Morgunblaðið - 17.10.1980, Qupperneq 11

MORGUNBLAÐIÐ, FÖSTUDAGUR 17. OKTÓBER 1980
11
Halli hjá
SVR1300
milljónir
STRÆTISVAGNAR Reykjavíkur
hafa sótt um 10% hækkun á
farmidum frá I. nóvember nk.
eins og fram hefur komið í
blaðinu.
Það kom fram á borgarráðs-
fundi, þegar rætt var um hækkun-
arbeiðni SVR, að reiknað er með
að halli á rekstri fyrirtækisins
verði 1300 milljónir króna á þessu
ári og 10% hækkun muni aðeins
lækka þá tölu um 40 milljónir
króna.
Gjaldskrárnefnd hefur beiðni
SVR til athugunar eins og beiðnir
annarra opinberra fyrirtækja um
hækkun.
Ofveiða síld
í Skagerak
SJÓMENN frá Svíþjóð og
Danmörku höfðu heimild til
að veiða 4 þúsund tonn af sild
í Skagerak í ár eða samtals 8
þúsund tonn. í norska hlaðinu
Fiskaren kemur fram, að báð-
ir aðiiar hafa farið langt fram
yfir kvótann og segir hlaðið.
að aflinn nemi trúlega nála'gt
30 þúsund tonnum og hafi
Svíar og Danir því farið 250%
fram yfir kvótann.
Svíar munu hafa ákveðið að
veiða svo mikið af síld eftir að í
ljós kom að Danir virtu ekki
sett aflahámark. Norðmenn
hafa mótmælt þessum veiðum
mjög harkalega og segir í
Fiskaren, að Norges Fiskarlag
krefjist þess, að norskir sjó-
menn fái nú þegar leyfi til
aukinna síldveiða í Skagerak.
LjÓ8m. J.D.J.
Þessi bílhræ hafa um nokkurt skeið „prýtt“ umhverfið á
leiðinni milli Eskifjarðar og Norðfjarðar. Er lítið augnayndi
að þess konar braki fyrir vegfarendur og mætti umhverfis-
vernd komast hér i framkvæmd.
Helgi Bergs um lánafyrirgreiðslu
stjórnarinnar til hlutabréfakaupa:
„Við höfum ekkert
heyrt um það mál**
„VIÐ HÖFUM ekki heyrt orð
um það mál hér í Landsbankan-
um, hvorki frá einum né nein-
um,“ svaraði Helgi Bergs,
bankastjóri Landsbankans í
samtali við Mbl., þegar hann
var spurður um ákvörðun ríkis-
stjórnarinnar að lána starfs-
fólki Flugleiða peninga til
hlutabréfakaupa í Flugleiðum,
en eins og sagt hefur verið frá í
Morgunblaðinu hafa ráðherrar
sagt að þeir hafi sagt Seðla-’
bankanum að hafa samband við
alla viðskiptabankana og opna
þar möguleika á þessum lánum.
Landssamband Slökkviliðsmanna:
Brunamálastofn-
un verði stórefld
ÁTTUNDA þing Landssam-
hands slökkviliðsmanna var
haldið dagana 4. og 5. októ-
ber sl. Þingið sátu 47 slökkvi-
liðsmenn viðsvegar að af
landinu og vpru þeir frá 21
slökkviliði. Á þinginu var
ítrekuð fyrri stefna Lands-
sambandsins um að stórefla
bæri Brunamálastofnun rík-
isins og að hún verði rekin
áfram sem sjálfsta*ð stofnun.
Þingið mótmælti harðlega
þeim áætlunum um að fella
Brunamálastofnun rikisins
undir væntanlegt Vinnueft-
irlit ríkisins eins og gert er
ráð fyrir í lögum um Vinnu-
eftirlit ríksins.
Þingið leggur einnig til við
Brunamálastofnun ríkisins að
menntunarmál slökkviliðsmanna
verði tekin til gagngerðar endur-
skoðunar og mótuð verði heild-
arstefna um þau mál.
Þingið samþykkti að líka
áskorun til félagsmálaráðherra,
að láta gera reglugerð um lág-
marksútbúnað slökkviliðsmanna
í útköllum, ennfremur að unnin
verði í samráði við Landssam-
bandið drög að lögum til verndar
starfsheiti slökkviliðsmanna.
A þinginu var kjörin næsta
stjórn LSS og formaður er Guð-
mundur Jónsson í Reykjavík.
(Fréttatilkynning)
SUMMA
1 HERBERGIÐ
Með SUMMA raðskápunum skapast möguleiki
á heppilegri hirslu fyrir hljómflutningstækin, plöt-
urnar o.fl.
2 eða fleiri skápar, allt eftir stærð herbergisins.
SUMMA \
í BARNA- OG UNGLINGA-
HERBERGIÐ EÐA TÓM-
STUNDA- OG VINNUKRÓKINN.
SUMMA skapar notalega aðstöðu til leikja og
lærdóms. Hvar sem er í húsinu má finna stað fyrir
heimavinnuna og tómstundastarfið.
Borð, korktafla og 2 — 4 skápar er það sem til þarf.