Morgunblaðið - 25.07.1980, Qupperneq 32

Síminn
á afgreiðslunni er
83033
BUrgunbtatiib
Hvalveiði-
kvóti íslands
óbreyttur
KVÓTI íslcndinKa vegna hval-
veiða er óbreyttur samkvæmt
ákvorðun, sem tekin var i gær á
ársfundi Alþjoóahvalveióiráósins
i BrÍKhton. A fundinum i kst var
tillaKa Randaríkjamanna um al-
Kjört bann við veiðum á búrhveli
felld. TillaKan hlaut stuðninK 14
ríkja. 6 voru á móti en 4 sátu hjá.
Til þess að tillatran hlyti sam-
þykki þurfti hún 75% atkvæða.
Umhverfisverndarmenn hafa
haldið því fram, að stofn búrhvala
fari minnkandi og telja þeir að
nauðsynlegt sé að friða stofninn
þegar í stað, en búrhveli er
verðmætt vegna lýsis, sem úr því
er unnið. A fundinum í gær var
einnig rætt um hrefnu, sandreyði
og langreyði.
A þessu ári hafa Islendingar
veitt 17 búrhveli, en samanlagður
afli í ár er orðinn 225 hvalir, þar
af 208 langreyðar.
Kjúklingar
hækka um 25%
SAMTÖK kjúklingabænda
auglýstu í gærdag nýtt heild-
söluverð á kjúklingum. Hvert
kiló af kjúklingum kostar
eftir hækkun 3608 krónur en
kostaði fyrir hækkun 2890
krónur. Hækkunin er þvi tæp
25%.
Þessi hækkun kjúklinga-
bænda er bein afleiðing af
hækkun fóðurbætisskatts, en
við hana hækkaði verðlags-
grundvöllur kjúklinga um
50%.
Innanlandsflug Flugleióa:
Rekstrargrund-
völlur ekki leng-
ur fyrir hendi
FORSTJÓRI Flugieiða hefur rit-
að samgönKuráðherra bréf vegna
erfiðleika i rekstri innanlands-
flugs félagsins á undanförnum
árum. sem hann segir stafa af
rangri verðlagningu og tregðu
yfirvalda á að leyfa nauðsynlegar
hækkanir fargjalda.
Sigurður Helgason forstjóri
segir, að ekki sé lengur rekstr-
argrundvöllur fyrir innanlands-
flugið, tapið hafi í apríllok verið
orðið yfir 200 milljónir króna og
verði 18% hækkun innanlands-
fargjalda að koma til tafarlaust
eigi innanlandsflugið að verða
rekið hallalaust. Segir forstjóri
Flugleiða, að heildartapið á inn-
anlandsfluginu sl. 5 ár sé 2,7
milljarðar króna á núgildandi
verðlagi.
Sjá: „Fæst eðlileg verðlagning
eða ríkisstyrkur?" á miðsíðu.
Aðveituskurðurinn við Sigölduvirkjun er mikið mannvirki. Að framanverðu liggur vegurinn yfir
aðveitulögnina fyrir ofan sjálft stöðvarhúsið. Ljósm. ól.K. MagnÚKson.
Gunnar Thoroddsen um byggingu olíugeymanna í Helguvík:
Framkvæmdir háðar sam-
þykki ríkisstjórnarinnar
„ÞESSI mál heyra undir utanrík-
isráðherra, en þegar um svo
stórfelldar framkvæmdir er að
ræða, snerta þær allar áætlanir
varðandi fjárfestingar- og efna-
hagsmál og þess vegna hlýtur
rikisstjórnin að verða að fjalla
um þær,“ sagði Gunnar Thor-
oddsen. forsætisráðherra i sam-
tali við Morgunblaðið í gær. Á
rikisstjórnarfundi i gærmorgun
mótmæltu ráðherrar Alþýðu-
bandalagsins framkvæmdum,
sem undirbúningur var hafinn
að, rétt norðan við Keflavik, en
þar er fyrirhugað að reisa oliu-
birgðastöð fyrir varnarliðið.
ólafur Jóhannesson skýrði frá
því i frétt i Morgunblaðinu i gær,
að hann myndi sjálfur taka
ákvörðun um framkvæmdir,
þetta mál heyrði ekki undir
rikisstjórnina.
Ráðherrar Alþýðubandalagsins
töldu á ríkisstjórnarfundi í gær að I
ekki kæmi til greina að reisa þessa |
olíubirgðastöð, sem Atlantshafs-
bandalagið stæði straum af kostn-
aði við. Forsætisráðherra segir í
viðtali við Morgunblaðið, sem birt
er á bls. 2 í blaðinu í dag, að á
þessu stigi hafi engin hönnun
farið af stað og því munu engar
framkvæmdir verða við olíugeym-
ana á Keflavíkurflugvelli í ár eða
á næsta ári. Upphaf málsins er, að
snemma árs 1979 skipaði þáver-
andi' utanríkisráðherra, Benedikt
Gröndal, nefnd, sem kanna átti
með hverjum hætti mætti leysa
mengunar- og skipulagsvandamál,
sem skapast hefðu vegna olíu-
geyma varnarliðsins á Keflavíkur-
flugvelli og átti nefndin að finna
nýjan stað fyrir olíugeymana með
sérstöku tilliti til umhverfis- og
náttúruverndarsjónarmiða, en
sveitarfélögin á Suðurnesjum
höfðu talið að gömlu geymar
varnarliðsins stæðu í vegi fyrir
eðlilegri þróun byggðarlaganna.
Nefndin skilaði áliti í vor.
Lánskjaravísitala hef-
ur hækkað um 59% á ári
Verðbótavísitala á laun aðeins hækkað um 44.34%
SEÐLABANKI fslands hefur reikn-
að út lánskjaravísitölu fyrir ágúst-
mánuð og verður hún 172. Hún
hefur þvi á s.l. þremur mánuðum
hækkað um 12% á sama tima og
verðbótavisitala á laun hækkar
sennilega um 7%. Það má þvi segja,
að svokölluð verðtryggð lán, sem
launþegar taka. séu meira en 100%
verðtryggð.
Lánskjaravísitala var ákveðin í
samræmi við lög um efnahagsmál og
fleira s.l. vor og var hún ákveðin 100
í júní. Frá þeim tíma hefur láns-
kjaravísitala hækkað um 72% á
sama tíma og verðbótavísitala á laun
hefur hækkað um 57,6%. Munurinn
er því 14,4%.
Sé dæmið hins vegar tekið síðustu
tólf mánuði, þá hefur lánskjaravisi-
talan hækkað um 59% á sama tíma
og verðbótavísitala á laun hefur
hækkað um 44,34%, munurinn þar á
er því rúmlega 14%, sem greiðendur
verðtryggðra lána verða að taka á
sig, en í dag miðast flest verðtryggð
lán við lánskjaravísitölu, s.s. lán
Húsnæðismálastjórnar, lán flestra
lífeyrissjóða og verðtryggð lán
banka.
VSÍ hafnaði þátttöku í
viðræðum ASÍ og VMS
Viðræðufundur ASÍ og VSÍ án þátttöku VMS árdegis í dag
Á FUNDI. sem sáttanefnd hélt í gær með fulltrúum Vinnuveitenda-
sambands íslands har hún fram ósk að tillögu Alþýðusambands
íslands og Vinnumálasambands samvinnufélaganna. um að VSÍ kæmi
inn í yfirstandandi viðræður þessara aðila. Fulltrúar VSÍ höfnuðu
þessari ósk á þeim forsendum að ASÍ hefði slitið viðræðunum með því
að hefja sérviðræður við VMS ok þeir telji rétt að ASl ljúki þeim
viðræðum, áður en viðræður hefjist á ný milli ASÍ og VSf.
Á fundi, sem haldin var þegar
að loknum fundi sáttanefndar og
VSÍ, með fulltrúum ASÍ og VMS,
munu viðræður einkum hafa snú-
ist um þessa afstöðu VSÍ full-
trúanna og lítið sem ekkert mun
hafa verið rætt um sjálfa samn-
ingana. Eftir stuttan fund var
ljóst að ASÍ vildi ekki halda áfram
viðræðum við VMS án þess að VSÍ
kæmi inn í þær. Fulltrúar ASÍ
halda því fram að þeir hafi alls
ekki slitið viðræðum við VSI og
hafa nú farið fram á fund í dag
með fulltrúum VSI. Þann fund
munu fulltrúar VMS ekki sitja að
ósk ASÍ.
Eftir því sem næst verður kom-
ist hafa viðræður ASÍ og VMS
snúist um sex megin atriði. í
fyrsta lagi er um að ræða að
kjarnasamningi verði frestað um
eitt ár og tíminn notaður til að
kanna betur ýmis ákvæði hans s.s.
launaflokka. í öðru lagi er rætt
um 5% grunnkaupshækkun yfir
alla línuna. Þá er ennfremur rætt
um að tryggja réttindi í veikinda-
og slysatilfellum og að vinnuveit-
endur verði skyldaðir til að kaupa
tryggingu þar að lútandi. Þá er
rætt um að samræma laun sömu
starfshópa milli Verzlunar-
mannafélagsins og Dagsbrúnar og
ennfremur mun ASÍ leggja
áherzlu á að afnema skerðingar á
iðnaðarkaupsálögum, þannig að
kaupalögin verði óskert. Gert er
ráð fyrir að vísitala samkvæmt
Ólafslögum verði í gildi þ.e.
óbreytt ástand og að síðustu er
rætt um sérstakar láglaunabætur
til hinna tekjulægstu.