis, en hann
rekur fyrirtækið Símtækni, sem er
ráðgefandi í þessum málum. Hann
kynnti á fundinum sérstakan
síma-sjálfveljara með minni og
sagði nýtízku tæknibúnað vera
mikið atriði í atvinnufyrirtækjum
sem gæti aukið framleiðni og
afköst til muna.
Pósti og síma er gert að standa
undir ýmiss konar félagslegri
þjónustu, t.d. fríum síma fyrir elli-
og örorkulífeyrisþega, kosn-
ingasíma o.fl. Nefndin telur ekki
rétt, að slík þjónusta sé borin upp
kostnaðarlega af hinum almenna
notanda.
Þá er nokkuð fjallað um rekstr-
arhlið Pósts og síma og bent á, að á
mörgum sviðum mætti fara ódýr-
ari leiðir, s.s. með lokuðum útboð-
um við innkaup á símabúnaði o.fl.
Ennfremur bendir nefndin á að
stofnunin gæti veitt betri þjónustu
á mörgum sviðum, og sérstaklega
bent á erfiðleika við að fá pósthólf,
bréf og símskeyti berist seint og
Póstur og sími fylgist ekki með
breyttum heimilisföngum, og erf-
itt geti oft reynst að ná í frímerki.
Margt má betur fara í póstgíró-
málum að áliti nefndarinnar og
bendir hún í því máli á þjónustu-
gjaldið og telur þessi mál hafa
verið skipulögð án nokkurrar sam-
vinnu við þá, sem þjónustuna
þurfa að nota.
Við samanburð á leíexgjöldum
kom fram mun hærri fastur kostn-
aður hér á landi en á öðrum
Norðurlöndum. Nefndin gerði at-
hugasemd við þennan gífurlega
mun og vonist til að þetta verði
leiðrétt. Við samanburð á heild-
arsímakostnaði í 58 löndum heims,
sem vestur-þýska símafyrirtækið
Siemens gaf á s.l. ári út, kom í ljós
að ísland er nr. 21 í röðinni og
varla hægt að segja, segir í áliti
nefndarinnar, að sá samanburður
sé íslandi beinlínis í óhag. Svipaða
sögu er að segja um samanburð á
póstburðar- og símskeytagjöldum.
Til skýringa á hinum mikla mun
milli landanna á telexgjöldum hef-
ur verið nefnt að önnur lönd hafi
miklar tekjur af telexsendingum,
hins vegar eiga íslendingar ekki
nema örstuttan kapalspotta til
Vestmannaeyja, sem gefur litlar
tekjur af sér.
Hjalti Geir Kristjánsson sagði í
lok fundarins, að Verzlunarráð
íslands myndi kanna skýrslu
nefndarinnar til hlítar og væri
ráðið tilbúið að gerast tengiliður
milli notenda og Pósts og síma.
Könnunin væri ekki einhliða, mál-
ið hefði einnig verið athugað frá
hlið Pósts og síma og sagði hann í
lokin, að hann vænti þess að takast
myndi gott samstarf þessara aðila
til að landsmenn allir gætu fengið
eins góða þjónustu á þessu sviði og
hægt væri.
Auk Péturs J. Eiríkssonar áttu
sæti í nefndinni Anton Örn
Kærnested, og Steinar Berg
Björnsson. Auk þeirra störfuðu
með nefndinni Árni Árnason og
Bjarni Snæbjörn Jónsson, sem
jafnframt var ritari nefndarinnar.
Ljósm. Mbl. R.A.X.
Þessi mynd er tekin á fréttamannafundinum i gær. Fyrir miðju er Hjalti Geir Kristjánsson, formaður
Verzlunarráðsins, honum á hægri hönd Pétur J. Eiríksson, formaður nefndarinnar.