Morgunblaðið - 16.03.1983, Síða 16

16
MORGUNBLAÐIÐ, MIÐVIKUDAGUR 16. MARZ 1983
I Ilfar Gudmundsson sóknarprestur á Eyrarbakka sýnir kirkjumuni, forsetinn
handleikur vandaðan kaleik.
Benedikt Sigvaldason, skólastjóri Héraðsskólans á Laugarvatni, ávarpar
gesti og heimafólk.
Flúðakórinn syngur undir stjórn Sigurðar Ágústssonar.
Óskar Magnússon skólastjóri sýnir forsetanum barnaskólann á Eyrarbakka.
Hópur nemenda fylgist með.
Sýslumaður Arnesinga, Andrés Valdimarsson, ávarpar forseta íslands í
veislu að Flúðum. Við hlið Vigdísar er sýslumannsfrúin, Katrín H. Karlsdótt-
ir, og Kjartan Helgason hreppstjóri Hrunamannahrepps.
Vigdís Finnbogadóttir ávarpar vistmenn á Litla-Hrauni, við hlið hennar
standa Jón F. Böðvarsson, settur forstöðumaður, og Frímann Sigurðsson
yfirfangavörður.
upp á fólk sem var allmargt komið
að Flúðum til að sjá og hitta þjóð-
höfðingja sinn.
Um miðnætti hélt Vigdís Finn-
bogadóttir að Eystra-Geldinga-
holti í Gnúpverjahreppi þar sem
hún gisti hjá vinum sínum, Jóni
Ólafssyni bónda þar og konu hans,
Margréti Eiríksdóttur. Tekið skal
fram að þau hjónin fylgdu forset-
anum meðan á þessari opinberu
heimsókn stóð í sýslunni.
í Eystra-Geldingaholti dvaldi
Vigdís sem barn og unglingur í
átta sumur hjá foreldrum Jóns,
sem bjuggu þar þá, þeim sæmd-
arhjónum ólafi Jónssyni og Pál-
ínu Guðmundsdóttur, svo að hún
er vel kunnug í Hreppunum.
Haldið til Skálholts
Um kl. 11 á sunnudagsmorgun
komu svo forsetinn og fylgdarlið í
hlað í Skálholti á síðari degi heim-
sóknarinnar um Árnesþing. Þar
tóku þeir séra Gylfi Jónsson
Skálholtsrektor og séra Guðmund-
ur Óli ólafsson sóknarprestur á
móti gestunum. Skálholtsdóm-
kirkja og Lýðháskólinn voru skoð-
uð og sagt var frá starfsemi skól-
ans. Þar var og snæddur hádegis-
verður með heimafólki í boði skól-
ans.
Klukkan 14 var guðsþjónusta í
Skálholtskirkiu, þar sem séra
Guðmundur Oli Ólafsson prédik-
aði en Skálholtskórinn söng, undir
stjórn Glúms Gylfasonar. Við-
staddir athöfnina voru vígslubisk-
up Skálholtsstiftis, séra Sigurður
Pálsson, og prófastur Árnespró-
fastsdæmis, séra Sveinbjörn
Sveinbjörnsson, ásamt konum sín-
um. Kirkjan var þétt setin.
Eftir guðsþjónustuna var haldið
til Aratungu þar sem boðið var til
kaffisamsætis í nafni Biskups-
tungnahrepps. Þar var saman-
komið mikið fjölmenni úr Tungum
og víðar að. Gísli Einarsson
oddviti í Kjarnholtum, bauð for-
seta og aðra gesti velkomna og
flutti stutta sveitarlýsingu og lýsti
búskaparháttum. Hann minntist
einnig á hina merku sögustaði
sveitarinnar og landnám hennar.
Þá færði hann forsetanum að gjöf
fágætar bækur sem eru frásögu-
þættir úr Biskupstungum. Guð-
mundur Þ. Gíslason, bóndi á
Torfastöðum, söng einsöng við
undirleik Glúms Gylfasonar og fé-
lagar úr Ungmennafélagi Biskups-
tungna sýndu atriði úr leikritinu
Járnhausnum eftir bræðurna Jón-
as og Jón Múla Árnasyni.
Forseti íslands þakkaði móttök-
ur með snjallri ræðu; sagði m.a. að
í sínum huga væri sól þó að ekki
hefði verið bjart yfir Árnesþingi á
ferðalagi sínu að þessu sinni en
það væri „sól inni og sól í sinni“.
Hún sagði ennfremur í ræðu sinni:
„Forsetinn á að vera eins nálægt
þjóðinni cg kostur er.“
Menntasetrið á
Laugarvatni heimsótt
Síðasti viðkomustaður í þessari
opinberu heimsókn forsetans til
Árnessýslu var Laugarvatn. Ekið
var að Héraðsskólanum, þar sem
Benidikt Sigvaldason skólastjóri
ávarpaði hina góðu gesti. Hann
rakti undirbúning að stofnun
skólaseturs á Laugarvatni og
greindi frá uppbyggingu og rekstri
hvers skóla fyrir sig, en sem kunn-
ugt er eru 5 skólar starfandi á
Laugarvatni. Viðstaddir auk
kennaraliðs skólanna voru nem-
endur Héraðsskólans og barna-
skólans. Vigdís þakkaði fyrir og
ávarpaði nemendur.
Boðið var til kvöldverðar í hús-
mæðraskólanum í nafni Laugar-
dalshrepps. Þar bauð Jensína
Halldórsdóttir forstöðukona gesti
velkomna en veislustjóri var Þórir
Þorgeirsson oddviti. Hreinn Ragn-
arsson kennari flutti ávarp í nafni
hreppsnefndarinnar. Að loknum
kvöldverði var samkoma í
menntaskólanum. Þar ávarpaði
Kristinn Kristmundsson skóla-
meistari forsetann og síðan sýndu
nemendur Menntaskólans að
Laugarvatni tvo einþáttunga. í
hléi gekk forseti um og heilsaði
uppá íbúa Laugardalshrepps sem
margir voru viðstaddir svo og
nemendur skólanna.
Eftir leiksýninguna flutti Vig-
dís Finnbogadóttir ávarp, þakkaði
nemendum fyrir leiksýninguna og
óskaði skólunum á Laugarvatni
alls hins besta í framtíðinni. Um
klukkan 11.30 ók forsetabifreiðin
úr hlaði á Laugarvatni og þar með
lauk opinberri heimsókn forseta
(slands i Árnessýslu að þessu
sinni.
Við Árnesingar vorum mjög
ánægðir með að fá okkar virta
þjóðhöfðingja í heimsókn. Þó að
skammdegi sé og veður geti verið
válynd og þó að dimmt hafi verið
yfir sýslunni okkar um þessa
helgi, þá var bjart í huga fólks og
skemmtileg tilbreyting var það í
skammdegi vetrarins að Vigdís
Finnbogadóttir sá sér fært að
heimsækja okkur nú.
Vilja al-
þjóðabann við
laxveiði í sjó
Á AÐALFUNDI Laxárfélagsins, sem
haldinn var hinn 19. febrúar 1983,
en í félaginu eru félög stangaveiði-
manna á Akureyri, Húsavík og
Reykjavík, var samþykkt neðan-
greind ályktun, sem send hefir verið
forsætisráðherra:
„Aðalfundur Laxárfélagsins
(þ.e. Laxá í Þingeyjarsýslu) sam-
þykkir að skora á ríkisstjórnina að
beita sér fyrir alþjóðasamþykkt
um bann við laxveiði í sjó. Fund-
urinn telur orðið augljóst, að lax-
veiði í sjó byggist nú mest á rækt-
un fisksins, og því sé eðlilegt, að
þeir, sem til slíkrar ræktunar
stofna, eigi að njóta ávaxta erfiðis
síns og tilkostnaðar.
Sérstaklega vill fundurinn vekja
athygli á hinni stórfelldu minnk-
un á laxveiði í ám á norðaustur-
horni íslands, sem miklar líkur
benda til að stafi af mjög auknum
laxveiðum Færeyinga f hafinu
milli (slands og Færeyja. Skorar
fundurinn því á stjórnvöld að fella
niður allar veiðiheimildir Færey-
inga innan fiskveiðilögsögu ís-
lands, þar til laxveiðum þessum
verður hætt.“
Stjórn Laxárfélagsins skipa nú
eftirtaldir menn: Sigurður Sam-
úelsson, Háuhlíð 10, Reykjavík,
formaður, Gísli Konráðsson,
Oddagötu 15, Akureyri, Helgi
Bjarnason, Ásgarðsvegi 15, Húsa-
vík, Jóhannes Kristjánsson, Eyr-
arvegi 33, Akureyri, Ólafur Bene-
diktsson, Hrafnagilsstræti 30, Ak-
ureyri, og Önundur Ásgeirsson,
Kleifarvegi 12, Reykjavík.
Samkomur til
kynningar
á kristni-
boðsstarfinu
VIKUNA 13.—20. mars verða haldn-
ar samkomur í húsi KFUM og K við
Amtmannsstíg í Reykjavík til kynn-
ingar á kristniboðsstarfi, sem rekið
er á vegum Sambands ísl. kristni-
boðsfélaga. Hefjast samkomur kl.
20.30 hvert kvöld vikunnar.
Norskur prédikari, Gunnar
Hamnöy, tekur þátt í þremur síð-
ustu samkomunum og kemur hann
hingað til lands gagngert þeirra
erinda. Auk hans eru meðal ræðu-
manna ýmsir er dvalist hafa um
lengri eða skemmri tíma við
kristniboðsstörf í Kenýa, Eþíópíu
og á Fílabeinsströndinni.
Fern hión eru nú að störfum á
vegum SIK erlendis. Jónas Þóris-
son og Ingibjörg Ingvarsdóttir í
Eþíópíu og þangað eru einnig ný-
farin Guðlaugur Gunnarsson og
Valgerður Gísladóttir og í Kenýa
starfa Kjartan Jónsson og Valdís
Magnúsdóttir auk Ragnars Gunn-
arssonar og Hrannar Sigurðar-
dóttur, sem þangað héldu í byrjun
febrúar sl. Starfsemi SÍK. Áuk
kristniboðsins sjálfs sinna kristni-
boðarnir hvers kyns kennslu og
líknarstarfi og er ráðgert að
kostnaður við starfsemi SÍk verði
á arínu kringum 2,5 millj. króna
sem aflað er með frjálsum fram-
lögum kristniboðsvina.
Fundur hjá
Björkinni
MÁLFREYJUDEILDIN Björkin
heldur fund á Hótel Heklu, Reykja-
vík, í kvöld og hefst hann klukkan
20:30.
Gestur fundarins verður dr.
Gunnar G. Schram.