Morgunblaðið - 15.08.1982, Blaðsíða 11
MORGUNBLAÐIÐ, SUNNUDAGUR 15. ÁGÚST 1982
47
haldið af stað aftur, áfram norður.
Hann er fremur þungbúinn í
norðrinu og þyngist heldur eftir
því sem á daginn líður. Við ökum
um Tómasarhagann, sem áður var
nefndur. Þarna sameinast Gæsa-
vatnaleið og Sprengisandsleið, en
Gæsavatnaleið opnaði Guðmund-
ur Jónasson ásamt Bjarna Túliní-
us 1951.
Vegurinn versnar smám saman,
því hér hefur hann ekki verið hefl-
aður. Sums staðar er hann alveg
grafinn í sundur, vegna vatnsaga
sennilega. Hvergi er það þó mjög
alvarlegt, en ferðin sækist tölu-
vert seinna vegna þess og Guð-
mundi verður tíðrætt um að nauð-
synlegt sé að hefla þessa vegi og
einnig helst að bera ofan í þá, því
þgir séu harðir og eggjagrjótið
standi víða upp úr þeim.
Hér verða einnig snjóskaflar á
vegi okkar, en svo var raunar víð-
ar. Hjá flestum þeirra sneiðum
við, en við öslum í gegnum einn
þeirra. Það gengur eins og í sögu,
enda farartækið ekki af verri end-
anum, þegar slíkar þrautir eru
annars vegar.
Ekið er framhjá Fjórðungs-
vatni, þar sem veðurathugunar-
stöðin Sandbúðir stóð áður fyrr,
sem nú er búið að leggja niður,
framhjá slóðinni, sem liggur ofan
í Eyjafjörðinn, og skömmu síðar
slóðinni ofan í Skagafjörðinn. Þá
er maður kominn í Kiðagilsdrögin.
Hér eftir falla öll vötn í norður,
því að hér eru vatnaskil. Ökum
meðfram Kiðagilinu og þar nokk-
uð neðarlega sjáum við fyrstu
kindurnar, frá því við lögðum upp
að sunnanverðu. Þetta er ær með
tvö lömb, og heldur er farið að
grænka, þó skelfing virðist það
veigalítið, enn sem komið er. Þeg-
ar hér er komið sögu gengur á með
skúrum, og hér er vegurinn verst-
ur það sem af er, sums staðar al-
veg horfinn.
4.20: Fossgilsmosar. Þar er orðið
nokkuð gróið og þar mætum við
þrem bílum frá Guðmundi Jónas-
syni, með 60 manna hóp Félags
austfirskra kvenna, sem búinn er
að vera á ferðalagi um Norður- og
Austurland, en er nú á leið suður
yfir. Hér höfum við lagt að baki 45
kílómetra frá Nýjadal, það er hætt
að rigna og við stoppum stutta
stund, réttum úr fótunum og
spjöllum við Austfirðingana. Ekki
er það nú nema 10 mínútna stopp
sem um er að ræða, því þá er lagt
aftur af stað og haldið sem leið
liggur niður að Mýri, en áður en
þangað er komið leggjum við
lykkju á leið okkar, því Guðmund-
ur ákveður að sýna okkur Aldeyj-
arfoss í Skjálfandafljóti, þótt það
sé og verði ekki á ferðaáætluninni
í framtíðinni.
Aldeyjarfoss
Það er ekki að orðlengja það að
þetta er hinn fallegasti foss og vel
þess virði að sjá hann. Einkenni-
legar stuðlabergsmyndanir gera
það að verkum að sumir telja
þetta fegursta foss á íslandi að því
er okkur var tjáð.
Að króknum teknum, er haldið
sem leið liggur yfir Mjóadalsána
hjá Mýri, sem er efsti bær í Bárð-
ardal. Þar verður fyrir okkur, þótt
ótrúlegt sé, fyrsta og eina hliðið
sem varð á leið okkar allan tím-
ann. Frá Mýri er ekið niður Bárð-
ardalinn, með Skjálfandafljótið á
hægri hönd, gegnum Halldórs-
staðaskóg og framhjá Lundar-
brekku, þar sem Gnúpa-Bárður
bjó, yfir brúna hjá Sandvík og
niður dalinn að austanverðu.
Bárðardalurinn er falleg sveit,
víða kjarri vaxin, með aflíðandi
brekkum og hálsum að austan-
verðu, en heldur hærri að vestan-
verðu.
Segir nú fátt af ferðum okkar,
þar til við komum til Mývatns
nema að við stoppum stutta stund
á Goðafossi, áður en lagt er í síð-
asta áfangann, en fossinn er ekki
skoðaður, þar sem til þess gefst
ekki tími.
í Mývatnssveit
Við komum í Reykjahlíð um
níuleytið um kvöldið, sem er um
tveim tímum síðar en áætlað var.
Ástæðurnar fyrir þvi voru meðal
annars þær, að þetta var fyrsta
ferðin af þessu tagi, farin til að
vígja þessa nýju áætlunarleið og
því var stöðvað víðar, en gert verð-
ur þegar um venjulega áætlun
verður að ræða.
Þegar til Reykjahliðar kom,
kom í ljós að hreppsnefndin í
Skútustaðahreppi, því að hrepps-
nefnd er þar þrátt fyrir að þarna
hafi skapast 550 manna byggðar-
kjarni, hafði ákveðið að halda
móttöku fyrir Guðmund Jónasson,
í tilefni af fyrstu áætlunarferðinni
milli Mývatnssveitar og Reykja-
víkur. Fyrst var þó haldið til verð-
andi gististaðar, svo að menn
gætu lagað sig til eftir ferðina.
Þegar það var gert, var undirrit-
uðum boðið i kynningarferð um
þorpið.
Af þeirri ferð mátti ráða, að
Reykjahlíð er þorp í vexti. Nýbúið
er að reisa mikil íþróttamann-
virki, bæði íþróttavöll og sund-
laug, eins og mönnum er að líkind-
um í fersku minni, því að sund-
laugin var vígð nú í vor. Jafnframt
sundlauginni var byggð bún-
ingsklefaaðstaða, sem einnig á að
nýtast í íþróttahúsi sem fyrirhug-
að er að reisa í nágrenni sundlaug-
arinnar. Þá er á næstunni fyrir-
hugað að hefjast handa um bygg-
ingu barnaskóla fyrir fjóra yngstu
bekkina, en eins og ástandið er nú,
þurfa börnin að sækja skóla út
fyrir bæinn. Allt eru þetta dýrar
framkvæmdir og taka sinn tíma,
fyrir ekki stærri byggð en þetta.
Þá mátti sjá nýreist hús, fyrir
ýmsa þá þjónustu sem hreppurinn
þarf að leysa af hendi. Þar eru
slysavarnarfélagið og björgunar-
sveitin til húsa, ásamt slökkvilið-
inu. Þar eru einnig áhaldahús
hreppsins og síðast en ekki síst,
skrifstofur hans.
Reykjahlíð fór ekki að byggjast
upp, fyrr en eftir 1967, þegar
rekstur Kísiliðjunnar fór í gang og
svo áframhaldandi með byggingu
Kröfluvirkjunar. Þá er ferðaþjón-
usta vaxandi atvinnugrein á
staðnum, enda Mývatnssveitin
rómuð fyrir nátúrufegurð. Þjón-
usta við ferðamenn hefur líka orð-
ið fjölbreyttari með árunum.
Að lokinni skoðunarferðinni um
plássið, var haldið á Hótel Reyni-
hlíð, þar sem móttakan skyldi
vera, í nýreistri viðbyggingu, sem
inniheldur bæði sal og viðbót við
herbergi hótelsins, en þessi við-
bygging gefur möguleika á að
haldnar séu ráðstefnur á hótelinu,
svo aðeins eitt sé nefnt, sem af
þessari viðbyggingu leiðir.
Arnaldur Bjarnason, sveitar-
stjóri Skútustaðahrepps, hélt smá
tölu og vakti athygli á, að þetta
væri sennilega fyrsta áætlunar-
ferðin milli Mývatns og Reykja-
víkur. Hann sagðist þekkja Guð-
mund Jónasson frá fornu fari að
góðu einu, og sagðist hlakka til
þessara samskipta við hann í
framtíðinni.
Guðmundur Jónasson tók til
máls og þakkaði góð orð í sinn
garð. Hann sagðist lengi hafa haft
ferðir af þessu tagi í huga, en ým-
islegt hefði valdið því, að af þeim
hefði ekki orðið fyrr en nú.
Segjum við svo þessa sögu ekki
lengri, en undirritaður þakkar
Guðmundi Jónassyni skemmtilega
ferð og Reykhlíðingum gestrisni
og hlýlegar móttökur.
H.J.
BUCHTAL
t600 1610
Eigum nú
fyrirliggj-
andi flestar gerðir af
hinum viöurkenndu
v-þýzku vegg- og
gólfflísum, fyrsta
flokks vara á viðráð-
anlegu verði.
•
Ath. að Buchtal-
flísarnar eru bædi
frostheldar og eld-
fastar.
, i , i' jí
(■ ,y /s ( / .
1100 9010 9020 1400 2120 9130
PORTO-Antik No 947 Abrasion gfoup iV
9066
Ótrúlega hagstæðir
greiðsluskilmálar, allt
niður í 20% útborgun
og eftirstöövar til allt
aö sex mánaða.
A»U að inngangurer
frá Sólvallagötu
Opið mánud.—fimmtud.
9—18 föstudaga 8—19
iTli byggingavobUri
VíaíJ Hringbraut 120, sími 28430
Komdu í IKEA eldhúsdeildina.
Þar sýnum við þér nokkur dæmi
um hvernig þitt eldhús gæti litið
út.
IIKEA eldhúsdeildinni fullvissar
þú þig um að góðar og glæsilega
hannaðar eldhúsinnréttingar
kosta ekki lengur stórfé!
HAGKAUP
Skeifunni15