Morgunblaðið - 04.09.1982, Side 2
2
MORGUNBLAÐIÐ, LAUGARDAGUR 4. SEPTEMBER 1982
Mikið um fisk-
sölur erlendis
— sjálfsbjargarviðleitni vegna núver-
andi aðstæðna, segir Kristján Ragnarsson
MIKIÐ er nú um aö íslenzk fiskiskip selji afla sinn erlendis og i ágúst á
þessu ári hafa rúmlega helmingi fleiri skip selt afla í Bretlandi og Þýzkalandi
en í sama mánuði í fyrra. í ágúst á þessu ári seldu alls 27 skip afla sinn þar,
alls 2.344 lestir, en á sama tima i fyrra aðeins 13 skip með samtals 1.391 lesL
l»ess ber þó að geta að í fyrra var nokkuð um sölur í Færeyjum, en þær eru
ekki skráðar hjá LÍÚ. Síðan á firamtudag og þar til i gær höfðu 12 skip selt
afla sinn í Bretlandi og Þýzkalandi og mikið er um sölubókanir á næstu
dögum samkvæmt þeim upplýsingum, sem Morgunblaðið fékk hjá Lands-
sambandi íslenzkra útvegsmanna.
Að sögn Kristjáns Ragnarsson-
ar, formanns LÍÚ, er skýringin á
auknum ferskfisksölum erlendis
aðallega sú, að markaðsverð í
Bretlandi hefur verið mun hærra
nú seinnipart sumars en undan-
farin ár og því hagkvæmni þess að
selja aflann erlendis meiri en áður
og er búizt við því að svo verði
áfram. Vegna þess hve fiskverðið
er miklu hærra erlendis en hér
heima, reyna menn að bjarga sér
þegar illa stendur á eins og nú
með því að selja erlendis og fá þá
einnig olíu á 40% lægra verði en
hér heima. Þá sagði Kristján að
hluti skýringarinnar á þessu væri
sá, að fiskvinnslustöðvar í Vest-
mannaeyjum hefðu verið lokaðar í
um það bil mánuð vegna sumar-
leyfa. Því neyddust útgerðaraðilar
til að bjarga sér með því að sigla
með aflann og eins væri það á
þeim stöðum, sem of mikill afli
bærist á land, því oft gengi seint
og erfiðlega að fá greitt fyrir afla
hér heima. Það væri þvi sjálfs-
bjargarviðleitni á erfiðum tímum
eins og nú að sigla með aflann.
Á fimmtudaginn seldu þrjú skip
afla í Bretlandi. Suðurey VE seldi
61,5 lestir í Hull. Heildarverð var
978.600 krónur og meðalverð 15,91.
Brimnes EA seldi einnig í Hull, 65
lestir. Heildarverð var 1.179.700
krónur, meðalverð 18,16. Þá seldi
Albert Ólafsson 34,2 lestir í
Grimsby. Heildarverð var 596.200
krónur, meðalverð 17,43. Á föstu-
dag seldi Sjávarborg 72,6 lestir í
Hull. Heildarverð var 1.139.500
krónur og meðalverð 15,69.
Á mánudaginn seldi Jóhann
Gíslason ÁR 68,2 lestir, mest ufsa
í Cuxhaven. Heildarverð var
652.800 krónur og meðalverð 9,57.
Á þriðjudag seldi Breki VE 227,4
lestir, mest karfa og ufsa í Cux-
haven. Heildarverð var 1.871.700
krónur og meðalverð 8,23. Þá seldi
Sunnuborg GK 139 lestir, þar af 43
lestir af ufsa í Grimsby. Heildar-
verð var 2.047.500 krónur og með-
alverð 14,73. Loks seldi Álsey VE
69,2 lestir, mest ýsu, í Hull á
þriðjudag. Heildarverð var 943.900
krónur og meðalverð 13,65.
Á miðvikudag seldi Bergur VE
64,9 lestir í Hull. Heildarverð var
803.600 krónur og meðalverð 12,39.
ísleifur VE seldi einnig á miðviku-
dag, 90,4 lestir í Grimsby. Heild-
arverð var 1.302.700 krónur, með-
alverð 14,42.
í gær seldi svo Bjarnarey VE
87,7 lestir í Hull. Heildarverð var
1.182.500 krónur og meðalverð
13,48. Gullberg VE seldi í Grimsby
í gær samtals 79,2 lestir. Heildar-
verð var 1.158.400 krónur og með-
alverð 14,62.
Bæ Höfðaströnd:
Hákarl með ógotinn
kálf kom í silunganet
B*“, HöfdmMtrönd 3. Heptember.
í INNHLUTA Skagafjarðar er
heyskap að mestu lokið með góðum
árangri en í úthéraði er þetta mjög
misjafnt, yfirleitt minni hey og all-
víða nokkuð úti. Arfl var þar mikill í
túnum og kal nokkurt, bæði gamalt
og nýtt. Sumarið má þó teljast all-
gott, að minnsta kosti í framhéraði.
Berjaspretta er góð og kartöflu-
uppskera mjög sæmileg. Það vakti
óhug hjá gömlu fólki að allir
sumarfuglar voru farnir fyrir
miðjan ágúst enda haustar nú
snemma og snjór er niður að bæj-
um. Frost hafa þó ekki skemmt
mikið ennþá og á mörgum stöðum
hugsa menn til einhvers seinni
sláttar, sérstaklega þar sem borið
var á eftir fyrri slátt.
Það þóttu óvanaleg tiðindi að að
minnsta kosti fjögurra metra
langur hákarl kom í silunganet og
náðist. Var hann með aðeins ógot-
inn kálf í sér. Sjálfur hafði hann
vafið netinu utan um sig og drep-
izt. Elztu menn muna ekki eftir að
slíkt hafi komið fyrir áður.
Fiskafli á Skagafirði er mjög
tregur en verður þó vart. Togarar
eru á skrapveiðum og hafa aflað
vel, en afraksturinn er vægast
sagt slæmur. í uppbyggingu eru í
Skagafirði á þremur stöðum dval-
arheimili fyrir aldraða, á Sauð-
árkróki er byggt lang stærst enda
mikil þörf þar sem á annað hundr-
að manns eru á biðlista og sjúkra-
húsið á Sauðárkróki alltaf yfir-
fullt. Heilsufar er þó talið sæmi-
legt og aldur gamals fólks fer
hækkandi, líklegast vegna góðrar
læknisþjónustu.
Björn
Skólarnir að hefja vetrarstarfið
Nú eru skólar að hefja vetrarstarfið og að venju mikil ös í bóka- og ritfangaverzlunum. Þessi mynd var tekin í
Pennanum við Hallarmúla síðdegis í gær. Verzlunin er 50 ára um þessar mundir og af því tilefni veitir hún
skólafólki 10% afslátt af ýmsum skólavörum.
Furðulegt að sjávarútvegs-
ráðherra skyldi gleyma
málefnum útgerðarinnar
— segir Kjartan Jóhannsson, formaður Alþýðuflokksins
„ÉG vil nú segja það fyrst, að það er
mjög alvarlegt mál ef til þess kemur
að sjósókn stöðvist og það verður að
vona hið lengsta að svo verði ekki.
En hitt er annað, að sé miðað við
yfirlýsingar sjávarútvegsráðherra
allar götur siðan í sumar um tap-
rekstur útgerðarinnar og þörf á sér-
stökum stuðningsaðgerðum, sem
hann lofaði henni til handa, þá kem-
ur ályktun trúnaðarmannaráðs LÍÚ
um stöðvun skipastólsins ekki á
óvart,“ sagði Kjartan Jóhannsson,
alþingismaður, er hann var inntur
álits á stöðunni í sjávarútveginum.
„í ljósi margs konar yfirlýsinga
og loforða sjávarútvegsráðherra á
undanförnum mánuðum er hins
vegar furðulegt, að hann skyldi
gleyma málefnum útgerðarinnar
þegar bráðabirgðaráðstafanir rík-
isstjórnarinnar voru ákveðnar. Ef
marka má gögn frá ríkisstjórninni
og opinberum stofnunum er mikið
tap á útgerðinni. Það er athyglis-
vert að sú tala, sem er nefnd um
tap, samsvarar nokkurn veginn
þeirri afkomurýrnun sjómanna og
útgerðar, sem rekja má til inn-
flutnings ríkisstjórnarinnar á
fiskiskipum. Það óheillaspor ríkis-
stjórnarinnar, að leyfa innflutn-
ing á fiskiskipum að nýju eftir að
ég hafði stöðvað hann í tíð minni
sem sjávarútvegsráðherra, ætlar
að reynast hörmulega dýrkeypt.
Sá reikningur fyrir óstjórn í þess-
um málaflokki og fleirum og
ofveiði, sem ríkisstjórnin sendi
þjóðinni nýverið með bráðabirgða-
lögum, virðist ekki vera fullbúinn
enn samkvæmt þessu.
Alþýðuflokkurinn varaði við því
í nýlegri flokksstjórnarsamþykkt,
að ráðstafanir ríkisstjórnarinnar
myndu ekki leysa efnahagsvand-
ann og benti á að atvinnulíf og
atvinnuöryggi stæði höllum fæti.
Nýjustu atburðir sýna að þetta
var sízt ofmælt," sagði Kjartan
ennfremur.
Húsnæðismálastofnim ríkisins:
Hætta á að sjóðirn-
ir geti ekki staðið
við lánveitingar
Verkalýðsráð Sjálfstæðisflokksins:
Mótmælir harðlega kaupráns-
lögum ríkisstjórnarinnar
Á FUNDI framkvæmdastjórnar
Verkalýðsráðs Sjálfstæðisflokks-
ins þ. 1. sept. 1982 var samþykkt
samhljóða eftirfarandi ályktun:
Verkalýðsráð Sjálfstæðis-
flokksins mótmælir harðlega
þeim kaupránslögum, sem ríkis-
stjórnin hefur sett. Verkalýðs-
ráð lýsir furðu sinni á þeirri lít-
ilsvirðingu, sem verkalýðshreyf-
ingunni og verkafólki í landinu
er sýnd með ógildingu á nýgerð-
um hógværum kjarasamningum
og svikum varðandi samráð um
málefni launþega.
Verðalýðsráð Sjálfstæðis-
flokksins vekur athygli á því að
ekkert lát virðist vera á kaup-
ráni stjórnvalda. Þessi lagasetn-
ing er aðeins nýjasta útgáfa
ráðherraaðgerða sem skert hafa
laun verkafólks um 40% frá 1.
desember 1978. Á sama tíma
hafa stjórnvöld hækkað skatta,
beina og óbeina, sem nemur 20
þúsund krónum á hverja 5
manna fjölskyldu í landinu eða
sem svarar 3ja mánaða launum
verkafólks.
Verkalýðsráð Sjálfstæðis-
flokksins krefst þess að Alþingi
verði kallað saman nú þegar og á
það látið reyna hvort nýsett
bráðabirgöalög hljóti staotest-
ingu.
— segir Olafur Jónsson
„ÞAÐ ER EKKI hægt að segja að úr
hafi ræst enn þá. Við vonum að það
gerist á haustmánuðum, en fyrir því
höfum við enga vissu, en lífeyris-
sjóðir hafa jafnan keypt lítið af
skuldabréfum yfir sumarmánuð-
ina,“ sagði Olafur Jónsson, formað-
ur stjórnar Húsnæðismálastofnunar
ríkisins í samtali við Morgunblaðið,
en hann var spurður hvort fjárhags-
vandi stofnunarinnar hefði minnk-
að.
„Lífeyrissjóðirnir keyptu óvenju
lítið í ágústmánuði, þeir keyptu
skuldabréf fyrir aðeins 8,6 millj-
ónir af báðum byggingarsjóðum
Húsnæðismálastjórnar, — Bygg-
ingarsjóði verkamanna og Bygg-
ingarsjóði ríkisins. Það er veru-
lega minna en í fyrra, og minna en
áætlað var að þeir keyptu á þessu
ári, en búist var við að lífeyris-
sjóðirnir keyptu skuldabréf fyrir
um 13,6 milljónir í ágústmánuði,"
sagði Ólafur.
„Því er hætta á að sjóðirnir geti
ekki staðið við lánveitingar á síð-
ustu mánuðum þessa árs. Hús-
næðismálastjórn hefur gert
stjórnvöldum grein fyrir þessum
vanda og segja má að hann sé þar
í athugun, en úrræði hafa ekki
birst enn þá. Sjórnvöld hafa fullan
skilning á því að hér er um veru-
legan vanda að ræða og á honum
verður tekið. Að vísu hefur lítilsh-
áttar úrlausn fengist með bráðab-
irgðalögunum og má áætla að
Byggingarsjóður ríkisins fái þar
nokkrar tekjur á þessu ári, en það
leysir ekki þennan vanda,“ sagði
Ólafur Jónsson.
Tveir slös-
uðust
TVEIR menn slösuðust nokkuð er
vélhjól, sem þeir voru á lenti framan
á sendiferðabifreið í Stórholti
seinnipart gærdagsins.
Slysið varð með þeim hætti að
fullorðinn maður með 12 ára
dreng aftan á hjólinu ók vestur
Stórholt. Sendiferðabíl, sem ekið
var austur Stórholt, var sveigt í
veg fyrir þá. Skullu vélhjólsmenn
því framan á bifreiðina og slösuð-
ust nokkuð, en eru ekki taldir í
lífshættu. ökumaður bifhjólsins
var með hjálm en ekki drengurinn.