Morgunblaðið - 09.05.1982, Blaðsíða 44

92
MORGUNBLAÐIÐ, SUNNUDAGUR 9. MAÍ1982
„ þessi' bok sem þú seldir mér „ þab Mist
einn <x Kvcrri minútu"— er bartx. oskritub
blöfc/"
Ast er...
... að ganya í fötunum
sem hún fékk fyrir
hálfvirði á útsölunni. 1
Geturðu ekki sagt mér hvaé klukk-
an er?
HÖGNI HREKKVISI

,o-e 1981
VlrNaught Svnd . Inc
» kRAKKAR MlW/R í É.C- HatO v/i&
Sleppu/v\ S^s/i <eíUA/S \.yjN*n í bA&[ "
Vonandi er skammt í það
að öll þjónusta hér batni
GuAfinna Hannesdóttir, Bláskóg-
um, Hveragerði, skrifar:
„Velvakandi!
Fyrir u.þ.b. 23 árum, eða nánar
tiltekið 21. ágúst 1959, skrifaði ég
eftirfarandi greinarstúf í Morgun-
blaðið:
„Ég hef oft leitt hugann að því
hvernig Kaupfélag Árnesinga fær-
ir út starfsemi sína. Þar virðast fé-
lagsmenn eða viðskiptavinir á fé-
lagssvæðinu bera ærið misjafnt úr
býtum, hvað snertir uppbyggingu
atvinnuveganna. Þvi hefur löngum
verið haldið fram, að kaupfélögin
kæmu til móts við sína félagsmenn
með því að stofna og starfrækja
ýmis atvinnufyrirtæki á félags-
svæðinu. Nú er það vitað mál, að
þetta hefur verið framkvæmt með
miklum myndarbrag á vegum
sumra kaupfélaganna, svo að heil
byggðarlög hafa að mestu byggt af-
komu sína á þeirra framkvæmdum.
En hér er eins og oft vill verða að
hver er sjálfum sér næstur. Það
þótti ekki gott í gamla daga að
setja litlu börnin hjá þegar þeim
stóru var gefinn biti. En það hefur
nú hent þá háu herra sem fara með
stjórn og framkvæmdir hjá Kaup-
félagi Árnesinga á Selfossi, og er
það áberandi þegar gerður er sam-
anburður á fjárfestingu þeirra sem
h.vggja upp atvinnulífið á Selfossi
og hinu, hvað gert er fyrir félags-
menn sem skipta við útibú KÁ í
nærliggjandi þorpum.
Aljur arðurinn rennur til Selfoss.
Ekki er mér kunnugt um hvað þessi
útibú kaupfélagsins skila miklum
arði, en hitt er öllum ljóst, að hann
rennur eins og fyrr segir, allur á
einn stað á Selfossi, og er festur
þar í hinum ýmsu fyrirtækjum sem
Kaupfélag Árnesinga starfrækir og
óþarft er upp að telja. Þetta er
vissulega lofsvert þegar á það er
litið hverja þýðingu það hefur fyrir
fólkið, sem býr í skjóli þessara
framkvæmda og getur því verið ör-
uggt um næga vinnu, að minnsta
kosti á meðan einhverjir starfa á
sveitaheimilunum, en þaðan eru
runnar allar þær stoðir, sem kaup-
félögin standa á, og er mjólkurbúið
þar máttarstólpinn fyrir KÁ.
Þetta er ekki skrifað til þess að
níða niður það sem vel er gert,
heldur til hins, að vekja athygli á
því, hvað ójöfn dreifing atvinnufyr-
irtækjanna er á félagssvæðinu, og
hef ég þá Hveragerði helst í huga,
þó fleiri staði mætti nefna."
Þótt nú séu bráðum liðin 23 ár
síðan þetta var skrifað, og stjórn-
endur ásamt starfsfólki hjá KÁ
hafi komið og farið síðan, þá vildi
ég bæta aðeins við þessa klausu til
að láta í Ijós, hvað lítið hefur áunn-
ist fyrir þá sem búsettir eru í
Hveragerði.
Ymsar vörutegundir fengust hér
áður hjá KÁ til daglegra nota svo
sem vinnuföt, skótau, vefnaðar-
vara, tvinni og lölur, lopi og band,
eða með öðrum orðum aliflest það
sem heimili þurfa daglega til sinna
nota. Auk þess eru ótaldar bygg-
ingarvörur sem hér mátti fá, svo
sem sement, járn og timbur, auk
þess allur saumur og málning, og
síðast en ekki síst það sem mest
reynir á hér í Hveragerði, þ.e. allt
sem tilheyrir hitalögnum í íbúðir
og gróðurhús og óþarft er upp að
telja.
Ein róttæk breyting var svo gerð
í útibúi KÁ í Hveragerði, fyrir ekki
alllöngu. Hér var drifinn upp svo-
kallaður vörumarkaður, átti að
vera sambærilegur þeim markaði
er var á Selfossi á vegum KÁ.
Margir lögðu leið sina þangað og
gerðu góð kaup. Þjónusta var þar
óvenju góð og vöruverð hagstæðara
en annars staðar. En áðurgreind
breyting hér bauð ekki upp á bætta
þjónustu heldur þvert á móti því að
nú eru aðeins á boðstólum matvör-
ur og hreinlætisvörur. Allt annað
var flutt á brott svo að Hvergerð-
ingar þurfa að sækja allar þær vör-
ur ýmist á Selfoss eða til Reykja-
víkur. Við þetta verður ekki lengur
unað.
Ef Kaupfélag Árnesinga, sem
rekur umrætt útibú hér í Hvera-
gerði, sér enga möguleika á að
bæta hér úr því sem að framan
greinir, þ.e. að koma til móts við
þarfir fólksins sem býr á staðnum,
og gera aðeins meira en að hirða
arðinn af því sem fyrir er, þá er
meira en tímabært að fela öðrum
umsjá þessa fyrirtækis.
Hér er ný verslun komin í stað
þeirrar er áður hét Reykjafoss.
Fljótlega urðu þar umskipti sem
lofa góðu og var ekki vanþörf á að
úr rættist. Flestir þjófaspeglar
voru fjarlægðir og fleira stefnir í
þá átt að stugga ekki viðskiptavin-
um út úr búðinni heldur koma til
móts við þá með kurteisi og lipurð.
Vonandi er skammt í það að öll
þjónusta hér batni frá því sem nú
er og hér hefur að nokkru verið
lýst, svo að Hvergerðingar þurfi
ekki lengur að fara um langan veg
til að kaupa sér saumnál eða tvinna
þegar á liggur."
I
Hverju á ég að trúa?

— Fyrirspurn til fjármálaráðherra
Guðmundur Þórarinsson skrif-
ar:
„Ragnar!
Vegna þess að undirmenn þín-
ir í fjármálaráðuneytinu virðast
hættir að greiða fyrir Morgun-
blaðið, sem við starfsfólk öskju-
hlíðarskóla höfum lesið okkur til
gamans eða leiðinda, eftir því
hvar við stöndum í pólitíkinni,
vil ég leggja þessar spurningar
fyrir þig:
1. Er það vegna fyrirskipunar
þinnar, í sparnaðarskyni trú-
lega, að hætta var að greiða
fyrir Morgunblaðið til okkar í
desember sl., en áfram greitt
möglunarlaust fyrir rauðu
pressuna?
2. Heldur þú, Ragnar, eða þínir
menn, að það sé góð leið til að
tryggja sér atkvæði í vænt-
anlegum borgarstjórnarkosn-
ingum, að útiloka bláu press-
una frá þeim vnnustöðum,
sem þið þorið að beita ykkur
við?
3. Er ekkert að marka orð und-
irmanna þinna, þegar þeir
þykjast ætla að líta á málin
og kippa þeim í lag?
4. Er það eðlilegur afgreiðslu-
máti hjá ráðuneytinu, að það
taki 1—2 mánuði að greiða
smáreikninga sem samtals
telja litlar 410 kr., nýkrónur
vel að merka?
Ég trúi því ekki að óreyndu, að
þetta sé undan þínum rifjum
runnið. En þú berð ábyrgð á
störfum þinna undirmanna og
því bið ég þig hér með að kippa
þessu í lag. Annað tel ég þér ekki
sæmandi sem ráðherra, og kenn-
ara í fríi!“
GÆTUM TUNGUNNAR
Sagt var: Liðin skoruðu sitthvort markið.
Rétt væri: Liðin skoruðu sitt markið hvort. Leiðréttum börn
sem flaska á þessu!