Morgunblaðið - 27.04.1983, Blaðsíða 32

^/\skriftar-
síminn er 830 33

.^^yglýsinga-
síminn er 2 24 80
MIÐVIKUDAGUR 27. APRÍL 1983
Ljósm. Ómar Ragnarsson.
Tveir menn
fórust með
TF-FLD
FLUGVÉLIN TF-FLD, sem saknað
var í fvrrakvöld, fannst snemma í
gærmorgun í Hvalfirði, um 150
metra undan Hálsanesi í Kjós.
Mennirnir tveir, sem með vél-
inni voru, fundust látnir um
borð. Þeir hétu Svanur Breið-
fjörð Tryggvason, rafvirki, 43ja
ára, og Eggert Karlsson, fram-
kvæmdastjóri, 47 ára. Hvor
tveggja lætur eftir sig eiginkonu
og þrjú börn.
Sjá nánar um slysið á bls. 3.
Eggert Karlsson
Svanur Breiðfjörð Tryggvason
Kafarar við flak vélarinnar í Hvalfirði.
Ríkisstjórnin biðst lausnar á morgun:
Hart deilt á for-
sætisráðherra
í ríkisstjórn
— fyrir að draga framlagningu lausnarbeiðnar
ÓLAFUR Jóhannesson utanríkisráðherra lét stór orð falla á ríkisstjórnar-
fundi í gærmorgun í garð forsætisráðherra, samkvæmt heimildum Mbl. Ólafi
mun hafa fundist forsætisráðherra svifaseinn og tregur til að gefa opinber-
lega yfirlýsingu um lausnarbeiðni ríkisstjórnarinnar. Á fundinum var ákveð-
ið að óska eftir því við forseta íslands, að ríkisráðsfundur yrði haldinn á
morgun, fimmtudag, þar sem forsætisráðherra biðst lausnar fyrir sig og
ríkisstjórn sína.
Ólafur Jóhannesson lýsti því yfir
fyrir kosningar að ríkisstjórnin ætti
að vinda bráðan bug að því að segja
af sér. Ólafi fannst forsætisráð-
herra seinn að gefa yfirlýsingu þess
efnis eftir kosningar, og svör hans
loðin, er hann var spurður opinber-
lega hvenær til þess kæmi. Ólafur
mun hafa komið á fundinn í gær-
morgun tilbúinn til frekari aðgerða,
ef forsætisráðherra legði ekki fram
afsagnartillögu. Til þess kom ekki
þar sem tillagan kom fram, en utan-
ríkisráðherra lét samráðherra
heyra álit sitt á framgangi málsins.
Ríkisráðsfundur hefur verið
boðaður kl. 11 á morgun en ríkis-
stjórnin kemur saman áður. Verða
þar m.a. til umfjöllunar beiðnir um
gjaldskrárhækkanir opinberra
fyrirtækja, sem nú eru í athugun í
ráðuneytunum.
Arnarflug kaupir
Boeing 707-þotu
ARNARFLUG hefur gengið frá kaup-
um á Boeing 707-320C-þotu, sem er
framleidd bæði fyrir vöru- og farþega-
flutninga, og er kaupverð hennar um
18,6 milljónir króna, að sögn Agnars
Friðrikssonar, framkvæmdastjóra
Arnarflugs, sem sagði jafnframt, að
kaupverð vélarinnar væri greitt.
„Við höfum verið með vélina í
verkefnum í Líbýu, þar sem hún
verður áfram í flugi fram til ára-
móta. Flugmenn okkar hafa aðal-
lega verið í matvælaflutningum
milli Líbýu og írlands, Englands,
Frakklands, Vestur-Þýzkalands og
Ítalíu,“ sagði Agnar Friðriksson
ennfremur.
Agnar sagði ekki ljóst hvað tæki
við, þegar samningur félagsins við
Líbýumenn rennur út um áramót,
en áfram yrði leitað að verkefnum
fyrir vélina og hefði hann trú á því
að það myndi takast innan tíðar.
Það kom ennfremur fram í samtal-
inu við Agnar Friðriksson, að Arn-
arflug hefur verið með Boeing
707-þotur í rekstri sl. fjögur ár og
starfsmenn félagsins þekki vélina
því mjög vel.
„Vélin, sem var eign flugfélagsins
Singapore Airlines, var keypt fyrir
milligöngu bandarísks félags. Hún
hefur 42ja tonna burðargetu, en
flugþol hennar, miðað við 36 tonna
burð, er um 5.800 km. Hún er fjög-
urra hreyfla, sem eru af Pratt &
Whitney-gerð,“ sagði Agnar Frið-
riksson.
Hugmyndir um stjórnarmyndun ræddar:
Alþýðuflokksmenn ræða
við fulltrúa kvennalista
Alþýðubandalag kannar viðhorf sjálfstæðismanna
ALÞÝÐUFLOKKSMENN hafa í gær og fyrradag verið að leita
hófanna hjá einstökum kjörinna fulltrúa Samtaka um kvennalista
fyrir hugsanlegu samstarfi kvennalista, Alþýðuflokks og Sjálfstæðis-
fíokks í ríkisstjórn. Þá er Mbl. kunnugt um, að forustumenn í
verkalýðsarmi Alþýðubandalagsins og áhrifamenn í flokknum í
Reykjavík hafa löngun tii stjórnarsamstarfs við Sjálfstæðisflokkinn
og hafa kannað lauslega undirtektir Sjálfstæðismanna við slíkar
hugmyndir. Þreifingar um stjórnarsamstarf hafa verið í gangi síð-
ustu tvo daga og má heyra stjórnmálamenn nefna ýmsa hugsanlega
samstarfsaðila, en eins og kemur fram í frétt Mbl. í dag mun
ríkisstjórnin biðjast lausnar á ríkisráðsfundi í fyrramálið.
Stykkishólmur:
Elstu hjón
landsins með-
al kjósenda
Stykkishólmi, 26. aprfl.
Á KJÖRSKRÁ hér í Stykkishólmi
í alþingiskosningunum á laugar
dag voru 745. Um 600 atkvæði
voru greidd á kjörstað og þar að
auki talin hér um 50 utankjör-
staðaatkvæði.
Elstu hjón landsins, sem
neyttu atkvæðisréttar síns í
kosningunum, gerðu það senni-
lega hér í Stykkishólmi. Sigurð-
ur Magnússon, fyrrum hrepp-
stjóri, 103 ára að aldri, greiddi
atkvæði á sjúkrahúsinu, þar
sem hann liggur nú, en kona
hans, Ingibjörg Daðadóttir,
tæpra 99 ára, fór á kjörstað og
greiddi þar atkvæði sitt.
Fréttaritari.
Mbl. er kunnugt um að einn af
forustumönnum Alþýðuflokksins
hefur átt óformlegar viðræður við
aðila hjá Samtökum um kvenna-
lista um hugsanlegt samstarf
þeirra, þ. e. Alþýðuflokks, fulltrúa
af kvennalistunum og Sjálfstæðis-
flokks. Þingflokkur Alþýðuflokks-
ins kemur saman til fundar í dag
en kvennalistakonur funduðu í
fyrrakvöld. Samkvæmt heimildum
Mbl. ræddu konurnar ekki hugs-
anlega stjórnaraðild eða fram-
komnar málaleitanir frá Alþýðu-
flokksmönnum á fundi sínum,
enda voru viðræðurnar óformleg-
ar.
Innan Alþýðubandalagsins eru
skoðanir skiptar um heppilegustu
samstarfsaðila, en eins og fyrr
segir hafa einstakir forustumenn
úr verkalýðsarminum og flokkn-
um í Reykjavík sýnt mikinn áhuga
á stjórnarsamstarfi við Sjálfstæð-
isflokkinn. { þessu sambandi
vöktu athygli yfirlýsingar Guð-
mundar J. Guðmundssonar í sjón-
varpsfréttum sl. sunnudag varð-
andi hugsanlegt samstarf þessara
flokka. Þess er þá einnig að geta
að hann mun hafa fengið skömm í
hattinn frá nokkrum flokks-
bræðra sinna fyrir þær yfirlýs-
ingar. Miðstjórn Alþýðubanda-
lagsins fundar á föstudag og er
reiknað með að þar verði lagðar
línur um stjórnarmyndunarvið-
ræður.
Sumir þingmenn og áhrifamenn
Framsóknarflokksins telja tíma-
bært fyrir flokkinn að vera utan
ríkisstjórnar um skeið. Aðrir
leggja áherslu á, að Framsóknar-
flokkurinn gangi til samstarfs við
Sjálfstæðisflokkinn í ríkisstjórn
og þá hugsanlega með þátttöku
þriðja aðila, t.d. Alþýðuflokks eða
kvennalista. Samkvæmt heimild-
um Mbl. hafa forustumenn innan
SÍS m.a. lýst áhuga á samstarfi
Framsóknarflokks við Sjálfstæð-
isflokk. Þingflokkur Framsóknar-
flokksins kemur saman kl. 14 í
dag.
Sjálfstæðismenn komu saman
til óformlegs þingflokksfundar í
gær þar sem hugsanlegt stjórn-
arsamstarf var rætt. Voru þar
ræddir flestir kostir, sem fyrir
hendi eru m.a. samstarf við Al-
þýðuflokk og Bandalag jafnað-
armanna eða kvennalista í stað
hins síðastnefnda. Að sögn ólafs
G. Einarsson fyrrverandi for-
manns þingflokksins en þingflokk-
urinn hefur ekki kosið sér nýja
stjórn eftir kosningar, veltu menn
fyrir sér ýmsum möguleikum en
fundurinn var einvörðungu hald-
inn til þess. Hann var spurður
hvort ákvörðun hefði verið tekin
um hver leiddi stjórnarmyndun-
arviðræður. Sagði harin það sjálf-
sagðan hlut að formaður flokksins
færi til fundar við forseta íslands,
hann myndi síðan ræða framhald-
ið við þingflokkinn. Boðað hefur
verið til formlegs þingflokksfund-
ar á morgun fimmtudag, í fram-
haldi af honum verður miðstjórn-
arfundur.
Bandalag jafnaðarmanna kom
saman til miðstjórnarfundar í
fyrrakvöld. Samkvæmt heimildum
Mbl. var niðurstaða þess fundar
að halda öllum dyrum opnum i
komandi stjórnarmyndunarvið-
ræðum.