Morgunblaðið - 23.07.1980, Blaðsíða 28

28
MORGUNBLAÐIÐ, MIÐVIKUDAGUR 23. JÚLÍ 1980
MORö'OK/'
raff/no

GRANI GÖSLARI
Ég hélt að é« myndi verða
innan um sæg af fallegum
stelpum á svona matreiðslu-
skóla!
Ék réði mann tii þess að hreinsa af borðunum.
Aldrei hef ég kynnst öðru eins.
Kosið í biskups-
embætti eftir kyni
BRIDGE
Umsjón: Páll Bergsson
t skemmtiþraut byrjum við á
að byr/íja spil austurs og vesturs.
Vestur gaf spilið og opnar á 1
hjarta.
COSPER
COSPER
Norður
S 2
H. ÁK108
T. ÁKD10976
L. 10
Vestur
S. KD10
H. DG975
T. G5
L. Á76
Austur
S. 543
H. 642
T. 643
L. 5432
Suður
S. ÁG9876
H. 3
T. 2
L. KDG98
Eftir opnun vesturs stekkur
norður í 4 grönd, spyr um ása,
suður segir frá einum ás með 5
tíglum og hann verður því sagn-
hafi í 6 tíglum. Vestur spilar út
spaðakóng og nú athugar þú
málið.
Það fyrsta, sem í hug kemur, er
að stela slag á lauftíuna í næsta
slag. Taka útspilið með ás og spila
laufáttu. En vestur spilar jafnvel
og við og ekki létum við það henda
okkur að taka ekki á ásinn til að
spila trompi. Þar með væri eina
tromp suðurs farið og spilið von-
laust.
Þannig er ekki um annað að
ræða, en að eignast fyrsta slaginn
og spila hjarta. Vestur blátt
áfram verður að eiga bæði drottn-
ingu og gosa. Láti hann þá lágt
svínum við tíunni, eignumst slag-
inn, trompum hjartaáttuna með
tvistinum og reiknum þá með að
spilið sé orðið upplagt.
En ef vestur lætur hátt þegar
við spilum hjartaþristinum, sem
er auðvitað betra fyrir vörnina,
tökum við með kóng og trompum
hjartaáttuna. Þessu næst tromp-
um við spaða og tökum alla
trompslagina. Þá verða eftir 3 spil
í blindum, ás og tía í hjarta og
lauftían. En vestur verður þá að
halda á drottningu og smáspili í
hjarta ásamt laufásnum. Hann
fær næsta slag á ásinn, verður að
spila hjarta og við svínum án þess
að depla auga. Unnið spil.
Já. mamma. Það er ofsa gaman. Við tókum Siggu fra nku og
bundum hana og erum að dansa indiána-stríðsdans kringum
hana! .
• Kosið í biskups-
embætti eftir kyni
Kæri Velvakandi. Þetta konu-
tal er nú farið að ganga of langt.
Nú þegar kona hefur verið kosin '
sem forseti landsins, þurfa ein-
hverjir aðilar að meina að verð-
andi biskup þurfi endilega að vera
kvenkyns líka. Að mínu mati er
þetta spor í algjörlega ranga átt,
hvað kvenréttindabaráttu varðar.
í rauninni er þetta eingöngu orðin
sýndarmennska, það er ekki ieng-
ur kosið eftir hæfileikunum í
starfið, heldur horfið nokkur ár
aftur í tímann og kosið eftir kyni.
Hverjir af þeim sem skrifað hafa
um kvenbiskupinn í blöðin, eru
komnir til með að segja að hún sé
besti kennimaður landsins af öll-
um þeim prestafjölda sem við
höfum.
Mér finnst vissulega gaman að
geta sagt við dóttur mína (og son)
að kona sé forseti landsins og
þannig sannað þeim að konur séu
gjaldgengar í æðstu embætti
landsins til jafns við karla, en ég
hef á tilfinningunni að það sé ekki
af einskærri umhyggju fyrir bætt-
um kjörum kvenna almennt, sem
sumum er svona umhugað um að
fá konur í fleiri „toppstöður" í
þjóðfélaginu, heldur barnaleg
löngun til að blessað landið okkar
komist nú í heimspressuna. í
þessu tilfelli fyrir það hvað við
stöndum framarlega í kvenrétt-
indabaráttunni, og er þá aldeilis
munur að geta flaggað konum í
örfáum háum stöðum því til sönn-
unar. Staðreyndin er nú sú að á
margan hátt erum við heldur
aftarlega á merinni, hvað snertir
þau baráttumál sem beinast að
bættri stöðu allra kvenna í þjóð-
félaginu, a.m.k. miðað við hinar
Norðurlandaþjóðirnar.
Missum því ekki sjónar á skóg-
inum fyrir trjánum, ég er íslensk
kona og mér og kynsystrum mín-
um liggur meira á fullkomnu
launajafnrétti, lengri barneignar-
fríum og svo ótalmörgu sem enn
skortir uppá að fullkomið jafn-
rétti kynjanna sé til staðar, en að
komast á forsíður einhverra stór-
blaða um stundarsakir út á kven-
biskup. (Ég vil taka það fram að
ég hef ekkert út á hinn ágæta
klerk sem hér um ræðir að setja,
það féll aðeins í hennar hlut að
vera tekin sem dæmi um hugsun-
arháttinn sem ég vildi gagnrýna.)
Borghildur
Heimildarkvikmynd um Þjóðhátíð Vestmannaeyja
ÍÞRÓTTAFÉLÖGIN Þór og
Týr í Vestmannaeyjum hafa
ákveðið að láta taka heimild-
arkvikmynd um Þjóðhátið Vest-
mannaeyja. en félögin sjá um
það til skiptis að halda hátíðina
i Herjólfsdal ár hvert um fyrstu
helgi í ágúst. Er reiknað með að
kvikmyndun fari fram á fjórum
til sex næstu Þjóðhátíðum og
verður byrjað á Þjóðhátíðinni
sem hefst föstudaginn 1. ágúst
nk. Til verksins hafa verið
ráðnir þeir Páll Steingrimsson
og Ernst Kettler hjá Kvik hf.
Þjóðhátíð Vestmannaeyja er
einstæð í sögu íslands, en fyrsta
hátíðin var haldin árið 1874.
Lengi framan af var Þjóðhátíðin
eingöngu sótt af Eyjamönnum,
en með auknum ferðamöguleik-
um hefur aukizt sífellt fjöldi
gesta af fastalandinu á þessari
rómuðu hátíð. Að jafnaði sækja
um 4000 Eyjamenn Þjóðhátíðina
en fjöldi gesta af fastalandinu
hefur um nokkurt árabil verið
1—2 þúsund. Dagskrá Þjóðhátíð-
arinnar byggir á gamalli hefð í
stærstu dráttum en lagt er kapp
á að fá alla bestu fáanlega
skemmtikrafta bæði heima og
heiman til þess að taka þátt í
dagskránni þótt hátíðin beri þó
jafnan mestan svip af því fasi
sem hver og einn þjóðhátíðar-
gestur leggur til málanna.
í þeirri heimildarkvikmynd
sem nú verður tekin verður lögð
áherzla á að ná stemmningu
hátíðarinnar, sérstæðri dagskrá
og myndum af fólki, en kostnað-
ur við gerð slíkrar heimildar-
kvikmyndar er áætlaður millj-
ónir króna.