Morgunblaðið - 29.09.1982, Síða 17

MORGUNBLAÐIÐ, MIÐVIKUDAGUR 29. SEPTEMBER 1982
17

Hluti undirbúningsstjórnar að störfum á heimili Guómundar Emilssonar. Frá vinstri: Dr. Þorsteinn Hannesson, dr. Ingjaldur Hannibalsson,
Guómundur Emilsson, Hafsteinn Guómundsson, Sesselja Halldórsdóttir og Siguróur I. Snorrason. MorRunblaðift/Kristján Einarsson.
íslenska hljómsveitin:
Átta tónleikar
SVO sem kunnugt er af fréttum
var í haust stofnuð ný hljóm-
sveit hér á landi, Islenska hljóm-
sveitin. Mun það hafa verið Guð-
mundur Emilsson, hljómsveitar-
stjóri, sem hvað mest hefur beitt
sér fyrir stofnun þessarar nýju
hljómsveitar. Búið er að skipu-
leggja vetrarstarfsemi Islensku
hljómsveitarinnar; það stendur
til að halda átta tónleika, sjö í
Gamla bíói en jólatónleikana í
Háskólabíói. Verða fyrstu tón-
leikarnir 30. október og bera þeir
yfirskriftina „Austurríki — höf-
uðból tónlistarinnar". Annars
geta menn fengið nánari upplýs-
ingar um starfsemi vetrarins í
í
kynningarbæklingi sem íslenska
hljómsveitin hefur látið útbúa.
Hljómsveitin hefur ekki opin-
bert aðsetur enn sem komið er,
en veitir allar upplýsingar um
starfsemina og selur áskrift-
arskírteini í síma 24972 milli kl.
9.00 og 12.30 dag hvern.
vetur
Morgunblaðið hafði samband
við tvo menn sem starfa í undir-
búningsstjórn hljómsveitarinn-
ar, þá Hafstein Guðmundsson
fagotleikara, og dr. Ingjald
Hannibalsson iðnaðarverkfræð-
ing hjá Félagi íslenskra iðnrek-
enda, og fara viðtöl við þá hér á
eftir.
„Frelsi er listinni nauðsyn“
— segir dr. Ingjaldur Hannibalsson
— Nú ert þú ekki tónlistarmað-
ur að atvinnu Ingjaldur, hvert hef-
ur verið þitt hlutverk í undirbún-
ingsstjórninni?
„Það eru skipulagsmálin fyrst og
fremst. Ég er iðnaðarverkfræðing-
ur að mennt og á því að heita sér-
fræðingur í skipulagningu á
rekstri fyrirtækja."
— Þið hafið lýst því yfir að ekki
standi til að falast eftir opinberri
aðstoð við rekstur hljómsveitar-
innar. Og það hefur líka komið
fram að þetta er ekki áhuga-
mannahljómsveit. m.ö.o. það á að
greiða tónlistarfólkinu fyrir sína
vinnu. Hvernig hafiði hugsað ykk-
ur að tryggja fjárhagsgrundvöll
hljómsveitarinnar?
„Það hefur verið gerð kostnað-
aráætlun fyrir fyrsta starfsvetur-
inn og samkvæmt henni verður
rekstrarkostnaður hljómsveitar-
innar um 1,2 milljónir kr.; þ.e.a.s.
laun, húsaleiga, útgáfa bæklinga
o.fl.
Við reiknum með að tekjur af
sölu aðgöngumiða standi undir
helmingnum af þessum kostnaði,
sala á flutningsrétti greiði 25%
kostnaðar, og þau 25% sem á vant-
ar vonumst við til að fá með frjáls-
um framlögum frá fyrirtækjum og
almenningi."
— Hvernig þarf aðsóknin að
vera til að dæmið gangi upp?
„Hundrað prósent!"
— Er ástæða til að ætla að að-
sóknin verði svo góð?
„Við stefnum að því að selja sem
mest af áskriftarskírteinum, helst
475. Eftir fyrstu tvo sölumorgnana
hafa selst 75 skírteini, sem er 15%
af því sem við vonumst til að selja.
Það gefur tilefni tii bjartsýni. Auk
þess virðist áhugi almennings fyrir
hljómsveitinni vera mikill."
— Hvers vegna er lögð þessi
ríka áhersla á að leita ekki eftir
Dr. Ingjaldur Hannibalsson
opinberri aðstoð? Er það hug-
sjónamál?
„Að hluta til er það hugsjónamál
hjá okkur að reyna að reka þetta
sjálf og með hjálp fyrirtækja og
almennings. Slíkt tíðkast víða er-
lendis, og við viljum láta á það
reyna hvort þetta geti ekki gengið
hér líka.
I annan stað mátum við stöðuna
þannig að ekki væri raunhæft að
fara þess á leit við ríkið að það
styddi við bakið á okkur. Aðstæð-
urnar í þjóðfélaginu gefa ekki
beint tilefni til þess að ríkið sé að
leggja peninga í fyrirtæki eins og
þetta, a.m.k. ekki á meðan það er
enn í burðarliðnum."
— Segjum nú að hljómsveitin
kæmi út úr þessum áætluðu átta
tónleikum með umtalsverðu tapi,
hvað verður þá tekið til bragðs?
Verður hljómsveitin lögð niður eða
kemur þá til greina að leita til
opinberra aðila?
„Við trúum því að þetta gangi.
Það er vilji fyrir því í landinu að
listastarfsemi sé rekin á frjálsum
grundvelli. En ef illa fer er ekkert
annað að gera en að taka því. Við
munum bera skaðann sjálf og ekki
fara fram á aðstoð hins opinbera.
En eins og ég sagði, þetta á að
geta gengið upp; listir eru í raun-
inni á sama báti og atvinnulíf hvað
það varðar að þær þrífast best í
frelsi. En það þarf auðvitað dugn-
að til.“
„Verðum með ýmsar nýj-
ungar á tónleikum vetrarins“
— segir Hafsteinn Guðmundsson fagottleikari
— Hvers konar hljómsveit er hér
um að ræða, Hafsteinn? Er þetta
sinfóníuhljómsveit í hefðbundnum
skilningi þess orðs eða eitthvað ann-
að?
„íslenska hljómsveitin er auðvitað
í vissum skilningi sinfóníuhljóm-
sveit. Það verða t.d. allt upp í 45
hljóðfæraleikarar í henni. En hún er
alls ekki hefðbundin. Við komum til
með að leika talsvert af kammertón-
list, og öðrum verkum fyrir fá hljóð-
færi, jafnvel eitt. Þannig að verksvið
okkar er nokkuð mikið víðara en
gildir um hefðbundnar sinfóníu-
hljómsveitir."
— Það er að sjá á efnisskrá ykkar
fyrir veturinn að þið eruð með ýmsar
nýtískulegar hugmyndir varðandi
tónleikahald.
„Já, við munum brydda upp á ýms-
um nýjungum. Það má nefna blönd-
un listforma. Á tónleikunum verður
boðið upp á sýningar á listdansi,
kvikmyndasýningar, lestur ljóða-
flutning erinda o.fl.
Svo hafa hverjir tónleikar ákveðna
yfirskrift, sem tengir efni þeirra
saman. Þannig mynda tónleikarnir
sterkari heild og fólk skynjar ákveð-
ið samhengi á milli þeirra verka sem
flutt verða í hvert sinn. Við munum
fá rithöfunda og myndlistarmenn til
að vinna efnisskrá hverra tónleika út
Hafsteinn Guðmundsson
frá þessari yfirskrift. T.d. munu
grafíklistamenn gera forsíðumynd
fyrir hvert prógramm og er ætlunin
að veggmyndir af þessari forsíðu
verði seldar á tónleikunum.
Enn eitt má nefna. Eftir hverja
tónleika verður áheyrendum gefinn
kostur á að hitta tónlistarfólkið yfir
kaffiveitingum og spjalla við það um
tónleikana eða hvaðeina. Þetta ætti
að vera báðum aðilum til góðs, auka
sambandið og vera jafnframt vett-
vangur fyrir gagnrýni og skoðana-
skipti.“
— Eruð þið með þessari margvís-
legu nýbreytni e.t.v. að reyna að
höfða til annars hóps en þess sem
venjulega sækir tónleika Sinfóníu-
hljómsveitar íslands?
„Bæði og. Það er mjög líklegt að
verkefnavalið og þessi margvíslega
„tilraunastarfsemi" okkar veki
áhuga hjá fólki sem annars er ekki
vant að sækja sinfóníutónleika. En
ég er sannfærður um hitt, að fyrir
flest það fólk sem stundar tónleika
Sinfóníuhljómsveitar íslands verða
tónleikar íslensku hljómsveitarinnar
kærkomin viðbót og tilbreyting."
Við
skráargatið
Fyrsta bók Sæmundar
Guðvinssonar
„VID SKRÁARGATIÐ" nefnist ný
bók eftir Sæmund Guðvinsson, sem
væntanleg er frá Bókaútgáfunni
Vöku nú innan skamms. Að sögn
Olafs Ragnarssonar bókaútgefanda
er hér um að ræða eins konar dag-
bókarbrot, þar sem höfundur lýsir
ósköp venjulegri fjölskyldu í Reykja-"
vík nútímans, lífi hennar og amstri
frá degi til dags.
„Höfundur hugsar sér að hann
sjái inn um skráargatið hjá ein-
hverri ótilgreindri fjölskyldu,"
sagði Olafur, „og hann lýsir því
sem þar ber fyrir augu, og vænt-
anlega munu flestir sjá eitthvað af
sjálfum sér í þeim lýsingum. Þetta
eru í rauninni stuttar smásögur,
sem þó tengjast innbyrðis í tíma
og með þeim persónum er við sögu
koma, þetta form er eiginlega mitt
á milli smásagnasafns og skáld-
sögu.“
Þetta er fyrsta bók Sæmundar
Guðvinssonar, sem nú starfar sem
fréttafulltrúi hjá Flugleiðum hf.,
en var lengi blaðamaður og síðast
fréttastjóri Vísis og Dagblaðsins
og Vísis. Þá hefur hann ritað
fjölda þátta í blöð og tímarit, en
þeir þættir er nú birtast í hans
fyrstu bók hafa ekki komið út áð-
ur.
Hvalvertíðinni lokið:
352 hvalir
á 100 dögum
HVALVERTÍD lauk að þessu sinni
síðastliðinn mánudag og var það 35.
hvalvertíðin í röð. Vertíðin stóðí 100
daga eða frá 19. júni til 27. september
og alls veiddust 352 hvalir. Af lang-
reyði veiddust 194 hvalir, eða það
sem veiða mátti. Af búrhval veiddust
87 og var það einnig það sem veiða
mátti. Af sandreyði veiddist 71 hval-
ur, en hámarkið er 100 hvalir árlega,
eða 84 hvalir ár hvert frá 1980 til
1985.
Að sögn Kristjáns Loftssonar,
forstjóra Hvals hf., gekk vertíðin
vel nú að undanskildu því, að mikið
var um brælu í ágúst og september
og hamlaði hún veiðum nokkuð. Þá *
sagði hann, að vertíð hefði verið
hætt nú án þess að fylla sandreyð-
arkvótann, þar sem fremur lítið
hefði verið um hana nú. Þá sagði
Kristján, að sala afurða hefði geng-
ið vel, einkum frystra. Lágt verð
væri nú á mjöli og lýsi og því væri
aðaláherzlan lögð á frystu afurð-
irnar.
í fyrra stóð hvalvertíðin í 90
daga og veiddust þá alls 397 hvalir,
254 langreyðar, 40 búrhvalir og 100
sandreyðar. Samkvæmt samþykkt
Alþjóða hvalveiðiráðsins frá þessu
ári verður aðeins leyfilegt að veiða
267 stórhveli hér við land, 167 lang-
reyðar og 100 sandreyðar, en
búrhvalurinn verður alfriðaður.
Reykjavíkurflugvöllur:
Ný slökkvi-
liðsbygging
ÁÆTLAÐ er aö hefjast handa um
byggingu nýrrar slökkviliðsbyggingar á
Keykjavíkurflugvelli nú í haust. Þarna
er um 600 fermetra stálgrindarhús aö
ra-öa, klætt utan með járni og gert er
ráð fyrir því viö hönnun hússins, að
hægt veröi að færa það, ef til kemur.
Húsið verður suður af flugturninum,
við Flugskóla Helga Jónssonar.
Að sögn Gunnars Sigurðssonar,
flugvallarstjóra á Reykjavíkurflug-
velli, gera menn sér vonir um að
byggingin verði tekin í notkun á
næsta ári, en það er háð því að næg
fjárveiting fáist. Núverandi húsnæði
slökkviliðsins eru 40 ára gamlir
braggar, sem dæmdir hafa verið
óhæfir til notkunar af Vinnueftirliti
ríkisins.