Morgunblaðið - 20.04.1982, Qupperneq 10
10
MORGUNBLAÐIÐ, ÞRIÐJUDAGUR 20. APRÍL 1982
Brezku blaöamennirnir, sem hafa verið handteknir í Argentínu, sakaðir um
njósnir (talið frá vinstri): Simon Winchester frá „Sunday Times“, Ijósmynd-
arinn Tony Prime og blaðamaðurinn Ian Mather, báðir frá „Observer".
Carlos kominn á stjá?
Tvær sprengjuárásir
á Frakka í Vínarborg
Vínarborg, 19. apríl. Al*.
SPRKNGJIIR sprungu með stuttu millibili ■ franska sendiráðinu og á skrif-
stofu Air France um hádegisbilið í Vínarborg i dag. Miklar skemmdir urðu á
báðum stöðunum.
Mikill eldur gaus upp á skrifstofu
Air France og börðust slökkviliðs-
menn í dágóða stund við Iogana áður
en tókst að ráða niðurlögum eldsins.
Ekkert sannar að hér hafi verið
um verk hins fræga skæruliða, Carl-
osar, að ræða, en hann hótaði
frönsku ríkisstjórninni fyrir tæpum
tveimur mánuðum. Þó þykir líklegt
að hann eigi hér hlut að máli.
Sprengjuárásir þessar koma beint í
kjölfar morða tveggja sendiráðs-
starfsmanna Frakka í Beirút fyrir
helgina.
Seint i dag barst hótun um að ráð-
ist yrði á „Arlberg“-hraðlestina, sem
gengur á milli Vínarborgar og París-
ar. Okunn rödd í síma hafði sam-
band við járnbrautaryfirvöld í Vín-
arborg, aðeins nokkrum tímum eftir
sprengjuárásirnar.
Aðskilnaðarsinnar
Baska enn í vígahug
Madrid, 19. apríl. AP.
SKÆRliR brutust út á nýjan leik í
Baskahéruðunum á Spáni er lögregiu-
þjónn varð fyrir handsprengjuárás á
sunnudag. Talið er víst að aðskilnað-
arhreyfing Baska hafi verið þar að
verki.
Verðir skutu þegar í stað til baka
á skæruliðana og tókst að hrekja þá
á brott. I skothríðinni særðist tví-
tugur piltur. Þetta var fjórða árásin
á lögreglu- og gæslustöðvar á
skömmum tíma. í árásunum hefur
einn lögreglumaður látist og átta
særst.
Þá var ráðist á aöalsímstöðina í
Madrid á sunnudag. Fór símasam-
band af stórum hluta borgarinnar.
Er talið að aðskilnaðarsinnar hafi
einnig verið þar á ferð.
Strandasýsla
— jörð til sölu
Jörðin er ca. 300 hektarar. Silungsveiöi og heitt vatn.
Heppilegt fyrir félagasamtök.
Árni Grétar Finnsson hrl.
Strandgötu 25
Hafnarfiröi
sími 51500.
Leiga — Iðnaðarhúsnæði
lönaðarfyrirtæki óskar eftir ca. 200—250 fermetra
iönaöarhúsnæöi til leigu sem allra fyrst. Húsnæöiö
þarf aö vera á jaröhæö og helst óinnréttað, aö
mestu. Utan dyra þarf aö vera heimilt aö geyma
innpakkaö hráefni. Húsnæöiö þarf aö vera í Reykja-
vík. Samningar verða aö vera a.m.k. til 5 ára. Leigu-
tilboö ásamt greinargóöri lýsingu á húsnæði óskast
sent Morgunblaðinu fyrir 23. apríl merkt: „Húsnæöi
— 1699“.
Hótel Hverageröi
í Hveragerði
er til sölu nú þegar. Hóteliö er í fullum rekstri. Öll
venjuleg tæki fyrir hendi. Lóö 1343,2 ferm og því
stækkunarmöguleikar.
Uþplýsingar gefa Skrifstofa Hverageröishrepps, sími
99-4150 og hæstaréttarlögmenn Ólafur Þorgrímsson
og Kjartan Reynir Ólafsson, Háaleitisbraut 68, Rvík,
sími 83111.
Vestur-Þýskaland:
Stjórn Schmidts
spáð falli í haust
VESTlIR-þýski Jafnaðarmanna-
flokkurinn heldur landsþing sitt
þessa dagana og ber flestum
stjórnmálaskýrendum saman um,
að á þvi muni ráðast hvort flokkur-
inn fær sitt „síðasta tækifæri" til
að halda völdunum enn um sinn.
Skoðanakannanir sýna, að vin-
sældir flokksins hafa ekki verið
minni i aldarfjórðung, mikil óein-
ing er meðal forystumanna hans
og fylgið flýr í hrönnum.
Margir spá því, að stjórn
Helmut Schmidts muni falla í
haust og að um það muni ráða
mestu samstarfsflokkurinn,
Frjálsir demókratar, með Hans-
-Dietrich Genscher utanríkis-
ráðherra í broddi fylkingar, en
þeir hafa nú lykilaðstöðu í
vestur-þýskum stjórnmálum. Ef
svo færi yrði í fyrstu formsins
vegna reynt að mynda nýja
stjórn með samningum flokks-
foringjanna en í raun er víst, að
boðað yrði til nýrra kosninga.
Erfiðleikar Jafnaðarmanna-
flokksins stafa fyrst og fremst af
flokkadráttum innan hans og
ágreiningi við samstarfsflokk-
inn, sem sett hefur svip á stjórn-
arstörfin allt frá kosningunum
1980. Menn greinir á um stefn-
una í varnarmálum, efnahags-
málum og utanríkismálum og
þeirri skoðun vex nú fylgi meðal
jafnaðarmanna, að ekkert geti
orðið flokknum til bjargar nema
það eitt að verma stjórnarand-
stöðubekkina einhvern tíma. Tvö
nýleg fjármálahneyksli, sem
hafa svert bæði Jafnaðarmanna-
flokkinn og verkalýðssamtökin í
augum fólks, hafa ekki síst orðið
vatn á myllu þessara skoðana.
I fylkiskosningunum að und-
anförnu hafa jafnaðarmenn tap-
að miklu fylgi, ýmist til kristi-
legra demókrata, samstarfs-
manna sinna, frjálsra demó-
krata, eða til umhverfisvernd-
armanna, sem hafa nú, fyrst og
fremst fyrir stuðning ungs og
róttæks fólks, fulltrúa í fjórum
fylkjum af 11 í Vestur-Þýska-
Schmidt
landi. Helmut Schmidt er hins
vegar ekki talinn vera á þeim
buxunum að gefast upp þótt á
móti blási og þar sem stjórnin er
kosin til fjögurra ára mun hún
starfa áfram svo lengi sem þing-
ið lýsir ekki yfir vantrausti á
hana. Af þessum sökum getur
aðeins tvennt orðið henni að
falli. Annaðhvort tekur Jafnað-
armannaflokkurinn sjálfur fram
fyrir hendurnar á Schmidt eða
samstarfsflokkurinn verður til
þess.
Fyrri möguleikinn er talinn
mjög ólíklegur þrátt fyrir
óánægju vinstriarmsins og þess
vegna beinast allra augu að for-
ystumanni frjálsra demókrata,
Genscher utanríkisráðherra.
Hann hefur að undanförnu gert
sér far um það, jafnt í ræðu sem
riti, að skerpa ágreininginn við
jafnaðarmenn og jafnvel hótað
að brjóta það samkomulag, sem
flokkarnir gerðu með sér nú síð-
ast. Samt sem áður koma menn
ekki auga á það mál, sem frjálsir
demókratar geta gert að fráfar-
aratriði, og alls óvíst er, að
flokkur hans sé ginnkeyptur
fyrir samstarfi við kristilega
Genscher
demókrata. Til þess bendir m.a.
samþykkt vinstriarms flokksins
í Köln fyrir skömmu, en þar var
með öllu hafnað samstarfi við
Kristilega demókrataflokkinn.
Annað, sem veldur óvissu um
hugsanleg stjórnarskipti, er að
enginn veit hver yrði í forystu
fyrir kristilega demókrata.
Helmut Kohl, núverandi for-
maður flokksins, tapaði fyrir
Schmidt í kanslarakosningunum
1976 og Franz-Josef Strauss,
formaður systurflokksins í Bæj-
aralandi, koltapaði fyrir honum
1980.
Af þessum sökum liggur ekk-
ert fyrir um líklega stjórn
Kristilega demókrataflokksins
en það kann allt að breytast eftir
kosningarnar í Hamborg og
Hessen í september nk. í Ham-
borg, sem er heimaborg
Schmidts, er jafnaðarmönnum
spáð allt að 10% fylgistapi og
úrslitin í Hessen eru ekki talin
verða þeim hagstæðari. Ef svo
fer getur verið að frjálsum
demókrötum finnist kominn tími
til að yfirgefa hið sökkvandi
skip.
— Sv.
Noregur:
Landhelgisbrjótar hóta
varðskipsmönnum lífláti
Osló, 19. apríl. Krí rrélUriUra Mbl.
SKIPSTJORI og skipverjar á hol-
lenskum togara gengu berserksgang
þegar norskir varðskipsmenn reyndu
að snúa skipinu til hafnar í Noregi nú
um helgina, en það hafði verið staðið
að ólöglegum veiðum suður af Krist-
iansand. Norðmönnunum var hótað
limlestingum og dauða og urðu að yfír-
gefa skipið, sem sigldi inn á danskt
yfírráðasvæði jafnvel þótt skotið væri
að því aðvörunarskotum úr riffíum.
Tveir norskir varðskipsmenn fóru
um borð í hollenska togarann, sem
heitir „Lindguenda", á litlum báti en
vegna þess hve vont var í sjó áttu
þeir í erfiðleikum með að komast um
borð en tókst það þó um síðir þrátt
fyrir að Hollendingarnar neituðu að
hjálpa þeim. Þegar um borð var
komið þóttist skipstjórinn hvorki
skilja ensku né þýsku en Norðmenn-
irnir komust hins vegar yfir dagbók
skipsins og kom þá í Ijós, aö engar
aflatölur höfðu verið færðar í hana.
Skipstjóranum var nú skipað að
halda inn til Stafangurs, en þá rann
á hann æði og skipverja hans, sem
tóku annan Norðmanninn, lyftu hon-
um upp á lunninguna og hótuöu að
kasta honum í sjóinn ef þeir hefðu
sig ekki sem skjótast á burt. Við svo
búið létu Norðmennirnir undan síga
og fóru aftur yfir í varðskipið.
Varðskipsforinginn íhugaði að
skjóta á hollenska togarann með
fallbyssunni en vegna þess, að byss-
an var gömul og illt í sjó var horfið
frá því ráði. Þess í stað var skotið að
skipinu með rifflum en Hollend-
ingarnir sinntu því engu.
Norska utanríkisráðuneytið mun
taka þetta mál upp við hollensk
stjórnvöld og hollenski togarinn fær
ekki leyfi til að veiða í norskri land-
helgi í a.m.k. eitt ár. Einnig er talið
líklegt, að Norðmenn höfði mál á
hendur skipstjóranum fyrir hótanir
hans við norsku varðskipsmennina.
Friðarsinnar hand-
teknir á Rauða torginu
Moskvu, 19. apríl, Al*. ^
SJÖ VESTIIR-EVRÓPUBÍIAR voru handteknir á Rauða torginu í Moskvu
í dag að því er haft er eftir talsmanni hópsins, sem fylgdist með mótmæla-
aðgerðum, sem hópurinn gekkst fyrir.
Sjömenningarnir, tveir Frakkar,
tveir Spánverjar, tveir ítalir og
Belgi, sem allir tilheyra flokkum
róttæklinga í heimalöndum sínum,
voru að mótmæla styrjöldum í
heiminum. Báru þeir stóran borða
og reyndu að dreifa bæklingum þar
sem skorað var á sovésk yfirvöld
að snúa baki við vígbúnaðarkapp-
hlaupinu og nota fjármunina held-
ur til að seðja sveltandi munna um
allan heim.
Að sögn talsmanns hópsins kom
hann til landsins á venjulegan
máta, sem ferðamenn. Er ætlun
þeirra að yfirgefa landið á morgun.
Friðarsinnar mótmæltu einnig í
Prag, Austur-Berlín, Búdapest,
Búkarest og Sofíu.
Þeim 13, sem mótmæltu í þrem-
ur fyrsttöldu borgunum, var sleppt
en 10, sem mótmæltu í hinum
þremur, eru enn í haldi.