Morgunblaðið - 08.10.1981, Blaðsíða 32
32
MORGUNBLAÐIÐ, FIMMTUDAGUR 8. OKTÓBER 1981
Eftir fundahöld og blaðaskrif
þar sem Menntaskólinn í Kópa-
vogi hefur dregist inn í umræður
er öllum væntanlega ljóst að eina
raunhæfa lausnin í húsnæðis-
vanda skólans er að byggja yfir
starfsemi hans.
Húsnæðisvanda MK er ekki bú-
ið að leysa. Málið er í biðstöðu og
verður væntanlega aftur fjallað
um það á fundi bæjarstjórnar
Kópavogs föstudaginn 9. október
nk.
Á fundinum í Þinghólsskóla
lögðu nemendur MK fram tillögu
sem samþykkt var samhljóða, og
var hún þess efnis, að skorað var á
menntamálaráðuneyti og bæjaryf-
irvöld að leysa húsnæðisvanda
menntaskólans þannig að hann
gæti þróast yfir í fjölbrautaskóla.
Á þessum fundi voru allir sam-
Hluti miðbæjarskipulags Kópavogs, vestan Hafnarfjardarvegar
l.Kópavogskirkja. — 2.Hamraborg. — 3.Fjölbrautaskóli. — 4.Listasafn. — 5.Tónlistarskóli. — 6.Borgarholtsbraut.
Eina raunhæfa lausnin er að byggja yfir
starfsemi f jölbrautaskóla í Kópavogi
mála um að leysa þyrfti vanda
menntaskólans en hins vegar var
ekki samkomulag um hvernig ætti
að gera það. Um það má auðvitað
þrátta endalaust.
Sem óbreyttur borgari styð ég
eindregið þá stefnu að skipulag
miðbæjar Kópavogs sem var
hannað, kynnt almenningi og
samþykkt í skipulagsnefnd 1978,
nái fram að ganga, og þar með
tekin endanleg ákvörðun um stað-
arval fjölbrautaskólans. Ég legg
ríka áherslu á að húsnæðismál
MK, sem á að þróast í fjölbrauta-
skóla, verði sameiginlegt ópóli-
tfskt hagsmunamál allra Kópa-
vogsbúa, eldri sem yngri.
Okkar krafa hlýtur að vera, ein-
setinn grunnskóli og framhalds-
skóli með samræmdri og mark-
vissri bók- og iðnmenntun. Við
höfum ekki efni á því að vera fá-
tæk og nota fjármagn í dýrar og
óhagkvæmar bráðabirgðalausnir.
Nemendur og kennarar skólans
standa einhuga á bak við þá kröfu
að byggt verði yfir starfsemi hans.
HÚSNÆÐISMÁL
SKÓLANS
I bréfi til bæjarstjórnar Kópa-
vogskaupstaðar dagsettu 25. sept-
ember sl. og birt var orðrétt í
Morgunblaðinu 1. október sl. undir
fyrirsögninni „Hvernig verður
húsnæðisvandi framhaldsskólans
leystur“? segir skólameistari m.a.
að menn séu sammála um þrjú
meginatriði varðandi fram-
haldsskóla.
• Að koma á fjölbrautakerfi í
Kópavogi.
• Að samræma námsefni og
áfangakerfi.
• Að byggja yfir fjölbrautaskól-
ann og leysa þannig húsnæðis-
vanda MK til frambúðar.
Ennfremur leggur hann áherslu
á að grundvöllur um skólamál
verði eftirfarandi:
• Unnið verði að stöðlun og sam-
hæfingu námsefnis og áfanga-
kerfis.
• Þinghólsskóli starfi áfram sem
grunnskóli með fornám.
• Byggt verði yfir fjölbrautaskól-
ann á miðbæjarsvæðinu, eins
og áformað og ákveðið var af
ráðherra og bæjarstjórn á sín-
um tíma, í meginatriðum sam-
kvæmt þeirri teikningu sem til
er.
eftir Ingibjörgu Árnadótt-
ur hjúkrunarfræðing
• Víghólaskóli starfi með svipuðu
sniði náms og kennslu og
hingað til.
• Menntaskólinn fái 3—4 stofur
til afnota í Kópavogsskóla þar
til 1. áfangi hinnar nýju bygg-
ingar fyrir framhaldsskólann
rís af grunni.
í lok bréfs síns segir skólameist-
ari að lausn þessi komi harðast
niður á MK en með byggingu í
sjónmáli kvað hann unnt að
þreyja þorrann og þola þrengslin
um þriggja ára skeið.
ÞOLINMÆÐI
SKÓLAMEISTARA
Mér þykir skólameistari þol-
inmóður þar sem hann í lok bréfs
síns til bæjarstjórnar talar um að
þreyja þorrann, þola góuna og
þrengslin, í þrjú ár, með byggingu
í sjónmáli.
Bygging er að mínu mati
óhjákvæmileg lausn mála og það
þarf að hefjast handa sem fyrst.
Því fyrr þvi betra. Öll hönnunar-
atriði hafa legið fyrir sl. þrjú ár.
Ef hafist hefði verið handa þegar
eftir samkomulag bæjarstjórnar
og ráðherra um staðarval og nem-
endafjölda skólans, værum við að
öllum líkindum þegar búin að
reisa fyrsta áfanga fjölbrauta-
skóla í Kópavogi.
ÓRÖKSTUDDAR
ÁRÁSIR
Persónulegum og ómaklegum
árásum á skólameistara MK vil ég
svara með góða gamla máltækinu
„aumur er öfundslaus maður“.
Slíkur boðskapur er þeim einum
til vansæmdar sem hann flytja.
Framtíðarskipulag MK sem á að
þróast í fjölbrautaskóla er ekki
persónulegt mál núverandi skóla-
meistara, þvert á móti, þetta er
hagsmunamál okkar, mál allra
Kópavogsbúa.
Frá upphafi, þ.e.a.s. 1973, er
skólinn var settur á stofn, var
ákveðið og yfirlýst af ráðherra að
hann skyldi starfa með fjölbrauta-
skólasniði. MK hefur síðan ekki
getað þróast í fjölbrautaskóla,
m.a. vegna húsnæðisleysis.
HVERNIG
HEFUR MK RÆKT
HLUTVERK SITT?
Menntaskólinn í Kópavogi hefur
staðið sig með prýði. Sem mennta-
skóli hefur hann þrátt fyrir
þröngt húsnæði og erfið skilyrði,
fyllilega staðist samkeppni við
aðra menntaskóla. Skólinn á því
að fá tækifæri til að þróast sem
fjölbrautaskóli, eins og samstaða
var um á sínum tíma, og kennarar
og nemendur standa einhuga að
baki.
FÉLAGSLÍF
TIL FYRIRMYNDAR
Ég hef orðið þeirrar ánægju að-
njótandi að fylgjast nokkuð með
félagsstarfinu í MK, sem hefur, að
því er ég tel, verið til stakrar
fyrirmyndar á mörgum sviðum,
þrátt fyrir þröngan húsakost og
illan aðbúnað.
I því sambandi leyfi ég mér að
nefna skólablaðið (Sinfjötli),
símaskrá MK, tónleikahald fyrir
almenning, og síðast en ekki síst
skammdegishátíð MK (Myrkra-
mesáu) sem haldin er í desember
ár hvert. Til hátiðarinnar hefur
„Ég legg ríka áherslu
á að húsnæðismál
MK, sem á að þróast í
f jölbrautaskóla, verði
sameiginlegt ópóli-
tískt hagsmunamál
allra Kópavogsbúa,
eldri sem yngri.“
ævinlega verið mjög vel vandað.
Þar hafa nemendur skemmt okkur
með heimatilbúnum skemmtiat-
riðum s.s. frumflutningi tónverka
eftir nemendur úr skólanum, kór-
söng, sem nemendur hafa flutt og
stjórnað, leikritum og mörgu
fleiru í þeim dúr. Á Þorláksmessu
sl. gekk skólakór MK um bæinn og
söng fyrir gesti og gangandi,
(meira að segja með jólasveina-
húfur á kollinum) stansaði í
Hamraborginni við Blómahöllina
okkar, söng og kom öllum í jóla-
skap og stemmningu sem þar áttu
leið um.
M.a. vegna þessara frábæru
skemmtilegheita sem sett hafa
svip sinn á bæjarlífið undanfarin
ár þykir mér mjög miður ef dreifa
á starfsemi skólans á 3—4 staði
eins og tillögur eru uppi um. Það
hefur komið fram hjá formanni
Nemendafélags MK að hann telur
það muni spilla stórlega félagslífi
nemenda. Þann þátt í menntakerf-
inu tel ég mjög þarfan og hefur
hann, að minu mati, verið til
stakrar eftirbreytni í Menntaskól-
anum í Kópavogi.
KONUR ÞÖGULAR
OG AFSKIPTALITLAR
Á þeim fundum áem ég hef setið
og í þeirri umfjöllun sem þetta
mál hefur fengið í fjölmiðlum
hafa konur verið fremur þögular.
Hvernig stendur á því að konur
almennt láta lítið að sér kveða
þegar um er að ræða mál sem
snerta þær og störf þeirra svo
mjög, sem skipulagning skólamála
gerir?
Er það ekki óæskilegt fyrir kon-
ur (mæður), sem starfa eitthvað
utan heimilisins að starfsdegi
barnanna í skólunum sé bútað
niður á tímabílið 08.00—19.15?
Með fullri virðingu fyrir góðum
heimilisfeðrum, spyr ég.
Eru það ekki fyrst og fremst
mæður, sem leitast við að vera
heimavið á matmáistímum,
hvernig svo sem starfi þeirra utan
heimilisins annars er háttað?
SAMSTAÐA
NAUÐSYNLEG
Æskilegast er að Kópavogsbúar
beri gæfu til að standa saman um
framtíðarlausn húsnæðismála
skólans og miðbæjarskipulagið,
með fjölbrautaskóla, tónlistar-
skóla og listasafn í huga.
Kópavogsbúar hafa sýnt frá-
bæran dugnað og hugvitsemi í
fjáröflun v/byggingu Hjúkrun-
arheimilis Kópavogs. Því vænti ég
þess að bæjarbúar muni ekki
liggja á liði sínu, þegar um er að
ræða framtíð barna okkar og
barnabarna, sem væntanlega vilja
hvergi annars staðar búa en í
Kópavogi, alveg eins og flest
okkar.
Margir sem mæla gegn bygg-
ingu fjölbrautaskólahúss telja
ekki þörf fyrir nýja skólabyggingu
þar sem nýta megi annað húsnæði
sem til er fyrir starfsemi skólans.
Þetta tel ég mikla skammsýni.
Bæði er að nú þegar er nemenda-
fjöldi á framhaldsskólastigi í
Kópavogi ærinn til að fylla 500
manna skóla og einnig er vert áð
hafa í huga að enn á Kópavogur
mikið óbyggt land. Áætlað er að í
kaupstaðnum fullbyggðum geti
búið 40—48 þúsund manns.
Það er umhugsunarvert, að á
meðan veitt hefur verið ríkisfé til
bygginga framhaldsskóla víðs veg-
ar um landið, og það stundum að
því er virðist á lítið ígrunduðum
tillögum um nýtingu húsnæðis,
hefur ekki verið veitt neinu fé til
byggingar fjölbrautaskóla í Kópa-
vogi, sem þó er annað stærsta
bæjarfélag landsins, með um 14
þúsund íbúa.
Því legg ég ríka áherslu á að
ekki verði tjaldað til einnar næt-
ur.
Samstaða, skipulagning og
stórhugur verði ríkjandi í lausn
þessara mála.
Kópavogur 7. október '81.