Morgunblaðið - 11.09.1982, Blaðsíða 44

STEINAKRÝL
- málningin sem andar
Sími á ritstjórn og skrifstofu:
10100

LAUGARDAGUR 11. SEPTEMBER 1982
Stöðvun flotans gekk í gildi á miðnætti:
Fyrstu togararnir
stöðvast um helgina
Einkennilegt að sjávarútvegsráð-
herra hlaupi úr landi þegar mest
ríður á, segir Guðmundur Karlsson
ÁlllíIKA af stöðvun fiskiskipaflotans er nú þegar fariö að gæta og nú um
helgina og á mánudag munu tveir togarar stöðvast. Annar þeirra, Drangey
SK I, frá Sauðárkróki, kemur úr slipp í dag og í hinum, Bessa IS 410 frá
Súðavík, bilaði spildæla á fimmtudag og viðgerð tókst ekki að Ijúka fyrir
miðnættið í gær vegna þess að ný dæla var ekki til í landinu. Þessi skip
munu því ekki halda til veiða fyrr en lausn á vanda útgerðarinnar hefur
fundizt. Þá er það Ijóst að skip stærstu útgerðaraðilanna fara að stöðvast í
upphafi næstu viku.
„Kr þessi brottför ekki bara eins
og venjulegt gönuhlaup og ving-
ulsháttur Steingríms? Ég geri þó
ráð fyrir því að fjarvera hans gæti
breytt einhverju. Auðvitað hlýtur
það að hafa meginþýðingu hvort
sá maður, sem fer með ákvörð-
unarvaldið, sé hér eða ekki. Það
eru ákaflega einkennileg vinnu-
brögð, að sá maður sem hefur
mest völd og aðstæður til að leysa
þessa deilu, skuli hlaupa úr landi
þegar mest ríður á,“ sagði Guð-
mundur Karlsson, framkvæmda-
stjóri Fiskiðjunnar hf. í Vest-
mannaeyjum, er Morgunblaðið
innti hann álits á vilja stjórnvalda
til að leysa vanda útgerðarinnar.
„Ef af stöðvun verður, stöðvast
auðvitað allur rekstur og það hef-
ur gífurleg áhrif á stað eins og
Vestmannaeyjar. Það, sem gerir
útlitið enn verra, er það, að við
höfum haft þá venju síðustu tvö
árin að vera með frí í ágústmánuði
og hefur fólk lítið við að vera þann
tíma og ef nú kemur aftur stöðvun
gæti það orðið býsna erfitt hjá
mörgum. Stöðvun flotans, ef af
henni verður, mun hafa gífurleg
áhrif á fjárhagslega afkomu
frystihúsanna, þau hafa ekki af
neinu af gorta í dag meðan þau
eru rekin á hinu margfræga núlli
og þess gætt vandlega að þau
græði ekki. Gróði er bannorð í
þessu landi.
Það er greinilegt að bátarnir
ætla að reyna að sigla með afla
sinn á næstunni, aðstæður reka þá
til þess. Einhvern veginn verða
þeir að bjarga sínu skinni, en það
skýtur óneitanlega dálítið skökku
við, að útgerðarmenn ætli að láta
sigla með afla meðan verkafólk
situr verkefnalaust í landi. Það
mun hafa gífurleg áhrif, bæði
fyrir landverkafólkið og frystihús-
in.“
Hvað með þá umsögn Kristjáns
Ragnarssonar, að útgerðarmenn
standi ekki í þakkarskuld við fisk-
vinnsluna fyrir að loka frystihús-
unum í heilan mánuð?
„Eins og ég sagði áðan hefur
þetta fyrirkomulag staðið yfir í
tvö ár. Við lokuðum upphaflega
vegna vandkvæða í rekstri 1980,
en síðan teljum við að þetta hafi
komið sæmilega út fyrir frysti-
húsin og lokunin hefur verið í
fullu og góðu samráði við verka-
lýðsfélögin í Vestmannaeyjum,
auglýst með nægum fyrirvara og
algjörlega athugasemdalaust af
útgerðinni. Þetta fyrirkomulag er
alltaf til endurskoðunar, en hvort
það verður áfram ætla ég ekki að
tjá mig um,“ sagði Guðmundur.
„Vonbrigöi okkar útvegsmanna
eru mikil vegna þess, að ekki skuli
hafa verið unnið betur að því að
leysa málið á þeim tímafresti sem
við gáfum. Samstaða útgerðar-
manna er mikil og stöðvunin er
þegar farin að hafa áhrif og valda
erfiðleikum og þeir erfiðleikar
fara dagvaxandi strax eftir helgi
og enda með algjörri stöðvun helg-
ina þar á eftir. Því á maður sér þá
ósk heitasta, þegar þessi vika er
liðin, að sú næsta verði betri og
eitthvað verði gert þá,“ sagði
Kristján Ragnarsson, formaður og
framkvæmdastjóri LÍÚ, er Mbl.
innti hann eftir stöðu mála í gær.
Bjarki Tryggvason, fram-
kvæmdastjóri Útgerðarfélags
Skagfirðinga, sem meðal annars
rekur togarann Drangey, sagði í
samtali við Morgunblaðið í gær,
að Drangey hefði verið i slipp i
Vestmannaeyjum og losnaði ekki
þaðan fyrr en í dag. Veiðarfærin
væru á Sauðárkróki, þannig að
vonlaust væri að koma skipinu á
veiðar fyrir stöðvun. Bjarki tók
einnig fram, að ekki væri að sak-
ast við slippinn í Vestmannaeyj-
um, því um það hefði verið samið
að viðgerð skipsins lyki á laugar-
dag, enda hefði þá ekki verið vitað
um stoppið. Þá sagði Bjarki, að
hann teldi nauðsynlegt að stöðva
flotann, ef ekki væri hægt að fá
neina leiðréttingu á annan hátt,
en hann hefði kosið að stjórnvöld-
um hefði verið gefinn lengri frest-
3gWSmmmZZZZ*
Júpíter i strandstað kl. 17 í gærdag, rétt við flugvöllinn.
ísafjörður:
Morgunbl*ðið/Úlf*i
Júpíter strandaði
á Skipeyrarrifi
ísafirdi, 10. september.
TOGARINN Júpíter RE 161 var á
leið inn til ísafjarðar um kl. 15.30 í
dag. Sigldi hann þá í strand á Skip-
eyrarrifinu inn af rennunni sem ligg-
ur inn á Pollinn. Þegar skipið
strandaði, var flæði og er ekki reikn-
að með að það komist á flot aftur
fyrr en á flóðinu í nótt.
Skipstjórinn á Júpíter tók ekki
hafnsögumann um borð, sem þó er
skylda í ísafjarðarhöfn og hafði
ekkert samband haft við hafnar-
yfirvöld á Isafirði um kl. 19, nema
til að spyrja um hvenær næsta
flæði yrði. Skipið lokar ekki inn-
siglingunni og komust Isafjarð-
artogararnir því á sjó í dag, þrátt
fyrir óhappið, en eins og kunnugt
er stöðvast fiskiskipaflotinn á
miðnætti.
Varðskip liggur hér fram á
Prestabuktinni, en ekki er vitað til
að togarinn hafi haft samband við
varðskipsmenn til að biðja um að-
stoð. Þess má geta í lokin, að fjöldi
skipa hefur strandað á þessum
stað á síðustu árum. úlfar.
Evrópumarkaðir
yfirfullir af síld
NORSKA blaðið „Fiskaren" skýrði
frá því í forsíðufregn í síöustu viku.
Aukin umferð sovézkra
herflugvéla við ísland
UMFERÐ sovézkra herflugvéla i nágrenni íslands hefur aukizt um
106,7% á síðustu 5 árum, en heildartölur eru til yfir ferðir þeirra hér við
land. Á árinu 1977 voru sovézkar herflugvélar 60 sinnum á ferðinni við
landið, en á síðasta ári, 1981, sem tölur ná yfir, komu þær 124 sinnum i
nánd við landið.
Það er hlutverk varnarliðsins
að fylgjast með ferðum þessara
flugvéla og til ágústloka þetta ár
hafa sovézku herflugvélarnar
komið 103 sinnum upp að land-
inu. Er það fimm skiptum færra
en á fyrstu átta mánuðunum í
fyrra, þ.e. árið 1981. í september
það ár komu sovézku flugvélarn-
ar hins vegar 8 sinnum að land-
inu, en tölur fyrir september nú,
þótt aðeins sé liðinn þriðjungur
mánaðarins, gefa til kynna, að
um talsverða fjölgun sé að ræða
frá fyrra ári, þar eð mun fleiri
flugvélar hafa komið nú en þess-
ar 8, sem komu allan september
i fyrra.
Mest aukning á ferðum sov-
ézkra herflugvéla varð milli ár-
anna 1977 og 1978, en þá varð
aukningin 100%. Síðan hefur
umferðin verið svipuð ár frá ári,
minnst á árinu 1980, eða 119
flugvélar.
að miklir erflðleikar séu á því að
sclja síld þá sem ráðgert er að veidd
verði á komandi haustvertíð við
Norður-Noreg, þ.e.a.s. síld úr norsk-
íslenzka stofninum.
„Útlitið er ekki glæsilegt," segir
Per Myrdal, sölustjóri hjá „Feit-
sildfiskerens Slagslag" í viðtali við
blaðið. Evrópa er yfirfull af síld og
verðið mjög lágt. í Skotlandi fara
aðeins 10% afíans til manneldis
en 90% verða að fara til bræðslu
vegna markaðsskorts og í Dan-
mörku hafa veiðar verið stöðvaðar
í bili, að sögn Myrdals.
En hvernig eru horfur með sölu
á þeim 50 þúsund lestum sem ráð-
gert er að veiða á síldarvertíðinni
hér við land?
Morgunblaðið lagði þessa
spurningu fyrir Gunnar Flóvenz,
framkvæmdastjóra Síldarútvegs-
nefndar, og birtist viðtal við hann
á bls. 2.