Morgunblaðið - 05.02.1983, Blaðsíða 21

MORGUNBLAÐIÐ, LAUGARDAGUR 5. FEBRÚAR 1983
21
Haukur Oskarsson (t.h.) og Bjarni Jónsson.
ngs skiptar
stjórnvöld sem ég óttast, heldur al-
menningur. Bandaríkjamenn eru sam-
heldin þjóð og við ættum að forðast
það að styggja þessa þjóð, það gæti
reynst okkur dýrkeypt. Það er um að
gera að láta afstöðu sína ekki mótast
af einhverjum prinsipum í svona máli,
heldur sætta sig við staðreyndirnar og
taka á málinu af raunsæi og skyn-
serni."
Skil ekki afstöðu
Alþýðubandalagsins
„Þessir menn sem hafa verið að
stunda hvalveiðar segja að nóg sé af
hval. Það er kannski ekkert að marka
þeirra orð, ég veit það ekki, en þeir
ættu þó alla vega að vera málinu kunn-
ugir,“ sagði Hafsteinn Ólafsson leigu-
bilstjóri hjá Steindóri. „Raunar finnst
mér fáfengilegt af alþingismönnum að
láta þvinga sig til að mótmæla ekki.
Það ber vott um furðulegt ósjálfstæði.
Og ég hreinlega botna ekkert í afstöðu
Alþýðubandalagsins, eina flokksins
sem er samtaka í þesáu máli, að þeir
skuli núna allt í einu vera manna fús-
astir til að lúta vilja Bandaríkjanna."
A ekki að veiða hval í hundamat
„Það er aumt að þurfa að láta undan
þessum þrýstingi, en kannski er það ill
nauðsyn,“ sagði Hjördís Magnúsdóttir
sem vinnur í Ingólfsapóteki. Ég hef nú
ekki vit á því hvað hvalastofninn er í
mikilli hættu, en mér finnst sjálfsagt
að hafa talsvert aðhald á veiðunum,
hvort sem það er rétt að banna veiðar
alveg eða ekki. En mér finnst að
minnsta kosti óforsvaranlegt að veiða
hval í hundamat."
Hefði átt að reyna að fá frest
til að taka þessa ákvörðun
„Öll auðæfi sem menn nýta hljóta
alltaf að vera í einhverri hættu. Hvað
með þorskinn t.d., er hann ekki í bull-
andi hættu? Eigum við kannski að
hætta þorskveiðum ef einhverjum
öfgahópum í Bandaríkjunum dettur í
hug að heimta það?“ spurðu þeir
Haukur Óskarsson og Bjarni Jónsson,
en þeir eru báðir með því að mótmæla.
„I fyrsta lagi er það ekki nægilega
rannsakað hvort hvalurinn sé of-
veiddur eða ekki til að réttlætanlegt sé
að rasa svona um ráð fram í svo mikil-
vægu hagsmunamáli," sögðu þeir fé-
lagar, „í öðru lagi hefur hvalurinn
hvort sem er verið veiddur undir eftir-
liti undanfarið, og í þriðja lagi nær
engri átt að láta þrýstihópa ráða gerð-
um okkar í svona efnum. í öllu falli
finnst okkur vinnubrögð alþing-
ismanna bera vott um allt of mikla
fljótfærni, það er frumhlaup að af-
greiða málið svona. Það hefði átt að
reyna að fá frest og kynna málið betur
fyrir þjóðinni.“
Aumingjaskapur að mót-
mæla þessu ekki
í Sundlaug Vesturbæjar voru þrír
menn með ákveðnar skoðanir. Bjarni
Thoroddsen varð fyrstur fyrir svörum:
„Það er hreint út sagt aumingjaskapur
af alþingismönnum að mótmæla ekki
hvalveiðibanninu. Það er skammarlegt
að láta þvinga sig til að hætta einu
veiðunum sem bera sig í dag, loka
fyrirtæki sem ekki er síbetlandi, svipta
fjölda manns atvinnu sinni nú á þess-
um atvinnuleysistímum, fyrir nú utan
það hneyksli að láta amerískar kerl-
ingar segja sér fyrir verkum.
Það hefur verið gert allt of mikið úr
þessum hótunum Bandaríkjamanna.
Auk þess höfum við sýnt það áður að
við getum staðið á móti stórþjóðum.
En vissulega á að rannsaka hvala-
stofninn betur og meira en gert hefur
verið, það er sjálfsagt mál og hefði ver-
ið gert ef banninu hefði verið mót-
mælt. En nú er ég hins vegar hræddur
um að lítið verði úr rannsóknum þegar
enginn hvalur er veiddur hvort eð er.
Og þú mátt bæta því við að afstaða
Alþýðubandalagsins er að mínu mati
stórfurðuleg. Að þeir af öllum mönnum
skuli láta stjórnast af bandarískum
kerlingum er meira en ég fæ skilið."
I»etta er ekkert annað en póker
„Þetta er ekkert annað en póker,"
sagði annar sundlaugargestur, Magnús
Einarsson. „Það vantar upplýsingar til
að hægt sé að taka rökstudda ákvörðun
í málinu. Málið gengur út á það að spá
í viðbrögð Bandaríkjamanna. Á að
hætta á það að styggja þá, eða fórna
þessu peði fyrir lygnan sjó. Svo veit
enginn neitt um það hvort hvalurinn er
í hættu eða ekki.“
Hef ekki orðið var við
nokkra umræðu um málið
í Bandaríkjunum
Jón Bragi Bjarnason, þriðji sund-
laugargesturinn, tók undir það að það
vantaði gögn í þessu máli til að hægt
væri að fjalla um það af viti. En varð-
andi hugsanleg viðbrögð Bandaríkja-
manna við mótmælum á banninu sagði
Jón Bragi þetta: „Ég hef verið búsettur
í Bandaríkjunum sl. ár og aldrei nokk-
urn tíma hef ég orðið var við umræðu
um þessi mál. Ég er sannfærður um
það að 95—98% þjóðarinnar lætur sig
málið engu skipta, og hefði haldið
áfram að borða íslenskan fisk þótt
banninu hefði verið mótmælt."
Biblíudagurinn á morgun:
Nær 8 þúsund eintök
seld af nýju Biblíunni
ELSTA starfandi félag landsins, Hiö
íslenska Biblíufélag, stofnað 1815,
heldur árlegan Biblíudag sinn á
morgun. Kirkjan helgar þennan dag
Heilagri ritningu og starfi Biblíufé-
lagsins aö útbreiðslu hennar. Verður
tekið við fjárstuöningi til félagsins
við guðsþjónustur. Aðalfundur fé-
lagsins verður í Neskirkju og hefst
með guðsþjónustu kl. 14.00.
Ný útgáfa íslenzku Biblíunnar,
sem út kom í ágúst 1981, er nálega
uppseld og endurprentun væntan-
leg með vorinu. Mjög hefur verið
óskað eftir ýmsum sérútgáfum
Biblíunnar, sérst'aklega með
stærra letri fyrir sjóndapra. Verið
er að setja hér á landi sérútgáfu af
Nýja testamentinu og Davíðs-
sálmum í millistærð, sem Gideon-
félagar munu gefa skólabörnum.
Ennfremur er verið að prenta
Biblíuna alla 1 vasabroti, en ungt
fólk hefur spurt mikið eftir slíku
broti, segir í frétt frá Biskups-
stofu. Koma þessar bækur á
BIBLÍUDAGUR 1983
sunnudagur 6. febrúar
markað með haustinu, og verður
unnið að fleiri sérútgáfum eftir
því sem fjárhagur leyfir.
Á næsta ári eru liðin 400 ár frá
því Guðbrandur biskup á Hólum
gaf út fyrstu biblíuna á íslensku,
og 444 ár liðin frá því fyrsta bókin
kom út á íslenzku, Nýjatestament-
ið, sem Oddur Gottskálksson
þýddi í fjósinu í Skálholti. Væn-
tanlega kon\a þessar bækur út á
afmælisárinu á vegum Árnastofn-
unar og Lögbergs í samráði við
Biblíufélagið.
Meginhluti Biblíunnar hefur
verið lesinn inn á hljóðbönd og
fást snældur með því efni að láni í
Hljóðbókasafninu. Einnig eru
Biblíusnældur til sölu hjá Blindra-
félaginu.
Starfssvið Biblíufélagsins er
ekki aðeins að gefa Biblíuna út og
dreifa henni, heldur stuðla að
notkun hennar. Þess vegna dreifir
félagið nú ókeypis handhægum
pésa með lista yfir biblíulesefni
fyrir hvern dag ársins, og fæst
hann í kirkjum landsins. Starf
Biblíufélagsins er fjárfrekt, enda
verkefnin mörg, þó kostnaði sé
haldið í lágmarki. Byggir félagið
starf sitt á frjálsum framlögum og
í tilefni dagsins verður tekið við
fjárstuðningi við guðsþjónustur á
Biblíudaginn og í Guðbrandsstofu
í Hallgrímskirkju endranær, en
þar er skrifstofa Biblíufélagsins.
Biblían hefur nú verið gefin út á
1739 tungumálum.
Bush í Genf:
Mótstaða Sovétmanna einu
rökin gegn „núll-leiðinni“
(ienf, 4. feb. frá Önnu Bjarnadóttur,
fréttaritara Mbl.
GEORGE Bush, varaforseti
Bandaríkjanna, ávarpaði afvopn-
unarncfnd Sameinuðu þjóðanna
í Genf í Sviss í gær. Hann átti
síðan fund með samninganefnd-
um Bandaríkjamanna um kjarn-
orkuvopn áður en hann hitti að
máli bandarísku og sovésku að-
alsamningamennina í viðræðun-
um um meðaldrægar eldflaugar í
Evrópu og START-viðræðunum.
Viktor Karpov, aðalsamninga-
maður Sovétríkjanna í START-
viðræðunum, sagði fyrir fundinn
að hann myndi gíaður svara
spurningum Bush, en hann hefði
lítið við hann aö segja. Bush er
háttsettasti fulltrúi Bandaríkja-
manna sem hefur átt fund með
samninganefndum í Genf.
í ræðu sinni ítrekaði Bush
stefnu Ronalds Reagan forseta
í afvopnunarmálum og sagði
tillögur hans um verulegan
niðurskurð á langdrægum
kjarnorkuvopnum liggja á
samningaborðinu, auk „núll-
leiðarinnar“, á meðaldrægum
kjarnorkuflaugum í Evrópu.
Hann sagði allar tillögur Sov-
étmanna hingað til verið þess
eðlis að styrkja stöðu Sovét-
ríkjanna á kostnað vestrænu
þjóðanna. Hann sagði að
Bandaríkjámenn myndu þó
vera reiðubúnir að taka allar
• George Bush
tillögur Sovétmanna til alvar-
legrar athugunar. Bush gerði
einnig eiturefnahernað að um-
ræðuefni og gat þess að enn
væri slíkt stundað þrátt fyrir
blátt bann.
Eftir ræðu Bush tók fasta-
fulltrúi Sovétríkjanna í af-
vopnunarnefndinni til máls.
Hann minnti á tillögur Andro-
povs um kjarnorkuvopnalaust
svæði í Mið-Evrópu og benti á
orð hans um hugsanlega fækk-
un SS-eldflauga í viðtali sem
hann átti við Pravda fyrir
skömmu. Fulltrúinn sagði enn
fremur að Sovétmenn hefðu
ekki beitt eiturefnum í hernaði
í Afganistan og lygi yrði aldrei
að sannleika hversu oft sem
hún væri endurtekin.
Sviss er fjórða landið sem
Bush heimsækir i Evrópuferð
sinni, frá Genf fer hann til
Ítalíu, Frakklands og Bret-
lands. Rætt verður fyrst og
fremst um afvopnunar- og
kjarnorkuvopnamál. Leiðtogar
í Vestur-Evrópu segjast enn
styðja „núll-lausnina“. Bush
las bréf frá Reagan til íbúa
Vestur-Evrópu þar sem forset-
inn lýsti sig fúsan til að hitta
Andropov hvar og hvenær sem
er, til að undirrita samning um
algjört bann við meðaldrægum
eldflaugum á jörðinni allri.
Bush sagði auk þess í ræðu
sinni í Genf, að einu rökin
gegn „núll-lausninni“, og fyrir
því að Bandaríkjamenn hættu
við hana, væru þau að Sovét-
menn væru á móti henni.
Hann spurði hvað væri á móti
því að banna algerlega svo
hættuleg vopn.
Barðaströnd:
Bæir einangraðir
og snjóflóð féllu
Haróa.sirönd. 24. janúar.
HÉR gerði mikla úrkomu laugar-
daginn 22. janúar, og eins og víðar
á Vestfjörðuin urðu hér víða mikil
óþa'gindi af. Einangruðusl þrír
yztu ba'ir sveitarinnar í að
minnsta kosti tvo sólarhringa
vegna þess að Holtsá flæddi yfir
veginn. Var áin eins og haf að líta
við ba'inn Holt. Víða flæddi vatn
inn í íbúðarhús og peningshús.
Snjóskriða féll rétt hjá íbúðarhús-
inu í Hvammi og rann til sjávar.
Við urðum ' símasambands-
lausir svo erfiðlega gekk að ná
til almannavarna á Patreksfirði.
Ófært var til Patreksfjarðar og
mjög óvarlegt að fara Rakna-
dalshlíð fyrir gangandi menn
vegna snjóflóðahættu, sömuleið-
is Kleifaheiði að vestanverðu.
Að gefnu tilefni vil ég taka
fram að við Barðstrendingar
vorum tilbúnir að fara til Pat-
reksfjarðar og aðstoða við
björgun úr snjóflóðum, en eftir
að hafa náð sambandi við sýslu-
mann taldi hann þess ekki þörf,
en bað okkur að vera tilbúna ef
þyrfti og mundi hann þá senda
varðskip inn á ósa eftir okkur.
Vorum við samankomnir á
sunnudagsmorgun milli 20 og 30
menn af þeim sökum.
S.J.Þ.