Morgunblaðið - 02.07.1980, Qupperneq 25

MORGUNBLAÐIÐ, MIÐVIKUDAGUR 2. JÚLÍ1980
25
fclk f
fréttum
Þungur
róðurinn
ÞINGMAÐURINN ameríski, John
Anderson, tilkynnti fyrir um það bil
tveimyr mánuðum, að hann myndi fara
fram í forsetakosningunum í Banda-
ríkjunum næsta haust, án nokkurs
stuðnings pólitískra afla í landinu. Að
því er blaðafregnir herma steðja nú
margskonar kosningavandamál að,
einkum þau er kalla á peninga, en
Anderson er sagður félítill í svo dýrt
fyrirtæki. — Það er t.d. tekið sem dæmi
um aðstöðu frambjóðendanna þriggja
að sama daginn og Carter forseti var
suður í Róm á dögunum á fundi með
ríkisstjórn Ítalíu, með heilan her
manns af aðstoðarmönnum úr Hvíta
húsinu sér við hlið. Þennan sama dag
hafi Ronald Regan forsetaefni repú-
blikana verið á 1500 manna fundi í New
York. Þar voru það vel stæðir stuðn-
ingsmenn hans mættir að hver maður
borgaði glaður matinn sinn, sem
kostaði 200 dollara máltíðin. — Þetta
sama kvöld hafði svo John Anderson
þingmaður setið í heldur fátæklega
búinni stofu á heimili vina sinna í
borginni Philadelphia — á fundi, sem
alls 46 manns voru viðstaddir. — Þetta
kvöld söfnuðust í kosningasjóð hans
alls um 6000 dollarar og það þótti mjög
gott. — Loks er þess að geta að það er
allmikið fyrirtæki að halda framboði
Andersons vakandi meðal almennings í
landinu. — Skýrt hefur verið frá því í
þessu sambandi að ýmsir af framá-
mönnum í stjórnmálum á vesturlönd
um muni veita Anderson áheyrn er
hann leggur upp í ferð til ýmissa landa.
Hann ætlar t.d. að hitta Schmidt
kanzlara V-Þýzkalands, og þá Begin í
ísrael og Sadat í Kaíró.
Nýtt
heimsmet
sett í
að lifa
með
eitur-
slöngum
+ Englendingurinn Mike Dickson setti nýlega heimsmet í að lifa með banvænum
eiturslöngum í b úri. Hann hefur nú þegar unnið síðasta heimsmetið sem
suður-afríkaninn Austin Stevents setti, en honum tókst að vera í 52 daga með þeim.
Síðustu fregnir hermdu að Mike hefði verið kominn upp í 56 daga, en hann er í
glerbúri nálægt Frankfurt í Þýskalandi.
Marion McBride heldur á tveggja ára stúlku, Monique, sem
McBride heldur fram að sé ekki dóttir sin.
Kona ákærir sjúkrahús fyrir
að hafa fengið rangt harn
+ Kona nokkur, að nafni Marion McBride, hefur krafið
Brunswich General Hospital í Bandaríkjunum um 5 milljónir
dollara skaðabætur, þar sem hún heldur því fram að
sjúkrahúsið hafi látið hana hafa rangt barn þegar hún lá á
sjúkrahúsinu árið 1978.
Yfirmenn sjúkrahússins segja að svona mistök séu óhugs-
andi, en sögðust ennfremur vera að rannsaka ákæruna. I
réttarskjölum hæstaréttar í Riverhead kemur fram, að Marion
McBride ákærir starfsfólk sjúkrahússins um að það hafi vikið
frá þeim reglum sem eiga að koma í veg fyrir að slík mistök
geti átt sér stað. McBride sagði, að hana langaði að halda
stúlkunni, sem heitir Monique, en sagði einnig að hún hefði
efast um að stúlkan væri hennar frá byrjun. „Strax frá því að
hjúkrunarkonan kom með hana inn til mín, vissi ég að barnið
var ekki mitt. Hún leit ekki út eins og mín fyrri börn, því þau
hafa öll haft liðað hár, en þessi hafði slétt hár,“ sagði hún.
í desember höfðaði McBride faðernismál á hendur manni í
Bay Shore sem hún hélt fram að væri faðirinn, til að fá
barnameðlög.
í blóðprufu McBride, sem tekin var í apríl, sýnir úrskurður-
inn, að McBride er ekki móðir Monique. McBride sagði, að í
fyrstu hefði úrskurðurinn fengið gífurlega á hana, og hún ekki
trúað honum, en Monique sé hluti af sér og þetta breyti ekki
tilfinningum hennar til barnsins.
Til umhugsunar
Á þessu ári 1980, eru liðin 125 ár
síðan Islendingar settust að í
Utah í Bandaríkjunum.
Sennilega er það misskilningur
að segja að Vestur-Islendingar séu
Islendingar búsettir í Ameríku.
Hið raunverulega er að þeir eru,
með örfáum undantekningum
Bandaríkjamenn og Kanadamenn
af íslenzkum uppruna.
í þessum löndum hafa þeir
öðlast borgararétt.
Enginn má líta á það sem
ótryggð við íslenzkan uppruna. En
fólk af íslenzkum uppruna í
Bandaríkjunum og Kanada leggur
einmitt alveg sérstaklega fallega
rækt við allt sem íslenzkt er.
Sannleikurinn er sá að sami
maðurinn getur bæði verið menn-
ingarlega hugfanginn íslendingur
og hugfanginn Bandaríkjamaður
eða Kanadamaður.
Við íslendingar verðum að
treysta bræðraböndin við fólk af
íslenzlcum uppruna í Vesturheimi.
Þökkum með bréfaskriftum,
heimsóknum, eflingu Lögbergs-
Heimskringlu, meiri útbreiðslu
hérlendis á „vestur-íslenzkum
æviskrám" ættfræðiverk séra
Benjamíns Kristjánssonar, órofa
tryggð til íslands.
Bókaútgefendur ættu að gefa
gaum að vestur-íslenzkum núlif-
andi rithöfundum, sem margir eru
mjög velþekktir vestanhafs, t.d.
Arthur Reykdal.
Þetta eru göfug verkefni sem
við ættum að berjast fyrir, meira
en verið hefir.
Þess hefir verið getið í fjölmiðl-
um að fyrirhugaðar séu væntan-
lega tvær hópferðir með Vestur-
Islendinga hingað í sumar. Flest-
um verður skrafdrjúgt um góða
gesti. En þar á Island góðum
gestum að fagna sem Vestur-
Islendingar eru, og aldrei nægi-
lega fyrirmannlega og rausnar-
lega á móti þeim tekið. Að þessu
sinni munu þeir ætla að ferðast
hér um landið í þrjár vikur hver
hópur.
Munu því væntanlega vonandi
margir hitta hér ættingja, sem
þeir hafa ekki áður þekkt, fá
tækifæri til þess að kynnast per-
sónulega.
En þeir munu þó vera enn fleiri,
sem fegnir vildu hitta frændur, en
geta ekki átt þess kost, vegna
ókunnugleika í ættfræði. Ferða-
klúbburinn Ameríkuferðir (félags-
skapur þeirra sem í einlægni vilja
meiri samskipti við Bandaríkja-
menn og Kanadamenn af íslenzk-
um uppruna) vill bæta úr þessu
lítið eitt, treystandi því, að marg-
ur muni kunna okkur þakkir fyrir,
við munum hafa opna skrifstofu í
Bólstaðarhlíð 50 Reykjavík, þar
sem fólk getur fengið upplýsingar
eftir því sem föng eru fyrir hendi,
um ættfræði.
Á þennan hátt viljum við hjóða
gestina velkomna m.a. Þeir sem
lítt eru kunnir verkefnum Ferða-
klúbbsins Ameríkuferða, geta
naumast gert sér í hugarlund,
hvílíkt það verk er sem við erum
að vinna, hversu mikið hefir í
sölurnar verið lagt, fyrir þetta
viðfangsefni, hversu mikil barátt-
an hefir verið og jafnvel við
mótspyrnu.
Það er ekki ólíklegt að þakka
megi starfsemi Ferðaklúbbsins
Ameríkuferða undanfarin 5 ár
vaxandi áhuga landsmanna ungra
sem aldinna á samskiptum við
Bandaríkin og Kanada, ávextir
óþreytandi elju og atorku, bar-
áttu, með heimsóknum á vinnu-
staði og einkaheimili víðsvegar
um land, í öllum hreppum og
sýslum. Þeir menn hljóta að vera
af steini gerðir, sem ekki hafa
veitt þessu málum athygli, verk-
efnum Ferðaklúbbsins Ameríku-
ferða. Þetta er ef til vill ein af
orsökum til þess að mörgum
manninum hefir veist erfitt að
læra að meta réttilega starfssemi
Ferðaklúbbsins Ameríkuferða.
Ísland er í stórri þakkarskuld
við Vestur-íslendinga. Ferða-
Helgi Vigfússon.
klúbburinn Ameríkuferðir býður
Vestur-íslendinga velkomna til ís-
lands, og býður þeim fararheilla
sem væntanlega fara til Vestur-
heims á þessu ári, og óskar þeim
gleði og ánægju af dvöl sinni.
Ferðaklúbburinn Amer-
íkuferöir.
Helgi VÍKÍússon. formaö-
ur.
Námskeið leikmanna-
skóla Hólastiftis
HVERNJG varð Nýja testamentið
til og hvert er hlutverk þess í
nútímanum? Þessum spurningum
munu þeir leitast við að svara
guðfræðikennararnir Jón Svein-
björnsson prófessor og séra
Kristján Búason dósent, en þeir
verða fyrirlesarar í leikmanna-
skóla Hólastiftis helgina 4. — 6.
júlí n.k. að Hólum.
Þangað sækja bæði prestar og
leikmenn af Norðurlandi og er
þetta í fjórða skiptið, sem slík
starfsemi fer þar fram á vegum
stjórnar Prestafélags Hólastiftis.
Þátttakendur starfa í umræðu-
hópum sem prófastar veita for-
stöðu og þar verður m.a. rætt um
hlutverk leikmanna í ýmsum emb-
ættum kirkjunnar og gefnar leið-
beiningar þar að lútandi. Búist er
við mikilli þátttöku.
Leiðrétting
í FRÉTT um þróttmikið skáta-
starf í Garðabæ í blaðinu á
þriðjudag var sagt að séra Sigurð-
ur H. Guðmundsson hefði þjónað
við messu í Garðakirkju á sumar-
daginn fyrsta. r.’Iið rétta er að séra
Bragi Friðriksson þjónaði við
þessa guðsþjónustu og eru hlutað-
eigandi beðnir velvirðingar á þess-
um mistökum.
haldið næstu helgi
EFÞAÐERFRÉTT-
NÆMTÞÁERÞAÐÍ
MORGUNBLAÐINU
AlKil.YSINGA-
SÍMINN F.R:
22480